العنوان الجديد للمنبر العام
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 10-20-2017, 05:14 AM الصفحة الرئيسية

مكتبة كمال بشاشة(Bashasha)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

باقان، انك طالما سمت العلا، فذكراك دوما، في المحافل، ترفعو!

09-03-2007, 06:14 PM

Bashasha
<aBashasha
تاريخ التسجيل: 10-08-2003
مجموع المشاركات: 18004

للتواصل معنا

FaceBook
تويتر Twitter
YouTube


باقان، انك طالما سمت العلا، فذكراك دوما، في المحافل، ترفعو!

    من بعد منصور خالد، الجلابة يصوبون بنادقهم الصدئة، نحو المصادم باقان، الابن البار بابيه، رسول امون رع، ديمابور، الذي عاد في ثياب جده، اوزريس، للاخذ بايدينا نحن ابناء وبنات كوش.



    يتبع...
                   |Articles |News |مقالات |بيانات

09-03-2007, 09:30 PM

Saifeldin Gibreel
<aSaifeldin Gibreel
تاريخ التسجيل: 03-25-2004
مجموع المشاركات: 4056

للتواصل معنا

FaceBook
تويتر Twitter
YouTube


Re: باقان، انك طالما سمت العلا، فذكراك دوما، في المحافل، ترفعو! (Re: Bashasha)

    الاخ العزيز كمال بشاشا، التحايا لك والود، مع كل احترامى للسيد باقان اموم ولكن تجدنى من الناقمين على نهجه وطرحه والتعامل الغير حكيم مع قضايا الوحدة والانفصال، فأثناء التوقيع على اتفاقية نيفاشا، كان باقان اموم دائمآ ما يردد مسألة الانفصال الى ان قال له رئيس طقمة الانغاذ البشير، لا مانع لنا من الانفصال الان والتوقيع على ذلك فى نيفاشا، ولكن الدكتور قرنق بفطنته وحنكته السياسية رفض ذلك الاتجاه بحجة ان الحركة لكل السودان، وانا كفرد من الداعمين لمسألة الوحدة اعتقد ان مسلك السيد باقان اموم ليس فيه نوع من الحكمة والكياسة السياسية،غير ذلك وبكل اسف فقد شاهد الكثير من ابناء السودان من خلال شاشات التلفزة عند تشييع جثمان الدكتور جون قرنق، كيف ان باقان اموم رفض ان يقطى جثمان الفقيد بعلم السودان، بل قام برميه على الارض وهذا جرم كبير فى بعض الدول وعلى راسها امريما يجد من يقوم بهذا العمل عقاب عسير، وهذا مسلك مرفوض فى شخص يفترض ان يكون قدوة سياسية للكثير من اعضاء الحركة.

    مع خالص معزتى

    سيف
                   |Articles |News |مقالات |بيانات

09-03-2007, 09:52 PM

Tragie Mustafa
<aTragie Mustafa
تاريخ التسجيل: 03-29-2005
مجموع المشاركات: 49964

للتواصل معنا

FaceBook
تويتر Twitter
YouTube


Re: باقان، انك طالما سمت العلا، فذكراك دوما، في المحافل، ترفعو! (Re: Saifeldin Gibreel)

    بشاشا
    سلامات

    الاخ سيف جبريل
    Quote: وانا كفرد من الداعمين لمسألة الوحدة اعتقد ان مسلك السيد باقان اموم ليس فيه نوع من الحكمة والكياسة السياسية،غير ذلك وبكل اسف فقد شاهد الكثير من ابناء السودان من خلال شاشات التلفزة عند تشييع جثمان الدكتور جون قرنق، كيف ان باقان اموم رفض ان يقطى جثمان الفقيد بعلم السودان، بل قام برميه على الارض وهذا جرم كبير فى بعض الدول وعلى راسها امريما يجد من يقوم بهذا العمل عقاب عسير، وهذا مسلك مرفوض فى شخص يفترض ان يكون قدوة سياسية للكثير من اعضاء الحركة.

    مع خالص معزتى

    سيف

    انا لو محل باقان اموم لفعلت نفس الشيء
    موضوع العلم لم يحسم بعد
    وطبيعي ان يرفض الغطاء بالعلم الذي حارب ضده قرنق سنينا.
    وهذا ليس اسمه علم السودان هذا علم الصفوات المسيطره على الحكم في السودان الذي فرضته على السودان.
    الآن حركات دارفور لها اعلامها والحركه الشعبيه لها علمها واكيد حركات الشرق لها اعلامها.
    يبقى لحد ما ينحسم موضوع العلم ده مدي خلينا الننسى انه اسمه علم السودان.لانه ليس علم كل السودان.
                   |Articles |News |مقالات |بيانات

09-03-2007, 10:09 PM

محمدين محمد اسحق
<aمحمدين محمد اسحق
تاريخ التسجيل: 04-12-2005
مجموع المشاركات: 9976

للتواصل معنا

FaceBook
تويتر Twitter
YouTube


Re: باقان، انك طالما سمت العلا، فذكراك دوما، في المحافل، ترفعو! (Re: Tragie Mustafa)

    العزيز بشاشا ..لك التحية و التقدير

    لاحظ ان الحملة علي اموم باقان بدأت وللمفارقة من ما يسمي
    بمنبر السلام العادل ..الاتجاه الاكثر مغالاوة في العنصرية
    القيامة التي قامت الان علي باقان توضح الي اي مدي تسيطر
    عقلية دفن الرؤؤس في الرمال علي واقعنا..
    ورقة حمدي الاستراتيجية المدعومة من الدولة ..وتصريحات
    عبدالرحيم محمد حسين عن طغيان العنصر الافريقي علي السودان
    وضرورة دعم الهجرات العربية لعمل التوزان المطلوب في
    السودان ..وعدم وجود ردود فعل مقارن بما قاله باقان يدلان
    علي ان المشوار لا زال طويلأ ..


