الشباب السوداني بالتنسيق مع القوى السياسية السودانية بولاية كولارادو يدعون لوقفة يوم الأحد ٤ ديسمبر
ما الذي جرى لحسين خوجلي؟
التفكير الاستراتيجي و التفكير الآني - بين العصيان المدني و المقاطعة الجزئية آراء و مقارنات
الوقفة الاحتجاجية الكبرى بفلادلفيا لدعم العصيان المدنى فى السودان
سقف العصيان ، زوال النظام ..هكذا يقول فقه الثورات !
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   

Latest News Press Releases

مرحبا Guest [دخول]
اخر زيارك لك: 12-03-2016, 02:33 AM الصفحة الرئيسية

مكتبة بدرالدين شنا(بدرالدين شنا)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

الداير يباكيني يجيب عامودو هنا

06-24-2003, 06:12 AM

بدرالدين شنا
<aبدرالدين شنا
تاريخ التسجيل: 07-30-2002
مجموع المشاركات: 3514

للتواصل معنا

FaceBook
تويتر Twitter
YouTube

كيف احذف مداخلة من بوستى
الداير يباكيني يجيب عامودو هنا

    بسم الله الرحمن الرحيم

    ياخوانا ما هي دواعي البكاء؟؟؟
    وهل للبكاء مقاييس معينة؟؟؟

    أنا بكيت تلاتة مرات ومافي زول عبرني وسخروا مني
    يعني أكون بكيت في (الرونق تايم) زي ما بقولوا الخواجات ولا شنو؟؟؟

    البكية الأولى
    في واحد بنقلاديشي كان شغال بسلّك في (السبتك تانك) في بيت واحد سوداني في عمان فلسوء حظه حدث خطأ المهم الراجل الرملة دفنتو بالكامل ما فضل فيهو في الخارج إلا إحدى يديه والتي يزينها خاتم في أصبعو به فاروصة زرقاء
    المهم الناس تجمعت حول الحادث وكان ضمن الحضور أخوات مصريات فأنا الموقف دا هزاني وبديت أبكي
    واحدة من المصريات سألت
    هو يأربلو حاقة؟؟؟
    والإجابة كانت لا
    طب ليه يعيط؟؟؟

    البكية التانية
    كانت أمي تحكي لأحدى جاراتها قالت ليها والله يا فاطنة نحن أولادنا ديل حنينين خلاس يعني البدري ولدي دا لمن مرتو ولدت بي بتها الأولى دي بكى جنس بكا وقبل ما تتم الجملة المرة نطت تقول قارصها دبيب وقالت لي أمي
    عواليق وبس هسع الببكيهو شنو؟؟؟

    البكية التالتة
    في الإجازة الفاتت دي قبل شهرين حضرت لي حفلة وقام الفنان غنى أغنية (ياطير ياماشي لي أهلنا) بتاعة صالح الضي الله يرحمو ويغفر له وأنا بي صراحة الأغنية دي لو غناها حمار برضو أنا ببكي المهم قعدت في نص الحفلة وجعرت جعير شديد زي الزول الما حضر الموت وجاء متأخر النوع البخت عمتو في وشو ويكب الجعري داك
    أها الحفلة كلها إستغربت وقالوا
    هسع دا ببكي مالوا كان مو مجنون؟؟؟

    يعني بكيت في السودان سخروا مني
    بكيت في عمان سخروا مني
    هسع داير أبكي في البورد دا والداير يباكيني يجيب عامود بكاهو ويجي هنا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-24-2003, 06:40 AM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: بدرالدين شنا)

    تعرف يا بدر الدين
    انا من الليلة بسميك بدر الحنيين
    عشان كدا قاعدين نقول انو الثقافة الذكورية بتصادر انسانية الجنسين
    البكاء احتياج انساني
    والمابتعاطف مع زول ببكي دا زول الله يعينو على نفسه
    البكية التالثة دي مشتركين معاك فيها انا وابومهيار
    الاغنية دا انا هسي لو سمعتها ببكي ومتأكدة انو ابومهيار لو سمعها برضو حيجعر
    ياحليلو الله يوفقو ويردو بالسلامة
    بالمناسبة انا من امس رايحة لي بكية
    خلاص بس ياني القاعدة اعزي ليك في بوستك دا للصباح

    (عدل بواسطة الجندرية on 06-24-2003, 06:46 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-24-2003, 06:40 AM

bint algazeira
<abint algazeira
تاريخ التسجيل: 06-29-2002
مجموع المشاركات: 571

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: بدرالدين شنا)

    البدري الحلا
    ياخوي البكاء بقي بدون عامود
    يعني ماعندي عامود لكن جيت اباكيك وابكي معاك
    الزمن دا البكاء بقي صعب الظاهر الناس قلوبها بقت قاسيه
    لكن يااخوي كان نزلتا لينا اغنية ياطير ياماشي لاهلنا هنا في البوست دا ياانا الباكيناك وفرشنا معاك كمان
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-24-2003, 06:47 AM

ابو جهينة
<aابو جهينة
تاريخ التسجيل: 05-20-2003
مجموع المشاركات: 19783

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: bint algazeira)

    بدر الدين أخوى : صباحاتك عامرة بالفرح ،

    أولا البركة فيكم في البنقلاديشي. و أظن أن الدموع مهمة يا أخي ، مهمة جدا. نفسيا و صحيا. يعني لا تقل أهمية عن الضحك و بقية المشاعر. و حبس الدموع و مغالبتها أمر له خطورته. فأطلق لدمعك العنان ، مع دعواتي لك بإبتسامات عريضة دائما.
    أها جيتك بي عامودي العامر و جيتك.
    واحد من جماعتنا مسطول قال لي واحد كدة بيبكي في المقابر : إنت الزول دة قريبك.
    قال : لا
    فقال ليهو : طيب فاقد سوائل مالك ؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-24-2003, 07:26 AM

