|
|
 بامر الشارع علي الاتية اسماءهم تسليم انفسم للميدان الاسفيري هنا.
|
الي قراء بشاشا في الداخل ثم الخارج، امتثالا لاوامركم نقول سمعا وطاعا، ثم نعود في هذه الايام العصيبة والتاريخية في حياتنا شعبنا، وانها لثورة حتي النصر. المكالمات اللتي تلقيتها من داخل الميدان طلبت عودة الاتية اسماؤهم:
*تراجي مصطفي،
* ادروب ابوبكر،
*تاج الدين عبدالله،
*محمدين محمد اسحاق،
*د. بشار صقر،
*عربي يعقوب،
*مكي ابراهيم مكي،
*عمر علي،
*احمد امين،
السيد امين الموقع بكري ابو بكر، رجاء اعادة كلمة المرور لمن في حوجة لهذا الاجراء، في هذا الظرف التاريخي، واي مشاكل متصلة بخلاف مع الادارة ينبغي ان تؤجل كما فعلت شخصيا، للوكت المناسب.
|
|
 
|
|
|
|
|
|
|
|
Re: بامر الشارع علي الاتية اسماءهم تسليم انفسم للميدان الاسفيري هنا. (Re: Bashasha)
|
Wow
بشاشا عاد
و ربما قدري ان اكوون اول المهنيءين بالعودة
قدمي كانت حارة عليك يا بشاشا
انت غادرت المنبر مغاضباً في الأيام التي أعلنت ميلادي هنا
رغم أنني ما كنت سوف أكون من شلتك ، فإنني لا احب الشللية ، و قد أعلنت ذلك و انا بولوم في يومه الأول
لكنني حزنت على عدم وجودك .. لتميزك و شجاعتك و ثوريتك .. حتى ولو لم اتفق مع أسلوبك
فانت ألوان زاهية .. و لونية متفردة وتنوع حميد
عوداً حميداً
| |
|
|
|
|
|
|
|
|
|
Re: بامر الشارع علي الاتية اسماءهم تسليم انفسم للميدان الاسفيري هنا. (Re: الصادق اسماعيل)
|
ود ابكر مرحب بيك،
اكد تماما احنا ماشلة بالفهم المتداول للمفردة، وانما رفاق سلاح من اركان السودان الاربعة، جمعت بينا مبادئ محددة، مش قبيلة، ولاجهة، ولاقرية، ولا حلة، ولا حي، او مجال عمل.
اذن نحن لانختلف عن اي منظومة مدنية، وان لم نكن منظمين.
راجع الارشيف او حتلقا كيف عادي بنعبر بحرية بصراحة عن اختلافنا مع بعض دون حرج، لاننا في النهاية مجموعة افراد وشخصيات مستقلة تجمع بينا مواقف وطرح بعينه، خلاصتو سودان سوداني بمعني المفردة، ديمقراطي، للجميع، نتساوي فيه كلنا كمواطنين من ذات الدرجة.
| |
|
|
|
|
|
|
|
|
|
Re: بامر الشارع علي الاتية اسماءهم تسليم انفسم للميدان الاسفيري هنا. (Re: سامر صلاح نور الدين)
|
عماد خليفة ليك وحشة.
خاتي بالي ليك، ماشاء الله سادي الفرقة علي قولة سيدي التعايشي عليه شابيب الرحمة. نعم علي الجميع هنا، ان يحاولو ما امكنهم اعادة الاقلام المؤثرة الغايبة.
تاثرت شديد بي مكالمة من جوا نيالا، في قلب الرصاص، حيث وبخني الرجل وهو من القراء، او قال لي انت عامل مهم يعني بي زي البتسووي فيهو ده؟
الكلام ده ايام هجمة الجنجويد.
واضح الكتابة هنا مسؤولية حقيقة كبيرة شديد، اتمني نكون قدرها.
