|
عُمـــر الجَعِيــر....واليــوم القـومي للجَعِـير
|
دايرين يوم زي دا....نوقف فيهو الشغل...نقفل المدارس ....ونقفل حدودنا البرية والبحرية والجوية...وننكس العلم.....ونقفل الاذاعة والتلفزيون اصلهم ما فيهم فايدة. الناس القاعدين يقتلو في بعضهم في الجنوب ديك... اليوم دا يكون هدنة....ونمرق كلنا في الشارع وهاك يا بكاء وهاك يا جَعِير... نسوانا علي رجالنا علي شفعنا...يبقى يوم رسمي وشعبي.. واليمسكو البوليس والله الامن وهو ما قاعد يبكي يفتحو له بلاغ الخيانة العظمى وعدم الوطنية...... ولازم يدخلو مادة في القانون الجنائي تعاقب الزول المايببكي ويجعر في اليوم.. دا.... أي زول شايل جواز سفر سوداني... لازم يبكي في اليوم دا ويجعر.... السودانين بالخارج... يتلمو في السفارات...ويقعدو يبكو ويجعرو مع سفيرهم...والسفراء العندنا في السودان والجاليات الاجنبية..في السودان...... الما بيشاركونا يوم جعيرنا القومي... نقاطعهم ليوم الدين.. وما بنعفا منهم ولا بنرضى..... وان مات لهم منو ومنو ما نسأل فيهم......وما في ولا زول مننا يعتب خشم باب بيت البكاء حقهم. زعماءنا.... الحسي و الفاتو....الدايرنا نعزو يغير اسمو....الصادق المهدي.... يبقى الجاعر المهدي... و عمر البشير يبقى عمر الجعير.. الترابي يغيرو للجعرابي... ومحمد عثمان الميرغني لمحمد عثمان المجعري........وحتى جون قرنق... يغيرو لجون جعر... نقعد نبكي ونجعر علي بلدنا الضايعناهو.... زي ما الشيعة ضيعو الحسين ود علي...... يمكن نحس بالمسئولية ونحس بالندم
|
|
|
|
|
|
|
|
Re: عُمـــر الجَعِيــر....واليــوم القـومي للجَعِـير (Re: سجيمان)
|
سجيمان يا عوير
جعييييير
ياااااااااي
لأ أحسن بعد دا
تجي تقول لي ناكل جرجير
و نشرب زمهرير
و نخلي لبس الحرير
و نكورك بالتحرير
و نمشي للتعمير
و نشرب من الحفير
و نشاكل الوزير
و نخاوي الغفيير
و نطلع في النفير
و نجلد السكير
دا ما المصير
الديمة مرير
و ما بلقى ليهو سرير
أحييييييي يا شرير
بري أخير لي البرير
__________________________________
تسلم يا حبيب ووواصل
| |
|
|
|
|
|
|
Re: عُمـــر الجَعِيــر....واليــوم القـومي للجَعِـير (Re: سجيمان)
|
سجيمان الرمدان
وانت يكون اسمك جعيران الرمدان لكن يا جعيران جعير الشيعة رجع الحسين كمان جعير الشعب الجعرانى البطل ما حيرجع الضاع اها با جعيران الرمدان كيف نرجع الضاع
اضيع او لا اضيع تلك هى الجعيرة
ان اختلاف الجعير لا يفسد الجعر جعيرة
وتموت السد فى الغابات جعيرا
جعر يجعر فهو جعير
واحد فينا عوير
انت بكر يا سجيمان
| |
|
|
|
|
|
|
Re: عُمـــر الجَعِيــر....واليــوم القـومي للجَعِـير (Re: سجيمان)
|
سلام يا سجيمان من فتره طويله جدا ما سنحت لي الفرصه انه اكتب في البورد هنا نظرا لظروفي الاسريه... لكن بصراحه كل ما القى فرصه بتكون انت يا سجيمان من الناس البحاول افتش على بوستاتهم واقراها وفي اغلب الاحيان بكون مبتسمه قبل ما افتح البوست عموما يا سيدي .. كنت حابه اقول ليك انه بوستاتك او حتى مداخلاتك كلها ظريفه ودمها خفيف ... وان كان فيها معاني ودلالات كتيره شكرا ليك وتحياتي
| |
|
|
|
|
|
|
|