HOPELESS

تاريخ التسجيل: 04-22-2003
مجموع المشاركات: 2465

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: ابو جهينة)

    اللاخ بدر الدين حلا
    سلام واحترام

    هسع الببكيك شنو؟؟؟؟؟؟؟؟؟؟؟؟؟؟؟؟؟
    دا بورد بكاء؟!!؟





    .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-24-2003, 07:37 AM

Elkhawad
<aElkhawad
تاريخ التسجيل: 02-05-2002
مجموع المشاركات: 2842

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: HOPELESS)

    البدري يا اخوي دحين مافي طريقه تصرف لينا مناديل
    باقي لي الايام دي
    بقت علينا الات اليتيم



                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-24-2003, 07:29 AM

Shinteer
<aShinteer
تاريخ التسجيل: 09-04-2002
مجموع المشاركات: 2083

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: بدرالدين شنا)


    غايتو يا البدري .. بس الجعيرة الـ بمناسبة وضوع الزوجة دي أنا ما راكبة لي في راسي تب. هو الزول مفروض يبكي وللا يضحك؟ أين الخبراء؟

    (عدل بواسطة Shinteer on 06-24-2003, 07:35 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-24-2003, 07:33 AM

دورنقاس
<aدورنقاس
تاريخ التسجيل: 06-08-2003
مجموع المشاركات: 1148

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: بدرالدين شنا)

    اخى بدرالدين شنا


    ياخــــوى المسعلة ما مسعلة عمود
    اظن المهم عندك الكشف..... عليك الله تقسم لى معاك

    حلاتو شناتو
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-24-2003, 07:47 AM

alfatih
<aalfatih
تاريخ التسجيل: 02-04-2003
مجموع المشاركات: 1150

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: بدرالدين شنا)

    بدر الدين الحبيب السمح


    ابكى ابكى فضفض
    عشان مرات الواحد
    محتاج يخرج كمية املاح
    زائدة
    كدى زح لى معاك فرقة

    النسعلك
    انت قاعد فى راكوبة
    ولا صالون ؟
    عشان كلما الصالون
    يكون كبير ... كلما
    زاد الجعير


    فضفض
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-24-2003, 08:00 AM

tmbis
<atmbis
تاريخ التسجيل: 10-19-2002
مجموع المشاركات: 24857

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: alfatih)

    بدرالدين


    تلاتة بس
    تلاتة الساهلات دي

    اها ايه رايك

    نحنا عمرنا كلو شايلنو بكاء

    ودي من اعظمالامور الخصانا بيها ربنا سبحانه وتعالي كسودانيين ..بنحس بي الآم غيرنا وبنعبر بي انسانيتنا
    ونعبر بي انسانا الجوانا

    وما اصدق دموعنا وحوجتنا ليها في ساعات الشدة




    اديك سامبل شان تعرف حاجه ؟؟؟




    شكرن للبكية دي يا بدرالدين لانو كلامك ده ذاتووو يبكي ايه رايك
    والا اصلو أنحنا الايام دي متحيلين


    غايتو كان جاتني بكية كاربه
    بجيك صاد
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-24-2003, 09:22 AM

almulaomar
<aalmulaomar
تاريخ التسجيل: 07-08-2002
مجموع المشاركات: 6327

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: بدرالدين شنا)

    أخي الكريم أبو ربى
    البكاء أنواع وأشكال أو قل خشم بيوت وتكون كمية زرف الدموع في عملية البكاء متناسبة مع نوع البكاء ورغم أن الأسباب قد تتعدد يسمي في النهاية مسمى واحد ألا وهو البكاء. فهناك الحنان شديد الذين يبكون في المسلسلات وأى فلم هندي أو دراما عربية ، وهناك الذين يبكون من الشطة أو خوفاً من كلاب الجيران ، وهناك الذي يبكي من الشماسة عندما يزروهو في فرقه وهناك دموع التماسيح وهناك البكاء من شدة الضحك وفي دموع تقطيع البصل خاصة إذا كان البصل أحمر وهناك دموع الغاز التي تستخدمها قوات البطش في كل مكان لتفريق التظاهرات والتجمعات سلمية كانت أم غير سلمية ، وهناك البكاء من دخول الصابون في العيون أيام أن كان الإستحمام مرتين عند اللزوم ووهناك بيت البكا بتاع عرس الشهيد وده عادة ما يكون بي ترباس أو الصحافة أو الثورة بالنص وهناك دموع الشموع الساخنة أيضاً البكاء على الأطلال. ابكي ألم الفراق أخي بدر الدين وعينك لو ما دمعت تكون شقي ، خليها تدمع إن شاء الله تطبظها بأصبعك حتى لو فيهو ريحة أو باقي تمباك. وأديها بكية تديك دموع وترتاح ، يقال أن الحاجة بنونه عليها رحمة الله كانت في مهمة لأداء العزاء لأسرة إحدى قريباتها وكان في معيتها فردتها وشقيقتها الحاجة عشه عليهن وعلى جميع أموات المسلمين رحمة الله ، فبكت الحاجة بنونه حتى جرى دمعها بشلوخها وتعبت من البكا فما كان منها إلا أن قالت لأختها عشة أبكي يا عاشه أختى أنا فترت.
    وقد جاء في الأثر اللهم إنا نعوذ بك من علم لا ينفع، ومن قلب لا يخشع ومن عين لا تدمع ومن دعاء لا يسمع. اللهم إنا نسألك الهدى والسداد فأهدنا وسددنا.
    --
    أما حكاية العمود في بيت البكا فأنسي وعيش يا البدري الناس أصحاب البكا الزمن ده بيفاخروا بيهو وبقى القعاد في كراسي والفاتحة بالإنجليزي والشاي بالنعناع والونسة بالشبح واللاندكروزر وصيف لندن وشتاء القاهرة وصفقة الكمبيوترات والمخطط الجديد في مدينة النيل ومزارع شبعا ده في صيوان الرجال أما عند الحريم فهو عبارة عن فاشيون شو دى توبها من لندن وديك شعره عاملاهو بالميج وديك بإف ستة عشر وديك أصلها ما بتتنزل لي من حلق وهاك يا مشاط.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-24-2003, 09:35 AM

