|
دعواتكم لزميلنا المفكر د.الباقر العفيف بالشفاء العاجل
|
|
 Re: حال المنبر لايسر! كورة اوجنس؟ ماهذا؟ (Re: Bashasha)
|
فيما تعلق بي قوي معسكري الصراع، الارضية المشتركة مابين بيوتات قوي القديم، ممثلة في اطياف الجلابة، معارضة ونظام، تمددت، والفوارق الشكلية المرحلية، انمحت او تكاد.
في المقابل، صفوف قوي البديل، تفرقت، كان غياب، كان ابادة وايقاف بواسطة الادارة، اللتي للاسف لاتحسب اي حساب، لقضية الموازنة، مابين معسكري الصراع.
كنتيجة المنبر اصبح اتجاه واحد، داخل اتجاه اصلا واحد!
| |
 
|
|
|
|
|
|
|
|
Re: حال المنبر لايسر! كورة اوجنس؟ ماهذا؟ (Re: Bashasha)
|
Ya Bashahsa
The Notion of this Nation is Nonesense
Pastdue Nation
they always talk too much about the things that they are nod on it
politics & sex & ethics and humanity
very good when they are bad
do not care to listen , do not understand when they listen
have fun man
Galal
| |
|
|
|
|
|
|
|
|
|
Re: حال المنبر لايسر! كورة اوجنس؟ ماهذا؟ (Re: Bashasha)
|
| Quote: The Notion of this Nation is Nonesense |
جلال الدين مرحب بيك.
الموضوع كلو في Nonesense هذه، والمفردة مركبة حقيقة.
اللامبالاة المخجل بحق، المبكي حد الضحك، اولا ماصدفة علي الاطلاق، اوثانيا، النظام ابتدأ يوظف حالة عدم الاكتراث العامة، لمصلحتو، والخطورة هنا!
| |
|
|
|
|
|
|
|
|
|
Re: حال المنبر لايسر! كورة اوجنس؟ ماهذا؟ (Re: Bashasha)
|
بشاشا
سلامات
| Quote: اللامبالاة المخجل بحق، المبكي حد الضحك، اولا ماصدفة علي الاطلاق، اوثانيا، النظام ابتدأ يوظف حالة عدم الاكتراث العامة، لمصلحتو، والخطورة هنا! |
يا بشاشا، هل دفع المهمشون الناس لهذه الحالة بالشطط و اطلاق النار على الكل و في كل الاتجاهات؟
دي دعوة لنقاش موضوعي!
| |
|
|
|
|
|
|
|
|
|
Re: حال المنبر لايسر! كورة اوجنس؟ ماهذا؟ (Re: Badreldin Ahmed Musa)
|
| Quote: يا بشاشا، هل دفع المهمشون الناس لهذه الحالة بالشطط و اطلاق النار على الكل و في كل الاتجاهات؟ |
بدرالدين مرحب بيك.
للاسف فهمك خاطئ او فيهو استعلاء، معهود طبعا.
اولا، اين هي اصوات المهمشين في هذا الفضاء الجلابي؟
الخلل الاساسي اصلا هنا من حيث تركيبة المنبر والتوازن بين قواهو المتصارعة. فالمعادلة دائما صفرية اي ZeroSum.
اي حذف من رصيد معسكر، تلقائيا اضافة لي رصيد الاخر.
ده السبب الاساسي انو المنبر رجع جلابي صرف زي ماكان قبل 2004م!
الفارق الوحيد انو الزمن داك، المسافة كانت كبيرة نسبيا بين المعارضة الجلابية او نظاما، او بالتالي شكلا، اونسبيا، كانت هناك جدية في المظهر العام، وان ظل الاهتمام جلابي صرف!
في مرحلة لاحقة ومع تنامي قوي البديل، الصفحة الاولي تم احتلالها لفترة من الزمن بواسطة قوي البديل، ولهذا ماكنت بتشوف شغل ياكفر ياوتر، والان جنس، المتصدر للصفحة الاولي.
...يتبع...
| |
|
|
|
|
|
|
|
|
|
Re: حال المنبر لايسر! كورة اوجنس؟ ماهذا؟ (Re: Badreldin Ahmed Musa)
|
| Quote: دي دعوة لنقاش موضوعي! |
يا بدر الدين يا أخونا !
النقاش الموضوعي ده ما بتلقاه في بوستات و لا مداخلات بشاشا .
التجريم و الإقصاء و كميه الشتايم و الهتر البيمارسو بشاشا وبعض من شايعه واحد من أهم الاسباب الخلقت حالة عدم الاكتراث وال Nonesense في المنبر ده !
