دعواتكم لزميلنا المفكر د.الباقر العفيف بالشفاء العاجل
|
|
 بوست الوداع: الكرسي الساخن، ترقبوا صورة بشاشا هنا!
|
المرة دي حاطول من المنبر وربما لا اعود حتي نهاية السنة اقلاها.
لذلك ادعوكم، لكتابة انطباعاتكم هنا، مقيمين لي مساهماتنا المتواضعة.
رغم حدة طبعي وعنفي، ففي الحنايا معزة ومحبة لكم ابناء وبنات شعبي، في نهاية دوام دواسي.
اما اثناء ساعات دوام الدواس فاعذروني!!!
فخدو راحتكم للاخر، لاني زول بالي سلبة، واتقبل الراي الاخر برحابة صدر، وايا كان راي المخالفين لينا، توصيلو لينا خدمة كبيرة، نقدرا مقدما، ويالف مرحب بي ورودكم، سيوفكم، فراريكم، او سكاكينكم!
سابعد عن السجال مااستطعت، واكتفي بالتوضيح اذا لزم في حدود ضيقة.
صورتي حانزلا هنا، بعد نزاع شديد مع نفسي حول القرار.
مرحبا باسئلتكم استفساراتكم وتعليقاتكم اي كانت، واتمني بقية العضوية تحذو حذونا في الجلوس علي الكرسي الساخن، طواعية امعانا في الشفافية.
اناموجود حتي مساء الخميس، غدا.
باسم الله نبدا.
|
|
 
|
|
|
|
|
|
|
|
Re: بوست الوداع: الكرسي الساخن، ترقبوا صورة بشاشا هنا! (Re: Bashasha)
|
ابننا العزيز بشاشا
صورتك بالنسبة لى على الاقل واضحه .....
عندما إقراء لك أحس بأنك تهتف
وحاد لدرجة وتستعمل كلمة جلابة كثير وحصرت لك ذلك
في فترة أل 45 يوم السابقة كانت 1344 مرة بمعدل
كلمة جلابة في المداخلة الواحدة بين 9 إلى عشرة مرات.
بعدها في الترتيب كلمة مستعلواتى .
لكن رغم كل ذلك احترمك واقدرك ....
اشهد لك...
بقلبك الأبيض ذي اللبن....
وابن بلد أصيل....
وأنت فعلا بشاشا..... ابن ال بشاشا الذى اعرفهم عن قرب .
مع تقديري واحترامي لك
| |
|
|
|
|
|
|
|
|
|
Re: بوست الوداع: الكرسي الساخن، ترقبوا صورة بشاشا هنا! (Re: محمد حامد جمعه)
|
ازيك يا بشاشا
ياخي مرحب بيك وبي صورتك ,, لكن يا صديق صورتك ما حتضيف ليك اي حاجة غير انها فقط صورتك
يعني ما حتديك اي credit ,, باعتبارها تحمل سحنة جلابية خالصة ,,,كلامك فيهو ايحاء بي انك كنت مدخر صورتك كسلاح سري عشان تطلعا في الوكت المناسب ,, حتي تفاجئ الناس
بملامح الفارس حامل الدم الازرق ,, الذي ظل يدافع عن عرقيات اقلّ نقاءً ,,
مع خالص ودي
| |
|
|
|
|
|
|
|
|
|
Re: بوست الوداع: الكرسي الساخن، ترقبوا صورة بشاشا هنا! (Re: Bashasha)
|
الاخ الحبيب..Bashasha
يازول ازيك ..
اول مرة في حياتى اراك فيها... كانت عند الغروب..
انا واسرتى في زيارة لاسرة سودانية باحدى المدن ...
ولان خارطة الطريق التى رسمها لى ذلك الصديق لاتخر منها الموية.. وانا انهب الطريق من مدينتى شاطئ النهر الى تلك المدينة جعلتنى اقف حائرا امام ذلك الباب الحديدى العتيد..
كيف فات علية اعطائى الكود الذى سوف يقودنا الي الداحل.. وجعلنا نقضى لحظات عصيبة في الانتظار وتلفون المنزل المشغول دايما...
ونحن نحاول الاتصال.. ونقوم بمحاولات فاشلة للعبور من خلال تلك البوابة.. من كبس علي الازرار والاتصال التلفونى.. والتى كلها باءت بالفشل ..لم يكن لدينا خيار غير الانتظار.. عسى ولعل..
وها قد اتى الفرج .. طل شخص ما.. وتحدثت الية بالانجليزية.. ودون ان يكلف نفسة مشقة الرد علينا.. كبس على الازرار وانفتح لنا الباب على مصراعية... شكرتة بالانجليزية ايضا..
وعندما وصلت لدى صديقي حكيت عن عناد البوابة.. وكيف ان احدهم ساعدنا للدخول بعد ان ملينا الانتظار وان ملامحة تدل علي انة من دول الجوار الافريقي فهل هنالك اسر افريقية اخرى تسكن هذا المبنى?...
وقبل ان احظى بالرد..
انفتح الباب ودخل علينا نفس الشخص الذى ساعدنا للعبور عند البوابة...
وهمست في اذن صديقي... الزول ده الذى كنت احكى عنة الان.. ده .......
وهمست زوجتى مؤكدة.. واللة انا كنت قايلة.......
لك حبى ومودتى....Bashasha فانت عموم اهل السودان ...
يازول ازيك ..
| |
|
|
|
|
|
|
|
|
|
Re: بوست الوداع: الكرسي الساخن، ترقبوا صورة بشاشا هنا! (Re: sumah)
|
Kamal, I wish you so well
You are some body who is genuine and serious in his life
When I came to Khartoum University as a “Prelim” in 1982, one of the few faces I was so fascinated with was Kamal Bashasha. Always and I mean always in a Jeans and a T-shirt. He was and I hope still he is so handsome with a smiley face and clever eyes. He was a heavy smoker (Benson) while we always kept to the “Bringi”. I quit smoking and I hope he did as well
For me, he was the only college student other than the Gumhoreen I looked up to. I always amazed by his courage and love of knowledge. He is always so proud of our 5000 years history and heritage. Who blames him any way? He is indeed one of my favorite. Please if you ever come passing by North Carolina, do not pass with out calling and meet me and family. I will do the same. Keep my e-mail just in case
[email protected].
By the way, I don’t know how you look now, but your face in the 80s will always stay in my mind
Stay well
| |
|
|
|
|
|
|
|
|
|
Re: بوست الوداع: الكرسي الساخن، ترقبوا صورة بشاشا هنا! (Re: Bashasha)
|
الاخ كمال
لا ازيد علا كلام اخي معروف سند الا "نتمني لك التوفيق في الخير"
Quote: ياخي مرحب بيك وبي صورتك ,, لكن يا صديق صورتك ما حتضيف ليك اي حاجة غير انها فقط صورتك
يعني ما حتديك اي credit ,, باعتبارها تحمل سحنة جلابية خالصة ,,,كلامك فيهو ايحاء بي انك كنت مدخر صورتك كسلاح سري عشان تطلعا في الوكت المناسب ,, حتي تفاجئ الناس
بملامح الفارس حامل الدم الازرق ,, الذي ظل يدافع عن عرقيات اقلّ نقاءً ,,
|
| |
|
|
|
|
|
|
|
|
|
Re: بوست الوداع: الكرسي الساخن، ترقبوا صورة بشاشا هنا! (Re: Bashasha)
|
العزيز بشاشا
يابشاشا إختلف الناس معك أم إتفقوا يكفيك شرفا أنك صاحب رؤية وقضية تريد إيصالها وأراك قد فعلت.
