|
|
 السيرفر أبو ضنيب
|
بسم الله الرحمن الرحيم
على أيامنا ديك ما كان في مدرسة إبتدائية للأولاد في حلتنافكنا بنمشي الحلة الجنبنا بالحمير وكان عندي حمار ضعيييييييييييييييف وضنبو مقطوع باقي فيهو حتة سغييييييييييييييييرة بس
وماكان عندي حبل فكنت لمن أوصل المدرسة بغشو أقردنو وأهبش ليهو في كراعو حتى أوهمو بأني ربطّو وأمش أحضر الستة حصص وأجي القاهو واقف في محلو فاكر روحو مربوط والقاهو واقف مش راقد لأنو فاكر إني رابطو بي حبل قصير حتى لو في قشة بعيدة ما بمش ليها لقصر الحبل الذي في مخيلته الأصغر من ضنبه
طبعاً لي كم يوم ما بقدر أفتح البورد بالنهار الظاهر حظروهو عندي حتى يصرفوني للعمل بدل ضياع وقت الشركة وما دمت ساكن في صحراء فكنت أعاني من الحضور بالليل وفي أثناء بحثي عن مخرج وحل لهذه المعضلة تذكرت شيئين الأول قصة حماري أبو ضنيب وثانياً قصة تشابه السودانين لأنني كثيراً ما سمعت في الخليج هنا أن السودانيين يتشابهون ومن الصعب التفريق بيهم فقلت طيب أنا ما أحاول أغش السيرفر بتاعي أوقول ليهو أنا عايز أفتح صحيفة سودانايل وأخليهو بعد يتلفت كدا وأقوم أفتح سودانيز أون لاين ... أنقر ما غشيتو؟؟؟
|
|
 
|
|
|
|
|
|
|
|
Re: السيرفر أبو ضنيب (Re: بدرالدين شنا)
|
بسم الله الرحمن الرحيم
حبيبي هوب لس
سلااااااااااااام وشوق
أرجو وطي صوتك ما يقوم سيرفرك يسمع ويكلم سيرفري
سيرفري وسيرفرك دخل المسفر سيرفري سرف سيرفرك يقدر سيرفرك يسرف سيرفري زي ما سيرفري سرف سيرفرك؟؟؟
المحبوب سجيمان
سلاام بقدر ظرفك
غشيتو قلت ليهو عايز أفتح سودانايل وفتحت سودانيز أون لاين فهو تشابهت عليه السودانيات
لك حبي وأحترامي
| |
|
|
|
|
|
|
|
|
|
Re: السيرفر أبو ضنيب (Re: bayan)
|
الأخ بدر الدين شنا
لك كل الود والتقدير
وصباح جميل بوجودكم دايماً
والله قصة طريفة رجعتنا لأيام خلت
وكأني معكم في تلك المدرسة
عندي قصة مشابهة لقصتك بس العكس
كانت عندي حمارة إذا أتفكت الحلة كلها لو أجتمعت ما تقبضها
بس أنا كنت بجيبها بسياسة بسيطة جداً
كنت أرفع طرف العراقي أو الجلابية وأعمل نفسي جايب ليها عليقة
وبالمناسبة كنت مدلعها خالص لو جابوا لي حلاوة من السوق او أي حاجة حلوة كنت بفضلها على نفسي وأكلها لذا كانت بتنخدع بسرعة
وتجيني بكل فرحة وسرور لكي تدخل القيد من جديد
والمضحك إني كنت بقبضها بالطريقة دي كل مرة والحيلة بتنطلي عليها
الله برحمها ويرحم أيامها الجميلة
بس السيرفر حتغشه كيف عاد
مع إنه غشه أسهل من غش حمارتك المسكينة
| |
|
|
|
|
|
|
|
|
|
Re: السيرفر أبو ضنيب (Re: بدرالدين شنا)
|
بسم الله الرحمن الرحيم
دكتور بيان يا دفعة
سلام وإحترام
ما تشوفيش وحش يا دكتورة
وأنا فخور بهذه الدفعنة لكن تاني كان سمعتك قلتي لي زول في البورد دا ياولدي ولا يابتي بزوغ من دفعنتك عشان بتكبرني
لكي تحياتي أيتها الفذة
المحبوب حبيب بلدو
سلام بقدر حبك للبلد
| Quote: وبالمناسبة كنت مدلعها خالص لو جابوا لي حلاوة من السوق او أي حاجة حلوة كنت بفضلها على نفسي |
ولو كان بك خصاصة؟؟؟
أسعدتني هذا الطلة أكتر من سعادة حمارتك بالحلاوة
| |
|
|
|
|
|
|
|
|
 Re: السيرفر أبو ضنيب (Re: بدرالدين شنا)
|
الحمد لله الذي جعل حماركم يدخل من ضمن وسائل النقل المدرسي في زمان غير زماننا هذا ، والمفروض أن تقوم المنظمات المدافعة عن حقوق الحيوان بمحاكمتكم لإغترافكم هذا الجرم الكبير فأولاً قطعتوا ضنب الحمار وأصبح حمار بي ضنب قصير التيلة أضف إلى ذلك أنكم غشتتم الحمار وأوهمتموه بأنه مربوط وظل هذا الحمار عايش حالة الوهم هذه طوال أربعة عشر عاماً هي فترة وجودكم في التعليم الأولى أو الإبتدائي ، وأجد أن معاملتكم لهذا الحمار المسكين معاملة أقل ما يوصف بها أنها جريمة.
