|
|
|
 Re: صرف بزخي في عقد قران بت البشير (صور ليست للنشر) (Re: smart_ana2001)
|
الاخ
smart
ادري ان البشير لم ينعم الله عليه بالولد
نحن ماعندنا كلام علي قسمة ربنا فهو
الذي يرزق الجنا لكن زى ماقال احدهم
لوكان ضاق طعم الولد ماكان فعل بالناس
مافعل .. وكان في اول ايامه بالسلطة
بعض الحبوبات يقولن االعقر الغلو السكر
في اشارة لنميري والبشير اوردت هذا
اثباتا لعلمى بان البشير لم يكرمه بالولد
وهذه مشيئة الخالق ولانريد الخوض فيها
لانه هو االذي يهبنا الاولاد..
ولكن عندنا في السودان زوج الام بنقول
ليه يا ابوى ولي زوجة الاب بنقول ليها
يايمة او كما ينادونها اهلنا في الغرب
عمتى..
المقصودة هناا بدون شك هى بنت ابراهيم
شمس الدين ووداد بابكر حرم الرئيس حاليا
وهذا الزواج معروف وتناقلته وسائل الاعلام
في الاسابيع الماضية ولعلي اشرت ان والد العريس
قال دي رغبة ابو العروس وهو يننفذ ها باعتبارها
(وصية) فالبشير والامرر للهه لحدى هسه
مامات عشان ينفذو وصصيتو وربنا يمد
في ايامه..
اثق في محدثي جيدا الذي له علالاقه باهل العريس
والكلام فيه صور واوردت فيما سبق اسباب عدم
النشر وما كان لي ان افتري علي الناس الكذب
مع ودى
| |
 
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: مزمل خيرى)
|
| Quote: دي الحاجة االمعروفة للجميع !!! |
الاخ مزمل
انا ذاتى من الجميع
لكن باعتبار البشير زوج امها يعتبر في مقام ابوها
او ولي امرها وهو الكان وكيل العروس بالاضافة
لانه هو الرئيس وهو الراعي بالاعتبار فالمفروض
يكون مسئول من رعيته علي اقلاها في نطاق بيتو
مش يعرس للناس في عرس االكوره بسرير
ومرتبتين وزير وبتو او فالنعدله ليكم بت شمس
الدين يرسلوها بطيارة خاصة للقاهرة مع الشبائن
مع ودى
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: معتصم مصطفي الجبلابي)
|
من الاشياء الغريبة التى قالها لي محدثي
ان البلح الذي قدم في العقد جلب من الاردن
والذي اغاظنى أن والد العريس من اكبر تجار
البلح ويملك مزارع ضخمة للتمور ويدعي (حاج بشير)
وقال ابو العريس انه يزوج ابنه لهذه العروسة
لانها كانت رغبة والدها وهو ينفذ الوصية
وقال ان هذه الرغبة كان يرددها منذ ان كانا
صغارا (العريس والعروس)
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: معتصم مصطفي الجبلابي)
|
Quote: والذي اغاظنى أن والد العريس من اكبر تجار
البلح ويملك مزارع ضخمة للتمور ويدعي (حاج بشير)
|
| Quote: استغلال لموارد الدولة والبشير يرقص ويزنبر هي لله هي لله |
Quote: مئات الملايين تصرف في عقد قران والشعب ينهكه الجوع
مئات الملايين تصرف والشباب عانس وعازف عن الزواج
لعدم توفر حق الشيلة لديهم..
|
Quote: ملاييين منأموال الشعب تنفق في الزواج
ويعندما يأتى الامر علي الغلابة.. يظهر
الخطاب الدينى اقلهن مهرا اكثرهن بركة |
ياخوي قصتك دي ما راكبا عدلها!!!
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: بشير أحمد)
|
| Quote: الجميع يسالونك ان تفصح !!!!!!!!!!!!!!!!!!!!!! |
وقد فعل
Quote:
بعض الحبوبات يقولن االعقر الغلو السكر
في اشارة لنميري والبشير اوردت هذا
اثباتا لعلمى بان البشير لم يكرمه بالولد
وهذه مشيئة الخالق ولانريد الخوض فيها
لانه هو االذي يهبنا الاولاد..