قد تبدو "مسيخا" ولاذعا ولكنك في الحقيقة رجل طيب القلب, ربما تجربتك في الداخل والخارج مكنتك من الفصل بين التفكير بالعاطفة والتفكير بالعقل, والسودانيون غالبا مايفكرون بعواطفهم...
أحييك أخي وكم أتمني أن تبقي معنا علي طول الخط
وفي إنتظار صورتك الخايف عليها بس لو طلعت جلابي الجماعة ما حايريحوك
مودتي وإحترامي
| |
|
|
|
|
|
|
|
|
|
Re: بوست الوداع: الكرسي الساخن، ترقبوا صورة بشاشا هنا! (Re: Bashasha)
|
شكرا جزيلا للجميع، او طبعا ماحارد بالطريقة المعهودة في البوستات، لانو غرضي الاساسي الFeedback من جمهور قرائي في المنبر، ولهذا انا مقدر تماما لكل سطر كتب هنا، لانو دي مرايتي البشوف فيها نفسي بعيون الاخرين.
علي كده اسمحو لي ببعض الردود دون التزام بتقاليد الترتيب المرعية، لانو بوست مختلف، غرضنا منو الناس تفضفض الجواها تجاه بشاشا، لانو بشاشا علي غير عادة الاغلبية، حار صيفا، ممطر شتاء في خطابو، ونبدأ:
جاري العزيز سمعة،
ابن كالفورنيا، يامراحب.
للاسف مااتلاقينا قبل اليوم في المنبر، وعلي العموم الجايات اكتر.
ابقي طل علينا في عزابة اخونا الميج، عمدة Pomona، ايام السبت، حتلقي الديار عامرة.
Pomona مشهورة بالالفة والرحمة والمودة البين اهلها، من السودانيين والسودانيات.
وماانا الا من Pomona ان غوت غويتو، وان رشدت Pomona ارشد!
العزيزة، لنا،
مؤسسي حلتنا دي انصار علي السكين، لكن ماطائفيين!
ايام جينا البلد دي جداد، طارت شكلة بينا، او بين مجموعة "مكاسيك" من Mexican، اويا زولة اللحظة الطلعوا لينا المسدسات، العمدة الميج ده، راح دافر الطبنجة بي يدو علي جنب، اوقال للمكسيكي:
ذي ده مابخوفونا، بيهو!
طبعا الجماعة حار دليلم فينا!
لمان اتذكر شلاقتنا دي، بالله لمان اقعد في ا########## قعاد، من شدة مااعصابي بتبوظ!
كان رحنا فيها!
ربك ستر!
بالنسبة للمسابقة صراحة نسيتا خالس خالس، ان بقي في عمر او جيت صادي حانكت البوست من الارشيف!
العزيز معروف
جايييك!
| |
|
|
|
|
|
|
|
|
|
Re: بوست الوداع: الكرسي الساخن، ترقبوا صورة بشاشا هنا! (Re: Bashasha)
|
والله يا بشاشا
ما كنت ناوي اكتب ليك
بس وقفتني حكاية الصورة دي
عجبتني الفكة جدا
وتوقعاتنا ليك وآرائنا وما الي ذلك
انت بتشخصن الامور كدا مالك
يا سيدي ما اتوقعه لكل عضو هنا
انه انسان طبيعي عندو اربعة اطراف وراس واضان واحدة في اسوأ الاحوال
وبما ان المنبر السوداني
اتوقعه سوداني .. ذي الناس الساي البنشوفها في السوق العربي
ما بهم لو كان جعلي ولا رطاني ولا من الفراتيت
فكما قال جون قرنق قبل ما تكون شمالي ولا جنوبي لازم تكون سوداني
مش كدا برضو ..
ثقافة العنصرية بتاعتك دي
اضف عليها شئ آخر
وهو ثقافة Discussion Board والنك نيم
يعني البهم هنا الرأي البتبناهو بشاشا
بغض النظر بشاشا دا احمد ولا اسماعين ولا البلولة جرقندي
الصورة في Discussion Board ممكن تخت بدلها وردة ولا مدفع
علي حسب النفسيات
ما اظن لو طلعت زول حلبي وعندك خصل بالجنبات رأيك او رأي بتغير
لانه صاحب الصورة بكون فلان الفلاني ولد فلانة الفلانية
يعني عملية انجاب كائن حقيقي علي ارض الواقع
كبر ومشى الاستديو واتجسد لينا في صورة
بس نحن ما بنعرفو لانه بنتعامل مع " نك نيم "
اذا طلعنا من الفرضية دي
يبقي طلعنا من ثقافة Discussion Board السيدها قال دايرها كدا
وبندخل في شخصنة الامور
يعني هسع صورتك دي لو كسرتني
اقلب مستنير انا ولا اسوي شنو
وشكرا
| |
|
|
|
|
|
|
|
|
|
Re: بوست الوداع: الكرسي الساخن، ترقبوا صورة بشاشا هنا! (Re: humida)
|
العزيز بشاشا ...
تحياتى ..
لاشك ان غيابك سيكون خصما على الرؤية التى تمثلها
والتى تشكل انت راس الرمح لها هنا ، ولدى قناعة ان
اختلاف الرؤى هو من تمام عافية هذا البورد ، وبألراى
والراى الاخر تكتمل متعة القراءة ...
لااظن اننى مررت بواحد من بوستاتك دون ان اضغط
عليه ، تعجبنى طريقتك فى الكتابة والحوار واحتفظ
بحقى فى الاختلاف مع بعض رؤيتك للقضايا ، فى اسلوب
كتابتك تشويق واثارة ، ولديك مقدرة على اثارة الخصوم و
جذب المحاورون والقراء ..
شخصيا تحاورت معك كثيرا ، ولم اخرج غاضبا عليك ، ولمست
فيك الروح السودانية التى ذكرتها ، فقط تحتاج لان تقلل من مخاطبة
المحاور بصورة شخصية ..بمعنى اخر تحتاج لان تقلل من الصاق
النعوت على محاوريك ، لان هذا يقرب المختلف معك لفكرتك
ورؤيتك التى بلاشك تسعى لحشد المناصرين لها ...فالاثارة فى
فى عرض الافكار يعطيها زخم ، والشخصنة ستكون خصما عليها .
