|
|
|
 Re: يا ناس ديوان الزكاة .... هنالك من المحتاجين من هم اولى من الصحفييين بكراتين فرحة الصايم هذ (Re: ادريس عوض)
|
الاخ ادريس عوض
رمضان كريم
Quote: تحية واحتراما
الشاهد في تأكيد هذا الأمر هو نية ديوان الزكاة
فان كانت النية جعل الصحفيين من (العاملين عليها) بحكم معرفتهم بشرائح المجتمع المختلفة فلا بأس
ولكن ان كانت غير ذلك فلا غرو من انها شبهة فســـــــــــــــــاد واضحة
وكفى
|
لالا ما على كيف دديوان الزكاة والقائمين عليه انو يدخلوا شريحة ضمن المستحقين
اللهم الا اذا هم بيقعوا ضمن ال8 بنود القال عليهم الله سبحانه وتعالى
ديوان الزكاة دا المفروض الجهة الوحيدة الما بتدخل في شغله المجاملات والمزاجات
لانو مستحقي الزكاة معروفة وفق الاية الكريمة القال عليه الله سبحانه وتعالى
| |
 
|
|
|
|
|
|
|
|
Re: يا ناس ديوان الزكاة .... هنالك من المحتاجين من هم اولى من الصحفييين بكراتين فرحة الصايم هذ (Re: يوسف الخضر)
|
دقائق يالمتداخلين الفوق لو سمحتوا
بعد اذنكم ارد على الاخ الخضر قبليكم
لانو بشكك في ذمتي شكله كدا ( والله اعلم)
قلت لي ......
يا سيدي ذهبت لصحيفة ( ...........)
لنشر مادة ما خاصتي
فاذا بي امام الحوار التالي :
جريدة فلان وفلان جابو ليهم كراتين فرحة الصايم من ناس ديوان الذكاة بالدفار
وانتو (اللي هي الجريدة اللي انا كنت فيها) قالوا ليكم تعالوا استلموا بالدفار
فكرت في نفسي .............. هل الصحفييين ضمن ال(8) انواع اللي تستحق الذكاة
ولا دي ترضيات وتوذيع ادوار وكدا
وهل ديوان الزاكاة كفت كل المحتاجين المستحقين
ولا لا
ولماذا قبيلة الصحفييين بالذات !!!!!!!!!!!!!!!!!!!!!
| |
|
|
|
|
|
|
|
|
|
Re: يا ناس ديوان الزكاة .... هنالك من المحتاجين من هم اولى من الصحفييين بكراتين فرحة الصايم هذ (Re: mayada kamal)
|
طبعا دي فيها خشونة شوي..
نكتفي بالتنبيه..
Quote: ادينا رايك في الموضوع بالله
خلي اتاكدي من المصدر ولا لا ...........
|
(ده تدخل في الشئون الداخلية) زي مابنقرأ في الصحف..
وبنسمع في الأخبار..
يعني زي أملاء أو توجيه لداراتي الاستشعارية الخاصةبالمفهومية
وطرق الرغبات والتعبير لدي والي أين تتجه ..
اقترح ربط الكمبيوتر معاك عن بعد أو ارسال الكيبورد بتاعي ليك..
وتكوني ريحتيني لانو الكنبة اعلي من الطاولة وظهري في وضع انحناء..
طبعا في حاجة أسهل.. أرسال الباسوورد..
بس خايف بكرة افتح واعمل شخصية واقول ليك ياخي مابخلينا من تاكيد المصدر..
ولا تاكليني اوانطة..
اناسألتك اول..
هل ماتوفر لديك حينها من معلومة..
كان يعطيك حق فتح البوست ؟؟؟؟؟؟؟
واجابتك وصلت ضمنا..
والاهم ليك انتي شخصيا..
Quote: الخبر صحيح ولا لا؟؟؟؟؟؟؟؟؟؟؟؟
بعيدا عن مصادري |
ده سؤال برضو؟؟؟؟
ولمين؟؟؟
وهل يصلح ردا علي ما أوردته لك..