فيا بشاشا يا أخي ، أصلح حال مداخلتك ينصلح بعض من حال المنبر ، بعدك تعال اتكلم في حالة عدم الاكتراث وال Nonesense !!
| |
|
|
|
|
|
|
|
|
|
Re: حال المنبر لايسر! كورة اوجنس؟ ماهذا؟ (Re: Amin Mohamed Suliman)
|
نواصل كلامنا حول "شطط" المهمشين المتخيل لدي اخونا بدالدرين.
وصف دفاع المهمشين عن انفسم، ادميتم، في وجه الابادة المادية، بالكلام، ايا كان، بالشطط من قبل الجلابة، يعبر حقيقة، عن جملة من المواقف وطريقة التفكير:
*اولا وصف دفاع الناس السلمي، او رد فعلهم الطبيعي، علي فعل الابادة، بالشطط فيهو ضيق، معبر في حد ذاتو عن موقف جهوي صرف. غير انو متعالي، بحاول فيهو بدر الدين كجلابي، وبحكم مااعتاد، التحكم حتي في ردفعل ضحايا، فعل اقليتو، وهذا عجيب، بحق!
يابدر الدين لو مهمشيك لازم في الاول، ينجحو في امتحان الشطط بي معاييرك انت، الفي يدك القلم، فوق كم من الاساس، فاتحين خشومم؟
طبعا دايرين مغمتين، فهود مروضة، قطط اليفة، طيور زينة، اوكده!
السعال، لمصلحة من، مهمش مروض الي هذا الحد؟
اكيد لمصلحة الاقلية المهيمنة.
شفت كيف خلاصة كلامك اوموقفك، هو الدفاع عن مصالحك كاقلية مهيمنة؟
علي كده، لابد من الشطط بي معايير الجلابة، في مواقف مهمشيهم، والا اضحو نمور مروضة، للسيرك، لمتعة الجلابي المكوش اصلا علي كل شئ!
من الجانب الاخر، غياب الكادر المصادم، من الهامش، زي تراجي مصطفي او محمد سليمان، بالعدد الكافي، هو البدي امثالك هذا الانطباع الخاطيئ عن شطط متصور، لانو كلام نفر نفرين مغاير في غابة من الجلابة، كفيل بصرفو، كشطط، لانو فعلا اوقياسا بماهو سائد كراي عام، بكون الراي الاخر المغاير، شطط!
غير انو ده كلام فقط في مقابل افعال، وافعال ابادة او محارق! فاين الشطط هنا:
القتل علي لون الاضان للملايين بواسطة جهاز الدولة، ام الاحتجاج كلاما علي القتل، من افراد؟
| |
|
|
|
|
|
|
|
|
|
Re: حال المنبر لايسر! كورة اوجنس؟ ماهذا؟ (Re: Bashasha)
|
Quote: بعدين لاحظ التغطية المنبرية الاعلامية "تعريف يستخدم ليوصف حالة الانكباب علي التقاط الصور " من مؤتمر الاعلاميين العاملين بالخارج
هل هذا حدث يستحق كل هذه التغطية من اعضاء المنبر وتضخيم الحدث |
عبدالمجيد مشتاقين او مرحب بيك.
اما مؤتمر اعلاميي الجلابة، للدفاع عن رمزهم الهارب من العدالة، المجرم البشير، والاحتفال بيهو في منبر جلابي صرف، فهذا هو المتوقع بالضبط!
علني بقو الجلابة يحتفلو بكلاب الامن العامليين اعلامييين!
| |
|
|
|
|
|
|
|
|
|
Re: حال المنبر لايسر! كورة اوجنس؟ ماهذا؟ (Re: BAKTASH)
|
| Quote: فيا بشاشا يا أخي ، أصلح حال مداخلتك ينصلح بعض من حال المنبر ، بعدك تعال اتكلم في حالة عدم الاكتراث وال Nonesense !! |
حمدلله سلامه ..قال رسول الله صلى الله عليه وسلم بقوله : ( سيأتي على الناس
سنوات خداعات ،يصدق فيها الكاذب ، ويكذب فيها الصادق، ويؤتمن فيها الخائن .
ويخون فيها الأمين ، وينطق فيها الرويبضة في أمر العامة ، قيل وما الرويبضة ؟
قال : الرجل التافه ... الله يصلح حالك يا بشاشا
بالمناسبه ناس الحج يوسف بسلمو عليك .....
| |
|
|
|
|
|
|
|
|
|
Re: حال المنبر لايسر! كورة اوجنس؟ ماهذا؟ (Re: Abdelmuhsin Said)
|
Quote: يا بدر الدين يا أخونا !
النقاش الموضوعي ده ما بتلقاه في بوستات و لا مداخلات بشاشا |
امين م سليمان مرحب،
في دي صدقت تب!