احكى ليك طرفة حدثت لى هنا ، وكان ذلك اول ايام مشاركاتى فى
المنبر وحينها كان ايضا اول قراءة لى لافكارك ....الذى حدث
اننى ذهبت لحضور مهرجان للموسيقى والرقصات الشعبية ، حيث
شاركت فى هذا المهرجان فرق من شتى البلدان الافريقية والاسيوية
والعربية وغيرها ، ذهبت فى يوم من ايام المهرجان لحضور فرقة
زائرية تقدم رقصات واغانى من التراث الافريقى ، وتصادف ان
جلس بجانبنا واحد من الباكستانيين ، وابتدر معى الباكستانى الحوار
الآتى ..
الباكستانى : رفيق ايش نفر يقول ( يعنى الناس دي بتقول شنو
فى غناها ده ) .
طبعا اتفاجأت جدا بألسوال ده ...قلت ليهو : مافى معلوم ( يعنى
مانى عارف )
البكستانى : ليش مافى معلوم (ليه ماعارف )
قلت ليهو : ياخى مافى معلوم بس... ليش انت سؤال ؟
البكستانى : انت لغة مافى سيم سيم ؟ (يعنى انت لغتك مش
زى لغتو )
قلت ليهو : طبعا مازي لغتو ، انا لغتى العربية ..
غايتو صاحبك البكستانى لم يقتنع و(قطعا فى مصارينو )
فقلت لصاحبى : ياخى انت عارف متخيل لى بشاشا ده
بيراقب فينى وبضحك على ..صاحبى قال بشاشا ده منو؟
قلت ليهو بشاشا ده فى سودانيز او لاين ..
قال لى انت (مسكك جن اسمو سودانيز اون لاين )
اها يابشاشا ..امنياتى بالتوفيق والعودة مجددا لأثراء الحوار
والعفو والعافية ,,,,
وخالص محبتى لك ..
| |
|
|
|
|
|
|
|
|
|
Re: بوست الوداع: الكرسي الساخن، ترقبوا صورة بشاشا هنا! (Re: محمد عبدالرحمن)
|
اخونا بشاشا لا أعرفك ولا يريحنى طرحك للمواضيع العنصريه ومهاجمة أهلنا فى الشمال والوسط لغير ذنب جنوه. ورغم يقينى انك شمالى أو وسطى لكن أعلم تماما ان ذلك لا يعطيك الحق باهانة من هم غير الغرابه والجنوبيين فالوصف بالجلابه ليس بالشئ السئ ولكن عندما يتم استخدامه بنيه غير صافيه فهو بالتاكيد يسئ لقائله قبل الموصوف به.من خلال قرآءاتى لكتاباتك والتى أصدقك القول حين أقول لك انى أستمتع بها ككتابه تحليليه راقيه من زول ول إديوكيتد وأحسبه من خيار بلادى لو انه إتجه بهذه الكتابات الرصينه وهذ القلم الرائد الا ما فيه خير بلادى مخاطبا الامه كوحده لا داعيا للتعنصر وشر القول
عزيزى لا يهمنا كقراء نجد المتعه فى كتاباتك وآراءك المتقدمه ان تكون شماليا او جنوبيا او غرباوى أ دروب كل ما يهمنا ان نستلذ بهذا القلم والذى حسب رأى الشخصى والشخصى جدا انه من أجمل الاقلام التى أفتح البورد للإطلاع على
نتاجها رغم اننى اى نيفر لايكد واط يو روت لكن رغم ذلك اتتبع كل ماتكتب
وأقرأه واستمتع بلغة الكتابه عندك فما بالك لو كان ما تكتبه يصادف هوى
فى نفسى.هذا ليس نداءا لك بتغيير نمطك الكتابى بقدر ما هو التماس وطمع بان
أقرأ لك بما هو اعلى شأنا من عنصرية الجلابه ونظرتهم الدونيه لكل ما هو سواهم ليس ضروريا ان اختلف معك ومع ماتكتب لكن المهم ان اقول واط اى
ريلي فييل فى الختام لك كل الحب والامتنان على كل ما تتحفنا به من كتابه
راقيه وان كان بها بعض ما نكره لكن آت لييست لك أجر الاجتهاد
كما أرجو ان الفت نظرك اننى أكن لك احتراما خاصا وهذا دون سابق ولا اظن
قادم معرفه وذلك لعلمى انا الاحترام المبنى على المعرفه المسبقه يشوبه بعض
النفاق كما هو حال الاحترام المبنى على ترغب معرفة قادمه فهو ايضا منقوص
ويتخلله بعض الكذب التجميلى
خارج النص الاصلى
كما لا يفوتنى ان اقدم لك نصيحه مشفوعه ببعض الحذر ان كنت متزوجا فتوكل وضع
صورتك فان الشاة لا يهمها السلخ بعد ذبحها واما ان كنت عازبا فلا تضعها
لانك لو كنت جلابيا فستكسب سخط بنات الغرب اللاتى وضعن بعض أحلامهن فيك وإن
كنت غرابيا فستربح استهجان بنات البحر اللاتى رسمن لك صورا بالجلابيه البيضاء
ومكويه
خاطره اخيره
والله أقول ليك خليها مرة تانيه
تقديرى وكامل المحبه
| |
|
|
|
|
|
|
|
|
|
Re: بوست الوداع: الكرسي الساخن، ترقبوا صورة بشاشا هنا! (Re: Mohamed Suleiman)
|
اخي بشاشا ..لك التحية ..
شملتك رعاية المولي حيثما حللت و رحلت ..
اري فيك تأثرأ واضحأ بنهج مالكولم اكس ..خاصة في بداياته ..
ومشاكاساته ..وقوة لسانه ..وسخريته اللاذعة...
انت بدات من حيث بدأ هو ..وكم كنت اتمني ان تبدا من حيث انتهي ..
تذكرني بنكروما ..حين كان في الولايات المتحدة ..حيث كان يرجع افكاره الافريكانية الي
تاثره الشديد بماركوس قارفي ..ولكن حين اصبح رئيس دولة تغيرت نظرته الي الامور كثيرأ ..
حتي تجاه قارفي ..فقد قيل انه تبرأ من افكاره التي سميت بالصهيونية السوداء ..........
علي كل ..بالنسبة لي غيبتك التي قد تطول الي نهايةالعام ..تعتبر خسارة لا تعوض بالنسبة لمحبي الفكر الافريكاني ..وكم كنت اتمني لو استطعت ان تكمل بوستك الذي خصصته لاباء الفكر السودانوي ....
محبتي الدائمة لك اخي بشاشا ..
| |
|
|
|
|
|
|
|
|
|
Re: بوست الوداع: الكرسي الساخن، ترقبوا صورة بشاشا هنا! (Re: Bashasha)
|
بشاشا تحياتي ..
والله بلا مجاملة لك نكهة ..القهوة ..في هذا البورد ..
اقر لك ..انك كريم في ادب الخلاف ..ورغم كلماتك القاسية ..هنا وهناك
الا ان قلبك في معظم البوستات ..ابيضا (ارجو ان لا تحللها انها قيمة جلابية كمان  )
واقول لك شيئا همسا بيني وبينك ..جعلتني احاول اكتشاف ..اشياء عديدة ..والاحساس بها بصورة جديدة !!..