أعتقد أن كلانا قد أوصل مالديه..
حول ملابسات فتح البوست..
وأعود بأذن الله لرأيي في الموضوع..
وأمكانية أضافة الصحفيين كمستحقي زكاة..
كل الود.
| |
|
|
|
|
|
|
|
|
|
Re: يا ناس ديوان الزكاة .... هنالك من المحتاجين من هم اولى من الصحفييين بكراتين فرحة الصايم هذ (Re: كمال عباس)
|
الاخت الفاضلة
ميادة كمال
سلام وتحية
رمضان كريم وكل سنة وانتي طيبه
طبعا من حقك اثارة الموضوع لانك استمعت لتلك المكالمة الهاتفية
ولكن ليس من حقك (تعميم) الصحفيين بانهم كلهم حصلوا علي كراتين ديوان الزكاة
وكان من الاوفق استخدام كلمة (بعض) الصحفيين
انا من منطلق انتمائي لما كتبتيه في عنوان هذا البوست (الصحفيين)
أقول (أنني وعدد) من الزملاء الذين اعرفهم لم يتسلموا
ما يسمي (بفرحة الصايم) من ديوان الزكاة ..
علما بأن الصحيفة التي نعمل بها ـ والحمد لله ـ
استطاعت توفير (بعض) الاحتياجات الرمضانية الضرورية جدا
ورمضان كريم
| |
|
|
|
|
|
|
|
|
|
Re: يا ناس ديوان الزكاة .... هنالك من المحتاجين من هم اولى من الصحفييين بكراتين فرحة الصايم هذ (Re: عبود عبد الرحيم)
|
Quote: الاخت الفاضلة
ميادة كمال
سلام وتحية
رمضان كريم وكل سنة وانتي طيبه
طبعا من حقك اثارة الموضوع لانك استمعت لتلك المكالمة الهاتفية
ولكن ليس من حقك (تعميم) الصحفيين بانهم كلهم حصلوا علي كراتين ديوان الزكاة
وكان من الاوفق استخدام كلمة (بعض) الصحفيين
انا من منطلق انتمائي لما كتبتيه في عنوان هذا البوست (الصحفيين)
أقول (أنني وعدد) من الزملاء الذين اعرفهم لم يتسلموا
ما يسمي (بفرحة الصايم) من ديوان الزكاة ..
علما بأن الصحيفة التي نعمل بها ـ والحمد لله ـ
استطاعت توفير (بعض) الاحتياجات الرمضانية الضرورية جدا
ورمضان كريم |
رمضان كريم يا اخ عبود
انا لم اقل ان كل الصحفيين اخذوا المنحة دي
وكونك ترفض او تقبلها دا ما بينفي انو ديوان الزكاة منحت كراتين فرحت الصايم
وكويس انك جيت البوست دا
اها هل فعلا ما سمعته انا صحيح
وبالتالي ديوان الزكاة فعلا منحت الصحف كراتين فرحة الصايم !!!!!!
يعني شايفه الصحف ما تناولت الموضوع
| |
|
|
|
|
|
|
|
|
|
Re: يا ناس ديوان الزكاة .... هنالك من المحتاجين من هم اولى من الصحفييين بكراتين فرحة الصايم هذ (Re: mayada kamal)
|
Quote: يا سيدي ذهبت لصحيفة ( ...........)