ولكن عندنا في السودان زوج الام بنقول
ليه يا ابوى ولي زوجة الاب بنقول ليها
يايمة او كما ينادونها اهلنا في الغرب
عمتى..
المقصودة هناا بدون شك هى بنت ابراهيم
شمس الدين ووداد بابكر حرم الرئيس حاليا
|
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: ALGARADABI)
|
والله إحترنا ... تقول بت البشير تطلع بت مرتو ... تقول صور ليست للنشر وتجي تقول حفاظاً على شنو ماعارف
تقول صرف بذخي وصور ويقولوا ليك المصدر تقول (قالوا لي) ...
طيب ياخ سؤال فرعي : إنتو خلاص جهزتوا للإنتخابات ؟؟؟ يعني بقيتو جاهزين وفاضين لعرس بتزوجة الرئيس ؟؟؟؟
ملحوظة : انا برضو للحظة مرشحي ما البشير ....!!!!
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: Ahmed musa)
|
| Quote: عندو ولدين بس و اظن انهم اولاده بالتبنى |
الولدين العندو ديل جلبوا اليه كغنائم حرب من الجنوب و اما حكاية تبنى دى, فهل يعقل ان يكون ولى امر المسلمين و مجاهدهم الاكبر ايام نشل اطفال الجنوب من احضان امهاتهم جاهل بدينه الاسلامى الذى لا يجيز التبنى !!! اللهم الا تكون الولية رضعت الاولاد ديل و اشك فى ذلك.
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: ALGARADABI)
|
Quote: وهذا تفسير منطقي للصرف البذخي
في السودان العندو و الماعندو بصرف ببذخ في العرس
فما بالك بتاجر ومناسب الرئيس (لو صحت الرواية)
تمنياتنا لهم بحياة زوجية سعيدة وبيت مال وعيال |
الاخ القاضي سلامات
طبعا الجماعة عارفين لكن بعضهم عائز يدورنى
عشان اجيب الصور .. لكن زى ماقلت النشر ممنوع ويطولو منها دى
بس الداير اقولو انه العريس فعلا من تجار البلح وله مزارع في الجريف
وشفته النخل الزرعوه بطولو في شوارع الخرطوم داك مشترنو من مزرعتو
وكان سعر النخلة الواحدة بمليون جنيه والكلام ده قبل اكتر من 15 سنة تقريبا
شوف اتباعت كم نخله وبي كم مليون وفي الزمن داك..واسمه حاج بشير محمد
من اهلنا في الشمال..واعرف منطقته وابنه العريس اسمه محمد خريج هندسة الاسلامية
وطبعا ده عقد ساكت لسه العرس ماتم .. والزول قال لي بالاضافة لقيقم الجديد
واعنى بقيقم الجديد جمال فرفور الذي اصبح فنان سلطان او بالاحري
غناي سلطان لانه ماعنده علاقة بالفن والبنا .. وفرقة الصحوة
والنسوان بفناناتهم منهن ندي القلعة وفرقة انشاد..
والمناسبة كانت معمولة علي مرحلين الاولي في مزارع الجريف وكت
الغداء والثانية بالمعرض الدولي بالخرطوم بالمساء..
مع ودى
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: ALGARADABI)
|
Quote: انا المسكين ده أهلك الجبلاب دفعوني دم قلبي
المدام الظاهر قريبتك
وتكون انتا زااااتك من الناس الأكلوني |
الاخ القرضابي
باقي انت عرسته من جبلاب البندر
لوكان جيتنا في الحلة فحسب الضوابط
الموجودة لمراسم الزواج لاتتعدى التكاليف
الالف او الالفين بالكتير
بس بختك والله
مع ودى
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: Faisal Mohammed Abdalla)
|
Quote: أنا جار العريس و حضرت العرس فى الصالة الذهبية وكان عرس زيو وزى كتير من الأعراس
وأنا كملت صحن الكوكتيل كلو رغم إنى ما من الناس الأكالين
يا جماعة مافى داعى للمبالغات |
{يا أيها الذين آمنو إن جاءكم فاسق بنبأ فتبينوا أن تصيبوا قوماً بجهالة فتصبحوا على مافعلتم نادمين}
الأخ معتصم الجبلابي أنت محل تقديرنا وإحترامنا ولكن مصدرك يبدوا أنه صاحب غرض
أو عنده مشكلة في تقييم أحجام الأشياء ...