حابدأ بي رفيقة السلاح قائدتنا تراجي مصطفي، حتي تعود. البقية حاشوف ارقام تلفوناتم وابقي ليهم في الرقبة زي ما بقو لي كتار في الرقبة، كتر خيرم في الفترة الماضية!!
| |
|
|
|
|
|
|
|
|
|
Re: بامر الشارع علي الاتية اسماءهم تسليم انفسم للميدان الاسفيري هنا. (Re: محمد نور عودو)
|
رغم إني حارن ومقاطع سودانيزاونلاين من شهور (لأنو بكري وقفني ورجعني من غير ما يوريني سبب الإيقاف)
ورغم اختلافي الشديد معاك في اسلوب مخاطبتك للزملاء والزميلات بالبورد ،رغم اتفاقي مع نقاط كتيرة في طرحك بخصوص الهوية
لكن فرحت فرح زول عوير كدا لما شفت اسمك في البورد وطوالي دست على (أضف رد)
المداخلة دي تساوي واحد وعشرين طلقة ،بلغة الميدان، ترحيب بعودتك يا كمندان
| |
|
|
|
|
|
|
|
|
|
Re: بامر الشارع علي الاتية اسماءهم تسليم انفسم للميدان الاسفيري هنا. (Re: Bashasha)
|
محمد احمد مضوي من الfacebook
مرحب بيك.
نعم الي الجحيم فلتذهب دويلة الاحتلال الثنائي، ذات نفسها وليس فقط نظام اقنان البنا، الذي فشل يا للهول حتي في محيطو او تربتو الانجبتو!
اما في بلاد السودان فقد نجح هذا الطرح الاجنبي، الوافد، والغريب، كابشع وانجع سلاح دمار شامل فاق حتي القنبلة النووية اللتي القيت علي هيروشيما في اليابان!
نعم نظام اقنان البنا اباد 8,000,000 ياللهول، والقنبلة الذرية لم تنجز ولاحتي عشر اي 1/10 من ما انجزتو قنبلة المشروع الجرثومي!
اذن مشروع الاستلاب الحضاري هو سلاح ابادة جرثومي في المقام الاول!
| |
|
|
|
|
|
|
|
|
|
Re: بامر الشارع علي الاتية اسماءهم تسليم انفسم للميدان الاسفيري هنا. (Re: Kostawi)
|
مرحب بشاشا ومرحب لعودة الحراك والتناطح في البورد .!!
بس بسأل : هل كان في داعي لي ذكر ونجت وسلاطين والجماعة ديل !!!
أصحى يا بشاشا عييييييييييييييييييييييييييييييييييييييييييييك !!
أنحنا في القرن الكم وعشرين وأنت طواااالي راجع بينا لي ورا ..!!
حتى في ردودك : الأميرة المروية قال !!
(أوع تكوني يا أمنة مختار فرحانة باللقب دا) !!
يا خي دولة مروي القالوا أول دولة في أفريقيا بتصهر الحديد وبتشكلو .. كتب التاريخ توقفت عن ذكرها !!
يا بشاشا .. الناس بتمشي لي قدام .. ليه أنت مودينا لي ورا ؟!!
غايتو نقول مرحب بيك مرة تانية ..
ونقول برضو سبحن الذي يحي العظام وهي رميم !!
عظامك الاسفيرية بعد غيابك دا أو عظام مملكة مروي ..
واطس إيفر !!!
| |
|
|
|
|
|
|
|
|
|
Re: بامر الشارع علي الاتية اسماءهم تسليم انفسم للميدان الاسفيري هنا. (Re: فتح الرحمن حمودي)
|
Quote: Abdu Abubakr Abdallah
تراجي انت امة بذاتها ....غيابك خلل في ثغرة الثورة....هلا عدت من اجل من يامل فيك الكثير وهم القراء المتلهفين...ولهيب صوتك الرعد وقولك السيف.. |
عبدو ابوبكر عبدالله
كتر الف خيرك وياريت نكون قدر حسن ظنك بينا.
تراجي مصطفي حابقي ليها في رقبتا لمن تجي هنا وتادي التمام للقراء من امثالك ثم الرفاق ثم الزملاء من الاعضاء.
تراجي وعي جديد او مختلف فوق لي صدقها، وهذا اهم من اي معيار اخر، ايا كان!