بعدين يا البدري إنت بدل ما تغش الحمار وتوهمه إنو مربوط ما كان تخليهو يحضر معاك الحصص خاصة وأن مدرستكم العامرة لا تحتوى إلى كراسي والدراسة في بروش وهي جمع برش على الأرض والحمار بيقدر يبرك.
أما غشة السيرفر هذه فيفتي فيها خبراء الكمبيوتر وعلماء النظم والبرمجة
| |
|
|
|
|
|
|
|
|
|
Re: السيرفر أبو ضنيب (Re: بدرالدين شنا)
|
بسم الله الرحمن الرحيم
الغالي جيمس
سلاااام وعافية
وإنت عايز تربطني معاهم مش كدا؟؟؟
أنا لو عارف البصل الأخضر بربطني بالناس الحنينين ديل كنت زرعتو عديل كدا
| |
|
|
|
|
|
|
|
|
|
Re: السيرفر أبو ضنيب (Re: بدرالدين شنا)
|
بسم الله الرحمن الرحيم
ملاي حياتي حبك بالمسرة
سلاااااااااااااام بطول لسانك
إنت معاي ولا مع الحمار؟؟؟
| Quote: وظل هذا الحمار عايش حالة الوهم هذه طوال أربعة عشر عاماً هي فترة وجودكم في التعليم الأولى أو الإبتدائي |
الملا (حمر) حرام عليك 14 سنة في الإبتدائي؟؟؟
تعال عليك الله قردني في كراعي دي
| |
|
|
|
|
|
|
|
|
|
Re: السيرفر أبو ضنيب (Re: بدرالدين شنا)
|
بسم الله الرحمن الرحيم
المحترمة رمانة
سلام بنكهة الرمان
الله يباريك فيك وأنا أكثر سعادة بشوفة الجميلين
خايف أقول ليك (نوناتك) حلوات يقولوا دا غزل
حلوات نونات كلمة حننني كدا كيف؟؟؟
| |
|
|
|
|
|
|
|
|
 Re: السيرفر أبو ضنيب (Re: بدرالدين شنا)
|
بدر الدين والله انا بضحك مما كلمتنى وقبل ما افتح البوست .. ولما فتحتو بضحك لى هسه لووووووووووووووووووول وما عارفه لو ما حكيت لى كان حصل شنو ؟ لوووووووووووووول
الله يديك العافيه.. لكن رغم كل شىء الواحد الليله خفت كتير من همومو ..ربنا يخفف عليك كمان وكمان ..والبركه فيك ..