اتخلعتا؟
ايوا، بشاشا ماعندو "نقاش" خالص مع الجلابة!
عندو ليكم سيف القلم بس، ولاسباب موضوعية، متصلة بغياب الارضية المشتركة ما بينا او بينكم، كانعكاس حقيقي للجاري علي ارض الواقع.
| Quote: التجريم و الإقصاء و كميه الشتايم و الهتر البيمارسو بشاشا وبعض من شايعه واحد من أهم الاسباب الخلقت حالة عدم الاكتراث وال Nonesense في المنبر ده ! |
قتي لي الاقصاء، يالجلابي؟
هوبالله الاقصاء حار كده؟
طبعا اطلاقا ماشايف كجلابي منفرد حتي بي هوا الله في السودان، ان في هذا اقصاء!
الاقصاء في فهمتك هو تعرية بشاشا، كشاهد ملك، لي طريقة تفكير امثالك ومن ثم طريقة هيمنتم علي الاغلبية، مش؟
قديمة!
اها قتا لي التجريح؟
كلامنا مر يعني؟
تمام!
ما دواء الملاريا، حنظل عديل، مش كده برضو؟
اسمع كلام الببكيك، قالو، مش البضحكك!
كمية الشتايم؟
بشاشا لايشتم ياهذا، ولكنو بقول للاعور، في وشو اعور عنقر مامدنقر!
فهل هذا شتيمة؟
اما تبلد احساس امثالك من الجلابة، فلادخل له بكلام او مواقف ايا كان، لانو ده طبعك كجلابي، المتاصل فيك، المعبر عن موقفك الجهوي المنافح عن دويلة الحظوة بالميلاد لامثالك!
بعدين او بغض النظر عن تبلد احساس امثالك من عدمو، حتمية التاريخ القاضية بزوال دويلة اقليتك ستمضي الي منتهاها.
فبطل مزايدة، ومناضلي الانعتاق من هيمنة الاقلية، اساسا ماراهنيين تحررم، بي رضاك او غضبك عليهم علي الاطلاق، كان اكتراث كان غيرو!
فالاكتراث من مصلحتك انت حقيقة، مش مهمشيك، لو بتفهم!
الحيدفع ثمن اللامبالاة وعدم الاكتراث في المدي البعيد، هو الجلابي تحديدا، وليس مهمشيه، السلفا سددو الفاتورة دي!
ولكن غرور الجلابي الغرير، هو البصور ليهو اهتمامو بمحارق اقليتو، كصدقة او ذكاة فطر من يد عليا ليد دنيا، اوكمان بي شروط!
ياسبحانك!
يالسذاجة الجلابي!
| |
|
|
|
|
|
|
|
|
|
Re: حال المنبر لايسر! كورة اوجنس؟ ماهذا؟ (Re: Bashasha)
|
امين محمد سليمان
سلام
Quote: يا بدر الدين يا أخونا !
النقاش الموضوعي ده ما بتلقاه في بوستات و لا مداخلات بشاشا .
التجريم و الإقصاء و كميه الشتايم و الهتر البيمارسو بشاشا وبعض من شايعه واحد من أهم الاسباب الخلقت حالة عدم الاكتراث وال Nonesense في المنبر ده !
فيا بشاشا يا أخي ، أصلح حال مداخلتك ينصلح بعض من حال المنبر ، بعدك تعال اتكلم في حالة عدم الاكتراث وال Nonesense !! |
انت عارف يا امين انا زمان كنت بقرا كتابات بشاشا لما كان بكتب عن الافريقانية لكنه فجاة انسخت (وش ضاحك) وبقي امير كوشي و تعالى على الناس لكن والله العظيم انا شايف انه عندو حاجة تتقال و يتناقش فيها،
على الاقل لو نبذك يا يقول ليك جلابي او يضحك (قرقرقرقر)، احسن كتير من البلاوي البقولوها الناس التانين.
ياخ تعال نروضو!
| |
|
|
|
|
|
|
|
|
|
Re: حال المنبر لايسر! كورة اوجنس؟ ماهذا؟ (Re: Bashasha)
|
ليه الناس في المنبر ده بتكره بشبش للدرجة دي؟
يا اخوانا الراجل بيطرح قضية ردو عليه واقنعوه
بيكره الجلابة حببو فيكم,, اعرفوا سبب الكراهية
قالوا شيوعي,,, ماله من حقه,,, قالوا متطرف,,,
من قلة المتطرفين,,,, بالله يا بشبش من الاول:
ما هو مفهوم الجلابة؟
وما اهم المساوئ التي اغترفها الجلابة بحق غيرهم؟
من هم الفئة الاخري غير الجلابة؟
وهل يوجد جلابي صالح؟
يلا يا بشبش نبدأ نقاش منطقي وصريح مع الاخوة الجلابة
عشان نصل لحل لمشكلتنا
تسلم يا بشبش
| |
|
|
|
|
|
|
|
|
|
Re: حال المنبر لايسر! كورة اوجنس؟ ماهذا؟ (Re: سيف الدولة كامل)
|
| Quote: اولا الملاحظة الاولي، هو تمدد الوهابية، الكيزان، والامننجية بي صورة مقززة بحق! |
بشاشا سلامات.