اعترف لك بانك عبرت في الكثير في المواضيع والمداخلات عن رأيك بكل صراحة وايضا بشراسة ..ورغم استماتتك في تحميل من تسميهم الجلابة كل شيء - الا انك كتبت بقلمك ..عن اشياء حقيقية تدور في مجتمعنا بصمت ومسكوت عنها ..لكنك تحاول معالجتها بالكي والنار من المرة الاولى وهنا قد يبرز الخلاف .
صدقني اخي الكريم قد اختلف معك ..حد الاختلاف ..لكني اكن لك ودا ومعزة ..
..ا
وحتى تعود ...سنظل نعرض في الساحة ومحمد الحسن قيقم يشنف اذاننا ....
اتقدل بصراحي واساهر فوق مراحي ....والكايس الشر يلقاني دايما صاحي
عزه السودان نحنا حراسه
وعركة الميدان نحنا فراسه ...نادو لي ناسه ...
كلم التاريخ اوعى تتناسي ..عزة السودان العميق ساسه ..
ونحنا كلما تحر نبقى فوق راسه ..نادو لي ناسه
واجازة سعيدة يا بشاشا ...وما تطول الغيبة ...
| |
|
|
|
|
|
|
|
|
|
Re: بوست الوداع: الكرسي الساخن، ترقبوا صورة بشاشا هنا! (Re: Elmosley)
|
الاخ بشاشا
طبعاً كل زول الليلة ح يقول ليك انا بريدك وما عندي معاك مشكلة، وبصراحة دي حالة السودانين، دائماً عندهم مشكلة وفي نفس الوقت ما عندهم مشكلة، بصراحة انا باكرهك شديد لما تكون انت زاتك عنصري ضد الجلابة بس كرهي ليك ما بمعنعني من اني اقرأ ليك واعترف انك غيرت كتير من نظرتي للاشياء، بس انت شغال دواس ساي وما في بديل يعني دائماً يا نحنا الجلابة نشتغل خدامين عند الافريكان يا الافريكان يشتغلوا خدامين عندنا يعني ما قاعد تعرض روية تلمنا كلنا، امكن بتحاول تقنع الجميع انهم في الاصل افريكان ودي ما بتجي من بره يعني بتجي من جوه، يعني يا انا حاسي اني عربي او افريقي ودي ما بتجني من بره، يعني الهوية مهما نظرنا هي شعور داخلي للاخر، غايتو يا بشاشا عشان تعرف اني بريدك شديد والكلام الفوق بتاع الكراهية دي فوير دم زي ما بتفور دم التانين انا مرة اتصلت بيك في تلفونك بس مافي رد، وبصراحة كويس انوا الناس اهبشوا اي حاجة عشان يكون في ثقافة جديدة في السودان، بصراحة انا او نحنا عندنا مشكلة هوية، مرات بنحسمها باننا سودانين، بالمناسبة الجلابة بشكل عام زي ما عارف ما بحبوا المصريين يعني السودان لو اتفرتق ما اظنهم زي ما بتقول بيمشوا مع مصر، ودي الحاجة الوحيدة المتاكدة منها، يمكن لو رضوا السعوديين يتحدوا معاهم لكن المصريين دي مافي اي طريقة، صورتك اكيد جلابي واحتمال حلبي بس دي ما بغير شي، بس بصراحة خائف تكون حدتك زي عنصرية البيض البيعملوا فيها محبين للسود المساكين ويعني بيقاتلوا عشان قضيتهم بس عشان يحسوا انهم ما عنصريين، يازول انا كتبت كتير بس والله قلبك ابيض زي قلبي
| |
|
|
|
|
|
|
|
|
|
Re: بوست الوداع: الكرسي الساخن، ترقبوا صورة بشاشا هنا! (Re: Bashasha)
|
..
.
سلام يا أبو الكيم ...
| Quote: المرة دي حاطول من المنبر وربما لا اعود حتي نهاية السنة اقلاها |
.
ما تنسي الحشاشة والطورية..
يبدو عندك ( جبراكة) ماشي تزرعها ..لنهاية السنة !!؟؟
والله يا أمير كوش ،،،
ما عارف كلامك بقي حنين كدا
مالك أنت نزل عليك وحي ولا حاجة !!؟؟
عارف ذكرتني بحديثك دا العلاقة هنا .. تلقى الناس فايرين وزعلانين وكارهين بعض
ولمن يتلاقوا والله ينسوا النقاش زاتو كان فى شنو؟؟ ودى ماحصل لنا فى لقاء البورداب الأخير بالخرطوم وما حدث معي وابراهيم بقال فحديث الرجل وما كنا نصبه عليه من كلمات وجدت أنه لا يستحقها فهو شاب بسيط وطيب القلب لدرجة السذاجة وزول على نياتو ولا يحمل ولا نحمل عنه الا كل خير ..
أماإنطباعي عنك كالأتي نصه :
أراك ذو طبع حاد وعنيف /كلنا فى الهواء سوا/فى تعليقاتك وأستفزازي للشخوص
وأعتقد بانك ( جلابي) من الدرجة الأولي.
يعنى من ناحية العنطزه والفنطسه ..والشكل العام
وهذا الذى يجعلك تعتنق الأفريقية فكراً وراياً لتبتعد وتداري هويتك الجلابية ..
تهتم بالهندام/الأتكيت / البرستيج يعنى ما نوبي مبشتن
أعتقد فى واقع الحياة تتمتع بروح مرحة وشخصية حبوبة وتظهر خلاف ما توحي به هنا
وهذه قاعدة سيكلوجية معروفة
أختلف معك فى أرائك حول (افركنة) السودان وأصراراك على هذه الافريقية
ومحاولة أذابه العنصر لا اقول العربي بل المستعرب فى تلك البوتقة وهذا مستحيل
لم اجد فى نضالك وحوارك ونقاشك يوماً حاولت أن تقدم مقترح (تمازج) بينهما
فأنت تصر دوماً على أن ينصاع الشمال
رغم أنفه لاصحاب الحق التأريخي الجنوب .. وأن يصبح السودان شاء البعض او رفض أفريقياً
وهذا الخطاب ما انصحك بتعديله عندما تعود بخير بأذن الله وان تنادي بسودنة السودان وليست افركينيتة
طلب واحد فقط :
سوق أخوك محمد سليمان دا واغشوا عمو كوستاوي بتاع الخرمجة فى الساحل الشرقي وأعبروا المحيط دا علينا جاي ..
ولا عبر المحيط على المناضلين صعب ..