مشيت وين يا عم بعد الغداء ..تلفونك ما بترفعوا نهاااااااااااائى على قول صاحبك جمال
لنا عودة ان شاء الله
| |
|
|
|
|
|
|
|
|
|
Re: السيرفر أبو ضنيب (Re: soma)
|
سلام مر بع
بدر
الليلة اتحولت
من شين
لي غشاش
كملت غش الحمير
وقبلت على غش السيرفر
هاههههههاهاه
لكن ما بالغت في الاتنين
وحات نظري انت المجنتـــر
هاهاهاهاهاهااهاهاههاها
| |
|
|
|
|
|
|
|
|
|
Re: السيرفر أبو ضنيب (Re: بدرالدين شنا)
|
بسم الله الرحمن الرحيم
النفيسة سوما
سلاااااااااااام وإحترام
النفيسة وليس (النفسا) يعني الغالية الباهظة الثمن عشان ما يفهموني الجماعة خطأ وينزلوا فيك حمدلله على السلامة ومبروك المولود
تلفوني ما برد بعد ياتو غداء؟؟؟ غداكم ولا غدانا؟؟؟
الجماعة العزابة عندهم أغنية بقولوا فيها
حلاة البيت برا مره
أترتر كدي كدي لي ورا
أها أنا الليلة الخواجة حقي سافر والخواجة التاني ما جاء يعني قاعد براي وأغني
حلاة المكتب برا مدير
أترتر كدي كدي وأطير
شيري بت أم شيري
سلااااااااااااااام مسلح
والله كان ما خايف من هترشتك كنت نفستك إنتي ذاتك
الحمير أنا ما كملت (غشهن) الحوش مليان غش الياكلن كان دايرات ياكلن
دي بالسوداني
الغشة التي غصمت ظهر البعير
يديك العافية يابت أم شيري
| |
|
|
|
|
|
|
|
|
|
Re: السيرفر أبو ضنيب (Re: بدرالدين شنا)
|
العزيز بدر الدين شنا
يازول حمارك عينة باين عليهو كان مخو في ضنبو ههههههههههه يكه
اها لو داير تطبق نفس النظرية عشان السيرفر ما يمشي جاي ولا جاي اقطع ليهو ضنبو برضو وتوووش لي سودانيز اون لاين
زاتوووووو
| |
|
|
|
|
|
|
|
|
 Re: السيرفر أبو ضنيب (Re: بدرالدين شنا)
|
أخي بدر الدين
كمثل الحمار يحمل أسفارا ، والحمار ده يا بدر الدين لمن يكون شايل واحد والواحد شايل كتب بتبقى المسأله زي الفتوي التي أصدرها رجل ما ناقش أى حاجه عندما سألوه عن التمباك وكان يكره التمباك كراهية شديدة فقالوا ليهو يا شيخنا التمباك بيبطل الوضوء ، قال ليهم لو في راجل راكب جمل والجمل ده فيهو سرج وفوق السرج بردعه والجمل ماشي وعفص تمباك يكون وضؤ الراجل الراكب إتنقضت ، تصور ده شنو أصلو ، إذا كان كهرباء وضغط عالى برضو ما بتصل.
أما حكاية سنوات الخبرة أقصد الدراسة التي قضيتها في المرحلة الأولية فقد راعيت فيها عدم حساب بعض السنوات ولكن تبقى الأربعة عشر سنة هي الحد الأدنى لك وراعيناك في المسألة كما ينبغي ، وإجابة عن سؤالك أنا مع منو معاك ولا مع الحمار فأقول لك أنا مع الحق والحق في هذه المرة أخي بدر الدين مع الحمار رضيت أم أبيت.
بالمناسبة يا البدري الحمار كان كربريتر عادي ولا بخاخات وهل كنت تملك أى أوراق ثبوتيه تبين ملكيتك لهذه الدابة وما هي العلامات الفارقة في حماركم غير الذيل المقطوع والربط على الجوع وهل هو حمار من حمير دنقلا ماركة خمسه شنكل طولاً أم زي حمير العرب التي بالكاد تميز بينها وبين أي عتوت وهل هناك أى علاقة بينه وبين حمار الهدوم أو حمار النوم أو حمار للبيع.
| |
|
|
|
|
|
|
|
|
|
Re: السيرفر أبو ضنيب (Re: بدرالدين شنا)
|
بسم الله الرحمن الرحيم
الحبيب إلى نفسي الزول زاتوووووو
سلاااااااااااااام وإرتياح
ضحكتني مخو في ضنبو دي
هسع أنا قطعت لسانك دا بدخلني وين؟؟؟
إنت لسانك دا بتفرشو للرؤساء لمن يزوروا السودان؟؟؟
الرجل الثروة ملا عمر
سلاااااااااام ومحبة
كمثل الحمار يحمل أسفارا ، والحمار ده يا بدر الدين
هسع عليك الله يا ملا أنا أسفارا؟؟؟ (أسفاراز آي نو) وإنت كان شفتني أنا في الزمن داك كنت أضعف من حماري
حلوة قصة مفتي التمباك دا
وهل كنت تملك أى أوراق ثبوتيه تبين ملكيتك لهذه الدابة؟؟؟
عندي شهادة التسنين بتاعتو وبعض شهاداتو بتاعة التخرج
قال أوراق ثبوتية قال
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
بدرالدين شنا
سجيمان
bayan
Habib_bldo
ابو جهينة
james
almulaomar
rummana
shiry
دورنقاس
ALZOLZATOO
فيس بوك
تويتر
انستقرام
يوتيوب
بنتيريست