    (عدل بواسطة محمدين محمد اسحق on 09-03-2007, 10:11 PM)

                   |Articles |News |مقالات |بيانات

09-04-2007, 01:00 AM

Bashasha
<aBashasha
تاريخ التسجيل: 10-08-2003
مجموع المشاركات: 18004

للتواصل معنا

FaceBook
تويتر Twitter
YouTube


Re: باقان، انك طالما سمت العلا، فذكراك دوما، في المحافل، ترفعو! (Re: Bashasha)

    سيف يامراحب،

    وماهو الطرح الغير حكيم في كلام المصادم باقان، ياعزيزي؟

    كوننا احنا الشماليين، مكوشين علي كل شئ فهذه حقيقة، فالماحكيم هنا شنو ياسيف؟

    لومكوشين علي كل شئ، او بعد داك بنكتل بالملايين الاغلبية البتطالب بي حقوقا، فالماحكيم هو فعلنا نحن، وليس رد فعل باقان، اللي هو عين الحكمة!

    كلامي ده في غاية البساطة، ولكننا لانتقبل كلام كهذا، لانو القبول بيهو معناهو نتنازل احنا كاقلية، عن حقوق الاغلبية، القالعنها قلع، وهذا غير حكيم!

    حسبي الله!

    شخصيا، كلام باقان ده، هو البدفعني دفع، افكر جديا للانضمام للحركة الشعبية، للمرة الاولي في حياتي.

    ده كلو او انا جلابي!

    هذا الوضوح القاطع مهم جدا جدا، للاغلبية المهمشة، لانو بساعد علي ايقاظ مارد الاغلبية النايم، بل في حالة غيبوبة!

    المرحلة القادمة تقتضي بلورة هذا الخطاب بي صورة واضحة، لانو مفعولو سحري، مهما كلف في المدي المباشر، بالذات انو حراك الوعي الجديد بدا في الغرب، معقل انطلاق شرارة الوعي الحالي تاريخيا، ومحرر السودان الفعلي.
                   |Articles |News |مقالات |بيانات

09-04-2007, 01:09 AM

Saifeldin Gibreel
<aSaifeldin Gibreel
تاريخ التسجيل: 03-25-2004
مجموع المشاركات: 4056

للتواصل معنا

FaceBook
تويتر Twitter
YouTube


Re: باقان، انك طالما سمت العلا، فذكراك دوما، في المحافل، ترفعو! (Re: Bashasha)

    الاخ كمال بشاشا... ان مسألة الانفصال بالنسبة لى مرفوضة من كل الطرفين.. ولذلك لابد فى الفترة الانتقالية ان نشجع ثقافة الوحدة اكثر من تعميق ثقافة الانفصال.
    خالص تقديرى
                   |Articles |News |مقالات |بيانات

09-04-2007, 01:16 AM

Saifeldin Gibreel
<aSaifeldin Gibreel
تاريخ التسجيل: 03-25-2004
مجموع المشاركات: 4056

للتواصل معنا

FaceBook
تويتر Twitter
YouTube


Re: باقان، انك طالما سمت العلا، فذكراك دوما، في المحافل، ترفعو! (Re: Saifeldin Gibreel)

    الاخت العزيزة تراجى خالص التحايا لكى ولاسرتك.... أعتقد ان مسألة الالتفاف حول علم يمثلنا شئ مهم وعلم السودان فى حد ذاته لا يمثل فئة بعينها.. بل هو علم لابد ان تلتف حوله كل الاثنيات والاعراق والقبائل السودانية.. فأتمنى ان نتجه الى الجانب الذى يدعم اتجاه الوحدة وثقافة السلام... فنخنا هنا اعنى انا وانت ننعم بكل وسائل الحياة.. ولا نعيش المأساة التى يعيشها اهلنا فى مناطق الحروب فلذلك اراءنا فى الكثير من الاشياء والقضايا المصيرية قد تكون مجروحة وليست ذات فهم عميق بما يدور فى تلك المناطق.
    لكى خالص ودى

    سيف
                   |Articles |News |مقالات |بيانات

09-04-2007, 01:13 AM

Mohamed Suleiman
<aMohamed Suleiman
تاريخ التسجيل: 11-28-2004
مجموع المشاركات: 19731

للتواصل معنا

FaceBook
تويتر Twitter
YouTube


Re: باقان، انك طالما سمت العلا، فذكراك دوما، في المحافل، ترفعو! (Re: Bashasha)

    الأخ العزيز بشاشا
    لك التحية و الإحترام

    باقان أموم هذا هو القائد الذي نبحث عنه نحن جموع المهمشين ...
    الغريب أن من يهاجم باقان أموم يتجاهلون أن الحاكمين الآن فعليا هو تحالف من أقصي اليمين لأقصي اليسار من الجلابة ..
    من عوض الجاز الي الشوش الي سبدرات الي خالد المبارك .....
    و لمواجهة هذا التحالف لابد من قيام تحالف إستراتيجي مضاد ... من كل المتضررين من هذا الوضع منذ خروج الإنجليز ....
    و ليعلم كل القادة المهمشين أنه كلما إزدادت نقمة الجلابة علي أي مهمش ... إزدادت أسهمه وسط المظلومين من أهل الهامش ....
    لأننا نواجه نظاما جلابيا أخطبوطيا يجيد المراوغة و الإستهبال و أدمن ظلم الناس ...