تحياتي
وامنياتي بالتوفيق
مانحن بينا الأمنيات والتضحات
بينا العذابات والمعزات فى الحياة
| |
|
|
|
|
|
|
|
|
|
Re: بوست الوداع: الكرسي الساخن، ترقبوا صورة بشاشا هنا! (Re: nada ali)
|
الاخ بشاشا
تحياتي، وربنا يوفقك في تحقيق ما تسعى له. كنت متيقن مما أوضحته هنا :
| Quote: رغم حدة طبعي وعنفي، ففي الحنايا معزة ومحبة لكم ابناء وبنات شعبي، في نهاية دوام دواسي. |
بل اذهب بعيداً بأن هذه اللغة الحادة التي تستعملها كmask، كان إختيارك لها بعد تدقيق، لتحمل رسالة مشاركتك في هذا المنبر، ولهذا كنت أتعامل معها، بإخضاعها لغربال، وقراءة ما بين السطور، وتجاهل العبارات الحادة، وأعتقد انني كنت انجح في قراءة المعنى بوضوح.
ويقيني أن إسلوب الحدة، والهجوم اللفظي على المتلقي هو معادل تماماً للكتابة (الساخرة الجادة)، فهي ليست هدف في حد ذاتها، وإنما تسعى لتوصيل رسالة محددة، وأعتقد أنك قد نجحت بإمتياز، في أن توصل ما تريد، والدليل على ذلك كلمات بعض الزملاء هنا، والتي إعترفت لك بفضل ترسيخ أو تعديل بعض المفاهيم.
التحايا من جلابي خالي من فكرههم ومالهم.
| |
|
|
|
|
|
|
|
|
|
Re: بوست الوداع: الكرسي الساخن، ترقبوا صورة بشاشا هنا! (Re: Bashasha)
|
العزيزات والاعزاء،
ذي ماقال الحسين الحسن، اكـــاد لا اصدق، يانفسي يانفسي، والسبب اطلاقا ماكلمات الاطراء البقدرا حق التقدير، وانما السبب شئ تاني خالص خالص!
هذا الشئ يتلخص في تمكينكم لي، اشوف مردود استراتيجيتي الشغال بيها، ومدي نجاحها، ونجاحي في الوصول الي غايتي المرجوة كناشط وباحث مستقل في مجال تاريخ الثقافة السودانية.
اعتقد اني غامرت بالكثير، باختياري لي اسلوب غير مالوف في توصيل رسائل محددة، واختبار ادوات ومصطلحات بعينها، في عملية اقرب لل Market Research في مجال ادارة الاعمال.
لذلك اقدر اقول علي روحي باطمئنان، انو لدي حد ادني من الفهم، للمزاج العام، والراي العام في مواضيع بعينها، وانسب الصيغ الخطابية لتوصيل الفكرة المحددة للقطاع او المجموعة المحددة، سوي في اليمين، او اليسار، في اقصي الشمال ام الاجزاء الاخري..الخ.
فهذا البوست يمثل بحق استمارة استبيان لطرحنا، ووسائلنا في مقابل الغايات.
كنتيجة، قطع شك ساعيد النظر في استراجيتي المتبعة والادوات المستخدمة في توصيل الفكرة المحددة.
ده ماساهل، لانو اسلوبي الحالي اقرب لي طباعي، والطبع يغلب التطبع لاشك، كما يقول المثل.
صدقوني قدمتو لي خدمة لاتقدر بثمن، والواحد هدفو في الحياة انو يتفرغ للكتابة، حيث لارغبة ولاطموحات سياسية او اقتصادية لنا، ومثل هذا الفضاء يوفر للواحد فرصة لاتتوفر باي شكل اخر علي الاطلاق، بالذات هنا موجودين ناس افذاذ وفطاحلة بحق وحقيقة!
بل باطمئنان ممكن نقول الداير يعرف "بعضا" من ملامح السودان القادم، يجي للمنبر ده، حيث العملية اشبه، بمشاهدة الجنين حي يرفس داخل رحم الام!
اناواعي لي حقيقة غياب التمثيل النسبي المتكامل لبقية جهات السودان وتوجهاتا.
لكن من دون كل المنابر، هذا الفضاء، او رغم كده، هو الافضل تمثيلا كما وكيف، وبالذات كيفا!
ساعود لتسليط الضوء علي بعض نمازج الFeedback القيمة جدا، بالنسبة لي.
اها ماشي ياداب اقلب اوراقي واشوف لي صورة انزلا، ده بدورو عايز مشوار للسوق عشان ماانزل الصورة في Disk للتحميل، ثم البحث عن موقع لحفظ الصورة...الخ.
تحياتي للجميع، وعاجز عن الشكر!
| |
|
|
|
|
|
|
|
|
|
Re: بوست الوداع: الكرسي الساخن، ترقبوا صورة بشاشا هنا! (Re: Bashasha)
|
لكنكم قلتم ما بشاشا سوى كذاب أشر.. يا لكم من عقلانيين عرب! (Re: Bashasha)
Quote: Quote: ياسعدالدين،
كده نبعد من كلام اسرتي نخاسة واسرتك فلاتة، او خلينا في المهم:
ياخي مرة واحدة بطل انشا او خطابة او قول لي انت جهوي عشان كيت او كيت، او لا اخلاقي للاتي:
1)
2)
3) |
Quote: طيب يا بشاشا X
1/ إصرارك على إستخدام لفظ "جلابه" وأنت تعلم تماما أنها المقابل والنقيض لكلمة "عبد"..كما أن كلمة Master تقابل كلمة 'Slave -'nigga'وهنا تكمن المشكله إذ أنه لا توجد عنصريه أوعنصريه مضاده دون أن يكون لها أنصار أو أعداءمن الجهله وعديمى الأخلاق..وبما أن نسبة الجهل عندنا في السودان كما تعلم...فأنت تدشن بفكرك هذا لفوضى جديده وإن كانت بنوايا سليمه وأهداف ساميه.
2/ تعميمك الغريب بأن كل الشماليين عنصريين وهذا ما أستقيته من تاريخ أسرتكم وأوردته أنت في المنبر أكثر من مره..والإرشيف قريب.
3/ مع إحترامى لك...بيد أن أسلوبك فج وطارد...هنالك الكثيرون وأنا منهم نؤيد بأن هناك ظلم وعنصريه وتهميش ولكنك لا تلبث أن تشملنا في خطابك كأنك مبعوث السماء أو مسيح جديد وكأنك بلا خطيئه! تعلم أنك تحتاج لتكسب من يتفق معك في الفكر والأهداف يا أخى..وإذا المسأله عضلات منبريه وكده فياخى عضلاتك تبش وأكفنا شر إضاعة الوقت.