نتوقع منك إعتذاراً لزوجة يتيمة من حقها الفرح ...مسها موضوعك
وياريت لو طالبت بحذفه
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: عبدالوهاب علي الحاج)
|
Quote: Quote: أنا جار العريس و حضرت العرس فى الصالة الذهبية وكان عرس زيو وزى كتير من الأعراس
وأنا كملت صحن الكوكتيل كلو رغم إنى ما من الناس الأكالين
يا جماعة مافى داعى للمبالغات |
تعرف يا الجبلابى انت زول ملقوف وملقوف تعني عند العرب التدخل فيما لا يعنينا
سواء -- كان ذلك -- نطقا او فعلا اها انت يا الطريفى اخوى ادخلت ونظرت فى شى انت
ما حضرتو حتى المثلك مفروض يرفعو رافعة ويعطوك عشرة سيطان وتجضمتين لمن تعرف حاجه
قال كوكتيل فيهو نص فرخة اها الكلتان الجنبك ده عملت فى كوكتيل زواجى فرخه كامله
وبعضها طار فما بالك بعرس واحد ابوه تاجر معروف....ياخى امشى اتلما وشوف ليك شغله تشغلك
خلاف فلان عمل وفلان زرع وفلان شارك..... عالم تجيب المرض
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: omer osman)
|
Quote: صرف بذخي والكوكتيل نص فرخة !!!!!
|
اها ياجنابو ...
هي دي نص فرخة جابت ليها خطاب سياسي وبرنامج إنتخابي
يعني لو بقت فرخة كاملة كان الجبلابي ومصدره ديل طلعو في إنتفاضة
او اقله مظاهرات (تنديد) ...بالفرخة .....!!!!
الغريبة إنو أخطر حاجة في الكوكتيل نص الفرخة
وهي ــنص الفرخة ـــ الخلغت (المصدر) .... جه جري على الجبلابي
والجبلابي ما (كدب) خبر ... تووووووش المنبر وهاك يانضال
طيب عرفنا نضال الكيبورد ... ده نسمبه شنو ؟؟؟؟
نضال نص الفراخ ....؟؟؟؟
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: عبدالوهاب علي الحاج)
|
Quote:
Quote: ابلع ابلع ياولدنا بالهنا والشفا
نثني ....
البلع
والهنا والشفا |
وهبة أنا والله ما متراجع عن تثنيتي ... لكن خطر لي خاطر كدة
(البلع) هل حيشمل (نص الفرخة) ... ؟؟؟؟
إن كانت الإجابة بالإيجاب ... هل سيظل ده (بلع) الله والرسول ؟؟؟
ولا إحتمال يبقى (بلع) بذخي ... أو بزخي كما جاء بالعنوان ...؟؟؟؟
أفيدنا أفادك الله ...
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: Ahmed musa)
|
Quote: وهبة أنا والله ما متراجع عن تثنيتي ... لكن خطر لي خاطر كدة
(البلع) هل حيشمل (نص الفرخة) ... ؟؟؟؟
إن كانت الإجابة بالإيجاب ... هل سيظل ده (بلع) الله والرسول ؟؟؟
ولا إحتمال يبقى (بلع) بذخي ... أو بزخي كما جاء بالعنوان ...؟؟؟؟
أفيدنا أفادك الله ... |
يامولانا احمد موسى
جمهور الفقهاء بقول بزخي شفت كيف ؟
يعني زولك دا يبلع البوست دا لامن بطنو تطم
ويقعد يبزخ لمن يفقد سوائل
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: عبدالوهاب علي الحاج)
|
Quote: أنا جار العريس و حضرت العرس فى الصالة الذهبية وكان عرس زيو وزى كتير من الأعراس
وأنا كملت صحن الكوكتيل كلو رغم إنى ما من الناس الأكالين
يا جماعة مافى داعى للمبالغات |
أها بلع ولا لسع
اليومين ديل الحاصل شنو البلع حب اطرش
نجيب ليك ود الصايم يساعدك في البلع يا الجبلابي ، اصلو الطريفي في إجازة
--------------------------------
ويا زكريا استحي على وجهك
الناس الفوق ديل مشو ليك كلامك باعتبار انك غير مؤاخذ
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: هجو الأقرع)
|
| Quote: الاخ الكريم الجبلابى ، العروسة ابنت ابننا الشهيد ابراهيم شمس الدين علية رحمة الله ، وانا فى مقام عمها ، تكاليف الزواج تحملتها اسرة العريس . هاك ده الاردن ما فيها تمر للاستراد عشان يجبوه من الاردن ، بعدين التمر رطب و الله جاف ؟ |
اها أخونا هجــــو ده زول بيت عديييييييييييل كدة ....