أخطر الانواع في البورد ده هي العناصر الانتهازية.
نعم أتفق معك أن ميزان هذا البورد صار مختل، وعلى الاخ بكري أن يسرع في أصلاح ذلك وإلا أن هذا المنبر لن يصير مميزا كما كان في الماضي. والمنبر ده حصل على شهرته لأنو توجد به أقلام تمثل قوى الهامش وقوى السودان الجديد القوى الغير مسموح لها أن تعبر عن نفسها وعن تطلعاتها وبرامجها في أجهزة الاعلام السودانية التي تتحكم عليها قوى السودان القديم بمختلف أشكاله .
دينق.
| |
|
|
|
|
|
|
|
|
|
Re: حال المنبر لايسر! كورة اوجنس؟ ماهذا؟ (Re: سيف الدولة كامل)
|
بشاشا
سلام
يا بشاشا ياخ من اهم مبادئ العمل السياس انه:
1- تحاول تفكك تحالفات خصمك
2- تحاول تبني تحالفات لصالح قضيتك مع حلفاء خصمك السابقين و توسع تحالفاتك
ناس الهامش-وانا انتمي لاكثر السودانيين تهميشا- اخلوا بهذين المبداين في المنبر، كيف؟
اولا استعداء اهل الوسط و الشمال باطلاق تعميمي وكأنهم مشاركين للسلطة في التهميش و ايضا
بعزل المتعاطفين معهم من اهل الشمال بتعنيفهم بانهم جلابة و غيره، على الرغم من ان الجلابة الاصليين
-يعني الناس الكانوا في الجنوب بغرض التجارة (انا منهم بحكم ان والدي كان تاجر في ملكال)- هم اكثر اهل
السودان معرفة بالاخر و تقديرا له، انا ابي (عليه الرحمة) كان و اخواني يتحدثون بالشلكاوية بطلاقة و ابي
تزوج شلكاوية وهي الام الوحيدة الباقية لنا الان بعد وفاة زوجاته الاخريات. يعني الجلابة ما نبذة و بعدين
لما تتقال لواحد في سياق مشكلة دارفور سيجد نفسه بلا خيار الا ان يغطي راسه من رصاصكم في خوذة واحدة مع
الحكومة وهذا خطا من مؤيدي قضية دارفور فبدل تسلخوا تحالفات الحكومة صرتم تجندون حلفاء لها.
------
نواصل
| |
|
|
|
|
|
|
|
|
|
Re: حال المنبر لايسر! كورة اوجنس؟ ماهذا؟ (Re: Badreldin Ahmed Musa)
|
أخونا بشاشا ،سلامات يا صاحب !
ياخي الله يرضى عليك ما تسطح بالمواضيع ، شنو هو ما عندي نقاش مع الجلابه ، ياخي إنت فاتح البوست ده مستنكر وجود مواضيع الجنس و الكوره و تدهور حال المنبر - و الكلام ده كلو من حقك - قلنا ليك أبدا بنفسك ، ياخي ما معقول الكلام كلو جلابي و بعده فاصل من الشتايم . إنت ابتذلت كلمه جلابي دي لمن بقى ما عندها معنى.
ياخي إنت ممكن توصل وجهة نظرك بكل بساطه بدون داعي للشتايم و الافتراضات الخاطئه ، إنت بتساهم بنسبه مقدره جدا بتدهور حال المنبر البتتكلم عنه ده ، فلو إنت حقيقي بيهمك المنبر و إرتقاء مستواه و مستوى النقاش فيهو وقف سيل شتايمك ألما وقف من يوم إشتراكك فيهو .
Quote: كلامنا مر يعني؟
تمام!
ما دواء الملاريا، حنظل عديل، مش كده برضو؟
اسمع كلام الببكيك، قالو، مش البضحكك!
كمية الشتايم؟
بشاشا لايشتم ياهذا، ولكنو بقول للاعور، في وشو اعور عنقر مامدنقر!
|
المشكله إنت بتضحكنى ما بتبكيني ، لانو طريقه طرحك يا بشاشا هزليه ، ياخي كان ما هزليه ، أنت ما خليت لي شتيمه و أنت مش ما بتعرفنى و بس ، إنت ما بتعرف لي أي حاجه ،كل الانا عملته ، إنو انتقدت طريقه طرحك ........طوالي طلعتنىجلابي و دخلت يدك في بقجة شتايمك - و التعبير ليك بتصرف - واديتنى في راسي طوالي !!