معزتي.
| |
|
|
|
|
|
|
|
|
|
Re: بامر الشارع علي الاتية اسماءهم تسليم انفسم للميدان الاسفيري هنا. (Re: خالد العبيد)
|
Quote: Omar Mahgoub · الأكثر تعليقا
الموهوم بشاشا ياخى ما اتفقنا يوما ولن نتفق فى المستقبل باذن الله لكن نفتقدك كثيرا فالمنبر صار ساحة
للفاقد التعليمى والتربوى . بعدين انت رافض سادتنا الخدوية ((عليهم شابيب الرحمة وماسك فى تراجى التركيه ليه ؟؟
((الخلا دى رجل وديك كراع شنو )) ياخى والله وماك طالبنى حليفة نفتقد تراجى كثيرا رغم رواشتها ((لكن قلبها ابيض) |
عمر محجوب ياالف مرحب،
تراجي سودانية 100 ال100 معتزة باصلها كذنجية وليست بتركية!
الانتماء ما بالشكل وانما بالوعي، بالقلب، بالثقافة، وقبلها بالموقف من خندقي الصراع في بلدنا.
معزتي.
| |
|
|
|
|
|
|
|
|
|
Re: بامر الشارع علي الاتية اسماءهم تسليم انفسم للميدان الاسفيري هنا. (Re: Bashasha)
|
الاخ العزيز الامير الكوشي كمال بشاشا شخصيا يا مليون مرحب
يا اخي لم الحظ هذا البوست العريض الرائع بالتنوع السوداني الزاهي العريق الا الان
ليك وحشة وشوق بحجم الوطن وافريقيا والعالم الحر كمان
بالطبع حضورك الان في هذا الوقت العصيب لهى اكثر اهمية من اي وقت مضى حيث يتنفس فيه جرذ الاسلام السياسي انفاسه
الاخيرة وحيث شعارنا المعلن بوضوح
ONE KOUZ, ONE BULLET
لردع عدوانهم الفاشي دفاعا عن الحق المشروع في الحياة ووضعهم في مزبلة التاريخ, ولكي يتحقق للجميع الحرية والحياة الحرة الكريمة
وها نحن نسلمك التمام والشعلة معا وعاش نضال شعب السودان الابي الصامد الثائر الان
كما عبرك التجلة لشعب السودان الثائرون الان وجنة الخلد لشهدائنا الابرار والتهنئة والاجلال لكل قطرة دم سالت في القرى وحضر السودان
للثائرون الابطال
الترحاب والتحايا مجددا لك ولاسرتك الكريمة
والتحية والتقدير لجميع المتداخلون
والى الامام والكفاح مستمر
| |
|
|
|
|
|
|
|
|
|
Re: بامر الشارع علي الاتية اسماءهم تسليم انفسم للميدان الاسفيري هنا. (Re: Bashasha)
|
..
..| Quote: يعني الإ يفتحوا الحريات الأربعة حتى تجي راجع؟ |
.....
..حريات اربعة بتاعت فنيلتك ؟؟؟؟؟!!!!
..ياخي ده ...اتفتح ليهو بوست طويل و عريض هنا بالمنير و من بروفسور امين ...
....داعي الحريات المطلقه....شخصيا ...تقول لي حريات ...اربعه ؟؟؟
..
..لكن نقول شنو ؟؟؟؟؟ ..... سمحه العافيه !!!! ...و التقله!!!
..
..
..
..كوشي منه .....الف مرحب بيك و بالبقيه ؟؟
..
..
..
..
..Quote: ..
| Quote: ..مرحب بعودة الامير الكوشي |
..
..
..
.
..
..كوشـــــي منّــــه ...
..
..تعرف يا فقيري ...من كتابات اخينا ده هنا مشيت افتش في كتب التاريخ ... وغزوات الهسكسوس لمصر و ارض النوبه العليا ..عن اصول الزعيم الفيتنامي ابن الابالسه العم هوشــي منــه..لانو جاني احساس شبه اكيد .- في الغالب لا يخيب انو نوبي- ...وانو جدو ... في لحظة ما في تلك الازمان جاتو قرفه ...و كون جيشو من نوبيين ارض النوبه وقام كســــح منها ...لارض الهكسوس بالشرق الادني عشان يحرر الهكسوس من ظلم حاكم الهكسوس ... و فعل .... ثم طاب له المقام هناك ...مع بقية النوبين ... و من سلالاتهم جاء الابليس ...العم هوشي منه ...امد الله في ذكراه هاديا لصلاده الشعوب الشعوب في مواجهة الحمير الذين يتوهمون تصفيتهم و ثقافاتهم....
..
..غايتو انا لسه ببحث في الموضوع ده.... و حاجيب ليك الاكيده ...