Saad |
رغم الإختلاف الكبير... ربنا يكتب سلامتك ويعيدك لنا new version
سعدالدين
| |
|
|
|
|
|
|
|
|
|
Re: بوست الوداع: الكرسي الساخن، ترقبوا صورة بشاشا هنا! (Re: Tragie Mustafa)
|
العزيز بشاشا
أتمنى لك التوفيق و العودة السريعة فأنت تعطي نكهة خاصة لهذا المكان و حقيقي بستفيد من الحوار معاك، كنت بحضر ليك في حوار خاص معاك عن موقف الحزب الشيوعي السوداني من إتفاقية السودان سنة 1953 المعروفة بإتفاقية الحكم الذاتي، و التي وقعت بين الحكومة البريطانية و المصرية و بمشورة الأحزاب السياسة السودانية (الشمالية طبعا) رفضها الحزب أولا و لاحقا تراجع عن رفضه لها و دعمها بعد قصة طريفة تنسجم مع كثير مما تطرحه عن عروبية التكوينات السياسية الشمالية حتى الشيوعيين و أيضا حوار آخر كنت منتظر أحزان د. جون دي شوية نتعود عليها بعداك كنت داير أطرح ليك حوار آخر عن موقف الحزب الشيوعي السوداني من الحزب الجمهوري الإشتراكي الذي كونه الإنجليز من بعض القيادات القبلية و الريفية بعد يأس الإنجليز من عبد الرحمن المهدي و على الميرغني، تخيل يا بشاشا كانوا ح يكونوا حوارات تكشف جوانب كتيرة من فكر إنت بتطرح فيو و يراه الناس تخرصا أو ينظر إليه بتعالي أجوف و فارغ يشي بعدم إحترام أو قل عدم قدرة على التعامل بإيجابية مع الحقائق، عموما ما فاتت حاجة بس ما تطول و يا هو بتدينا فرصة الحلة تتسبك أكتر. مودتي العميقة و تمنياتي ليك بالتوفيق
مرتضى جعفر
| |
|
|
|
|
|
|
|
|
|
Re: بوست الوداع: الكرسي الساخن، ترقبوا صورة بشاشا هنا! (Re: Habib_bldo)
|
عزيزي بشاشا،
لم يتسنَّ لي التداخل معك من قبل إذ أنَّني حديث عهد بهذا المنبر لكنَّني مطَّلع على خطابك ولذا فقد أدهشني حقاً ردَّك على المتداخلين بهذا البوست إذ أنَّني أعتقد أنَّك قد وقعت في الفخ الذي نصبته للحصول على feedback من قرَّاءك ومحاوريك بأن حصلوا (أو على الأقل حصلت أنا كأحدهم) على feedback يكاد يلخِّص مجمل خطابك في مجرَّد جزئيَّة (ولنقل ما يسمَّى ب mystery shopping) من market research قمت أنت به لمعرفة مدى نجاح ما تختبره من استراتيجيات (عن طريق اختبار أدوات ومصطلحات بعينها) تهدف للوصول بك إلى غايتك المرجوَّة والمتمثِّلة في العمل "كناشط وباحث مستقل في مجال الثقافة السودانية".
ورغماً عن أنَّني أرى تناقضاً في امكانية ترسيخ نفسك ك "ناشط... مستقل في مجال الثقافة السودانية" في نفس الوقت الذي تفيد فيه بأنَّك واحد "هدفو في الحياة إنو يتفرَّغ للكتابة، حيث لا طموحات سياسية..."، إلا أنَّ ما أدهشني حقاً هو أنَّك حتى في هذا المجال (ناشط وباحث مستقل في مجال الثقافة السودانية) قد حدَّدت، مسبقاً، مسار خطابك والذي اعتمدت أن يكون ليس فقط خطاباً متعدِّد الصيغ وإنَّما حتى صيغه المتعدِّدة هذه سوف تتشكَّل بناءً على فهمك للمزاج العام!! والرأي العام على تعدُّد قطاعاته ومجموعاته وميوله السياسية وجهاته (التعجُّب من عندي).
أما أكثر ما أدهشني فهو أنَّك ترى في هذا المنبر أنَّه ليس فقط يعكس "بعضاً من ملامح السودان القادم" وإنَّما، على قصوره، أي المنبر، في عكس "التمثيل النسبي المتكامل لبقية جهات السودان وتوجهاتا"، إلا أنَّه "من دون المنابر...هو الأفضل تمثيلاً كما وكيفا، وبالذات كيفا..." وهو رأي يتناقض تماماً مع خطابك القائل بحتميَّة (ولا أقول تمنِّي) سيادة الأفريكانية في المجتمع السوداني القادم. الدليل على التناقض أنَّ خطابك عموماً، وخصوصاً القائل بحتميَّة سيادة الأفريكانية في المجتمع السوداني القادم، وجد من المخالفين بهذا المنبر ما جعلك تفرد هذا البوست مرحِّباً بسيوفهم وفراريرهم وسكاكينهم.
إذاً، وأرجو أن تصحِّحني إذا كنت مخطئاً، فإنَّ:
1. العبارات التي تستخدمها (جلابي...الخ) لا تعبِّر عن رأيك وإنَّما هي أدوات هدفها مجرَّد الاختبار للوصول للاستراتيجية الأمثل التي تود أن تعتمدها لمخاطبة المجتمع السوداني ضمن ما أنت عازم عليه من نشاط بحثي مستقل في مجال الثقافة السودانية.
2. إنَّك لست داعية للأفريكانية ولا طموح لك أن تكون كذلك وإنَّما طموحك أن تكون باحثاً (وأسقط كلمة "ناشطاً" لما رأيته فيها من تناقض مع هدفك في الحياة المذكور أعلاه) في مجال الثقافة السودانية التي تشمل الأفريكانية وغيرها هذا فضلاً عن أن مثل هذا الطموح البحثي يقتضي التجرَّد والالتزام بمنهج البحث العلمي الذي سوف يفرض عليك الاعتراف بأن سيادة ثقافة على أخرى في السودان سوف يكون مجرَّد تمنِّي حتى يتم إيراد الأدلَّة العلميَّة التي تثبت غير ذلك.
3. أنَّ المنهج الذي اعتمدته لنشاطك المستقبلي من بحث وكتابة في مجال الثقافة السودانية هو الخطاب المتعدِّد الصيغ والمبني على فهمك الشخصي للمزاج العام والرأي العام بتعدُّد قطاعاته ومجموعاته وميوله السياسية وجهاته وهو أمر أشفق عليك منه إذ أكاد لا أرى خطَّة (بحثيَّة) يمكن أن تحقِّقه.
كان يمكنني أن لا أدقِّق في موضوع هذا البوست لولا ما لمسته من جديَّة وصرامة في خطابك تجعل ما كتبته من تعليق على الردود التي وصلتك متناقضاً مع ذلك الخطاب بدرجة تجعل مجمل خطابك يبدو (واسمح لي باستخدام هذه الكلمة بدون ضغينة) نفاقاً منمَّقاً. نفاق أو غير نفاق ليس ذلك المهم لكنَّ المهم حقَّاً أنَّ تناول مسألة العرقيَّة في الثقافة السودانية تناولاً دعائيَّا ًلا يمكن أن يخدم أي عرق في السودان وكم أتمنَّى أن يكون قد حالفني الصواب فيما ذهبت إليه من تحليل في أعلاه وهو أمر سوف يطمئنني بأنَّ خطابك "كان"، مرحليَّاً، ذو صبغة دعائية بهدف واحد يتمثَّل في تحديد شكل الخطاب الذي تود أن تعتمده في مشروع بحوثك في مجال الثقافة السودانية. إذا كان ذلك كذلك، فإنَّنا لن نفقدك (كباحث جاد) لصالح معسكر الخطاب الدعائي الذي جرَّبه السودانيون (وما زالوا) ووجدوا أنَّه، إن لم يُمرِض، لا يسمن ولا يغني من جوع.