ود عقاب
<aود عقاب
تاريخ التسجيل: 03-10-2003
مجموع المشاركات: 869

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: بدرالدين شنا)

    نبكى من النوازل نحن كان نرتاح من بكانا
    قلى كيف نرتاح ونحن بنكى من شده هوانا
    بدر الدين الجميل الله لا جاب بكاء
    ودعقاب
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-24-2003, 09:50 AM

Tumadir
<aTumadir
تاريخ التسجيل: 05-23-2002
مجموع المشاركات: 14699

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: ود عقاب)

    طبعا انا متخصصة دموع افلام

    من ما الفيلم يبدا ينونى كدة، والموسيقى التصويريةتبدا "تتنايص"، اولادى طوالى بعاينو لى وشى

    وانا ما بقصر ، الدموع للحنك


    سؤالى يا بدر الدين خاتم البنقلاديشى حصل ليه شنو؟؟؟

    لكن مصريتك دى بالغت
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-24-2003, 10:36 AM

maia

تاريخ التسجيل: 03-05-2002
مجموع المشاركات: 2542

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: بدرالدين شنا)

    بدر الدين الماشين
    ابكي ولا يهمك وكبكب الدموع بالعشرات

    اما بالنسبة للعمود فما تشيل هم بنجيب ليك عمدان وصواني لو حبيت بس خلي حائط المبكى يكون جامد ما حيطة جالوص كمان تقوم توقع الناس نبقى في مشكلة تانية

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-24-2003, 10:37 AM

Ahlalawad

تاريخ التسجيل: 02-05-2002
مجموع المشاركات: 2815

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: بدرالدين شنا)


    غايتو يا بدر الدين الله بحاسبك نهارت الغيامة .. الغنوة بتهرس كباد ناس كتار .. نحن غايتو نحمد الله لا بكّانا الموت ولا الولادة ولا الوداع .. شفت القسوة دي؟ وكان فينا كبدة كان الغنوة دي ... لكن صالح الضي زماااان لمن كنا صغار (وأنا كنت صغير على فكرة) كانت بتكبينا أغنية سوف أنساكي وأنسى كل شيء عن هوانا . رغم إنو ما كان عندنا هوى ولا واحدة ننساها بل ما كنا عارفين معاني الكلمات زاتا . أنا قايل أحسن تقلع الصيوان دا قبل ما يبقى صيوان وصواني وطواقي ومراكيب .

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-24-2003, 10:39 AM

بدرالدين شنا
<aبدرالدين شنا
تاريخ التسجيل: 07-30-2002
مجموع المشاركات: 3514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: بدرالدين شنا)

    بسم الله الرحمن الرحيم

    الأخوة الأعزاء سلام
    أولا أود الإعتذار لتأخير الردود وذلك بسبب إنقطاع الكهرباء مع ملاحظة إنو أنا في دولة خليجية .. يعني كان لازم الكهرباء دي تحرجني مع ضيوف اول مرة يزوروني

    الغالية الجندرية
    سلام وإحترام

    أنا لو كنت عارف بكاي بجيبك كنت جعرت زماااااااااان
    صدقيني رغم إنو بوست بكا لكن أنا سعدت سعادة لا حدود لها بهذه الطلة
    تحياتي ليك يا شفيفة وللكثيف أبو مهيار

    المحترمة بت الجزيرة
    سلام وإكرام

    مرحب بيك بدون عامود وأضم صوتي لي صوتك بل والح في الطلب من أي زول بإمكانه أن ينزلها لأنها ليست عندي بالإضافة إلى جهلي في كيفية إنزالها لك الود

    الصديق ابو جهينة
    سلام يا حُر

    لكن عامودك خطير وضحكني في بيت البكا وقدام النسوان
    لك التقدير

    الحبيب هوب لس
    سلام أردام

    دا بورد بكاء؟!!؟
    لا دا بورد إيفل
    تحياتي

    الجميل الخواض
    سلام وحلو كلام

    أديني اللات اليتيم وأنا بديك المناديل

    الظريف شنتير
    سلام بقدر حسنك

    ولا أنا يا شنتير ما راكبة لي في راسي لكن ركبت في عاطفتي


    العزيز دورنقاس
    سلام بي كميات

    تستاهل يا حبيب .. وانا ضاربني فيها حجر دغش


    الرائع الفاتح
    سلام وحب شديد

    أنا هسع قاعد في صحراء فسحة كبيييييييييرة بس إنت أبقى جعار

    الغالي تمبس
    سلام مسلح بالأسمنت

    والله يا تمبس وماك طالبني حليفة أنا أكتر زول بكاي وكان عندي هنا في الغربة حجر عاملو حجر المبكى وفي البيت عندي المراية بتاعة الحمام والله دي لو جربتها فيها حلات بكية لأنو كل ما تشوف روحك في المراية بتحس بالهزيمة أكتر والبكا بزيد
    لك الود

