دعواتكم لزميلنا المفكر د.الباقر العفيف بالشفاء العاجل
|
|
 الأخوة بورداب تشاد وبورندي
|
بسم الله الرحمن الرحيم
يا ربي في بورداب في المحلات دي ؟
ولما لا؟
غايتو أنا أقترح إنو نشوف البلدان الفيها بورداب كتار ونوزعهم على البلدان الما فيها بورداب وذلك لتعم الفائدة
يعني مثلاً من السعودية نشيل أهل العوض ومعاهو إتنين تلاتة نوديهم بنغلاديش
ومن أمريكا تماضر وكمين نفر نوديهم رواندا
ومن عندنا هنا في سلطنة عمان ياسر حنا والرحمابي نوديهم سيراليون وأنا ما بقدر أمش معاهم لأن بيوتنا عورة
وبقترح تقوم إدارة البورد يتعيين موفدين لي ساحل العاج ودارفور وموفد لمتابعة حركة التاميل
وأي واحد يرفض التكليف أنا وناس الإدارة نقوم نحرش عليه الكفيل بتاعو يهددو إما ينفذ أو يرجع السودان
بس
|
|
 
|
|
|
|
|
|
|
|
Re: الأخوة بورداب تشاد وبورندي (Re: بدرالدين شنا)
|
بدر الدين .. صباحك أحسن من وشك قول آمين .. بنغلاديش دي أنا بمشي ليها وبمنع تصدير الرز وعمال البلديات للخليج والجماعة بقوموا عليكم .
صوت البندق نطق البندق .. بندق في بحر .. بعدين البندق دي حلاوة كان بتجيبا لينا أبلة نسرين في الروضة .
| |
|
|
|
|
|
|
|
|
|
Re: الأخوة بورداب تشاد وبورندي (Re: بدرالدين شنا)
|
بسم الله الرحمن الرحيم
الأخ البنغالي أهل العوض
سلام وإحترام
آمييييييييييييييييين يارب العالمين
غايتو لو منعت عمال البلدية يكون عزو لأنك حا توفر لينا وظائف ولا أظنك قايلني شغال سفير؟ أما الرز أمنعو لكن أختا التوب البنغالي
بكون في الزمن داك إسمها أبلة نصرة وشوية شوية بقت نسرين
يا خوي ألنسعلك مسعول من الخير وين شيري بت أم شيري؟
| |
|
|
|
|
|
|
|
|
|
Re: الأخوة بورداب تشاد وبورندي (Re: بدرالدين شنا)
|
بسم الله الرحمن الرحيم
هيا شيري
سلام وكتر كلام
كيف حالك وإنشاء الله طيبة شايفك غايبة
عايزك تجهزي زاد المجاهد للملا عمر أصلاً قررنا نوديهو لمتابعة حركة إيتا وخايفنو يقوم يئيتا كلها ما يخلي إلا العضام
إنتي رايك شنو نوديك سيرلانكا؟
عشان السيرلانكية دي تخلس فيك قديم وجديد وتفقع مرارتك
العزيز ساري الليل
سلام وإحترام
طالما إنت ساري الليل لازم تكون في العين عشان عينك تكون مفتحة
طبعاً إنت راجل محمول وأنا خايف أوديك محل 500 شلن حتى يساون 1 درهم
المحبوب/ ياسر حنا
ياخوي جنيف وأمستردام ديل محجوزات لي ناس الإدارة
مش دايماً الجزار بختار أطيب اللحمة للبيت
أها بتمشي ولا أحرش الكفيل؟
| |
|
|
|
|
|
|
|
|
 Re: الأخوة بورداب تشاد وبورندي (Re: بدرالدين شنا)
|
والله يا بدر الدين انا معروض علي شغل في سيراليون وأحتمال كبير امشــي يعني ما
محتاج نهره من الكفيل ولا حاجه لكن عليك الله ياسر ده ممكن ينفع جدا في نيبال لانو طويل وكمان بالو طويل اكيد ح ينفع مع ناس كاتمندو القصار ديل . اما اذا قبل احد الذهاب الي سيرلانكا في احتمال يلقى سودانيين هناك لانو مره في المتصفح لقيت اثار سودانيين في مدينه كولومبو في الانترنت كافيه.