    الذي يوجع مؤسسة الجلابة أن ما يقوله باقان أموم هو الحقيقة المرة البائنة للكل لحد البداهة .
                   |Articles |News |مقالات |بيانات

09-04-2007, 01:39 AM

Bashasha
<aBashasha
تاريخ التسجيل: 10-08-2003
مجموع المشاركات: 18004

للتواصل معنا

FaceBook
تويتر Twitter
YouTube


Re: باقان، انك طالما سمت العلا، فذكراك دوما، في المحافل، ترفعو! (Re: Bashasha)

    Quote: الاخ كمال بشاشا... ان مسألة الانفصال بالنسبة لى مرفوضة من كل الطرفين.. ولذلك لابد فى الفترة الانتقالية ان نشجع ثقافة الوحدة اكثر من تعميق ثقافة الانفصال




    سيف ياصديقي،

    لابد من فتح الجراح مهما كان ذلك مؤلم اوقاسي، لتنظيفو من "المدة"، كمدخل للعلاج، والا مافي مخرج غير البتر!

    هناك مستحقات للوحدة، اولها ان تكون علي اساس جديد، وهذا يقتضي من ضمن مايقتضي الوضوح الجارح بشفافية، حتي تتراضي النفوس او تغسل مرارات السنين.

    علينا كشماليين، فتح عقولنا، صدورنا، ونفوسنا، لمن قهرنا وبطشنا، واذقناهم ويلات التهميش، ليعبرو عن ما عنا لهم، بحرية كاملة، برضاء تام، طولة بال، في هدوء شديد.

    هذا لن يتاتي مالم نعترف كشماليين، بالجرم الذي ارتكبناه، بحق اهلنا، دمنا او لحمنا، في الهامش!

    ده ماكلام مثالي، عاطفي، حالم، طوباوي!

    ابدا!

    ده كلام في منتهي العقلانية او بعد النظر، لمصلحة الاقلية، قبل الاغلبية المهمشة في المدي البعيد، وهذا الطريق المستقيم، هو الاقصر، والارخص تكلفة، والاعلي مردود، والاكثر استدامة، لمصلحة الجميع، بحساب بارد خالي من اي عواطف!

    هذا ما استدركه ديكلارك عندما اطلق سراح مانديلا بعد اعمال للعقل!

    فهذا او الطوفان الحيعم اقصي الشمال هذه المرة!

    مرة اخري اسمعو كلام بافان قبل فوات الاوان!
                   |Articles |News |مقالات |بيانات

09-04-2007, 02:37 AM

Deng
<aDeng
تاريخ التسجيل: 11-28-2002
مجموع المشاركات: 44391

للتواصل معنا

FaceBook
تويتر Twitter
YouTube


Re: باقان، انك طالما سمت العلا، فذكراك دوما، في المحافل، ترفعو! (Re: Bashasha)

    Quote: من خلال شاشات التلفزة عند تشييع جثمان الدكتور جون قرنق، كيف ان باقان اموم رفض ان يقطى جثمان الفقيد بعلم السودان، بل قام برميه على الارض


    الاخ سيف الدين جبريل.

    العلم الحالي الذي يسمى علم السودان زورا وبهتانا لا علاقة له بالشعب السوداني ابدا. لقد تم أختيار هذا العلم الغريب أيام الهووس العروبوي في المنطقة بواسطة جعفر النميري عندما كان يحكم البلاد بواسطة القومين العرب والشيوعين. لقد كان لدينا علم مميز(علم الاستقلال) وشعار مميز(وحيد القرن) فعندما ترى هذاالعلم لا تستطيع أن تميزه من العلم الفلسطيني أو العلم الاردني أو الكويتي إلأ من مسافة قريبة جدا. لقد حارب الزعيم الراحل قرنق لأكثر من 39 عاما من أجل تغير هذا العلم وتغير الاوضاع التي تم أختيار هذا العلم بها, فكيف يتم وضع هذا العلم على جثمان القائد؟ لقد قاتل قرنق لأكثر من 22 عاما تحت راية علم الحركة الشعبية وليس تحت راية العلم العروبوي. إذا كنا نريد سودان موحد فعلينا تنفيذ ذلك على أرض الواقع وليس مجرد شعارات هنا وهناك لا تفيد بشئ.

    دينق.
                   |Articles |News |مقالات |بيانات

09-04-2007, 03:16 AM

Bashasha
<aBashasha
تاريخ التسجيل: 10-08-2003
مجموع المشاركات: 18004

للتواصل معنا

FaceBook
تويتر Twitter
YouTube


Re: باقان، انك طالما سمت العلا، فذكراك دوما، في المحافل، ترفعو! (Re: Bashasha)

    Quote: الاخت العزيزة تراجى خالص التحايا لكى ولاسرتك.... أعتقد ان مسألة الالتفاف حول علم يمثلنا شئ مهم وعلم السودان فى حد ذاته لا يمثل فئة بعينها


    سيف تحياتي مرة اخري،

    بالنسبة للعلم، تصرف باقان يوضح فقط مدي عزة نفسه، كقائد، رائد، ورمز لكل مهمشي الجلابة.

    لهذا، احني هامتي اجلالا، لرجل بمثل هذا الكبرياء، بمثل هذا الاباء الشامخ!

    التحية لك ياباقان، يوم ولدت، ويوم تبعث حيا!

    لوكنت مكان باقان، لما سمحت من الاول، ان يدنس هذا العلم، رمز القهر او محارق التطهير، جسد رسولنا، الطاهر ديمابور.

    اتمني ياسيف مرة واحدة، تفكر خارج صندوق العقل الجلابي، وتتغمص شخصة الطرف الاخر في الصراع لثانية واحدة، ياعزيزي!

    العلم، كاي شئ اخر ينبغي تصميمه بمشاركة الجميع، علي اساس جديد، حتي ينتم له الجميع وينتمي العلم للجميع، مش لاقلية بعينها!

    لايمكن مقارنة، ثقافة التقديس للعلم في امريكا، بما هو حادث عندنا!