    أبو أحمد ملا عمر
    سلام وريد ومحبة

    بالإضافة للبكاءات التي ذكرتها هناك بكاء أتمناه وأسعى إليه بكل ما أملك وهو البكاء عند قراءة القران أو سماع سيرة المصطفى صلى الله عليه وسلم
    وكما بكيت مرة لمن حسيت بي أشياء تغيرت في مجتمعنا القروي
    وكمان بكيت لمن جاتني بنت في منتهى الجمال صاغرة تتطلب مساعدتها بحفنة قروش لشراء دواء
    والبكاء كتير وكتير
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-24-2003, 11:04 AM

بدرالدين شنا
<aبدرالدين شنا
تاريخ التسجيل: 07-30-2002
مجموع المشاركات: 3514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: بدرالدين شنا)

    بسم الله الرحمن الرحيم

    الحبيب ود عقاب
    سلام يا رائع

    ياخي زي ما قال أخونا ابو جهينة البكاء دا مشاعر لابد منها فإنت أبكي في النوازل وبعد تنتهى أبكي لي معاك في الحاجات التانية

    الحنينة تماضر
    سلام بقدر روعتك

    الببكيك دا الجمال الجواك يا تماضر
    أما موضوع الخاتم أبو فاروظة
    ومال أنا بعيط عشان الفلم؟؟؟

    بتنا ميّا
    سلام وإحترام

    الحيطة قوية تب رايك شنو نلهط الصواني أول وبعد داك نبكي؟؟؟

    الصديق أهل العرض وفي رواية أهل العوض
    سلام لمن تزهج
    والله ما تبكي معاي ما أرضى منك
    وصيواني ما بقلعوا وووووووووووووووووووووووووووووووووب علي
    ااااااااااااااااااااااع
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-24-2003, 11:11 AM

ابو جهينة
<aابو جهينة
تاريخ التسجيل: 05-20-2003
مجموع المشاركات: 19783

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: بدرالدين شنا)

    بدر الدين

    الله يجازيك بكل خير

    لقد أضحكتني حتى ( تعقد الخواجة الذي بجانبي ) ، بالله ممكن تقرم لي حتة من المراية بتاعة حمامكم أختها في الشنطة.
    تسلم.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-24-2003, 11:23 AM

maia

تاريخ التسجيل: 03-05-2002
مجموع المشاركات: 2542

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: بدرالدين شنا)

    ما عندك مشكلة يا بدرالدين
    والله كلنا رايحة لينا بكية
    لكن ما مشكلة نلهط الصينية في الاول عشان الناس تبكي بمزاج
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-24-2003, 12:19 PM

بدرالدين شنا
<aبدرالدين شنا
تاريخ التسجيل: 07-30-2002
مجموع المشاركات: 3514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: بدرالدين شنا)

    بسم الله الرحمن الرحيم

    الصديق أبو جهينة
    سلام مدجج بالحب

    خلاس إنت إستحما في بيتكم وتعال ابكي عندنا رايك شنو؟؟؟


    بنتا العفيفة ميّا
    سلام وتهذيب

    شبعتي ؟؟؟
    يلا قومي نخلّص البكاء القدامنا دا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-24-2003, 01:22 PM

مهاجر
<aمهاجر
تاريخ التسجيل: 11-23-2002
مجموع المشاركات: 2997

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: بدرالدين شنا)

    الحبيب بدر
    حقيقة انا بديك العذر لما بكيت في زلادة بنتك لكن انت ابيت تقول كنت خايف علي منو
    الزوجة اهما
    ونحنا هنا بنقول عليها العضم والعضم اهما حاجة بعدين الكشب والتوابع بتجي

    حقيقة نبكي ويكون البكاء عند ذكر الحبيب الصمطفي وابكي امام سيدنا حمزة ومصعب الخير وسيدي عبدالله بن جحش
    ونبكي في الغربة كثير

    انا ماقاعد ابكي يوم العيد تخيل لكن في مواقف كتير ببكي الا يوم العيد في السودان ببكي لاني بتذكر ناس عزاز فقدت طلتهم يوم العيد اما في الغربةة فبقي الموضوع عادي صلاة والسلام

    ابكي اجمل حاجة انك تبكي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-24-2003, 01:44 PM

جدو
<aجدو
تاريخ التسجيل: 03-19-2003
مجموع المشاركات: 731

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: بدرالدين شنا)

    بدر الدين الحنين
    سلام واعجاب واكبار


    وبرضو من انواع البكاء
    ذلك الذي يداهمك فجأة
    عندما ترى مريضا مسكينا لا يستطيع
    شراء دواء ليقيه شر معاناة المرض


    الله يديك العافية
    ويكفيك شر مبكيات الدهر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-24-2003, 04:33 PM

ebrahim_ali
<aebrahim_ali
تاريخ التسجيل: 02-05-2002
مجموع المشاركات: 2968

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: جدو)

    البدري ياحنيييييييين لكن ماتقول لي بكاي لمن غلط حسي نحن الواحد لو عائز يجاملك في الغربة ‏الحارة دي الا بعد ما خلاص يكون عائز ينوم ويذكر البلد وناس البلد وحلاة البلد وبت البلد وكل ‏حاجة حلوة في البلد بعد كده ممكن الواحد يجاملك بس بجي يقول ليك انا امبارح جاملتك ياشنا ‏بس ما فيها جوعير وكده بكاء صامت وهذا نوع خطير من انواع البكاء ‏
    كان الله في عون الجميع تحياتي لك ياغالي (ملحوظة صغنتوتة دائماً تبداء ردودك أو بوستاتك ‏بالبسملة دا من العين ولا شنو لووووووووووول)‏
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-24-2003, 05:44 PM