..
..
..مرحبا به و بك و بالبقيه..
...
...
..
..
... |
..
...
..رد للاخ فقيري جاويش في هذا البوست ..
...
..Re: مرحب بعودة الامير الكوشي بشاشا الي المنبر
..
| |
|
|
|
|
|
|
|
|
|
Re: بامر الشارع علي الاتية اسماءهم تسليم انفسم للميدان الاسفيري هنا. (Re: Hololy)
|
Quote: عبدالعزيز عثمان · الأكثر تعليقا · Uof k arts en glish
كمال بشاشا،جميل في تفرده..
عاصرناه في الجامعة..متفردا
قراناه في الاسافير فهمانا
كنت اود ان ادخل بحسابي هنا،ولكن مشكلة فنية حالت، كنت اود ان اقول له،الوطن يحتاج لقلمك.
|
العزيز عبد العزيز عثمان كتر خيرك.
اتمني اشوفك قريب هنا في المنبر بما انك عضو هنا معانا، بالذات انك زميل نشاط سابق بالجامعة.
لاحظ لي تعبير "الجامعة" بالالف واللام وكانو حينها ما كانت هناك جامعات اخري!! كنا مفترين بشكل!
مرحب بيك تاني.
| |
|
|
|
|
|
|
|
|
|
Re: بامر الشارع علي الاتية اسماءهم تسليم انفسم للميدان الاسفيري هنا. (Re: عبداللطيف شريف على)
|
Quote: Azzam Hassan Farah Mohammad · الأكثر تعليقا
يا غرابا يا مُنافِقين.. يا وهم.. بشاشا ده إعترف هِنا ده وكان حينها بتفاخر، إنو أجدادو في دُنْقُلا -وما هو بِدُنْقُلاوي-بتفاخر بإنهُم كانو تُجار رقيق (عبيد) صفِقو صفِقو.. الله لا كسبكُم!
رد · · منذ 6 ساعات |
سلام ياعزام، مشتاقين!
اوعي تكون مستغرب!
وجودك هنا غاية في الاهمية لو يعلم رفاق السلاح الانا عارف ما بتفقو معاي في الكلام ده.
بعدين ياخي بشاشا ده اقلاهو اعترف علي قولك، فهل الاعتراف جريمة؟
محمدة ام مذمة؟
قول كالعادة عايز تطلع الجواك ضد اهلنا، تاج راسنا "الغرابة".
محبتي ومعزتي اللتي لا تحدها حدود لاهلي في الغرب، في الجبال، والجنوب.
| |
|
|
|
|
|
|
|
|
|
Re: بامر الشارع علي الاتية اسماءهم تسليم انفسم للميدان الاسفيري هنا. (Re: عبداللطيف شريف على)
|
..
....
Quote: ...
Quote: Omar Mahgoub · الأكثر تعليقا
الموهوم بشاشا ياخى ما اتفقنا يوما ولن نتفق فى المستقبل باذن الله لكن نفتقدك كثيرا فالمنبر صار ساحة
للفاقد التعليمى والتربوى . بعدين انت رافض سادتنا الخدوية ((عليهم شابيب الرحمة وماسك فى تراجى التركيه ليه ؟؟
((الخلا دى رجل وديك كراع شنو )) ياخى والله وماك طالبنى حليفة نفتقد تراجى كثيرا رغم رواشتها ((لكن قلبها ابيض)
|
..
..
..
...Quote:
عمر محجوب ياالف مرحب،
تراجي سودانية 100 ال100 معتزة باصلها كذنجية وليست بتركية!
الانتماء ما بالشكل وانما بالوعي، بالقلب، بالثقافة، وقبلها بالموقف من خندقي الصراع في بلدنا.
..
.. |
..
....
..ليس الشكل او الوعي او القلب او الثقافه او خندقي الصراع ....من قبل كل هذه الهيصه و من فوقها...
...الانتماء للبلد في ذاته ..
..
..سلالات الاتراك ...او الاعراب ..او ايا كانو ..الجات دخلت بلدنا دي ......امثال ########## عبد الرحيم حمدي ... و ########## التاني العتباني
..بلدنا ادتم ....و ادتم بسخاء ... و بقوا بشر و وزراء و اطباء ....و .....و .....