أها يا جبلابي أخوي ... نرتقي كيف ....؟؟؟؟؟
يازول والله كلمة إعتذار تكبرك في قلوبنا كلنا ....!!!!
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: Ahmed musa)
|
الاخ موسي اذا كان كلامى لايصل الي درجة الرقئ
فخلي ردك وتصحيحك لي يكون ارقي اسلوبا
عشان انا اواصل معاك ليه بنناضل في الفرخة.
وانا قلت كلامى الفوق داك لانى مابحب المجابدة
البتحصل في البوستات والمناكفة والاساءة في
بعض او اغلب الاحيان ..نهجي في المنبر قد
يختلف من اسلوب كثير من المتداخلين
ومادايراخش في مخاشنة مباشرة مع الاخوه الزملاء
ولذااتغاضي عن بعض المداخلات ليظل الاحترام
بينى والمتداخل وكذلك (المشاهدين )
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: علاء الدين يوسف علي محمد)
|
الجبلابي ... قال الله تعالى في مُحكم تنزيله {والعصر (1) إن الإنسان لفي خُسر(2)إلا الذين آمنو وعملوا الصالحات وتواصواْ بالحق وتواصواْ بالصبر(3)[/B }
صدق الله العظيم ...
أها أخوي ...
إنت قلت بزخي وطلعت (حيّ الله نص فرخة
قلت بت البشير طلعت حيّ الله بت مرته
قلت صور طلعت مافي صور ...!!!!
أها الرأي شنو ؟؟؟ تسمع كلام الله وتقول (الحق) ولا تكابر ؟؟؟
محبة الله ولا كُره البشير ...؟؟؟؟؟
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: معتصم مصطفي الجبلابي)
|
Quote: الاخ موسي
خش علي الرابط ده وورينى رايك شنو |
يا معتصم رابطك بقول دخلت زراعة البلح ...
يعني بلح الأردن ده يدخل الليلة باكر البشير يجيبو مع نص فرخة لبت مرته؟؟؟؟
بعدين هو وكت قوّم طيارة رئاسية ودت العروس القاهرة
السواق ماكان يغشى يجيب معاه من بلح (المدينة) ....
غايتو يا جبلابي يا أخوي ... البزخي هو البوست بتاعك ده ...!!!!
أها الصُوُر وين ...؟؟؟!!!!
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: Ahmed musa)
|
| Quote: يا معتصم رابطك بقول دخلت زراعة البلح ... |
دخلت يا استاذ زى ماعارف فعل ماضي
وقال انه الاردن بينتج ١٥ صنفا من البلح
وقال رئيس جمعية التمور الاردنية..
ان انتاج البلح في عام ٢٠٠٩ بلغ ٦ الف طن
اها الجابوه ده من الستة تالاف دي..
| Quote: أها الصُوُر وين ...؟؟؟!!!! |
بقيت على الصور..
بس عشان افرز داير ياتو صور صور
مزارع النخيل الفي الاردن والا صور
العرس
| |
|
|
|
|
|
|
|
|
 Re: صرف بزخي في عقد قران بت البشير (صور ليست للنشر) (Re: عبدالوهاب علي الحاج)
|
والله يا علاء ضحكتني بأم دلدوم دي
ذكرتني اتنين جايات زياره لبت خالتي ركبوا مواصلات بري
واحد راكب الحافله بشاكل مع جاره كل شويه يقول ليو تسكت ولا اديك اب دلدوم
البتين عاينن لبعض وكل واحده سالت التانية بتعرفي أب دلدوم
ولما ما عرفنه جوا وسالونا
اكيد أب دلدوم دا شي مخصوص بدوه لناس بري مش كده
اتاريكم انتو يا علاء جيرانا وشلتوه مننا
صاحب البوست سلام
وخلي البنيه تفرح يأخ
الشعب السوداني كله لو لقى بتبور
مافي داعي لآب دلدوم هنا وفي جماعة كده قبيييل بكونوا رسلوا لبكري
عشان كده ماترهق نفسك بالردود ما بتصبح ليو واطه البتاع دا
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: عبدالوهاب علي الحاج)
|
| Quote: والاردن طلع مافيها بلح |
وقال العروس جهزوها في مصر؟؟؟
Quote: اولا لقد تم تجهيز العروس تجهيزا كاملا بجمهورية مصر العربية
برفقة الشبائن وقد ارسلوا بطائرة رئاسية خاصة..