المسأله التانيه بتاعت بشاشا لايشتم بشاشا بيقول للاعور أعور .....يا أخونا المشكله كلها إنك إنت الأعور و ما عارف !!! ياخي في عوار أكتر من البتسوي فيهو ده ؟ و منو يا ببشاشا الاداك الحق يخليك تقول إنت الدوا ، ياخي في ناس شايفنك الملاريا !!!
فياخي حلفتك بكل عزيز و غالي تعال قول كلامك كلو و خليك من الشتايم و التصانيف العجيبه دي ، مرات كتيره بكون عندك كلام كويس لو زحزحته منو غبار شتايمك !!!!
| |
|
|
|
|
|
|
|
|
|
Re: حال المنبر لايسر! كورة اوجنس؟ ماهذا؟ (Re: Amin Mohamed Suliman)
|
Quote: انت عارف يا امين انا زمان كنت بقرا كتابات بشاشا لما كان بكتب عن الافريقانية لكنه فجاة انسخت (وش ضاحك) وبقي امير كوشي و تعالى على الناس لكن والله العظيم انا شايف انه عندو حاجة تتقال و يتناقش فيها،
على الاقل لو نبذك يا يقول ليك جلابي او يضحك (قرقرقرقر)، احسن كتير من البلاوي البقولوها الناس التانين.
ياخ تعال نروضو! |
بدر يا حبيب
بشاشا ده ضاري رقبتو و وضارينا نحن معاهو ، الزول ده ممكن تكون عندو قيمه معرفيه عاليه لو خلي سواتو البسوى فيها دي !
| |
|
|
|
|
|
|
|
|
|
Re: حال المنبر لايسر! كورة اوجنس؟ ماهذا؟ (Re: كمال عباس)
|
مرحب بالأمير الفوشي بشبش
الناس لها مطلق الحرية في اختيار ما تريد كتابته , كورة , جنس , ...الخ
ولست هنا وصي على أحد , انت تكتب ما يروق لك ونحن نكتب ما يروق لنا, و للا شنو ؟؟
لكن بصراحة مشتاقين لبوستاتك الغريبة و عجيبة دي
قرقرقرقرقر
| |
|
|
|
|
|
|
|
|
|
Re: حال المنبر لايسر! كورة اوجنس؟ ماهذا؟ (Re: سناء عبد السيد)
|
Quote: ..قال رسول الله صلى الله عليه وسلم بقوله : ( سيأتي على الناس
سنوات خداعات ،يصدق فيها الكاذب ، ويكذب فيها الصادق، ويؤتمن فيها الخائن .
ويخون فيها الأمين ، وينطق فيها الرويبضة في أمر العامة ، قيل وما الرويبضة ؟
قال : الرجل التافه ... الله يصلح حالك يا بشاشا |
عبدالمحسن مرحب،
انت محظوظ لانك في دار بشاشا، ومن دخل دار بشاشا، اي البوست فهو امن! نجي لي حكاية النصوص:
بالله انت الكيزان تجار الدين، لسة بسمعو نصوص؟
بزمتك لسة في ناس بتسمع لافسد خلق الله في السودان، او هم بسمعو في النصوص؟
ثم هل تمعنت في معاني النص الاوردتو اعلاه؟
بزمتك يا الامننجي، في "رويبضة" او "رويبضات" اكثر من اولياء نعمتك، مجرمي الحرب؟
كون بشاشا، شوكة حوت في حلقوم اوباش الجلابة، فهذا لايجعل منه تافه، لانو فرد، لم يفعل اكثر من ممارسة حقو في التعبير!
هذا "العيث" حايم بي اسفار نصوص ادانتو، علي ظهره، محمولا!
يالك من حمبرا، بحق!
| |
|
|
|
|
|
|
|
|
|
Re: حال المنبر لايسر! كورة اوجنس؟ ماهذا؟ (Re: Bashasha)
|
| Quote: موضوعك دا كويس بس ماتبوظوا وتحرفوا لمواضيع ثانوية أوتنساق ليها |
ابوالكيم، يامراحب.
فاهم قصدك تماما!
دايرني اركز علي موضوع الانصراف واغراق المنبر بملهاة الجنس، الغنا، والكورة، دون نبش، اوهبش، لي موضوع الجلابة، المركزي في طرحنا، لانو منفر! معليش، تقديراتنا مختلفة شوية، وكذلك الاولويات، اوقبلها طبيعة الصراع.