..لكن لحد الليله هم بيتنكرو للبلد ولابناءها و لاهلها ...و ارضها ...و بيصيغوا في كل السياسات و الاّليات البتدمر في هذا الارض المنحتم خيرها ...
و بيدفعوا في الية الحرب البتدمر و تشلع في ابناءها ...قتلا و تهجيرا و فقرا و عدم تعليم ؟؟؟؟
..
..عبد الرحيم حمدي كل هموا البنك الاداهو ليهو هديه بنك السودان ..(قال ترخيص منحه)....يا عيني علي الترخيص و المنحه ؟؟!!!
.و هو يرسم في المثلثات علي ارض البلد في اكثر مناطقا انتاجيه و يقتل في ناسا مع مجموع العصابه عشان يشغّل البنك بتاعو (المنحه )معاهم؟؟؟؟
..
..يا خي ده وصل درجه بتاعت غباء و في احدي اللقاءات التلفزيونيه و معاهو واحد تاني قال دكتور ...اسمو محمد مين كده قاعدين في كراسي وثيره
...ورغم وثارتا الاتنين اطيازم مدفقه بجنبات الكرسي ....(حلاليف )...و يتبجح هذا العبد الرحيم حمدي و بكل وقاحه و غباء لم اره و لن اره مستقبلا ؟؟
....انو الجنوب ما حيقدر ينفصل من الشمال و لا حيقدر يسيب الشمال ...لانو الجنوب (الانفراستركشر) او بنياتو اساسيه ضعيفه ...والجنوب كوووولو
...مافيهو (2 كم ) (اتنين كيلو متر مرصوفه)؟؟؟؟؟؟ ......لاحظ ده زول مسؤول في جهاز دوله و كان وزير ماليه قبلا ...و بصيغ السياسات الماليه و الاقتصاديه للبلد و لحزب افراد العصابه....و بتكلم في لقاء تلفزيوني ؟؟؟
..
..طيب انت يا روح جد جدتك الاولي .... قاعد في الدوله دي تعمل شنو ...اذا كان جزء يمثل تلت البلد البتحكما مع ناسك ما فيها (2 ك)م طرق مرصفوفه .. و انت مسكت وزير ماليتا لفترات طويله ...و عارف الحقيقه دي ؟؟؟؟؟ ده مثال من امثلة المؤمره القسمت بلدنا دي !!!
..
..المثال التاني الاسمو الخره الاسمو العتباني ده ...
..
..ده كمان لحد الليله و بكره .... يدبج في المقالات و عامل فيها مفكر و منظراتي للعصابه ... شوفو المحن دي ؟؟؟؟
...و مقالتوا تتراوح بين ... ضعف الانتاجيه للانسان السوداني ... بسبب ارتباطه اللصيق بعادات ثقافيه في تكوينو ؟؟؟؟ كده ؟؟؟ (كسالي يعني) ..
...لكن نفس العتبانيي ده ما بيقدر يدبج مقال يصف فيهو اسيادوالسعوديين و الخلايجه انهم ما بيشتغلو وانو ازيد من تلت بلدم ...ا
تبنت علي اكتاف السودانيين المغتربين و من عرقم و كدحهم في هذه الحياه ....من كامل الخدمه المدنيه و حتي الرياضه ؟؟؟؟؟
..
..او من جانب تاني يدبج في مقالات تمجد في التجربه التركيه و نجاحاتا الحققنا ....
..
..ما داير اكتب كتير ... لكن بقولا ليك ... يا خره يا عتباني .... يا خي اذا عاجباك التجربه التركيه ..باها دييييك تركيا ...قاعده ...و اردوغان قاعد ...و اتاتورك لسه تاريخو ماسك بزمام الامور ...فياخي امشي غور ليهم قشه ما تعتر ليك و لا تعتر لــ سلسفيل جد اهل محمد علي الكبير ذاتو ؟؟؟
..
..انتو في زول قال ليكم تعالوا نحن ناقصين تجارب ؟؟؟ و اللا في زول من السودانيين اداكم كرت دعوه قال ليكم تعالوا طورونا و احتلونا ..
..
..عالم مقرفه !!!
...
..
..
..
..
..
..فعشان كده بركز قبل الحاجات القالا كوشي منه دي ...بركز علي الانتماء نفسه ...و الحاجات التانيه من ثقافه و و عي و بطيخ بتجي لاحقه للانماء و فياطاره او داخله
..
