دعواتكم لزميلنا المفكر د.الباقر العفيف بالشفاء العاجل
|
|
 إن أنكر الأصوات لصوت الحمير
|
وصوت الخواجة بتاعنا العجوز لمن يشرب الشاي
شررررررررب أححححححححححححححححح
نحن زمان لمن صغار لمن الواحد يسوي الحركة دي أمو تنهرو لمن الشاي يتدفق ليهو في عراقيهو
ياربي العادة دي في السودان في؟؟؟
وياريت لو في اصوات تانية نذكرها هنا
زي تلقى زول يصلي جنبك في جماعة ويقول (بسبسبسبسبس)بصوت عالي
أو زول يمضغ ليهو لقمة لمن تسمع صوتها وهي تستنجد
|
|
 
|
|
|
|
|
|
|
|
Re: إن أنكر الأصوات لصوت الحمير (Re: بدرالدين شنا)
|
بدر الدين
مابالك بالمنقرطين؟
و هم الذين يستجيبون لشيء من الآكلان بسقف الحلق فيصدرون صوتآ هو مزيج رديء لحروف الخاء و القاف و شيء من غنة تشكو سوء حقها و مستحقها
أما الأكثر بشاعة
فهو الصفير المتقطع لمن يحاول إخراج فتات اللحم من بين أسنانه و يستعين على ذلك بدفع الهواء بين فتحات الأسنان المستهدفة و إذا اندمج في المحاولة و أغرته بالمزيد فسيكون كريمآ على جاره بأكثر من صوت الصفير حيث يخرج رذاذ غير محبب
أهاااا
وتاني
| |
|
|
|
|
|
|
|
|
|
Re: إن أنكر الأصوات لصوت الحمير (Re: بدرالدين شنا)
|
هذه المداخلة بصورة إلى شنتير وعجب الفيا .. لزوم طلب الفتوى منهما أدام الله فضلهما .
أشكر الأستاذ الطيب بشير على ورود كلمة المنقرطين في مداخلته . ونحن (أعني أهل العوض) لدينا تعريف آخر للنقرطة ، وهو صوت معين ينادى به سائبة الغنم . أيضاً عندنا الصفير وهو صوت الصفارة العادية ، يعزف زفراته ساقي الهجن والحمير لدى سقياها من ماء بئر جره بالعجل . هناك أيضاً صوت مشابه لمناداة الكلب وصوت مخالف له من نفس المخارج لطرد ذات الكلب .
أهل العوض أيضاً يطلقون أصواتأ لا أدري كيف أكتبها لكنها نزع للسان بشدة إلى أسفل عند الأضراس الخلفية يقصد به الموافقة وآخر معكوس من نفس المخارج يقصد به المخالفة . وتطلق عذارى أهل العوض صوتاً شبيها من نفس شاكلة سابقيه إلا أنه ممطوطاً لزوم التأنيث يقصد به التهكم وياما في لغتنا من لغاويس وتجن على العربية .
حاشية : كان لابد من إيراد أمثلة على الأصوات المشار إليها .. لكن الإيد بصيرة والعين قصيرة .
أهمس في أذن الأستاذ عجب الفيا وربيبه شنتير أن أفتونا في هذه الكلمات : نان ، كورك ، الكترابل ، ووب علي ، عييك . وإن عدتم عدنا .
| |
|
|
|
|
|
|
|
|
|
Re: إن أنكر الأصوات لصوت الحمير (Re: Ahlalawad)
|
الأخ أهل العوض
سوف أتوكل على الله وأمارس الفتوى في حضور عجب الفيا وشنتير في هذا المحفل العامر الذاخر الفاخر، أظن وبعض الظن إثم كما تعلم أن كلمت نان لا علاقة لها بالأمم المتحدة أو أمينها العام هذا العام أو العام القادم وهابي نيو يير ، فكلمة نان قلبتها ذات اليمين وذات اليسار ولم أجد لها مخرجاً أو مدخلا لا في علوم اللغة ولا في اللهجات العربية أو الرطانية حتى وقبلت بها هكذا نان شن أسوى.