    لاوجه للمقارنة اصلا هنا!
                   |Articles |News |مقالات |بيانات

09-05-2007, 11:06 PM

Dhieu Chabiet
<aDhieu Chabiet
تاريخ التسجيل: 06-21-2007
مجموع المشاركات: 250

للتواصل معنا

FaceBook
تويتر Twitter
YouTube


Re: باقان، انك طالما سمت العلا، فذكراك دوما، في المحافل، ترفعو! (Re: Bashasha)

    Quote: لوكنت مكان باقان، لما سمحت من الاول، ان يدنس هذا العلم، رمز القهر او محارق التطهير، جسد رسولنا، الطاهر ديمابور.


    الأمير بشاشا إبن كوش الأعظم,
    تؤكد كل يوم أن النضال مستمر و النصر مؤكد;
    فلنبحث سويا عن الجلابي الذي أتى بعلم السفاح طيش حنتوب لحد نيو سايت حيث كان جثمان القائد المغتال راقدا ثم غطاه به!
    عدم معرفة هذا المتجولب (بعد إزنك) خطاء آخر, لأن أمثاله لن يعوا الدرس.
    باقان وييييي.
    تحالف قوى الهامش ويييي.
    النضال مستمر و النصر أكيد
                   |Articles |News |مقالات |بيانات

09-04-2007, 03:23 AM

Bashasha
<aBashasha
تاريخ التسجيل: 10-08-2003
مجموع المشاركات: 18004

للتواصل معنا

FaceBook
تويتر Twitter
YouTube


Re: باقان، انك طالما سمت العلا، فذكراك دوما، في المحافل، ترفعو! (Re: Bashasha)

    Quote: انا لو محل باقان اموم لفعلت نفس الشيء
    موضوع العلم لم يحسم بعد


    العزيزة تراجي،
    حقيقي من الاحتجاح علي موضوع علم دويلة الاقلية!
    مادخل الاغلبية المهمشمة، بعلم دويلة الاقلية، بالذات علم الفرطوق نميري! شخصيا اكره العلم العروبي المسخ الحالي، خليك من باقان!
                   |Articles |News |مقالات |بيانات

09-04-2007, 03:35 AM

Adrob abubakr

تاريخ التسجيل: 05-10-2006
مجموع المشاركات: 3895

للتواصل معنا

FaceBook
تويتر Twitter
YouTube


Re: باقان، انك طالما سمت العلا، فذكراك دوما، في المحافل، ترفعو! (Re: Bashasha)

    التحية لبشاشا ولقائدنا باقان خليفة قرنق!
    فعلا هو الشخصية التي نريدها ونبحث عنها حيث تعيد لنا الأمل الذي خبل بموت الزعيم
    في إعتقادي هو الأجدر والمؤهل أكثر من غيره لخلافة قرنق علي القيادة الحركة فكريا وروحيا..
                   |Articles |News |مقالات |بيانات

09-04-2007, 03:57 AM

Bashasha
<aBashasha
تاريخ التسجيل: 10-08-2003
مجموع المشاركات: 18004

للتواصل معنا

FaceBook
تويتر Twitter
YouTube


Re: باقان، انك طالما سمت العلا، فذكراك دوما، في المحافل، ترفعو! (Re: Bashasha)

    Quote: لاحظ ان الحملة علي اموم باقان بدأت وللمفارقة من ما يسمي
    بمنبر السلام العادل ..الاتجاه الاكثر مغالاوة في العنصرية
    القيامة التي قامت الان علي باقان توضح الي اي مدي تسيطر
    عقلية دفن الرؤؤس في الرمال علي واقعنا..


    الحبيب محمدين، مرحب.

    لاحظت كيف، كلام منبر السلام بزعامة النازي الطيب مصطفي، او كلخانتو الانتباهة، لايحرك ساكن في جلابة هذا الفضاء كيف؟

    ولكن تتلاطم امواج هذه الغابة الجلابية، لو واحد زي باقان عطس، ساكت!

    مش يدعو للتامل، واحد شيوعي زي عبدالمنعم الجزولي، اخو كمال الجزولي، هو البدا الهجمة دي، في المنبر، علي باقان!

    شفت توارد الخواطر هنا كيف، مابين الاتنين؟

    قنا الكلام ده من سنين في المنبر ده!
                   |Articles |News |مقالات |بيانات

09-04-2007, 04:10 AM

jini
<ajini
تاريخ التسجيل: 02-04-2002
مجموع المشاركات: 30311

للتواصل معنا

FaceBook
تويتر Twitter
YouTube


Re: باقان، انك طالما سمت العلا، فذكراك دوما، في المحافل، ترفعو! (Re: Bashasha)

    Quote: باقان، انك طالما سمت العلا، فذكراك دوما، في المحافل، ترفعو!

    ترفعو!
    جيد لى أمك يا العجب أمه!
    الضمة حقتك واو!
    ما لقيت طريقة لى جوبا!
    ولا تضامنا مع باقان ضمة شلكاوية!
    جنى
                   |Articles |News |مقالات |بيانات

09-04-2007, 04:16 AM

Bashasha
<aBashasha
تاريخ التسجيل: 10-08-2003
مجموع المشاركات: 18004

للتواصل معنا

FaceBook
تويتر Twitter
YouTube


Re: باقان، انك طالما سمت العلا، فذكراك دوما، في المحافل، ترفعو! (Re: Bashasha)

    Quote: باقان أموم هذا هو القائد الذي نبحث عنه نحن جموع المهمشين ...


    لافض فوك، يا ودسليمان.