..دمتم
..
| |
|
|
|
|
|
|
|
|
|
Re: بامر الشارع علي الاتية اسماءهم تسليم انفسم للميدان الاسفيري هنا. (Re: Hololy)
|
Quote: Khansaa Alkarib · Faculty of law UOK
سلام يا بشاشا والله قود تو سى يو فى هذه الايام الثائرة..و تلكم الاحلام بزوال دولة الكيزان فى السودان تكاد ان تتحقق...قول معاى آمين..مرحبا بك
رد · 1 · · منذ 4 ساعات |
الشقيقة خنساء ليكي وحشة.
حقيقة غياب امثالك فقد كبير جدا لي مشروع البديل.
قليليين البعرفو انك من جيل رودا مردا.
ياريت تعودي او بي اسمك القديم.
| |
|
|
|
|
|
|
|
|
|
Re: بامر الشارع علي الاتية اسماءهم تسليم انفسم للميدان الاسفيري هنا. (Re: Hololy)
|
...green]..
..
..نسيت اضيف حصيله الكلام للنقه الفوق دي ...
..انو الامثله باتعت الناس الفوق دي...و كل الناس المعاهم ...و منذ الاستقلال ... (استثني فقط حكومة اكتوبر القصيره العمر و اللجات محموله علي اكتاف الجماهير و هتافاتا..
...و اشواقا و تطلعاتا و بلدا ... و يبدو انو عشان كده كان عمرها قصير بالتامر عليها و قتلها و هي طفل من قبل ذات الناس الفوق ديل و امثالم ) ....الناس دي كولها ما عندها ارتباط بالبلد دي و احلام و تطلعات ابناءها ...لانو ببساطه ...ما ممكن ازيد من ستين سنه علي عمر استقلال بلد ... و هي لا زالت ترزح تحت نير الحروب و القتل و التقسيم و التقسيمات الاحقه ...دي حكومات شنو دي حكومات السجم و العماله ...البتوصل بلدا البتحكومو لهذه النهايات الماساويه؟؟؟؟
...
| |
|
|
|
|
|
|
|
|
|
Re: بامر الشارع علي الاتية اسماءهم تسليم انفسم للميدان الاسفيري هنا. (Re: عبدالكريم أحمد الامين)
|
الأخ الأستاذ / كمال بشاشا
فرحت لعودتك لهذا الموقع الجامع. وأضيف كما قال بعض من سبقوني هنا- أننا نعيش هذه الأيام مرحلة حاسمة في تاريخ أمتنا نحتاج فيها لكل الآراء. ربما تتقاطع آراؤنا هنا وهناك في أطروحة الهوية مثلا.. لكن هذا لا يعطيني الحق ولا يعطي غيري أن نفرح لغياب أحدنا عن هذا الموقع وفي مثل هذه الظروف بالذات. أشهد الله أنني فرحت لعودتك ، لأني أومن بالمقولة التي تذهب إلى أن نصف رأيك عند أخيك. مرحبا بك مرة أخرى ومرحبا بكل ما تقوله فينا وفي غيرنا من مخالفيك الرأي...فهذا في حد ذاته هو ما ينبغي أن يكون عند كل الشعوب المتحضرة.
وألتمس مع آخرين من الأخ المهندس بكري ابوبكر عودة الأخت تراجي (أم حازم) وآخرين بأسرع ما يكون.
بشاشا.. طاب المكان بعودتك ..وأهلا بك وسهلا.
| |
|
|
|
|
|
|
|
|
|
Re: بامر الشارع علي الاتية اسماءهم تسليم انفسم للميدان الاسفيري هنا. (Re: عبدالكريم أحمد الامين)
|
الأخ الأستاذ / كمال بشاشا
فرحت لعودتك لهذا الموقع الجامع. وأضيف كما قال بعض من سبقوني هنا- أننا نعيش هذه الأيام مرحلة حاسمة في تاريخ أمتنا نحتاج فيها لكل الآراء. ربما تتقاطع آراؤنا هنا وهناك في أطروحة الهوية مثلا.. لكن هذا لا يعطيني الحق ولا يعطي غيري أن نفرح لغياب أحدنا عن هذا الموقع وفي مثل هذه الظروف بالذات. أشهد الله أنني فرحت لعودتك ، لأني أومن بالمقولة التي تذهب إلى أن نصف رأيك عند أخيك. مرحبا بك مرة أخرى ومرحبا بكل ما تقوله فينا وفي غيرنا من مخالفيك الرأي...فهذا في حد ذاته هو ما ينبغي أن يكون عند كل الشعوب المتحضرة.