أما كورك يكورك كوراكا فأسمحوا لي أن أعود إليها ذات يوم بعد أن أنقب في سحارة حبوبتي ستنا بت ود على عسي ولعل أن أجد شيئاً يفيد والكترابل هي الأخرى عصية وغير قابلة للتجزئة وفي أحسن الأحوال هي
to exclaim in wonder، أم الووب فهو غير الويب ويقال أن الووب هذا عادة ما يرتبط بالسكلي وهي الحالة التي تكون فيا المرأة ثكلي وتقترن في جميع الأحوال بحى الليله حي ، والحى الثانية ليست حياً صينياً ولا دبلوماسياً حتى إنما مزيد من التأكيد على عميق الحزن والأسى وكبر الفاجعه. أما عييك فهي ضرب من ضروب المبالغة وتزداد المبالغة فيها بزيادة عدد حروف الياء في وسط الجملة شأن زيادة حرف الواو في الووب ، هذه حدود معرفتي في هذا الشأن وسوف أعود بعد أن أعثر على كنوز حبوبتي ستنا وأنتظرونا ، رضاؤكم هو هدفنا.
| |
|
|
|
|
|
|
|
|
|
Re: إن أنكر الأصوات لصوت الحمير (Re: بدرالدين شنا)
|
الأخ بدر الدين شنا
تخيلت أنك سوف تهاجم بعض الأصوات الغنائية في الساحة هذه الأيام المحسوبة على قبيلة المبدعين من الفنانين والمطربين ، تلك الأصوات التي أصبحت تنمو وتتكاثر بصورة مزعجة وتبع ذلك تكاثر المتشاعرين والمحسوبين على قبيلة الشعراء ومن يدعون أنهم ملحنين وفهمهم في الموسيقى لا يتجاوز فهم حبوبتي آمنة بت ود قيلي عليها وعلى أبوها وأمها الرحمة والمغفرة. والذي حز في نفسي أن التلفزيون يقدم هؤلاء النفر واصفاً إياهم بالأساتذة ، فاصبح عثمان حسين أستاذ ومحمد وردي أستاذ ومحمد الأمين أستاذ والموصلي أستاذ وفي الجانب الآخر فلان أستاذ وفلتكان أيضاً أستاذ. صحيح أنه لا يستوى الذين يعلمون والذين لا يعلمون لكين نعمل شنو إذا كان القانون عندنا أصبح أن تعطي ما لا تملك لمن لا يستحق.
معليش أهو كالعهد بي بدأت في ممارسة البرطعه خارج النص والبرطعه لأخي الحنكوش أهل العوض وهو قطعاً يجهل معناها تحنكشاً ليس إلا هي أن يجري بك الحمار جرياً شديداً ويخجك خجاً خاصة في الأرض الدلجة التي تشبه شارع المعونة ببحري ، وقد إقترح أحد المبدعين أن تستخدم برطعة الحمار في عمليات التخسيس خاصة لأصحاب الأجسام المرهلة والباحثين عن أن تصبح أجسامهم رياضية شأن الأجهزة الكثيرة في السوق هذه الأيام ، وللذين يريدون تجربة هذه الوسيلة من وسائل التخسيس أقول لهم إتصلوا الآن ولا تتردوا وإذا كانت الخطوط مشغولة نرجو معاودة الإتصال مرة أخرى رضاؤكم هو هدفنا ، العرض لا يشمل البردعة ولا علف الحمار موقعنا على الإنترنت هو دبليو دبليو دبليو دوت الجزيرة كجبي دوتكوم.
| |
|
|
|
|
|
|
|
|
|
Re: إن أنكر الأصوات لصوت الحمير (Re: almulaomar)
|
صديقي و عزيزي أبو البدور
لك كل الود
أضيف لقائمتك التي هي في مقام صوت الحمير :
صوت الذي يشخر و هو نائم و كأنه لوري مركبين ليهو كوز في الشكمان.
صوت الفندق و هو يلعلع فوق راسك في الشقة العلوية
الذي يتدشى ( التجشؤ ) و كأنه سيعزف على آلة القربة الموسيقية و هو ما زال على السفرة أو ما زال بين الجالسين على الطعام.