لنشر مادة ما خاصتي
فاذا بي امام الحوار التالي :
جريدة فلان وفلان جابو ليهم كراتين فرحة الصايم من ناس ديوان الذكاة بالدفار
وانتو (اللي هي الجريدة اللي انا كنت فيها) قالوا ليكم تعالوا استلموا بالدفار
|
عبود.. سلام،،،،
الفوق ده كلام اختنا ميادة وهي تشرح لي كيف التقطت الخبر
| Quote: طبعا من حقك اثارة الموضوع لانك استمعت لتلك المكالمة الهاتفية |
والفوق ده كلامك انت،،
عبود أنت جبت عبارة (مكالمة هاتفية) ده من مين؟؟؟؟؟؟
| |
|
|
|
|
|
|
|
|
|
Re: يا ناس ديوان الزكاة .... هنالك من المحتاجين من هم اولى من الصحفييين بكراتين فرحة الصايم هذ (Re: يسن ابوالمجد)
|
كتب الصحفي عبود عبد الرحيم:
Quote: بصراحة لا استطيع الحديث عن صحف اخري لانه ليس لدي علم بذلك
كما انني (لا أستبعد) تقديم ديوان الزكاة لمواد رمضانية لبعض الصحفيين
ولكنني استطيع ان أؤكد بأن (صحيفة الحرة)
لم تتلقي كراتين رمضان من ديوان الزكاة لمنسوبيها
وهذا لا ينفي أن يكون هناك احد أو بعض الزملاء بالصحيفة
تلقوا تلك الكراتين بصفة شخصية او فردية
فلا استطيع ان احكم بما لم اري |
طيب ممكن تكتب لينا خبر عن الموضوع ده...عشان التوثيق وكدة...وعشان الشفافية، وإبراء للذمة...
حيث أنني أظن -وكل الظن أثم هنا- أن صحيفة الحُرة وصحفيها تلقوا فرحة الصائم وإفطار شركة زين -عالم شين- وحاجات
تانية كمان...
متى يستيقظ ضمير الصحفي السوداني الذي يستلم الهبات ويلجم فمه عن الحديث عن الموجعات؟
يوسف خضر...تحياتي يا زول ولعلك بخير... ما كنتا قايلك لايوق كدي...
طلّعتا من ميادة ومني الآتو...حتيتو حت، الله يهديك!
| |
|
|
|
|
|
|
|
|
|
Re: يا ناس ديوان الزكاة .... هنالك من المحتاجين من هم اولى من الصحفييين بكراتين فرحة الصايم هذ (Re: AnwarKing)
|
أنور ياصديقا أسفيريا جميلا..
عساك بخير ورمضان كريم،،
يا أخوي انت وميادة قصتك مع جدي الله يرحموا شنو..؟
ميادة مارضت من سيف يغير التاء المربوطة بي ألف طالع..
جات شالت مني ألف ولام حتة واحدة!!!!!
يا اخوانا الخضر... يوسف الخضر..
الالف واللام ده الفايد عامل فيها قضية مع البريطانيين كلفت الشيئ الفلاني..
(السطر الفات ده يا أنور خليتو كده عشان تاني ماتقول عاصر يمين طوالي)..معاها غمزة لذيذة كده..
فادعونا لآبائنا ذلك أقسط..
بعدين موضوع لايوق ده نخليهو حرباشة لي قدام..
| |
|
|
|
|
|
|
|
|
|
Re: يا ناس ديوان الزكاة .... هنالك من المحتاجين من هم اولى من الصحفييين بكراتين فرحة الصايم هذ (Re: AnwarKing)
|
الاخ انور كينج
Quote: طيب ممكن تكتب لينا خبر عن الموضوع ده...عشان التوثيق وكدة...وعشان الشفافية، وإبراء للذمة...
حيث أنني أظن -وكل الظن أثم هنا- أن صحيفة الحُرة وصحفيها تلقوا فرحة الصائم وإفطار شركة زين -عالم شين- وحاجات
تانية كمان...