وألتمس مع آخرين من الأخ المهندس بكري ابوبكر عودة الأخت تراجي (أم حازم) وآخرين بأسرع ما يكون.
بشاشا.. طاب المكان بعودتك ..وأهلا بك وسهلا.
| |
|
|
|
|
|
|
|
|
|
Re: بامر الشارع علي الاتية اسماءهم تسليم انفسم للميدان الاسفيري هنا. (Re: فضيلي جماع)
|
Quote: سيد التبش · الزقاقات
إنشاء الله تكون طلعت من تحت (مؤخرة ) تراجي ومباراة النسوان وبقيت راجل
رد · · منذ 53 دقيقة |
سيد التبش مرحب بيك.
اما موضوع راجل فمعليش اخوك حقيقة ما راجل!!!
ايوا انا انسان مش راجل!!
ده تمييز وفهم ذكوري ابوي بطريقي متخلف ووافد قايم علي نوع العضو التناسلي للفرد وهذا مضحك!
نعم في مرجعية ثقافتنا الكوشية الاصل والاساس هو نوع النساء وليس الذكور.
نعم الذكر او الرجل كان بعيش عالة علي نوع النساء الكانن كلو شئ تقريبا في مجتمعنا الكوش والكلام ده منذ عشرات الالاف من السنيين!
بل السلطة السياسية في تاريخ ثقافتنا ظل بيد النساء سوي مباشرة في المراحل الاولي او غير مباشر في المرحلة الاخير اللتي سبقت سقوط عرش كوش في دنقلا في القرن الرابع عشر!
خالص الود!
مشكور لاتاحة الفرصة لينا عشان نوصل الكلمتين ديل للقراء!
| |
|
|
|
|
|
|
|
|
 Re: بامر الشارع علي الاتية اسماءهم تسليم انفسم للميدان الاسفيري هنا. (Re: ناذر محمد الخليفة)
|
Quote:
Tragi Omer Mustafa · الأكثر تعليقا · Hamilton, Ontario
يا وليد المبارك اول مره اتفق معاك مائه في المائه انها ثوره شعبيه و اتمني الا يتمكن ايا كان من سرقتها لا حركات مسلحه ولا قوي الاجماع ولا بتوع منظمات المجتمع المدني ولا المدعين بانهم القوي الشبابيه.....الثوره دي ثورة جياع.....وستفرض قياداتها باذن الله....وحتجي صادقه ونقيه و نظيفه مثل معدن شعبنا الحقيقي.
رد · · منذ 9 ساعات |
هاك يا محرر العبيد ..
شوف دي تراجي البتنادي فيها .. عاين ليها طلعت اوعى منك كيفنها .. وانت جاي شابكنا العرب والجنجويد .. وعايز كمان تعمل ليك ثورة كم قيقا كدا دا عشان تطلع بيها الناس من السودان ..
والله يا تراجي عفارم عليك .. انا كل مرة بقول انك سابقة بشاشا دا في الفهم بي مليون سنة ضوئية ..
| |
|
|
|
|
|
|
|
|
|
Re: بامر الشارع علي الاتية اسماءهم تسليم انفسم للميدان الاسفيري هنا. (Re: Bashasha)
|
| Quote: الي قراء بشاشا في الداخل ثم الخارج، |
ههههههههههههههههههههههههههه
ودعناك بابيات أم عمرو ونستقبلك بنفس الحمار .. أقصد بنفس الحماس!!