Yassir7anna
<aYassir7anna
تاريخ التسجيل: 09-08-2002
مجموع المشاركات: 2619

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: بدرالدين شنا)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-24-2003, 05:58 PM

عشة بت فاطنة
<aعشة بت فاطنة
تاريخ التسجيل: 01-06-2003
مجموع المشاركات: 4572

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: بدرالدين شنا)

    بسم الله الرحمن الرحيم ، الرجوع لله يا البدري ، اها العمود اختو وين
    ، نفسى انقطع لمن وصلت الصحرا ، والله ليك حق تجعر حسى الصقيعة دي ما بتكتل عديل اسكن اها اكل بسم الله الرحمن الرحيم ملاح مفروك ملحا انا بمشى وبجي راجعة النشوف حكاية خاتم لبنقلاديشى دا واجي..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-24-2003, 08:27 PM

anwar abu gaidaa

تاريخ التسجيل: 04-30-2002
مجموع المشاركات: 1307

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: عشة بت فاطنة)

    بسم الله الرحمن الرحيم
    الفاتحه؟؟؟
    هو يعنى ما بيت بكى؟
    اها نان شنو؟
    والله الزول يا طمسه يا فكة منو؟؟؟
    وما بتحصلنى؟؟ فيلم نبكى؟
    نتكلم بالتلفون نبكى؟
    نتذكر نبكى؟
    اها انا جاييك اتباكاك واتباكى معاك؟
    يقولو جنو؟ يقولو فكت؟
    المهم البطين الايسر ده اتنفس؟
    وناكل من عامود عشه بعد تخاسيم واستغفار؟؟
    انور







    يوم العركه الفى الحراره
    بتشبع الصقار مراره
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-24-2003, 08:53 PM

Hozy

تاريخ التسجيل: 01-13-2003
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: بدرالدين شنا)

    طبعااخي يابدر الدين
    انا مسألة البكا والحزن دي فنانة فيهم شديد

    اها ارجاني هسه بجيك
    بس عامود شنو؟
    انا عندي سيستمز جديدة للبكا

    بس اصبر لي شوية راجعــــــــة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-24-2003, 11:05 PM

ABUHUSSEIN
<aABUHUSSEIN
تاريخ التسجيل: 08-14-2002
مجموع المشاركات: 28950

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: بدرالدين شنا)

    أول امبارح عايز ليك دلوكـة و هـجـيـج

    و الليلة عايز تبكـي حكايتك شـنـو يا خـوي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-24-2003, 11:20 PM

وجن
<aوجن
تاريخ التسجيل: 07-30-2002
مجموع المشاركات: 1796

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: ABUHUSSEIN)

    جيت أرد ليك قبل ما أقرأ كلامك وأقول ليك أنا بباكيك
    من غير ما أعرف الحاصل شنو زاتوووووو
    عارف ليه لآنى بريدك لله فى لله يا أستاذى الغالى بدر الدين
    والليله والليله إن شاء الله أم رُبى ما تزعل منى
    هى زاته بريده والله من قبل ما أعرفه
    لكن تانى قلت أحسن أشوف الببكيك شنو يا أستاذى
    إن شاء الله آخر بكياتك فى الدنيا
    يا راجل يا حنين
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-25-2003, 04:09 AM

بدرالدين شنا
<aبدرالدين شنا
تاريخ التسجيل: 07-30-2002
مجموع المشاركات: 3514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: بدرالدين شنا)

    بسم الله الرحمن الرحيم

    العزيز مهاجر
    سلام وشوق

    وإنت في هجرتك يا مهاجر لابد أن تحتوي أمتعتك حقيبة البكاء وإلا تقطعت بك السبل
    لك تحياتي يا مرهف

    الحنين جدو
    سلام وتقدير

    وما أكثر دواعي البكاء في بلادي
    لك الجمال والعافية

    الحبيب أبراهيم علي
    سلام يا راجل
    وين إنت من زمن ما شفناك
    ما مشكلة أنا بنتظرك لمن تجي تنوم بس المهم تبكي وما شرط الجعير
    أما بخصوص البسملة في كل بوستاتي ومداخلاتي فهي لقناعتي بأهمية ذلك وحسب علمي أن أي عمل لا يبدأ بإسم الله فهو مبتور رغم أن الأخ أهل العوض يرى أن ذلك في الأمور ذات البال وليس في كل الأحوال تحياتي لصديقي أهل العوض في هذا المقام وتحياتي لك أنت يا ربيع

    الغالي ياسر رحمة عفواً حنا
    سلام يا طيب
    بوستك داك أنا ماقدرت أجامل فيه لأني لقيت عواميدكم كلها شطة

    عشة يا بت أمي
    سلام عليك
    هسع دحين بكيتي؟؟؟
    كدي ناوليني العامود دا

    حبيب قلبي أنور
    ود كبدي أنور
    حبيب ريدي أنور
    الليلة يا حليلنا يا أنور
    إتفرقنا يا أنور
    عليك الله بتذكر يوم ضربت لي التلفون وعديتو ليك كلو جعري؟؟؟
    ودي واحدة كمان من البكيات ما ذكرتها ودا بسيط من كتير
    ربنا يلمنا ياروحي يا أنور

    المهذبة جداً هوزي
    سلام ملئ بالحنين

    إنتي في البكا دا شهد شاهد من خدها
    الدموع السايلة مني يا ما سالت حرقتني
    لك ولنا الله يا هوزي

    الحبيب أبو حسين
    سلام
    الحكاية بي بساطة إنو الإنسان دا كلو مشاعر ووضع معقد جداً