    شفت باقان بطمم بطن الجلابة كيف؟

    وهي التذكية، ان باقان، هو رجل المرحلة!
                   |Articles |News |مقالات |بيانات

09-04-2007, 03:04 PM

Bashasha
<aBashasha
تاريخ التسجيل: 10-08-2003
مجموع المشاركات: 18004

للتواصل معنا

FaceBook
تويتر Twitter
YouTube


Re: باقان، انك طالما سمت العلا، فذكراك دوما، في المحافل، ترفعو! (Re: Bashasha)

    Quote: (علم الاستقلال)


    دينق ياصاح،
    وهو الاستغلال بالغين!
    الجلابة يحتفلون كل اول يناير، بذكري استغـــــــلالهم، بواسطة غزاتنا العرب، ياوالدا، احبهم، كعبيد طبعا!
                   |Articles |News |مقالات |بيانات

09-04-2007, 03:38 PM

ماجد حسون
<aماجد حسون
تاريخ التسجيل: 01-18-2005
مجموع المشاركات: 1384

للتواصل معنا

FaceBook
تويتر Twitter
YouTube


Re: باقان، انك طالما سمت العلا، فذكراك دوما، في المحافل، ترفعو! (Re: Bashasha)

    كعادتك يا بشاشا المتعصب لا تقدم افكارا او راى موضوعى
    مجرد صراخ ديماغوجى
    عرفنا وفهمنا وقول اقتنعنا باستغلال الاقلية للاغلبية
    رغم ان موقف قوى السودان العلمانى ترى ان الحل ببساطة دولة علمانية دون افتئات فئة على اخرى , دولة مدنية ومصالحة اجتماعية كما حلت الدول المتقدمة اشتباكها العركى والدينى
    لكنك وباقان تريدون اعاده انتاج الازمة بنظرية اخد حقى
    باقان والطيب مصطفى وجهان لعملة واحدة
    وكلاهما يستمد قوته من الاخر
    اما انت فانسان متطرف ليس الا
                   |Articles |News |مقالات |بيانات

09-04-2007, 04:50 PM

كمال مبارك

تاريخ التسجيل: 08-18-2005
مجموع المشاركات: 1357

للتواصل معنا

FaceBook
تويتر Twitter
YouTube


Re: باقان، انك طالما سمت العلا، فذكراك دوما، في المحافل، ترفعو! (Re: ماجد حسون)

    Quote: الجلابة يحتفلون كل اول يناير، بذكري استغـــــــلالهم، بواسطة غزاتنا العرب، ياوالدا، احبهم، كعبيد طبعا!


    المريض بشاشا ،، لن ارد عليك للغث أعلاة ،، ولن أعطيك الفرصه لذلك لانك

    دون مستوى هؤلاء الرجال الذين صنعوا حريه الشعب السودانى ،،

    لكن اتوقف ،، عند تجليلك لباقان أموم ،، وطبعاً باقان أموم له فكرة الخاص

    عن ماذا يقصد بكلمه الجلابه ،، وعندما كان القائد جون قرنق حياً يرزق لا

    باقان ولا غيرة لم يتجرأ عن نطقها ،، على العموم باقان أحد المناضلين ،،

    وضحى بحياته من اجل الافكار التى يؤمن بها ،،

    أما أنت ماذا فعلت من اجل ما تؤمن به ،،، كم ( حقه ) صعود أكملتها امام

    الكيبورد تشجب وتدين وانت تتحين فرص عدم وجود ( زبون ) للكنتين ،،

    ماذا قدمت انت لهؤلاء المهمشين الذين تتحدث عنهم ،، عندما كانت الحركه

    الشعبيه محتاجه لدولار واحد ،، ماذا قدمت لباقان أموم لمحاربه دوله

    الجلابه ،، نحن نعرف ان الكلام ع الكيبورد ساهل ،، لكن قبل توجيه الاتهام

    لهذا وذلك ،، أسأل نفسك ماذا كان دورك بكل ماجرى ويجرى بالسودان اليوم

    يا مريض ،، جيب سفه صعودك كارب ،،
                   |Articles |News |مقالات |بيانات

09-04-2007, 05:16 PM

أحمد أمين
<aأحمد أمين
تاريخ التسجيل: 07-27-2002
مجموع المشاركات: 3366

للتواصل معنا

FaceBook
تويتر Twitter
YouTube


Re: باقان، انك طالما سمت العلا، فذكراك دوما، في المحافل، ترفعو! (Re: كمال مبارك)

    اخى بشاشا
    تحياتى

    اتمنى لفكرة تحالف الهامش النجاح

    وحتى لا تكون فرقعات اعلامية

    الفئة المسيطرة على المركز الان من بقايا الاسلام السياسى وحلفائهم من القبليين الجدد قوية وله قدرة خارقة على تفتيت وتشتيت كل هذه المحاولات.
    فقد سبقتها فكرة تحالف قوى الريف ايام الانتفاضة لكنها فشلت فى تحقيق اى نجاح يذكر
    لانها تفتقر الى الرؤية والقيادة السياسية اضافة الى انعدام الدعم المالى

    لنجاح مثل هذه الفكرة لابد من انحياز جزء كبير من المركز لها اى احزاب سياسية شمالية
    وافراد ومجموعات شمالية.
    بالتالى ردود الافعال لدى البعض تكشف (تعصب قبلى غير مفهموم) وضيق افق.
    كل السياسين الشماليين السودانيين الان، يعترفون الان بأن هناك تقصير وعدم اهتمام (ربما كان غير مقصود حسب تعبير بعضهم) بمشاكل الهامش منذ الاستقلال.