والله ليك وحشة يا بشبش ... الغريبة قبل يومين اتذكرتك لما احتكيت بخالد بوبي الزناجري والمناضل المصلحجي
ياخي بوصيك ... حاول اضبط اعصابك وخليك كووول الزي ناس هباني ديل ناس مونساتية ساي
كونو ينجح ويخليك تطلع من طورك دا معناتها انك قاعد ساي
ولا تصلح حتى لان تكون فار تجارب في معامل وهبة
المهم يا زول بنخليك بومبن تلاتة تجر نفسك وبعد كدا بنجي نعمل ليك التفتيش الدوري المعتاد
خخخخخخخخخخخخخ
| |
|
|
|
|
|
|
|
|
|
Re: بامر الشارع علي الاتية اسماءهم تسليم انفسم للميدان الاسفيري هنا. (Re: مكي ابراهيم مكي)
|
Quote: رغم إني حارن ومقاطع سودانيزاونلاين من شهور (لأنو بكري وقفني ورجعني من غير ما يوريني سبب الإيقاف)
ورغم اختلافي الشديد معاك في اسلوب مخاطبتك للزملاء والزميلات بالبورد ،رغم اتفاقي مع نقاط كتيرة في طرحك بخصوص الهوية
لكن فرحت فرح زول عوير كدا لما شفت اسمك في البورد وطوالي دست على (أضف رد) المداخلة دي تساوي واحد وعشرين طلقة ،بلغة الميدان، ترحيب بعودتك يا كمندان |
العزيز اشرف تحياتي،
حقيقة عاجز عن الشكر، واحيي فيك روح الا لتزام بقواعد شرف الخصومة، المستمدة من ارث شعبنا الطيب الخلوق بشهادة غزاته ومستعبدي انسانه.
اذكر جيدا كلام احمد المصطفي دالي عن موروث شرف الخصومة في تاريخ ثقافتنا، او كيف الخصم لما يشوف غريمو مكتف، بحل قيدو، بدي سيفو او درقتو، او بعد داك يتناول هو سيفو او درقتو او هاك يا دواس!
الخصومة في سوح الصراع والملاكمة الفكرية، ينبغي ان تظل خصومة هكذا، ولا تاخذ اي بعد شخصي اطلاقا، والا لانهزمت الفكرة ذات نفسها تلقائيا الانتا ولا انا بداوس من اجلها!
محبتي.
| |
|
|
|
|
|
|
|
|
|
Re: بامر الشارع علي الاتية اسماءهم تسليم انفسم للميدان الاسفيري هنا. (Re: د.نجاة محمود)
|
الاخ بشاشا ويلكام باك
بعض من الزملاء المحجوبين الذين ذكرتهم انا من المداومين على قراة بوستاتهم وتعليقاتهم
خصوصا الاخ ادروب ابوكر
وتراجي مصطفي بالرغم من اختلافي معها
ارجو من مدير الموقع بكري أبوبكر أرجاع باسويرداتهم فعودتهم يُضفي للمنبر تنوع كبير
Quote: تراجي مصطفي،
* ادروب ابوبكر،
*تاج الدين عبدالله،
*محمدين محمد اسحاق،
*د. بشار صقر،
*عربي يعقوب،
*مكي ابراهيم مكي،
*عمر علي،
*احمد امين، |
| |
|
|
|
|
|
|
| |
Bashasha
AMNA MUKHTAR
أحمد أبكر
Elawad
Imad Khalifa
الصادق اسماعيل
محمد البشرى الخضر
علاء سيداحمد
Nasr
سامى عبد المطلب
سامر صلاح نور الدين
بدر الدين الأمير
nour tawir
محمد نور عودو
Ashraf el-Halabi
علاء الدين صلاح محمد
صديق الموج
Mahjob Abdalla
محمد أبوالعزائم أبوالريش
عبد الله فقير
عبدالغني بريش فيوف
احمد حمودى
ياسر احمد محمود
Kostawi
Amani Al Ajab
Deng
ناذر محمد الخليفة
الباقر ابوبكر ابراهيم
ولياب
Sharif Nasirladeen
الطيب عبد الرحيم خلف الله
Mohamed Suleiman
بدرالدين الطائف
ABDALLAH ABDALLAH
Kabar
امين علي الشيخ
خالد العبيد
بريمة محمد
الصادق الزين
عبداللطيف شريف على
HAIDER ALZAIN
قسم الفضيل مضوي محمد
عبدالكريم أحمد الامين
ادم شحوتاي
فضيلي جماع
محمد كابيلا
tmbis
عبدالوهاب علي الحاج
مكي ابراهيم مكي
حافظ انقابو
Ammar Makki
فيس بوك
تويتر
انستقرام
يوتيوب
بنتيريست