تسلم
| |
|
|
|
|
|
|
|
|
|
Re: إن أنكر الأصوات لصوت الحمير (Re: Ahlalawad)
|
الأخ أهل العوض
أشكرك أخي على ما تأتينا به دائماً من كلمات تناسيناها طوعاً أو كرها ، وأجد أن النعال تنملص في حالات نذكر منها على سبيل المثال لا الحصر أن تكون الدنيا حر وأن تكون النعال سفنجه وأن يكون قد أكل عليها الزمن وأن يهب لك من ظل شجرة نيم تحتها مزيرة ذات أزيار سود لها كروش كما معظم المغتربين أو المواطنين في دول الخليج كلب عقور مكشراً عن أنيابه الأمر الذي يجعلك تجري جري الوحوش في البريه. أو أن تكون النعال جزمه كشف وأن تكون أكبر من مقاسك بدرجه وأنت في طريقك ماشي تصفر مزهواً منتشياً وخلال سيرك هذا تلوح لك حسناوات ولكي تثبت أنك الذي نظر الأعمى إلى شنبك وأسمعت كلماتك سيد الطاحونه تحاول أن تشوت كرة يلعب بها صبية ليس ببعيد من تقاطع مرورك مع مرور الحسان وفجأة يحدث ما لم يكن في الحسبان تنملص النعال كما يمرق السهم من الكنانة ويبان المستور شراب قد من قبل يعيد إلى الأذهان منظر سمير غانم في مسرحية المتزوجون فتنفجر الحسناوات ضحكاً على هذا المنظر الإرجوزي وتفوت عليك المسألة وينقلب الإعجاب إلى تعجب. أو أن تدافس وتكابس في المواصلات وبعد أن تجلس في كرسيك مزهواً تجد أن لك رجلين إثنين ونعال واحده شمال أو يمين لا فرق
| |
|
|
|
|
|
|
|
|
 Re: إن أنكر الأصوات لصوت الحمير (Re: بدرالدين شنا)
|
بدرالدين شنا
والله ذكريات حلوة ولكن بلغة اليوم ممكن نقول
صوت الحناكيش لمن يسلوا تسمع اهههههههههههههههه
صوت الحنكوشة لمن تودع تسمع اىىىىىىىىىىىىىىى
صوت الريسفر لمن تحول قنواته طق طق طق
طبعا ممكن تقول دخلناها العولمة
ولك كثير الشكر وتحياتى
| |
|
|
|
|
|
|
|
|
|
Re: إن أنكر الأصوات لصوت الحمير (Re: بلدى يا حبوب)
|
- النقرطة بتاعت الزول الحلقو ماكلو غياظة شديد وطوالى تجيب ليك آكولة الحلق
- الا اه اه اااااه بتاعت التثاؤب اثرها فعال جدا فى الخمول والشعور بالنعاس
- وابيخ حاجة طقطقة الكمساري والابيخ منهاصوت حديتك وهى تنضم لباقى الحديد
لمن اتذكر تانى بجى
| |
|
|
|
|
|
|
|
|
|
Re: إن أنكر الأصوات لصوت الحمير (Re: بدرالدين شنا)
|
أخي أبو أواب
لأنني فنجطت وبرطعت خارج الموضوع كتير خليني أدخل مستعينا في ذلك وفي كل أمري بالله.
وأنت في عاشر نومه بعد سهرة طويلة عائداً من حفلة مش مهم غني فيها منو ولا مهم إن كنت معزوم أو مشيت نحل ده كلو طبعا قبل حركات المحافظ التي جعلت أفراحنا محددة بحدود الزمان يأتيك صوت قحة واحد من الذين إبتلاهم الله بالتدخين وأصابتهم نزلة برد شديدة يأتي صوت الكحة أشبه ما يكون بصوت الغنماية لمن تسف الدقيق.
صوت ذلك الشرفان الذي يأكل في بطيخه ويخشي أن يفقد حتى قطرة مويه واحدة من تلك البطيخه
صوت مص الأصابع الواحد تلو الآخر وبخاصة الوسطى بعد تناول ملاح روب
صوت أكل تمر قنديله في ليله شتويه والكهربا قاطعه والهدوء يلف المكان.