الناشط الكبير لويس فراكان، قالو ليهو هجومك الضاري علي البيض، منفر!
قال ليهم its a medicine!
الكلام المر، القاسي ده، بحق جلابتنا، someone has to say it، ولاخير فينا علي الاطلاق، اذا لم يتبرع بعضنا بقولها، لخير الكل.
مااسهل الكلام المعسول، البلوشي، ياابا الكيم!
اخر العلاج الكي، ياحبيب!
| |
|
|
|
|
|
|
|
|
|
Re: حال المنبر لايسر! كورة اوجنس؟ ماهذا؟ (Re: Bashasha)
|
| Quote: ما هو مفهوم الجلابة؟ |
سيف الدولة مرحب بيك، او مشكور علي مشاعرك.
اكيد الجلابي بشاشا لايكره جلابتو، بقدرما بحبهم اكتر، ولكنو Tough Love زي مابقولو. البنسووي فيهو ده، في المدي البعيد، مردودو حيكون كارثي، او ماساوي، لقرون وقرون اتية! نجي لي اسئلتك:
ماهو مفهوم جلابة، اوجلابي؟
*الجلابة ذنوج كغيرم من السودانيين، يقطنون المنطقة بين حوش بانقا، او حلفا في الاساس.
* هذه المجموعة، وبحكم الموقع الجغرافي، في واجهة بوابة افريقيا التاريخية، الغزاة، الاجانب، باستمرار استخدمو هذه الاقلية، كادوات لتامين مصالحا الامبريالية في السودان، اوبالذات في فترة الاحتلال العربي المسمي، "تركية".
*طريقة تفكير الشمالي، الذي تم تنصيبه بواسطة جيوش كتشنر، كراعي واداة لمصالح الاحتلال الثنائي، وليس الفرد الشمالي، هو موضوع وموضع حربنا، باعتبارها صياغة استعمارية، 100% مصممة خصيصا، لانجاز مانعايشه الان من دمار، لبشر، حجر، بقر، السودان.
*اساس هذه الصياغة الامبريالية، وعمودها الفقري، هو وهم او خاذوق العروبة الكبير، المعشعش في امخاخ الجلابة.
* الاحتلال لم يخترع وهم عروبة، ذنوجة الجلابة، بقدرما استثمر بذرة كانت موجودة سلفا، كنتاج لقرون العبودية، تولاها الاحتلال الحذق الشرود، بالسقاية، والرعاية، لتعطي شجرة زغومها، هذه الثمار، المرة، السامة، كما يجسدها امثال الطيب مصطفي ونظامه المجرم، شبل التركية، وروحها المنسوخة!
| Quote: وما اهم المساوئ التي اغترفها الجلابة بحق غيرهم؟ |
قطعا، رضاهم التام، القيام باقذر الادوار، لقوي الاحتلال الثنائي، المتمثل في اشعالهم لمحارق الابادة، لاهلهم، بالوكالة.
المستفيد المباشر، الوحيد، من ابادة الجلابة لاهلهم بالملايين، هم غزاتنا، وتحديدا مصر الخديوية.
الفرد المصري، بي غريزة البقاء، يدري، فناءه يتمثل في وحدة، استقرار، سلام، وتقدم السودان.
لندرك هذه الحقيقة، علينا دراسة المعارك الطاحنة، في ارجاء ابنتنا الكبري مصر، في عصر الاسرة 25 الفرعوية، بالذات عهد بعانخي ومن بعده ترهاقا اللتي دارت بين اجدادنا، واجداد مصريي اليوم!
بل اكثر من هذا تاريخ مصر القديمة كله، يقف شاهد علي الصراع الضاري العنيف، الطويل الممتد لالاف السنين، من اجل البقاء، مابينا، او بين اعداءنا التاريخيين، مصريي اليوم.
طبعا ماصدفة، الكلام ده كلو، كيف جديد من الورقة ل99.99999999% من سوداني، "السودان المصري"!
| Quote: من هم الفئة الاخري غير الجلابة؟ |
هناك الجلابة، وغير الجلابة هم بقية السودانيين.
نؤكد لافرق مطلقا مابين الجلابة اوبقية السودانيين، من حيث العرق او الثقافة.
كلنا ذنوج، وثقافتنا ذنجية افريقية، صرفة.
الجلابة بالفهم ده، مجرد شريحة، تحتل رقعة جغرافية بعينها.
تركيزنا، علي الذهنية اوطريقة التفكير، للشمالي، كاعلي مراحل تجليات، الصياغة الامبريالية للسودان الحالي وليس الشمالي كفرد اومجموعة اثنية، مغايرة، كما يشطح البعض، في تصوراته!
| Quote: وهل يوجد جلابي صالح؟ |
نعم هناك نماذج لجلابة رائعيين، تحررو من استلاب العقل الجلابي، او علي الاقل، وعو بحقيقة وعيهم الجلابي، وبداو مشوار التحرر.