    وماردده باقان عن سيطرة نخبة الجلابة (بمختلف مواقعها السياسية يمين يسار وسط) على الحكم فى السودان منذ الاستقلال تحليل صحيح لا يختلف عليه إلا مكابر

    اليكس دوال الباحث الاكاديمى البريطانى
    كتب فى رقته بعنوان السودان أى دولة واى أزمة؟ بتاريخ 2007

    البريطانين كانوا عنصريين بحكم العادة وعملوا على تعميق التفوق العرقى للعرب (أو المستعربين) السودانيين

    ومعلوم لدى الجميع انه بعد الانقسام بين البشير والترابى عمل البشير على عثمان على الاعتماد على ذويهم واقاربهم فى اجهزة الامن والكوادر الاسلامية من القبائل النيلية.


    ادخل اى بنك، اى مصلحة حكومية شركة قديمة ولا جديدة، الجامعات، المعاهد، عاين للناس السايقين عربات فى الخرطوم، المسافرين عبر مطار الخرطوم، موظفى المستشفيات، الدكاترة...............الخ ماشى بعيد ليه افتحو القناة الفضائية، او النيل الازرق. نسبة اهل الهامشة احيانا صفر او 1%.
    باقان نفسه كان يقول ان الدخول الى المؤسسات السودانية كأنك فى بلد اجنبى، لا ترى كل السودان ترى جزء من السودان.
    اذكر مرة دخلت مصلحة حكومية هامة جدا وعملت فيها غبى، سالت الموظف ياخى عندكم واحد بتكلم لغة الدينكا هنا او الفور، او واحد قبطى، ولا مسيحى ونظر لى الموظف كأنى جاى من المريخ، طبعا بعدها تماها ضحك، قال لى ياخوى انت رايح ليك زول ولاشنو ناسك ديل ماعندنا، لكن عندنا فراش جنوبى والله ماعراف قبيلته شنو لكن ............

    اصبح السؤال الرئيسى فى المعايانات هو قبيلتك، شنو؟
    واحد صاحبنا كضاب ومستهبل قام قال ليهم شايقى (اظنهم شكو فيهو)
    اها من شايقية وين؟
    وانكشف امر صاحبنا .

    المحاباة والمحسوبية تلعب دورا هاما فى سوق التوظيف بالسودان، واصبح لها تبرير ايدولجى (خيركم خيركم لاهله). عوض الجاز وزارته لا تخضع لاشراف ديوان شئون الخدمة حسب قانون شئؤن الخدمة كل الوظائف التى تقع تحت البند الاول هو الذى يشرف عليها عندما يرفق ديوان شئؤن الخدمة تقريره المالى السنوى لوزارة المالية(خانة التكلفة المالية للوظائف بوزارة الطاقة =0 )، فصاحبنا هذا الذى قال ان مقاعد حكمهم لن يتناذلوا عنها حتى ظهور المسيح، لا يود أن يكشف مدى فساده وتلاعبه بالوظائف وارزاق السودانيين.
    هو والبشير عندما استفسرهم ابناء المسيرية عن سبب قلة توظيف ابنائهم فى شركات البترول، طبعا الاجابة جاهزة، ماعنكم ناس متعلمين؟
    طبعا هم حاكمين 18 سنة والتعليم مسؤليتهم، فبالتالى هم المسائلين وليس اهل المنطقة.
    ثانيا طبعا اجابتهم بتديك احساس بانهم عملوا survey واتوا الى المنطقة شافوا المتعلم منو فى المنطقة وفى اى مهنة، لكن بعد بحثهم الصادق والجاد لم يجدوا شخص مؤهل من المنطقة واعلنوا نتائج البحث للناس................
    هذا لم يحدث ولن يحدث لكنه وكلام لتبرير مالم يمكن تبريره هو المحسوبية والفساد وخيركم خيركم لاهله.

    الشركات الخاصة/الحكومية لا تعلن عن وظائفها فى الصحف او خلافه، تعتمد فى التعيين على القرابة، واصحاب اصحاب القرابة إن لم توجد.


    هذا هو السودان كما اراه الان تتكثف فيه القبلية والعنصرية والانانية وحب الذات والشره والسمسرة الاخلاقية، والفساد الذى يسطر من اللجنة الشعبية الى اعلى جهاز فى الدولة، دولة حكامهالايحترمون القوانيين التى صاغوها بايديهم وتطالب الناس ان يحترموا القانون. هذا مشروع دولة الغابة والقوى يأكل الضعيف.

    المخرج تحالف كل المهمشين وبذلك اعنى المراة 50% اكبر المهمشين فى السودان فى الجنوب الغرب والشرق والشمال.
    المهمشين عرقيا وثقافيا.
    المهمشين سياسيا شماليين او جنوبيين أو خلافه.
    المهمشين اقتصاديا من جيوش العطالة من خريجى الجامعات، وستات الشاى، غسالين العربات، خدم البيوت والفاقد التربوى، والمجبورين على الجندية من اجل اكل العيش، وجيوش المفصولين تعسفيا.
    وسائقى الركشات والامجاد والتكاسة. والخضرجية، والكمسنجية. والشحادين، والمشردين، وسكان مدن الصفيح والخيش حول الخرطوم والمدن الكبرى الاخرى.
    وحتى من مايسميهم الحزب الشيوعى فى ادبياته الرأسمالية الوطنية التى افقرتها الشريحة الطفيلية الجديدة.
    واللاجئين والمشردين السودانيين فى كل بقاع الدنيا.
    واخيرا المثقفين العلمانيين اليساريين والديمقراطيين داخل السودان (من كل الوان الطيف السياسى) الملفوظين ثقافيا وفكريا وسياسيا.
    تحالف مثل هذا يمكنه ان ينجح ويحقق سودان جديد، يلغى التهميش ويحقق العدالة.
    اما غيره فهو فوضى لا غير فهل توجد الارادة السياسية؟
    هذا سؤال سوف تجيب عليه الايام القادمة.
                   |Articles |News |مقالات |بيانات

09-04-2007, 05:31 PM

jini
<ajini
تاريخ التسجيل: 02-04-2002
مجموع المشاركات: 30311

للتواصل معنا

FaceBook
تويتر Twitter
YouTube


Re: باقان، انك طالما سمت العلا، فذكراك دوما، في المحافل، ترفعو! (Re: أحمد أمين)

    Quote: لنجاح مثل هذه الفكرة لابد من انحياز جزء كبير من المركز لها اى احزاب سياسية شمالية
    وافراد ومجموعات شمالية.