صوت أكل الجزر والعجور والخيار
صوت كركرة البطن
| |
|
|
|
|
|
|
|
|
|
Re: إن أنكر الأصوات لصوت الحمير (Re: Hussein Mallasi)
|
ملكة البورد سبأ
تحياتي
قزقزة التسالي غير الصوت والشحدة شفتي بخلي الزول وشو شين كيف تلقي عينيهو مشن في جيهة وسنونو إنطبقن وإنت قايلة أنا سبب شناتي شنو ما ياهو أكل التسالي دا
الرايع ملاسي
سلاااااااااااام
بالله عبدالوهاب وردي صوتو وحش (وردئ)؟؟؟
أنا شخصياً سمعتة بتكلم ويضحك لكن يغني دي ما إتشرفت بيها فهو صديق من غير غنا
تحياتي
| |
|
|
|
|
|
|
|
|
|
Re: إن أنكر الأصوات لصوت الحمير (Re: بدرالدين شنا)
|
المحترم الطيب البشير
تحيات سمينة بحجم المداخلة التي أثرت البوست
وبتسألني تقول تاني هو إنت خليت فيها تاني؟؟؟
إنت جيت سايق (المفيد) من أضانو وختيتو لينا هنا
لك ودي وشكري وتقديري
مانديلا صديقي وحبيبي
والله ياخي نفيخ المكوجي مزعج لكن أنا بتكيف لمن يجيني رشاش الموية زي البخاخة بتاعة الحلاق
وأكيد سمعت بي نكتة الزول الشبَّه نفيخ (التيس) بالمكوجي الصبحان عليهو العيد
تحياتي
أهل العوض والذوق
تحياتي عبركم للمبدعين عجب الفيا وشنتير (كتبتها صاح مش؟؟)
يعني إذا كان إنت إستنجدت بي عجب الفيا وشنتير أنا أقول يا منو؟؟؟
غايتو أنا بطلع عنقريبي وأرقد جنب مصطلحاتك ديل لمن تجي تشيلن ولا تجيب جماعتك يفكوا شفرتن
الملا عمر يا طويل العمر إن شاء الله
إنت عارف أنا وكت ختيت عنقريبي وحرستهن ترا خايف من جنس هبيشك دا
بالله شوف الزول دا فرزعن كيفن
أنا عندي قناعة تامة بأنك مبدع ومفروض أهلك يشوفوا ليك طريقة قبل ما الحالة دي تستفحل
المبدع الآخر أبو جهينة
السلام جاك يا جلال
أها الشخير دا حاجة ما محتملة خالص والمشكلة بعض الأحيان عندو توابع
فبالإضافة لما ذكرت هناك أصوات يصدرها الهنود في المطاعم عند أحواض الغسيل
دائماً تعجبني تشبيهاتك للأشياء
ربنا يحفظكم من سماع ماهو مؤذٍ
| Quote: والله يا ملا عمر (وماك طالبني حليفة) بالله اللدي لا غيرو كنت في ذاكرتي حين كتبت ما كتبت .. لاكين اسمك انملص من ذاكرتي ملصة نعال |
أها رأيك شنو يا أهل العوض لو قلت أنا بكتب في الموضوع إتذكرت كليكما
رأيك شنو في كليكما دي؟؟؟
بالمناسبة صوتك يا أهل العوض من الأصوات التي أرتاح لسماعها
الملا عمر .. يازول .. يا جماعة .. ياخوانا الزول دا أمسكوهو
الملا عمر إنت مالك زي الشافع المرسل يشيل أول الكلام ويجر .. كدي شيل نفسك وإتكلم لينا عن الأصوات المنكرة .. وحل الواجب دا .. وقابلني بكرة بعد الطابور
ياخي دي ما كانت ملصة نعال دي
بلدي يا حبوب
الشوق والفرحة بطلتك يا جميل
حسع إنت راصي ليك طُباقة وحجار كدي الحناكيش لا قيتم وين؟؟؟
ملكة البورد سبأ
سلام غير مزعج
أها التثاؤب دا أنا مجرد قريت الكلمة بس في مداخلتك تثاءبت
وبمناسبة الحديد ذكرتيني صوت بقوم شعرة جلدي عديل وهو صوت الفرامة بتاعة الخدرة لمن يجو يسنوها بي حجر ولا كمان صوت الحكاكة بتاعة الملود (بتعرفي الملود) وهي عبارة عن آلة تستخدم في حش الحشائش وإنتي حشاشة تمر