علي راس هؤلاء، ومنذ قرون، نجد الامام المهدي ورفاقه كالنجومي كانصع مثال.
مشروع السودان البديل، وضعت حجر اساسو، ثورتنا الام!
دويلة كتشنر الجهوية الحالية، هي نقيض مشروع البديل، الاعادت ترميمو الحركة الشعبية ومهدينا الفذ، الثاني، ديمابور.
| |
|
|
|
|
|
|
|
|
|
Re: حال المنبر لايسر! كورة اوجنس؟ ماهذا؟ (Re: Bashasha)
|
الأخ العزيز بشاشا
لك التحية و الإحترام
Quote:
حال المنبر لايسر! كورة اوجنس؟ ماهذا؟
|
أتذكر قبل حوالي سنتين .... تم منع سودانيزاونلاين من السودان و أصدر الطيب مصطفي يومها فرماناته محرما سودانيزاونلاين علي السودانيين لأنه موقع ينشر الإباحية ..
كل ذلك لأن الكاتب محسن خالد نشر رواية فيها تلميحات جنسية هنا .....
و جرت مياه كثيرة تحت جسر الإنقاذ .. و جابت معاها أوكامبو و محاكم و بشتنة للنظام و هلع من موقع سودانيزأونلاين و الذي تخصص فيه نفر في نبش و نشر عيوب أركان النظام ...
و أفاق القوم علي حكمة عمل بها عباقرة هوليوود طويلا: sex sells ... كذلك هنا الجنس خير مادة إنصرافية عن ملاحقة أركان النظام ...
سمعنا بسوق العناقريب بأمدرمان زمان ... لكن البورد أصبح سوقا رائجا هذه الأيام لمواضيع السرائر ( جمع سرير) ...
| |
|
|
|
|
|
|
|
|
|
Re: حال المنبر لايسر! كورة اوجنس؟ ماهذا؟ (Re: Mohamed Suleiman)
|
شكرا يا بشاشا ,,,,,, كلام منطقي ومقبول
واهم نقطة صرحت بها وهي عين الحقيقة
لا تهنأ مصر بوحدة السودان
والدليل اي جبهة معارضة تشكلت
ضد اي نظام حكم في السودان وجدت
ترحيبا من قبل حكومة مصر لماذا؟
ليس حبا في الجماعة المعارضة ولا
خوفا علي مصلحة ووحدة السودان
تمزق وحدة السودان اهم اجندة
حبايبنا المصريين.
كلمة جلابة اصبحت شماعة الاساءة
لكل اهل الشمال الناطقين بالعربية
من قبل فئات بعينها لاقراض اثنية
بالرغم من وقوف الجلابة معهم في
خندق واحد,, وانت وغيرك دليل علي
فهم ووعي الجلابة وحرصهم علي حقوق
غيرهم.. بهذا المنطق نحن جلابة
نؤمن بحرية الغير في كل شئ ونقف
مع الغير حتي ينالوا حقوقهم وترفع
المظالم عنهم وينتهي مفهوم التهميش
لغير الناطقين بالعربية,, بالرغم
من ان التهميش والاضهاد الذي عاناه
الجلابة قد يكون اكثر من غيرهم,,
بشاشا كلامك مقنع وحقيقة,, لانك جلابي
شعرت بالظلم تجاهك وتجاه الاخرين
,,اتمني ان يكون فهم الاخريك مثلك تماما.
وبالطريقة دي ممكن نصل للحل,,, بشاشا بالله
ناقش الاخرين بنفس اسلوبك تجاهي تجد الالاف
مصطفين معك,,,, تسلم يا اخي وربنا معاك
معزتي
| |
|
|
|
|
|
|
|
|
|
Re: حال المنبر لايسر! كورة اوجنس؟ ماهذا؟ (Re: doma)
|
Quote: بشاشا سلامات.
أخطر الانواع في البورد ده هي العناصر الانتهازية.
نعم أتفق معك أن ميزان هذا البورد صار مختل، وعلى الاخ بكري أن يسرع في أصلاح ذلك وإلا أن هذا المنبر لن يصير مميزا كما كان في الماضي |
رفيق السلاح، دينق ياعزيزي، مشتاقين.
زي ماقتا، ميزة المنبر ده، اوسر نجاحو الدفين، حاجة واحدة:
وجود الراي الاخر به، الكان مغيب من نصف قرن!
طبعا الجلابة بمافيهم بكري، بفهمو الراي الاخر بي معني المعارضة الجلابية، التقليدية، بتاعة "التجمع الوطني" او كده!