وتم التجهيز في ارقى واغلي محلات تجهيز العرائس بالقاهرة |
| Quote: وطبعا ده عقد ساكت لسه العرس ماتم |
مسعولين من الخير...مراسم العرس في السودان اتغيرت والله شنو؟؟؟
عقد وعرس ما تم يقوموا يجهزوا العروس في مصر؟؟؟
في كل الأحوال
ساعدونا بام دلدوم...يا جماعة...الراجل غالبو البلع
غايتو دا بوست سخيق سخافة...
عشان
نص فرخة؟؟؟؟؟
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: علاء الدين يوسف علي محمد)
|
إسمارت طبعا عايزة تعمل ليكم قيها إسمارت
البشير هو الربا البت دي فهو أبوها لزم
إنتو قايلين الأبوة دي صلة رحم فقط ?. الأبوة, الجزء الكبير فيها هو التربية.
و بعدين لغتنا العربية دي في حتات كدا محدودة جدا, ما تعرف زاتو تتعامل معاها كيف....خاصة في العلاقات الجنسية و العلاقات الأسرية.
يعني البشير علاقتو بالبنت دي, الإنجليز بقولوا عليه Stepfather
و في اللغة الإنجليزية في زي مليون نوع من الآباء
مثلا:
Stepfather
Biological father
Birth father
Surprise father
Posthumous father
Non-parental father
Father-in-law
Sperm donor father
أها يا سمارت الترجمة عليك
بدل ما شايلة مقشاشتك و حايمة تلخبطتي في بوستات الجبلاب
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: هجو الأقرع)
|
Quote: التمور الاردنية تنافس المستوردة في السوق المحلية
 |
ياولدنا اهو الرابط الجبتو
الناس ديل فرحانين انهم يادووووووب بقوا ينافسوا المستورد
يعني لسه مابقوا يصدروا ... والله الليلة وقعت على قدومك
غايتو كتر خيرك ونستنا ... تونسك عروسك ان شاء الله بركة سيدي الصادق
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: عبدالوهاب علي الحاج)
|
| Quote: ياولدنا اهو الرابط الجبتو |
اي ياوهبة
وقال ابو عياش * ان الاردن صدر فيرعام٢٠٠٢ ٥٧٤ طنا ارتفعت في عام ٢٠٠٩ الي ١٧٠٠ طن بقيمة ١,٨ مليون ينار
وورد في الرابط ان الاردن يمتاز بانتاج صنف (المجهول)* التمور المطلوب عالميا والذي يعتبر من اجود اصناف التمور في العالم ويتميز بنكهته وطعمه وشكله وحجمه الذ يصل الي ٣٥ جراما..
*ابوعياش هو رئيس جمعية التمور الاردنية
*المجهول نوع من انواع البلح...
تحيات
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: عبدالوهاب علي الحاج)
|
يا معتصم الجلابي
سلام ايها الصادق
يا زول الناس دي دجاله بمزاج
ابدأ من هنا.....
Quote: البشير الواحد ده? عمر حسن احمد البشير الرئيس السودانى?
لان البشير الواحد ده ما عندو بنات عندو ولدين بس و اظن انهم اولاده
بالتبنى |
شوفي زي دي ؟؟وعلى فكره اسمارتي دي مره ما راجل اولا.