يديك العافية
الملا عمر يديك العافية وإنت تنثر الدرر وتجمل المجلس وصدقني أعجز تماما أمام إبداعك وأحتاج للمساعدة من الآخرين للتصدي لهذا الفيض من الجمال الذي لا يسعه إنائي
| |
|
|
|
|
|
|
|
|
|
Re: إن أنكر الأصوات لصوت الحمير (Re: بدرالدين شنا)
|
بدرالدين الما شين
حسه ليه بس جايب سيرة الخواجة بتاعكم ، انت ما عارف البلد دي كلها قبيلة خواجات ..لووووول
شفت بقى اكتر صوت بيعمل لي حمى في العيون ، صوت الناس اللي بيدوها ونسة بعد صلاة الصبح بصوت وسوس والناس نايمة
اها بقى يطلعوا ليك النومة من جوه المخ
| |
|
|
|
|
|
|
|
|
|
Re: إن أنكر الأصوات لصوت الحمير (Re: بدرالدين شنا)
|
الحبيب ود الجيران
وين ناس بيتكم ديل أمبارح ما فيشين
ياخي أشكرك كتير على المداخلة الحلوة التي فرشت البوست وزادته إبتسامة
إنت الحفلة جيت منها وما داير إزعاجها بقت ليك زي صينية الغداء بعد ما تشبع داير زول يشيلها من قدامك
ربنا يحفظك من كل صوت نشاز
العفيفة ميّا
وإنت نايمة لمن ناس الصبح يتونسوا ما تقومي تصلي ولا صليتي؟؟؟
لكن بيني وبينك الونسة الصبح مزعجة شديد
ليك كم يوم غائبة إن شاء الله خير
| |
|
|
|
|
|
|
|
|
|
Re: إن أنكر الأصوات لصوت الحمير (Re: Rawia)
|
عارفين انا اكتر صوت بيعمل لى نفسيات هو صوتى
اتخيل تكون بتتكلم فى مكالمة عالمية و كل ما تقول حاجه تسمعها بعد ثانيتين او تلاته .
ما حصل واحد حصلت ليه الحاجه دى و عمل ذى ما بعمل انا .بقعد افكر طووال المكالمة انو صوتى شين
| |
|
|
|
|
|
|
|
|
|
Re: إن أنكر الأصوات لصوت الحمير (Re: بدرالدين شنا)
|
حسين ملاسي
أعتقد هو خاتف تلاتة إلوان لأنه النقط البتقع دي ذاتا بتعمل صوت وبي كوزك (الكبييييييييير) القلتو دا معناه حا يكون صوت وصورة لأنك بتشوف عيونك جوة الكوز
المرهف زمراوي سلام وشوق
صوت الضفادع في الأول تحس فيهو إيقاع منظوم لكن سرعان ما يقودك للملل لأنه بسير على وتيرة واحدة
راوية ومروية إن شاء الله
ربنا يرويك من حوضو قولي آميييييييييين آبنية
إسمارت _ إنت 2001
معليش غيرنا (أنا) عشان تبقى إنت الإسمارت 2001
أما صوت (الإيكو) البحصل أثناء المكالمة دا غير إنو مزعج أنا بزيد لي الفاتورة عشان بقعد أسمعني بعد أتكلم واشوفني قلت شنو
لك حبي وإنت الإسمارت
| |
|
|
|
|
|
|
|
|
|
Re: إن أنكر الأصوات لصوت الحمير (Re: بدرالدين شنا)
|
ملاسي الفراقو قاسي
إنت عارف يا ملاسي رغم إنو (ماظهر) هو الأكبر لكن (مابطن) هو الأخطر
الجميل البعيو
بالله إنت من ناس ببط ببط؟؟؟
علاقتكم شنو بي ناس شيط؟؟؟
شفت أنا بخاف من عائلة الجلد دي كلها من جدهم ببط لي أصغر شافع من أولاد زط زط
يديك العافية
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
بدرالدين شنا
الطيب بشير
Ahlalawad
almulaomar
ابو جهينة
بلدى يا حبوب
ملكة سبأ
Hussein Mallasi
wd al geran
Rawia
smart_ana2001
فيس بوك
تويتر
انستقرام
يوتيوب
بنتيريست