    وجن يا السمحة أم عجن
    سلام وإحترام وشوق
    أول حاجة وين إنتي ليك كم يوم ماظاهرة؟؟؟
    يلا بعد كدا البكاء
    أبادلك يا ظريفة نفس المشاعر ريدة في الله لله
    وكان جات أم ربى ما عليك إلا تحرري البكاء بس
    وبالمناسبة دي أحكي ليك قصة أتمنى ما تكون قديمة وما يفهما الناس خطأ ويجوني بالعكاكيز
    القصة
    قالوا واحد وصّل مرتو بيت بكا وقبل تنزل من العربية شاف ليهو مرة جوة بيت البكا سمحة جدأ .. أها نزل وجرى قدام مرتو ودخل يعزي في المرة السمحة قامت مرتو جرتو من إيدو قالت ليهو هوي دي ما عندها علاقة بي البكاء دا
    قال ليها
    زحي كدي هو دي الماتو ليها قبل كدا شوية؟؟؟
    تسلمي يا رائعة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-25-2003, 04:34 AM

Maged

تاريخ التسجيل: 06-08-2003
مجموع المشاركات: 316

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: بدرالدين شنا)

    الأخ بدر الدين:
    دحين اٍنتا عايز تحسب علينا بكياتك التلاتة ديل بكيات مع الرجال؟ كان كدى اٍنتة ماعارف حاجة سااااااااااى
    أبكى وأبكى وبعد أن تتعب اٍرتاح شوية وابكى تانى. اٍحنا صحيح حساسين وعاطفيين لكن برضو، كرجال اٍتربينا على كتم المشاعر ودى حاجة غلط. نفس عن نفسك يارجل بالبكاء أو بغيره ولا تدع الأشياء تتراكم فى نفسك.
    أقول يك حاجة
    قبل بضعة ساعات رد أحد الأخوان فى واحد من البوستات بقصيدة مطلعها:
    عافى منك وراضية عنك....
    وهى قصيدة من أم لاٍبنها فى المهجر، وقد سمعتها قبل سنوات لأول مرة عندما أهدتها لى الولدة أها مافى يوم سمعتة الأغنية، الشايقية، دى و ما بكيت

    الحاجة المؤكدة من البوست بتاعك أنك اٍنسان مرهف وذو عاطفة رقيقة وحساسة وده عمرو ما كان غلط أو عيب
    وتسلم

    (عدل بواسطة Maged on 06-25-2003, 05:10 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-25-2003, 05:01 AM

بدرالدين شنا
<aبدرالدين شنا
تاريخ التسجيل: 07-30-2002
مجموع المشاركات: 3514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: بدرالدين شنا)

    بسم الله الرحمن الرحيم

    الغالي ماجد
    تحية خاصة لك يا حبيب
    ياخي أغنية عافي منك وراضية عنك دي فيها كمية من الشجن ما طبيعية وفيها طعم الطنبور الحنين وفيها سماحة أهلنا في الشمال .. ياسلاااااااااااام يا ماجد
    أنا ذكرت التلاتة بكيات المشهودات أما ما خفي فهو أعظم
    لك الود يا جميل وأنت تأتيني بعامودك الدسم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-25-2003, 07:40 AM

garjah
<agarjah
تاريخ التسجيل: 05-04-2002
مجموع المشاركات: 4702

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: بدرالدين شنا)

    البدري

    اخوك برضو دموعو قراب

    وعيني التقول هنبوكة ملانة موية

    اي موقف يضحك او يبكي كانك قديت الهنبوكة بابرة

    والله يا البدري انا محتار في طعم الدموع

    ضوق ليك دمعة

    وهي نازلة كده على حفر ودقداق خدك

    اتناولا بلسانك

    ياخي طعمها عجيب

    ماعارف اقول ليك مملحة والا حامضة

    حاجة طعمها براهووو



    تسلم يا البدري

    وانشاء الله ما نشوفك باكي الا من الفرح
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-25-2003, 08:04 AM

nile1
<anile1
تاريخ التسجيل: 05-11-2002
مجموع المشاركات: 2746

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: garjah)


    الأخ بدر الديــــن
    تحياتي وحبي
    ياخوي شنو إنت قاعد تبكي وأنا فاتح خشمي وراجيك بي هنـــا؟؟؟الليله أربعاء وعقــاب شهـــــر يعني بالعربي الليله يوم 26/6..ألحقنا بالحلق القددنا إضنينا عشانه وبعدين أمش أبكي زي ماك داير..وكان داير ليك صيوان بعد داك أجرتو على...تحياتي

    منتـــدى النيـــل
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-25-2003, 09:44 AM

بدرالدين شنا
<aبدرالدين شنا
تاريخ التسجيل: 07-30-2002
مجموع المشاركات: 3514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: بدرالدين شنا)

    بسم الله الرحمن الرحيم

    حبيب قلبي قرجة
    سلام بقدر روعتك

    فعلاً ياخي والله الدمعة طعمها غريب مع إنو أنا ماعنديش خدود
    فالدمعة عندي بتجي تلقى ليها جضم مطفوق وتتكوم قدر كباية وتجيني داخلة
    تسلم أبو هنبوكة

    الغالي نايل ون
    سلام يا كثيف
    والله لكن البكا عندك يا نايل
    وبعدين ياخي أنا قبل كدا رسلت ليك عامود في بكاكم البي هناك دا ما وصلك ولا شنو؟؟؟
    حبي وتقديري
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-25-2003, 10:07 AM

Faisal Salih
<aFaisal Salih
تاريخ التسجيل: 10-12-2002
مجموع المشاركات: 477

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: بدرالدين شنا)