    بشاشا مالو ما بكف العين!
    لمن تكون عندنا قنابير!
    مع خطاب با قان دا الا العجب امو يشاشا!
    حلال عليكم عدو عاقل خير من صديق جاهل!
    جنى
                   |Articles |News |مقالات |بيانات

09-04-2007, 05:32 PM

Bashasha
<aBashasha
تاريخ التسجيل: 10-08-2003
مجموع المشاركات: 18004

للتواصل معنا

FaceBook
تويتر Twitter
YouTube


Re: باقان، انك طالما سمت العلا، فذكراك دوما، في المحافل، ترفعو! (Re: Bashasha)

    Quote: كعادتك يا بشاشا المتعصب لا تقدم افكارا او راى موضوعى
    مجرد صراخ ديماغوجى


    ماجد حسون مرحب،

    المتعصب هو بشاشا الذي يطالب عشيرته الجلابية برد الحقوق لاهلها، ام امثالك الاستعلائيين، المكنكنشين علي امتيازات الحظوة بالميلاد؟ فانت كعادة كل استعلائي، تمارس الاسقاط هنا، من باب الفيك، بدر بيهو!

    احنا نقول يا جلابة ادو الناس حقوقا وهذا الجلابي المستعلواتي، بي بساطة عايز يختزل المسالة في دولة علمانية، مع احتفاظ اقلية الجلابة فيها بكل شئ!

    ايه يعني علماني ولا ديني لي تية في الجبال؟ الفرق شنو مابين ع.ع. ابراهيم العلماني، والطيب مصطفي الاصولي؟

    ياهم، احمد او حاج احمد، الجلابيان!
                   |Articles |News |مقالات |بيانات

09-04-2007, 10:05 PM

Bashasha
<aBashasha
تاريخ التسجيل: 10-08-2003
مجموع المشاركات: 18004

للتواصل معنا

FaceBook
تويتر Twitter
YouTube


Re: باقان، انك طالما سمت العلا، فذكراك دوما، في المحافل، ترفعو! (Re: Bashasha)

    Quote: في إعتقادي هو الأجدر والمؤهل أكثر من غيره لخلافة قرنق علي القيادة الحركة فكريا وروحيا..


    ادروب مشتاقين،
    نعم هو رجل المرحلة بلا منازع.
                   |Articles |News |مقالات |بيانات

09-04-2007, 10:15 PM

jini
<ajini
تاريخ التسجيل: 02-04-2002
مجموع المشاركات: 30311

للتواصل معنا

FaceBook
تويتر Twitter
YouTube


Re: باقان، انك طالما سمت العلا، فذكراك دوما، في المحافل، ترفعو! (Re: Bashasha)

    Quote:
    ادروب مشتاقين،
    نعم هو رجل المرحلة بلا منازع.

    دا رجل الفرملة يا عجب أمو!
    جنى
                   |Articles |News |مقالات |بيانات

09-05-2007, 03:29 AM

Mohamed Suleiman
<aMohamed Suleiman
تاريخ التسجيل: 11-28-2004
مجموع المشاركات: 19731

للتواصل معنا

FaceBook
تويتر Twitter
YouTube


Re: باقان، انك طالما سمت العلا، فذكراك دوما، في المحافل، ترفعو! (Re: jini)

    مصيبتكم مصيبة يا الجلابي جني
    أخير ليكم تمسكو في كلام أخونا أحمد أمين .... كلام معتدل خالص ..
    لأنو مشكلتكم إنو لسه ناس المعسكرات ما سمعتوا كلامهم ...
    و مشكلتكم الكبيرة إنو عرب غرب السودان صحوا ... و بدأوا يطالبوا بالتوظيف في آبار البترول .... و لغبائكم و طمعكم يا الجلابة .... قمعتموهم ... و خصيتوهم ... كلو عشان تتوهطوا في موارد السودان ...
    كلو يوم يا الجلابي جني تصحي من كابوس جديد .... و تدخل في كابوس جديد ... ( نوصيكم بعدم النوم ) ...
    حالتكم بالضبط زي حالة الأفريكانا قبل ديكليرك يبوس يد مانديلا .. ( الفرق بينكم و بينو أنو كان ذكي ... مش طماع و بليد زيك يا الجلابي )
    حالةتكم زي حالة عرب الأندلس قبل مغادرتهم طنجة ...
    الطيب مصطفي كان خايف من حدوة الحصان ... الخطة الأمريكية حسب وهمه .... دارفور و جبال النوبة و الجنوب و الأنقسنا و الشرق .....
    الآن سيقول حتي ثغرة الشمال قفلها الحلفاويين ....
    أمشي نوم .... أقصد أمشي لكوابسك ..... الكلو يوم زايدة عدد
                   |Articles |News |مقالات |بيانات

09-05-2007, 05:37 AM

jini
<ajini
تاريخ التسجيل: 02-04-2002
مجموع المشاركات: 30311

للتواصل معنا

FaceBook
تويتر Twitter
YouTube


Re: باقان، انك طالما سمت العلا، فذكراك دوما، في المحافل، ترفعو! (Re: Mohamed Suleiman)

    Quote: حالةتكم زي حالة عرب الأندلس قبل مغادرتهم طنجة ...