متى يستيقظ ضمير الصحفي السوداني الذي يستلم الهبات ويلجم فمه عن الحديث عن الموجعات؟ |
كنت داير اكتفي بالمرور ولكن داير اقول ليك حاجة مهمة انو الشهر الماضي صحيفة الحرة ماكانت بتستلم من ديوان الزكاة الا اوامر استدعاء في النيابة بسبب بلاغات من الديوان ضد الصحيفة ولعلمك ان الرابط الذي اوردته انت (فساد داخل ديوان الزكاة ومواطن يشرع في الانتحار على ابوابه) كان عبارة عن حلقة واحدة منسلسلة تحقيقات خطيرة نشرتها الحرة حول التجاوزات المالية والادارية التي يرتكبها امين عام الديوان ..ولاتزال الحرة تواصل هذه الحلقات الخطيرة والتي كشفت عن بلاوي بتكون كراتين الصحافيين دي مابتساوي ذرة منها ..دي مئات الملايين يتم صرفها (بالهبتلي)..وبي مزاج هذا الشخص ومجاملات وقصص ..دي فضايح نشرت منها مستند واحد في البوست الانت اتكرمت ووضعت الرابط بتاعو
جمال
| |
|
|
|
|
|
|
|
|
|
Re: يا ناس ديوان الزكاة .... هنالك من المحتاجين من هم اولى من الصحفييين بكراتين فرحة الصايم هذ (Re: يوسف الخضر)
|
ذكرت الزكاة في القرآن الكريم في 32 موضعاً
منها..
بسم الله الرحمن الرحيم
قال الله تعالى( وأقيموا الصلاة وآتوا الزكاة وما تقدموا لأنفسكم من خير تجدوه عند الله إن الله بما تعملون بصير) سورة البقرة الآية رقم 110.
وقال تعالى( ولا يحسبن الذين يبخلون بما آتاهم الله من فضله هو خيراً لهم بل هو شر لهم سيطوقون ما بخلوا به يوم القيامة ولله ميراث السماوات والأرض والله بما تعملون خبير) سورة آل عمران الآية رقم 180
قال الله تعالى( خذ من أموالهم صدقة تطهّرهم وتزكيهم بها وصلِّ عليهم إن صلاتك سكن لهم) سورة التوبة الآية رقم 103.
قال الله تعالى( إنما الصدقات للفقراء والمساكين والعاملين عليها والمؤلفةِ قلوبهم وفي الرِقاب والغارمين وفي سبيل الله وابن السبيل فريضة من الله، والله عليم حكيم) سورة التوبة الآية رقم 60.
| |
|
|
|
|
|
|
|
|
|
Re: يا ناس ديوان الزكاة .... هنالك من المحتاجين من هم اولى من الصحفييين بكراتين فرحة الصايم هذ (Re: يسن ابوالمجد)
|
رمضان كريم اخ ابو المجد
Quote: اغلب الصحفيين استلموا فرحت الصائم من ديوان الزكاة
لماذا النكران هل ليس لهم الحق في ذلك ام يختشوا !!!!!!!!!!!
تحياتي لك
|
من ناحية شرعية ليس لهم الحق في استلام الزكاة
انا اللي دفعني للموضوع انو دا حق فقراء كان ممكن نسد بيه جوعهم....... ونأمن روعاتهم.....
الصحف كمؤسسات تستطيع ان تؤمن لصحفييها الهبات والمساعدات المادية والعينية التي تراها مناسبة للشهر الكريم
فلماذا تقبل الصحف من ديوان الزكاة
ولماذا اصلا ديوان الزكاة تفرط في حق الفقراء والمساكين ... لتعطية من لا يستحق
إلا مافي صحيفة جابت سيرة وخبر للموضوع !!!!!!!!!!!!!!!
شكرا على مرورك
وتحياتي
| |
|
|
|
|
|
|
| |
mayada kamal
الطيب رحمه قريمان
حاتم شناب
AnwarKing
يوسف الخضر
بدر الدين اسحاق احمد
معاوية الأرباب
Deng
صديق الموج
معاوية عوض الكريم
كمال عباس
عبود عبد الرحيم
saif massad ali
يسن ابوالمجد
جمال علي حسن
فيس بوك
تويتر
انستقرام
يوتيوب
بنتيريست