ارجو الافاده في حاله موافقتكم الكريمه لاكون ممثلكم في freetown مع ارسال صوره من العقد مع عده الشغل(كمبيوتر وشويه دورارات لحدي ما الواحد يستقر و كده)
| |
|
|
|
|
|
|
|
|
|
Re: الأخوة بورداب تشاد وبورندي (Re: hammama)
|
بدر الدين
ادينى بورداب
حلة عمر
سمعت بى حلة عمر؟؟؟
عندنا فيها اهل ، وطبعا نحن كل ما يصبح صباح، على حياة امى الله يرحمها ، كان بظهروا لينا اهل فى حلة زول
المهم حلة عمر دى جانا منها واحد من اهلنا ديل، وقاعدين حوالينو كلنا وهو بيونس فينا بحضارة حلة عمر
قال ، فيما قال انه يوم الانتفاضة ، كا ن يوم ما بتنسى فى حلة عمر ، قالها وهو يطوطح راسه ذات اليمين وذات الشمال، حتى ضاق صبرنا ، وسالناه ، الحصل شنو فى حلة عمر يوم الانتفاضة؟؟
فأجاب بعد سفة لو تمهله طويلا،
يوم الانتفاضة؟؟ على الطلاق
الحلة دى كلها مرقت ، ودفرت ليك على كشك الخدار كسروه ختوه فى الواطة دى حتيتة
نوال سالتو، وتانى يوم اشتريتو خدار من وين؟؟؟
قاليها هى ما الصباح قمنا صلحناه
انا غايتو مسكونى بورداب حلة عمر
يعنى كلها كشك خدار
والباقى عمر
ما بقدر على الشقاوة دى
| |
|
|
|
|
|
|
|
|
|
Re: الأخوة بورداب تشاد وبورندي (Re: بدرالدين شنا)
|
بسم الله الرحمن الرحيم
المحترم حمامة
سلام وموافقة مبدئية
والله أنا ذاتي شايف ياسر حنا متجرس
فإذن على بركة الله ونقول ليك ياحمامة مع السلامة
ياخوي رسل لينا أخبارك بي خط اليد ولا مع الحجاج إنشاء الله
كمبيوتر ودورات لا أحسن نرسل ليك تلفون الثريا كمان
لك حبي يا جميل
المبدعة بالجد تماضر
سلام وإحترام وإعجاب
لوووووووووووووووووووووول
ياخي أنا ضحكت رغم إنو المريخ مغلوب
أها بعد صلحوا الكشك تاني تلقي ليك خبر من وين للبورد؟
أنا بفتكر نعين قريبكم في حلة عمر ونملا ليهو كيس خدارو كل يوم
عندنا واحد بحكي زي قريبكم دا مرة كان بحكي للجماعة قال
والله والله يا جماعة السنة العرس فيها جابر داك الله يرحمه سنة عجيبة بالحيل وكت جابو العروس في الحفلة جابر دا كنكش فيها تكنكشة قدام الناس .. وبعد داك سكت الراوي .. إستمرت حالة من الصمت بعدها الجماعة قالوا ليهو أها
فرد عليهم
شن الأها ما تراها جابت عبدالله البتشوفوا عينكم دا
خلاص نشوف ليك حلة زول تاني ..أها رايك شنو في حلة عباس؟
تحياتي
الغالي/ بوش
سلام وإحترام
ياخي صورتك البترجف زي الفيروس دي كل مرة خالعاني
ياخوي إنت ياتو بوش البتسعل من دارفور؟
أشكرك على الطلة
| |
|
|
|
|
|
|
|
|
|
Re: الأخوة بورداب تشاد وبورندي (Re: بدرالدين شنا)
|
البدر علك عافي ااازول ورد الله غربتك من البلد ديك
جيت بجاي اشوف كشف النقليات ولقيت اسمي ما شملته النقليات قلت خليني اساهم ببعض القرارات التنقلاتية
أول شي اهل العوض دا ينقل إلى سيبريا وهو يقدر يمثلنا هناك خير تمثيل.
بعدين البت شيري دي محلها بس الصين هناك حيث مرض سارس وما ادراك ما سارس .
الملا عمر : نوديه الاسكا عشان البرد هناك بنفع مع الحالات الزي دي
بت قضيم بما انها جاية من السودان احسن ليها تمشي بوركينا فاسو .
بوش ده وديهو العراق عشان يا يغير اسمه يا يروح فيها .
أما انت يا بدرالدين وعشان الوجيه الملصق لينا صورته دا نوديك بولندا
صدر تحت اسمي وتوقيعي في الحادي عشر من مايو للعام الفين وتلاتة
شرووم
| |
|
|
|
|
|
|
|
|
|
Re: الأخوة بورداب تشاد وبورندي (Re: بدرالدين شنا)
|
بسم الله الرحمن الرحيم
شرووم يا رائع
سلام وخير كلام
ياخي إنت تنفع مدرب .. لكن صدقني حا تمشو الصين تلقوا السارس ميت وشيري قاعدة لأنو دي عندها سم السارس على وزن سم الفار
أما البقية ما عندي عليهم إعتراض
والأمورة ست الصورة ربى بدرالدين بتسلم عليك
| |
|
|
|
|
|
|
|
|
|
Re: الأخوة بورداب تشاد وبورندي (Re: بدرالدين شنا)
|
مرحبا سيد الحوش بدر الدين صباحك كله سعادة انشاء الله
شايف ود عقاب بقى يتدخل وداير يرجعنا لي وراء ،،، وانا يازول اصلا بما بتدهور وارجع لي وراء تاني ،،، بس يا اظل هنا ويا امشي هناك مع ناس عبدالله جعفر محل الجليد والناس الطيبين المافي زول شغال بالتاني
واخيرك لك يا ود عقاب ترافقني لي هناك حيث الدول الاسكندنافية يا السويد جاك بلاء
يديك العافية
شرووم
| |
|
|
|
|
|
|
|
|
|
Re: الأخوة بورداب تشاد وبورندي (Re: بدرالدين شنا)
|
بسم الله الرحمن الرحيم
الغالي شرووم
سلام وإحترام
المشكلة البيت بتاع السويد دا فيهو مشكلة كهربا وموية وسيدو قال عايزو إلا كان نرقدك مستشفى لغاية ما نلقى لينا بيت .. أما ود عقاب دا خليهو شوية
| |
|
|
|
|
|
|
|
|
|
Re: الأخوة بورداب تشاد وبورندي (Re: بدرالدين شنا)
|
حبيبنا بدر الدين
بالله كل شىء ولا الكفيل ده لانه اصله متحيل وزعلان
يعنى كده كده ناوى لينا النية السودة
وعموما اذا فيها تذاكر وفنادق وبدل مواصلات وبدل اعاشة وبرديم فنحن ما عندنا مانع نمشى اى حتة ان شاء الله لبنان
يعنى شايف فى زول هنا فى لبنان ؟؟
انا حجزت لبنان يا سيدى
شو خيو ما بدها بورداب
لك الحب كله
| |
|
|
|
|
|
|
|
|
|
Re: الأخوة بورداب تشاد وبورندي (Re: بدرالدين شنا)
|
شنا ..عقابا ليك يتم نفيك الى لختنشتاين! اها دي لو عرفتها وين اسلفك وسامتى لاسبوعين!!!