ولك أمنياتي بالتوفيق في كلِّ ما تسعى إليه.
| |
|
|
|
|
|
|
|
|
|
Re: بوست الوداع: الكرسي الساخن، ترقبوا صورة بشاشا هنا! (Re: Bashasha)
|
فى مداخلة ةقصيرة وانا جديد فى المنبر شتمتنى شتيمة الأرازل كأنك لك ثأر شخصى معى ووصفتنى بالجهل والطائفية وبفهمى المحدود وبأننى اشارى الى آخر الاوصاف الغريبة التى لا استطيع أن اخاطب بها شخصا من الاشخاص لأننى لا أقيل للآخرين ما لا أقبله لنفسى .ومن يومها ابتعدت عن المنبر وقررت سحب عضويتى فيه فلا عمرى ولا فهمى المحدود يؤهلاننى لهذه العضوية ولكنى اسفت للغة التى يخاطب بها الاستاذ بشاشة مخافيه فى الرأى او التى يناقش بها قضايا البلد وهذا النفس العنصرى الحاد ضد الذين يطلق عليهم لقب الجلابة والجلابة هم عنصر وسيط بين الدولة والمواطن مهمته تقديم الخدمات لكل سكان الدولة وهم لا لا يستطيعوت ان يترفوا دينيا او عنصريا او سياسيا من باب الحفاظ على مصالحهم المرسلة.. شعورى بالاسف على سلوك الاستاذ بشاشة واسلوبه فى الكتابة جعلنى ارجع للبروفايل الخاص به لأعرف المزيد من المعلومات عنه عسى أن يساعدنى ذلك فى استكناء مسلكه الغريب بالنسبة لى شخصيا وقد لا يكون ذلك هو شعور مجموع الآخرين . وزاد من اسفى اننى وجدت الاستاذ بشاشة شابا كثير التعليم ومنحدرا من نفس الأصول الت يزمها زما قاسيا وكان حريا به ان يعلم ان هذه الاصول ليست بهذا السؤ الذى يصفها به .
على العموم اتمنى ان يراجع الاستاذ بشاشة سلوكه مع الآخرين واسلوبه فى الكنابة وان يوظف قدراته فيما يفيد بتوصيل المعلومة بدون احداث خسائر فى الانفس والمشاعر .
أما وصف الاستاذ بشاشة لشخصى الضعيف بالطائفى والاشارى ومحدودية الفهم وغيرها من الاوصاف الجامدة فردى عليه بكل احترام اننى لست طائفيا اذا اخذنا المعنى العلمى للطائفية ولست اشاريا و لا سيد لى غير المولى قادح الروح فى الاشياء. لقد عارضت الانقاذ ومازلت وتركنت منصبى الرقيع سفيرا لبلدى بمحض ارادتى . للاستاذ بشاشة تقديرى وتمنباتى وعفوى لما اصابنى به من تجريح اكتفيت بومها بالرد عليه فائلا له : لقد أدبنى أبى فأحسن تأديبى
د. على حمد ابراهيم
| |
|
|
|
|
|
|
|
|
|
Re: بوست الوداع: الكرسي الساخن، ترقبوا صورة بشاشا هنا! (Re: Bashasha)
|
اها، ياملاسي، وكيلك الله غير الصورة دي ماعندي!
تصدق يامؤمن؟
طبعا نشرتها بي ضبانتا، وكما هي من دون قصقيص!
بالمناسبة الصورة دي عمرها، 5 ولا 6 سنة لااذكر!
جاييكم، مع خالص شكري لكل من اخد الوكت المطلوب، او خط سطر واحد. ذي ماقلت ليكم، اناجالس القرفصاء، او باخد في Notes، كاي تلميذ نجيب!!
| |
|
|
|
|
|
|
|
|
|
Re: بوست الوداع: الكرسي الساخن، ترقبوا صورة بشاشا هنا! (Re: Kostawi)
|
عزيزي العزيز بشاشا،
لا الأناقة المألوفة فيك من زمن الطلب في جامعة الخرطوم والمتبدية أيضاً في هذه الصورة المشرقة، ولا ما يتبدى من اشتعال الرأس شيباً، سينسياني صورتك في مخيلتي. أتذكر تماماً كمال، المتمرد، العكليت، المشاغب بأدب، في أركان دالي، بشعره المجعد، الخنفس، المصفف بعناية.
أدعوك لزيارتي وأسرتي -زوجتي وأطفالي- في بافلو، نيويورك، لنرى هل ما زالت مشاغباً في الحس، كما أنت في هذا المنبر الحر. كم سيسرني أن أراك، وأن أخبر زوجتي وإبني وبنتي الإثنتين بمن تكون. إبني بهذه المناسبة -وهو في الحادية عشرة- يعلق صورة الأستاذ محمود ومارتن لوثر كنج في غرفته. إن زرتنا ربما لا يجد مناصاً من أن يعلق صورة مالكوم اكس بحكم خطابك الناري. ما أحبذه الآن هو أن تكون نقلته التالية هي أن يعلق صورة المهاتما غاندي. ولكني لن أقاوم كثيراً إن اقتنع بوجهة نظرك، التي ربما يفعل فيها الزمن فعلها لتصبح في المنطقة الوسطى بدلاً من حالة الهيجان الفكري -المثير للإعجاب، رغم تطرفه في الخطاب.
دمت با صديقي العزيز، ودام الود، مع دوام الصحة والعافية المتبديتان في صورتك الباهرة.
| |
|
|
|
|
|
|
|
|
|
Re: بوست الوداع: الكرسي الساخن، ترقبوا صورة بشاشا هنا! (Re: Saifeldin Gibreel)
|
والله يا بشاشا كنت مستنية صورتك دي علشان أرمي ليك الكلام البترميو لغيرك
أها يا بشاشا طلعت عمو
طيب يا عمو جهز كراستك وأكتب الملاحظات دي
| Quote: اتمني القارئ يكون انتبه لي كلام هذا الزنجي الكاره لذاته |
بشاشا
| Quote: المستعلواتي والقبلي حتي النخاع |
؟؟؟!!!!!
| Quote: اوعا تقول لي الزيك عرب!!!!!!!!! |
| Quote: كده ارجع لصورتك دي و بعداك نسمع منك قصة انك عربي دي! |
| Quote: رغماعن انف الصورة المعلقة علي اليمين! |
| Quote: المسؤلين من استرقاق الافارقة، هم الافارقة امثال |
بشاشا
| Quote: فقولنا للاعور، اعور، وان كان قاسي ومؤلم، فهو ليس باساءة بقدر ماتسمية للاشياء باسمائها، والاعمال بالنيات |
وفي الختام
| Quote: عيييييييييييييييييييييييييييييييييك!!!!!!!!!!!! |
راجع أسلوبك يا عمو
تريقتك على خلقة ربنا ممكن تتقلب عليك هسي ببساطه
لكن ما تتوقع انو الناس كلها زيك
ونقطة تانية ما تحاول تزور في التاريخ كتير لكسب ود دعاة الأفرقة
دي ملاحظاتي
مش انت طالب ملاحظات !!!
| |
|
|
|
|
|
|
|
|
|
Re: بوست الوداع: الكرسي الساخن، ترقبوا صورة بشاشا هنا! (Re: Bashasha)
|
العزيز كوستاوي،
ياخي ما تمم جميلك، او تصغر الصورة دي، عشان انزلا في البروفايل قبل ماادق خروج.