    أنقر يا بدر الدين ما شفتك في تلفزيون السودان؟
    والله جابوك مع فرقة الأصدقاء في محطة التلفزيون الأهلية
    وكمان عايز تغني حقيبة؟
    لكن يا بدر...أتاريك أسه احلويت
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-25-2003, 10:17 AM

Ahlalawad

تاريخ التسجيل: 02-05-2002
مجموع المشاركات: 2815

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: بدرالدين شنا)

    يا البدري
    ويا إبراهيم ودعلي
    وفي رواية فهو أبتر
    وعليه سميت خطبة يزيد بالبتراء
    لأنها لا تبدأ بذكر الله والصلاة على النبي
    صلى الله عليه وسلم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-25-2003, 10:28 AM

3omda4


للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: بدرالدين شنا)

    نبكي مافي مشكله بس ورونا استايل البكي حيكون كيف
    عشان الواحد ما يطلع من الخط

    عزيزي
    يكفي ان نعرف ان امير المؤمنين عمر
    كان له خطين اسودين تحت عينيه من كثره البكاء

    سلامات
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-25-2003, 10:43 AM

بدرالدين شنا
<aبدرالدين شنا
تاريخ التسجيل: 07-30-2002
مجموع المشاركات: 3514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: بدرالدين شنا)

    بسم الله الرحمن الرحيم

    الناصع فيصل صالح
    سلام وإحترام
    ومرحب بالطلة يا حبيب
    طبعاً لازم إحلو عشان أدي فرصة للناس الماضاقوا الشنا ولا دايرني أحتكرها كمان
    النبي شفتني متين زمان ولا قريب دا؟؟؟ عشان أنا مشتاق اشوفني في الأيام دي
    لك الود وأفرحتني مرتين بالطلة أولاً وبالخبر تانياً


    أهل العوض والعرض
    سلام وشكر وفخر

    ياخي أشكرك لتوضيح المعلومة وتسلم يا حبيبي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-25-2003, 10:58 AM

بدرالدين شنا
<aبدرالدين شنا
تاريخ التسجيل: 07-30-2002
مجموع المشاركات: 3514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: بدرالدين شنا)

    بسم الله الرحمن الرحيم

    الشفيف عمدة4
    سلام ورائع كلام

    ياخي أبكي بي أي استايل جعري .. دموع .. بس المهم ما تكتم

    أشكرك على معلومة يكاء أمير المؤمنين عمر رضي الله عنه وارضاه والخطين الأسودين تحت عينيه
    لك كل التقدير برااااااااااك وما تدي معاك زول
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-25-2003, 10:59 AM

maia

تاريخ التسجيل: 03-05-2002
مجموع المشاركات: 2542

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: بدرالدين شنا)

    بدرالدين الماشين
    البكا لسه مدور ولا شنو ؟ شكله الناس كلها في بكية رايحة ليها
    غايتو شايفة حائط المبكى بيتلولح شمال يمين
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-25-2003, 12:04 PM

almohndis
<aalmohndis
تاريخ التسجيل: 05-05-2002
مجموع المشاركات: 2646

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: maia)

    يا حليل
    بندور نباكيك
    اخواك فعالا
    ثلات والا اربع
    الا خيرة دموع لش
    ما نشفت
    لك التحية
    اخوى البدرى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-25-2003, 11:16 AM

بدرالدين شنا
<aبدرالدين شنا
تاريخ التسجيل: 07-30-2002
مجموع المشاركات: 3514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: بدرالدين شنا)

    بسم الله الرحمن الرحيم

    بنتا الظريفة ميّا
    سلام وتقدير

    مالك البارح ما جيتي قيلتي في نسوان سعلك منك
    وبعدين المثل بقول حايط المبكى البتلولح يمين وشمال بسندو أهلو
    تسلمي يا ميّا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-25-2003, 11:37 AM

HOPELESS

تاريخ التسجيل: 04-22-2003
مجموع المشاركات: 2465

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: بدرالدين شنا)

    سمح البكاء في خشم سيدو

    البدر اللزيز مافي طريقه تسجل لينا بكيه علي السلم السباعي مطااااااطه

    تحياتي يا ملك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-25-2003, 01:10 PM

toona
<atoona
تاريخ التسجيل: 01-09-2003
مجموع المشاركات: 326

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: بدرالدين شنا)

    سلام بالقيزان لي كل الاحباب

    العزيز جدا بدر الدين ، تحياتي ،
    ياخوانا والله بي صراحة انا رايحة لي بكية كااااااااربة كدي ، مما سمعت الموضوع فيهو بكى جيت جارية بي جاي ، اها لقيت ليك الامة كلها بتبكي ، حسبي الله ونعم الوكيل ، الحاصل شنو ؟ اها لسة ما في زول رد علي ، جاتني ليك الغنية الحنينة دي ، والدموع اربعة اربعة ، عشان بلبس نضارات يكون ،
    تعددت الاسباب والبكية واحدة ، عندي امتحانات آخر سنة بعد يومين ، وكان قارية ليها قراية اولاد ناس ، الله يعمل لي ضنب ، بس على الله ، على قول واحد صاحبنا ، الايمانيات البتنزل على خلق الله ايام الامتحانات دي تحير
    يا ناسي الدعوات الدعوات ، قالو لي يا بدوري ، على قول بعضهم ، من ناس حوش ابو صالح ، مع انو انا اشك في انو في حوش بالاسم ده ، لكن الحقني بي دعوة كدي سريييييعة الله يديك العافية انشاء الله ، بي قدر ما بتضحكني وتفرق علي كل ما ادخل بوست من بوستاتك ، ويديمك لينا فوق راسنا يا رايع