طيب يا اسمارتي وقت عارفه عدد ابناء ابراهيم شمس الدين
اثنين مالك ما عرفتي انه ليهم اخت؟؟؟؟
يا معتصم انت لم تآتي بجديد
هذا الزواج كتب عنه بهذا المنبر
وقيل انه اقيم بصالة المعارض بمعرض الخرطوم الدولي
وكتبوا....عنه وحتى عن تعليمها وانها خريجة لغة صينيه!
بذخ شنو اكثر من انه ضيوفهم يملأون هذه الصاله العملاقه.
يا زول اكتب واوصف وما تهتم بيهم هؤلاء كلهم...... كيزان!
اما ادعاء هجو بانه الاردن مافيها
تمر فهذه و الله لكبيره!!وا ياترى الاردن الصحراويه فيها شنو
غير التمر؟؟؟!!!
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: الشفيع وراق عبد الرحمن)
|
كوستاوى يا (دفعة) انا سالت سؤال ...جاوبوا لى ...اتكلت مرقت من البوست.
انت تسيب الهيلمانه دى كلها, شئ بلع ,و شئ بلح ,و ناس مشوا العرس عديل كده و اكلوا نصف الفرخة ,و ناس طلعوا اعمام العروس وناس طلعوا جيران العريس, تسيب ده كلو تمسك فى اسمارت المسكينه. يا خسارة ال٤ سنوات القضيانها فى كوستى الاوليه المتختلطة فى الخمسينات.
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: Kostawi)
|
Quote: بس الداير اقولو انه العريس فعلا من تجار البلح وله مزارع في الجريف
وشفته النخل الزرعوه بطولو في شوارع الخرطوم داك مشترنو من مزرعتو
وكان سعر النخلة الواحدة بمليون جنيه والكلام ده قبل اكتر من 15 سنة تقريبا
شوف اتباعت كم نخله وبي كم مليون وفي الزمن داك..واسمه حاج بشير محمد |
سمح ابو العريس تاجر قدر الضربة زي ما بتقول , سمح اموال الشعب الدخلا هنا شنو ؟؟ لو كان معدم نقول معليش لكن انت شاهد ليه بالغنى
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: خالد العبيد)
|
ما كعبة الا رخصت الرجال
بالله اسع دا موضوع مهم جدا...
بعدين عادة الزوج يتكفل بالدعوة كاملة الا اذا حصل حاجة جديدة في مروقنا من السودان
بقى الابو يدفع كل حاجة (سجمنا عندنا 3 بنات)
حى لو البشير دفع لربيبته هو يعمل منذ السبعنات معقول ما يكون موفر ليه شوية قروش
بقت على قروش الشعب المافيشة دي؟؟؟؟
اذا دفع البشير تكلفة الزواج كلها يشكر عليها انه قام على يتيمة وزوجها افضل زواج
وجبر بخاطرها.ز دي محمدة وما باب نبيشة..ز
في ظل اي حاجة بقت مختلة بقا الكلام عن ذمم الناس واعراضهم وابنائهم حاجة عادية جدا في النضالالسياسي.
عشان كدا الانقاذ حتحكم تاني 20 سنة...
لانه دا مستوى النضال فلانة جابو ليها فرخة وفلانة جابو ليها ندي القلعة
ويا خالد البت بيكونو زوجوها وليانها وهم اعمامها ولذلك يستحيل لا يذكر اسمها
بالكامل في الكرت
انت مفتكر الحاجات دي لعب كمان
اي زول يزوج بته كما يشاء هذا ماشأن عام دا شأن خاص بالاسرة
وربنا يهني العروسة وبيت مال وعيال يا هجو
| |
|
|
|
|
|
|
| |
معتصم مصطفي الجبلابي
smart_ana2001
مزمل خيرى
talha alsayed
بشير أحمد
Egbal Elmardi
ALGARADABI
Ahmed musa
Zakaria Joseph
هاشم محمد الحسن عبدالله
Faisal Mohammed Abdalla
عبدالوهاب علي الحاج
وليد الطيب قسم السيد
على تاج الدين على
omer osman
Balla Musa
الشفيع وراق عبد الرحمن
هجو الأقرع
Abdelmuhsin Said
وجن
nazar hussien
عبدالمجيد المقابل
Kostawi
jini
Tragie Mustafa
ذواليد سليمان مصطفى
خالد العبيد
سناء عبد السيد
فيس بوك
تويتر
انستقرام
يوتيوب
بنتيريست