قرنفل و شيري لو بشبهو الصور المعلقه قدامهم دي الى امارة موناكو!
تماضر ذكرتينى ناس صلاح الزين المشو فى الانتفاضه قطعو سير الطاحونه , ده كان رمز السلطه الوحيد فى الحله,
| |
|
|
|
|
|
|
|
|
 Re: الأخوة بورداب تشاد وبورندي (Re: بدرالدين شنا)
|
الاخ/شنا
سلام ورحمه الله,انا غايتو عن نفسي بتبرع ابقي ليكم مراسل من قريتي السكان فيها مع انها مابتشبه القري لكن الله غالب.اما ناس تشاد اسألني منهم !!غايتو اتمني انهم يجدوا الوقت وينضموا للبورد دة..
مع ودي
| |
|
|
|
|
|
|
|
|
|
Re: الأخوة بورداب تشاد وبورندي (Re: oudenoord)
|
قبل ما نفرتق من السودان وكنا اسرة سعيدة ، والحال بدا يتبهدل
كان الوافر كلما يسمع شكوى من الناس يقول ليهم
ياجماعة احمدوا الله ، فى تشاد....كدة وكدة وكدة
يعنى الحتة الوحيدة الاكعب حالا من السودان
مرة بدوا ناس بيع الفول يقولوا ما بيعوا الرغيف الا بى فول
والناس يتزمروا
الوافر
قاليهم ياجماعة احمدوا الله فى تشاد الخلال الا بالظهرة
| |
|
|
|
|
|
|
|
|
|
Re: الأخوة بورداب تشاد وبورندي (Re: Tumadir)
|
الغاليه/تماضر
تحيه ود واحترام
الظاهر انو الصورة انعكست او انك ايييييييييك قديمه جدا...امزح تشاد كانت وماذالت بلد تجاري ضخم وهي بتشهد تطور في العمران وتطور في وجميع النواحي والزائر ليها بيشهد ذالك.
| |
|
|
|
|
|
|
|
|
|
Re: الأخوة بورداب تشاد وبورندي (Re: بدرالدين شنا)
|
بسم الله الرحمن الرحيم
oudenoord المحبوب
سلام وإحترام
كدي أديني أخبار قريتكم قبل الخط ما يقطع
الغالية/ تماضر
سلام وشوق
لووووووووووووووول
الوافر دا مباااااااااالغة
يا حليل زمن الوافر وعبدالعظيم محمد الطيب وتبارك والصادق
هؤلاء قنابل فكاهة متحركة
| |
|
|
|
|
|
|
|
|
|
Re: الأخوة بورداب تشاد وبورندي (Re: بدرالدين شنا)
|
ودالحاج.. اسم عرفت (بضم العين ) بيهو ياحبوب بين اخوني واحبابي مع انو الوالد ضابح حله بتاعت خرفان لكن مما قمت وتبيت الناس تقول ي ودالحاج .
وكان علي ناسي ديل وزير الدفاع حقهم مابيعرفوه..بعد (التكنولجيا) العندهم لكن مسجمين ومرمدين..
لكن عندي ليك خبر >>>
فريقم بتاع الكورة نزل من الدوري الممتاز..للدرجه الاوله والسنه الجايه بقدرة قادر ح ينزل للتانيه
أها قصرت معاك ???
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
بدرالدين شنا
Ahlalawad
shiry
sari_alail
Yassir7anna
hammama
Tumadir
BousH
سلام
garjah
شرووم
قرشـــو
AlRa7mabi
safrajat
oudenoord
فيس بوك
تويتر
انستقرام
يوتيوب
بنتيريست