    اها ياخواني ، انا قشقت الدميعات النزلن ، انمشي نشوف لي قراية بعد ده كان الصلاة بتنفع ... غايتو علي حالة ، اقرا وابكي ، واكل وابكي ، ولولا الملامة يا بدوري كنت حتلت ليك في بوستيك ده ، منقة مع حالتي النفسية الايام دي ، لكن بس نقول شنو ،
    زي ما قال اخونا الشاعر ، لا بي ايدك لا بي ايدي ، اقرا بس ما تقول يابوووووووووي هريدي

    سلامات
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-25-2003, 01:58 PM

بدرالدين شنا
<aبدرالدين شنا
تاريخ التسجيل: 07-30-2002
مجموع المشاركات: 3514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: بدرالدين شنا)

    بسم الله الرحمن الرحيم

    عزيزي المهندس
    سلام وتقدير

    كدي شوف لي الصيوان دا بشيل الناس ولا نوسعو شوية؟؟؟
    أشكرك على مشاركتي ومباكاتي


    حبيب قلبي هوب لس
    سلام أردام زي العافية في العضام

    يا ريت لو بقدر أسجلها والله كان أخلي ليك البورد كلو يجعر


    العزيز/ة تونا
    سلام ودعوات صادقة عسى ربي يوفقك في الإمتحان ويهدئ من روعك وتشرفينا بالدرجات العلى

    سعدت جداً بهذه المداخلة التي إختلطت فيها القفشات الحلوة بالدموع
    لك الود
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-25-2003, 04:37 PM

maia

تاريخ التسجيل: 03-05-2002
مجموع المشاركات: 2542

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: بدرالدين شنا)

    كل ما اغيب واجي افتح البورد القى عدد البكايين زاد ، لاحول لله كل البكا ده كان موجود ؟ يعني غايتو يا بدرالدين الا كان توسع حائط المبكى
    ولا عمدان ولا صواني ما حيكفوا الا كان نجيب حلل عديل كده
    وانشاءالله ربنا يجعلها اخر البكيات
    معليش اذا دموع فرح ، نحن ذاتو امة غريبة نفرح نبكي نزعل نبكي
    وزي ما قال الاستاذ عبدالله الريح جدنا كان ماساوي الاكبر
    التحية لكل الباكيين والباكيات
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-26-2003, 04:19 AM

بدرالدين شنا
<aبدرالدين شنا
تاريخ التسجيل: 07-30-2002
مجموع المشاركات: 3514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: بدرالدين شنا)

    بسم الله الرحمن الرحيم

    بنتنا الرقيقة ميّا
    سلام وإحترام
    إنتي بتمشي وين؟؟؟
    يعني أنا أبكي ولا أخدم الناس؟؟؟
    تعالي جيبي الحلل ديل قراب عشان الناس ديل يتغدو قبل المطرة دي ما تصب ما شايفة السحابة الشايلة دي
    تسلمي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-26-2003, 06:30 AM

shiry
<ashiry
تاريخ التسجيل: 07-05-2002
مجموع المشاركات: 3511

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: بدرالدين شنا)

    سلام مربع


    يا البدري

    وحات نظري نحن الافلام بالذات الامريكيه كملت دموعنا ذاتها
    حتى الكورة مرات مرات لمن اقعد فيها
    وفريقي يتغلب بقعد ببكي
    وبتذكر يوم قعدت ابكي فيهو يومين
    لمن سيد الجنيد لاعب الهلال وقع في الميدان
    في مبارة مع فريق مصري مامتذكراهو
    ومع اني ماكنت متابعة المباراة دي لكن بس جيت على الضربة طوالي

    يوم .. عجيب
    كل مااتذكر المنظر دا
    اقعد ابكي
    هسع دي انا عايزه اباكيك يا البدري
    حضر جعيرك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-26-2003, 07:05 AM

بدرالدين شنا
<aبدرالدين شنا
تاريخ التسجيل: 07-30-2002
مجموع المشاركات: 3514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: بدرالدين شنا)

    بسم الله الرحمن الرحيم

    شيري بت أم شيري
    كيف حالك وإزيك


    وحات نظري نحن الافلام بالذات الامريكيه كملت دموعنا ذاتها

    في السينما ولا في الواقع؟؟؟

    الله يا شيري ذكرتيني وقعة سيد الجنيد ياخي دي بكتنا كلنا وكتير مواقف زي دي بتبكينا وحادث بص المريخ كمان بكانا وموت زميلنا طه أبو قرجة بكانا
    يديك العافية
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-26-2003, 07:35 AM

الفاتح يسن
<aالفاتح يسن
تاريخ التسجيل: 06-07-2003
مجموع المشاركات: 1060

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: بدرالدين شنا)

    الاخ ودبدر اهديك وكل البكايين اغنيه كمال ترباس عيني ماتبكي على السلم الخماسي وبعدها على طول اغنيه قلبي مالك والبكا خلي البكا لي للثلاثي الكوكباني على السلم اليماني الخشبي ابكوا وجعروا واستغفروا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-26-2003, 09:19 AM

بدرالدين شنا
<aبدرالدين شنا
تاريخ التسجيل: 07-30-2002
مجموع المشاركات: 3514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الداير يباكيني يجيب عامودو هنا (Re: بدرالدين شنا)

    بسم الله الرحمن الرحيم

    الغالي الفاتح يسن
    تحيات حلوات
    أشكرك جداً على البكاء الحديث بي الساوندسستم وإنشاء الله نردها ليك بي (سي دي) في بكاءات أفراحك
    وإن شاء الله ما تشوف شئ يبكيك يا راقي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·


Copyright 2001-02
Sudanese Online
All rights reserved.

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de