هكذا الجماعة بمافيهم "سيد الحوش" غرقو في "كوز" موية!
الراي الاخر المقصود في خطابنا، ياجلابة، هو صوت قوي السودان البديل، او الهامش.
النظام الجهوي او معارضتو الجهوية، وجهين لعملة راي جهوي، واحد احد، انفرد بمسامعنا علي مدي نصف قرن!
حقيقة لااطيق استخدام مفردة "هامش" الا اضطرارا، لانها مضللة، واستعلائية، خلقت لاشباع غرور ونزوة استعلاء الجلابي.
ده موضوع خيط قادم.
ياعزيزي بكري، عليك بالبحث المضني عن الاصوات المعبرة بقوة عن قوي السودان البديل، علي شاكلة تراجي او محمد سليمان، منعم سليمان، دينق، امنة مختار، ادروب، والبقية، اذا كنت عايز تحتفظ بالصدارة، والا حتكون زي "سودانيات"، او "فورال"، حاكورة جلابة، اوفي الجلابة نادي خاص بالشيوعيين او بث.
نعم ده بادي لي صراع عنيف جدا، حيخرج عن الطور كثيرا، ولكن هذا طبيعي اومنطقي بل مطلوب بشدة، لانو بي كده، المنبر حيقارب واقع الابادة والمحارق للملايين.
| |
|
|
|
|
|
|
|
|
|
Re: حال المنبر لايسر! كورة اوجنس؟ ماهذا؟ (Re: Amin Mohamed Suliman)
|
مرحب بالأمير الفوشي بشبش
الناس لها مطلق الحرية في اختيار ما تريد كتابته , كورة , جنس , ...الخ
| Quote: ولست هنا وصي على أحد , انت تكتب ما يروق لك ونحن نكتب ما يروق لنا, و للا شنو ؟؟ |
سناء مرحب بيكي،
لم نفعل اكثر من كتابة مايروق لنا، فمشكلتك وين لو مقرة انو ده من حقنا، برضو، زيكم؟
هل بشاشا طالب بمصادرة حق الجلابي في التعبير، ولابس قال رايو والسلام؟
مضحك غايتو منظر الزول البقطع كلامو من رويسو، او يروح مصارع فيهو لوحدو!
اما كون كلامنا غريب فده طبيعي!
طوبي للغرباء!
الكلام، طرحكم المعتت ده، شايفة ودانا وين؟
علي كل، غريب اليوم، هو معتاد الغد، ولذلك معتاد الغد، هو غريب اليوم!
| |
|
|
|
|
|
|
|
|
|
Re: حال المنبر لايسر! كورة اوجنس؟ ماهذا؟ (Re: Bashasha)
|
بشاشا
واصل في تحليل الوضع العام داخل المنبر
------------------------
تخريمة
الواحد بقي لو داير يخش المنبر الا يلبس بطلون جنز كانو مسافر اوربا حيث كنا نفعل ذلك في بدايات زياراتنا اليها
من شدة بوستات الجنس وغيرو
| |
|
|
|
|
|
|
|
|
|
Re: حال المنبر لايسر! كورة اوجنس؟ ماهذا؟ (Re: عبدالمجيد صالح)
|
| Quote: و أفاق القوم علي حكمة عمل بها عباقرة هوليوود طويلا: sex sells ... كذلك هنا الجنس خير مادة إنصرافية عن ملاحقة أركان النظام ... |
رفيق السلاح ود الكارة، محمد سليمان نورت البوست.
نعم، الكوز لايتورع في بيع اي شئ ايا كان، ليبقي في السلطة، والاعجب هذه الميكافيلية، مبررة في دينم العجيب، الغريب، المستورد!
عندهم طول مابتطول اللحية، تدرش او تطرش النصوص، كما عصارة السمسم، فانت زول كامل الاسلام! لما تقول ليهم، يا حراس الفضيلة، وظل رب العرش، في الارض، انتو فسقة، او مجرمين كده،ليه؟
يقول ليك احنا بشر!
طيب، قالبنها فوق كم عاملين اولاد الله؟
واضح البشر، انقلبو علي ملائكة، هم البسموهم علمانيين!
شفتو كيف الاسلام السياسي، بسخت الملائكة، بشر، كيف؟
ياسبحانك!
| |
|
|
|
|
|
|
| |
Bashasha
Badreldin Ahmed Musa
عبدالمجيد صالح
Amin Mohamed Suliman
BAKTASH
Abdelmuhsin Said
كمال عباس
سيف الدولة كامل
Deng
سناء عبد السيد
Mohamed Suleiman
doma
حاتم الياس
وليد محمد المبارك
فيس بوك
تويتر
انستقرام
يوتيوب
بنتيريست