د.حيدر،
شكرا جزيلا للدعوة، اومتي ماجيت علي غادي، وعد اصلك.
العزيز مرتضي،
والله شهيتني بي ذي مواضيعك المقترحة دي، فيما اتصل بمواقف الحزب الشيوعي الذي اكن لرموزه احترام كبير بفضل امثالك، كاصدقائي:
احمد فضل، مامون سيداحمد، وصلاح الزين،
رقم اختلافي الكبير وقسوتي عليه، وعلي رواده.
غايتو مددت اقامتي حتي مساء الخميس، ياريت تبدا بي واحدة من الوثائق المقترحة.
الاعزاء القراء،
ساعود مسلطا الضو علي بعض المساهمات المتفردة، من حيث تقويمها، وتقييمها لي خطنا.
| |
|
|
|
|
|
|
|
|
|
Re: بوست الوداع: الكرسي الساخن، ترقبوا صورة بشاشا هنا! (Re: هشام مدنى)
|
سلامات
وعوافي
ككاره لذاتك ومستعلواتي وجلابي سليل تجار الرق عاوز اذكرك بانو اجدادناالكوشيين لو شافو صورتك دي بيعملوا معانا مشكلة كبيرة خصوصا وانو (كوش) التي شهدت تواريخنا العتيقة كانت هي اساس التكوين للانسانية من حيث التاريخ والديانات والممارسات الاجتماعية التي تدل علي الترابط وتدعو لتعميق الصلات بين الشعوب الاخري ...
المهم نشوف حتت الصورة (القبيحة دي) واظنك سارقة من استديو او من البوم واحد من اصحابك نسبة لان صاحب الصورة يحمل ملامح ملائكية لاتشبه لغتك (الناشفة) ... وان كانت فهذه ازدواجية وترميم لمبدا الكيل بمكيالين وازكاء لنار الفتنة (وجه ضاحك) مع انك تستاهل (الصرة) وفي الصرة اكون خاتي لي معاها سفة كمان شفت كيف ياجلابي...
كدي خليني اقرا ليك في الصورة دي ..
تتخيل لو زارني طيفا في النوم طوالي بقول شفتا لي ملاك اسمر ضاحك كان بيناديني ومادي يدو علي وبيقول لي تعالي ياحفيدي انا جدك الاول انا ربيب مملكة كوش تعال الًي حتي اخرجك من قمقم نسيانك لي تاريخ اجدادك (وتلصقك) في العروبيين والمستعربة .. وانا اصرخ ومادي يدي لي فوق (حيث ان الملاك فارع الطول ومفتول العضلات) (والملاك طبعا هو الفي الصورة) اها يتعالي صراخي ان ياجدي تعالني تعال بي العندك مافي زول بسندك (وطبعا ماتحته خط كناية عن (تغابينا) عن افريقيتنا) .. اها يقوم الملاك يقول لي (عشان كدا انا جاي اصحيكم من اوهام عروبتكم او اقلاه اذكركم باصلكم الكوشي وغباءكم المغطيكم من سبيب راسكم حتي اخمص قدميكم) ...طبعا اقلاه دي لخبتتني شديد( لعنوا) في زول مسيخ وانا مكجنوا بيقولا طوالي اقوم اقول ليهو ...ياجدي العتيق انتي الكلمة بتاعت (اقلاه) دي لطشتها من وين (وبدات استرجع في مفرداته (كوش) (اخمص) قلتا ياربي جدي دا يكون فرد المسنوح داك وعايش تحت تاثيروا لانو الفقر النقر داك بيكون غسل ليهو راسوا في دقايق اصلو قالوا كان بيصارع ناس دالي (مكان الفكر شداد الحيلة) وبيناقشم وبيجادلم الحجة بالحجة.. ونسبة لان الشك اشتغل في راسي قعدتا اتلولو علي جدي لانو بعد داك لغتوا بقت متعجرفة وبقا تقيان في ردودو علي اسئلتي (ايقنت حينها) بان حلمي كان مضروب وان الملاك الفي الصورة دي سارق ليه قناع ومركبوا في وشوا القبيح داك (البعرفوا انا) .. قمتا صحيت من نومي (وادرت جهاز تسجيلي لينطلق منه صوت شجي يردد
قطرات النسيم تجرح خديه
ولمس الحرير يدمي بنانه
.
.
.
لما مشي كاسرا اجفانه...
فسرحت مع فنان العرب محمد عبده ..(طبعا هو من عندينا)
...........
غيب تعالي يابشاشا لكن ماتجينا وانت فقر ونقر تعال لينا باسلوب كتابة يشبه هذه الطلة الملائكية..
مع كرهي اللطيف (طبعا دا برضوا بضيف ليهوا امنياتي ليك بالتوفيق اينما حللت او نزلت)
اخوك
عبدالرحيم ودرملية
| |
|
|
|
|
|
|
|
|
|
Re: بوست الوداع: الكرسي الساخن، ترقبوا صورة بشاشا هنا! (Re: Bashasha)
|
بشـــاشا لا يسخــــر من خـــلق الله عندما يقـول للناس
شــوفوا صـــوركم...او يقول للناس انظــروا الي المرآة
..انه ينبه اولئك النائمين الي حقيقة انفسهم ...فكـيف
يكون الايقاظ لســوداني اســـود يقــول انه من قريش ان لم
يكن باسلـــــوب بشـــاشا؟!!!
شتــان ما بين اسلــوب بشاشا والسخرية او بالعامي "التريقة"
| |
|
|
|
|
|
|
| |
Bashasha
هاشم نوريت
lana mahdi
عبد الحميد البرنس
تولوس
محمد حامد جمعه
Marouf Sanad
sumah
Omer Abdalla Omer
Walid Safwat
waleed500
عبدالماجد فرح يوسف
omar ali
Haydar Badawi Sadig
humida
محمد عبدالرحمن
WAD ELGAALI#4
Mohamed Suleiman
محمدين محمد اسحق
Ahmed Osman
nasiradin
luai
Elmosley
خدر
banadieha
Mamoun Ahmed
nada ali
nadus2000
أحمد أمين
Outcast
kamalabas
محمد اشرف
Osman M Salih
Asim Sharief
jini
Deng
saadeldin abdelrahman
Tragie Mustafa
Murtada Gafar
حمد فتح الرحمن
Hussein Mallasi
Habib_bldo
إسماعيل وراق
elsharief
Mohamed Adam
برهان تاج الدين
Kostawi
Saifeldin Gibreel
Khalid Kodi
ودرملية
فيس بوك
تويتر
انستقرام
يوتيوب
بنتيريست