    القاعد يحلم فينا منو!
    مبروك عليك اشبيلية وقرطبة وقرطاجنة!
    كادقلى وتقلى وتوزى!
    كاد يغلى وتغلى وتؤذى!
    حلال عليك مثلث برمودا!
    ما تقول ما بعرف العربى وبليد زيك وزى امير حلفا الأمير الكوشى !!
    جنى

    (عدل بواسطة jini on 09-12-2007, 05:44 AM)

                   |Articles |News |مقالات |بيانات

09-05-2007, 07:58 PM

Deng
<aDeng
تاريخ التسجيل: 11-28-2002
مجموع المشاركات: 44391

للتواصل معنا

FaceBook
تويتر Twitter
YouTube


Re: باقان، انك طالما سمت العلا، فذكراك دوما، في المحافل، ترفعو! (Re: Bashasha)

    UP
                   |Articles |News |مقالات |بيانات

09-05-2007, 10:10 PM

Bashasha
<aBashasha
تاريخ التسجيل: 10-08-2003
مجموع المشاركات: 18004

للتواصل معنا

FaceBook
تويتر Twitter
YouTube


Re: باقان، انك طالما سمت العلا، فذكراك دوما، في المحافل، ترفعو! (Re: Bashasha)

    Quote: دون مستوى هؤلاء الرجال الذين صنعوا حريه الشعب السودانى ،،



    استوج الخديوية كمال مبارك،

    قصدك الرجال البلهاء، كالتمبل ازهري، والعميل الميرغني؟

    ديل الصنعو "حرية" الشعب "السوداني"؟

    هو بالله الشعب السوداني نال استغلالو؟

    يعني دولة الاحتلال الخديوية رحلت من السودان؟ من متين الكلام ده؟

    لا ابدا!

    لازلنا بفضل رجال الخديوية امثالك، نرزح تحت الاستعمار المصري، الانتو شيوخ غفرو!

    قال رجال صنعو حرية الشعب السوداني!

    لو كده، من وضع اساس محارق التطهير لو لا ازلام الخديوية، بتاعنك ديل؟
                   |Articles |News |مقالات |بيانات

09-12-2007, 06:06 AM

jini
<ajini
تاريخ التسجيل: 02-04-2002
مجموع المشاركات: 30311

للتواصل معنا

FaceBook
تويتر Twitter
YouTube


Re: باقان، انك طالما سمت العلا، فذكراك دوما، في المحافل، ترفعو! (Re: Bashasha)

    قصدك الرجال البلهاء، كالتمبل ازهري، والعميل الميرغني؟
    تعرف يا بشاشا انت شخصا تعانى من الرهاب الاجتماعى و لاتستطيع مواجهة اى حضور او محفل او حفل ولذلك تختبئ خلف الكيبورد لشتم الاخرين لانك لا تستطيع تطوير نفسك فلذلك تلجأ للحط من اقدار الرموز واتحداك ان تقول كلامك امام جمع!
    هو اساسا لغتك بائسة يا ئسة تعبر عن استعلاءك الناجم عن وهم العظمة للأمير الكوشى كان اللله فى عونك وعون من تضطره الظروف للتعامل معك!
    لنك حتبراهو وتقدو قد الدربكين!!!
    جنى
                   |Articles |News |مقالات |بيانات

09-05-2007, 10:13 PM

تاج الدين عبدالله آدم
<aتاج الدين عبدالله آدم
تاريخ التسجيل: 01-18-2007
مجموع المشاركات: 1591

للتواصل معنا

FaceBook
تويتر Twitter
YouTube


Re: باقان، انك طالما سمت العلا، فذكراك دوما، في المحافل، ترفعو! (Re: Bashasha)

    عزيزي بشاشا لك التحية وانت علي عهدك دائمآ ضاغط علي زناد القضية ودايس علي جمرتها الحارقة

    برحيل زعيمنا الاوحد جون قرنق دي مابيور وتراجع
    اداء الحركة الشعبية وحضورها في الساحة اعتقد
    الكثيرون بان مشروع التحرر الكبير دفن مع صاحبه
    ولكن ها هو الشاب الابنوسي الثائر السائر
    علي درب القائد الكبير يذكرهم بصوته الجهور
    بان احلام الملايين في الهامش لم تمت ولن تمت، وان
    النضال من اجل تحرير هذا الوطن من عقلية الغزاة
    سيتواصل حتي النصر.
    حكومة المؤتمر الوطني العنصرية ومن خلفها بعض البيوتات والكيانات
    الجلابية تريد للحركة الشعبية ان تتحول الي تنظيم جنوبي وتنزوي بعيدا
    عن القيام بمهمة تحرير السودان ولكنهم اصطدموا وصدموا بمواقف باقان اموم القوية
    وحديثه المكرر حول ضرورة تفكيك دولة الجلابة الابارتيدية لصالح
    الجميع فطفقوا يصرخون ويهاجمونه كالعادة ولا يدرون
    بان زمن استجداء الحقوق مضي وولي بلا رجعة...

    التحية لعالمنا الكبير منصور خالد وللمناضل
    الجسور باقان اموم وهما يتعرضان لهجمات التحالفات
    الجلابية من كل الاتجهاهات.
                   |Articles |News |مقالات |بيانات

09-11-2007, 11:19 PM

Tragie Mustafa
<aTragie Mustafa
تاريخ التسجيل: 03-29-2005
مجموع المشاركات: 49964

للتواصل معنا

FaceBook
تويتر Twitter
YouTube


Re: باقان، انك طالما سمت العلا، فذكراك دوما، في المحافل، ترفعو! (Re: تاج الدين عبدالله آدم)

    فوق لاجل باقان الجسور
    وحتى تكشف الحركه الشعبيه المندسين بينها من الشيوعين.
    والساكتين عن الدفاع عن مواقف باقان اموم و منصور خالد.
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de