دعواتكم لزميلنا المفكر د.الباقر العفيف بالشفاء العاجل
|
|
 يا جماعة انا غيرت رايي.... الغنماية مـا قليلة ادب ولا حاجة
|
بكري سو قوانين جديدة.... وهو حر يا جماعة مش البوردي ..بورديهو؟.. جد والله ... يسوي البيريحو.....
غايتو انا خاسة نفسي دخلتني خوفة.....وقعدت افكر.. باقي ناس كتاااار قالو انا زول قاعد اتلوم في امة محمد.... لقيت نفسي متلوم لوم شديد في الغنماية بتاعت جارانا ديك..... البهتها وكضبت فوقا وقلت راودتني عن نفسي وقدت جلابية العيد حقتي من دُبُر.....وحات شيختي الكديسة القلبت الشربوت مريسة....انا كضاااب كضااااب... ونجااااار..والنضم كلو كان نجري ساكت.... اصلو الادب الفوق غنماية الجماعة ديك ما لاقني..... غنماية مادبة.... وخجولة... ومتحجبة كمان..... ووحات الله من تشوف لها اي ضكر...تجري علي الزريبة وتقبل علي الحيطة.....والسروال الابساهو حدو الرُكب.. .كضاب الراجل البيقول انو ملص السروال عشان يحلبا....وهي ما بي تقيف لها لي راجل يحلبا ..ما تحلبا علا مرا.....ويوم ولدت يا الله ويا امين ملصو منها عشان يولدوها..... حلفت بي دينا وايمانا علا تلد وهي لابسا سروالا......وانتو قايلن شنو؟؟؟ ..مافي زول فيكم يشك ويقول جابت الوليدات من وين..... الغنماية متزوجة على سنة الله ورسولو.....وانا حاضر عرسا....وواقف علي قطع رحطا....من شدة ما مودبا ابت تقيف ترقص.... يجيبوها ويوقفوها في نص الدارة.... تقيف شوية كدي وتقعد تتلفت وتوقف اضنيها.... وتفك البيرق... ونجري انا وولاد الحلة نمشي نقبضا ونجيبا من اخر الشارع......يا الله ويا امين رقصت في غنية واحدة.....وهي زعلانة وخجلانة وداخلا في ضفورا.....وكانت غونية:
السخيلة وعقد الجلاد
النار يا عروسنا
تيسنا..غلبو السبات
وصُح وحات الله التيس كانت غالباهو الوقفة.... وشفقان جنس شفقة...واظنها دي شفقتكم القدت مكنتكم البي يقولوها........
....ويوم الدُخلة داك.. اسكتو ساكت..... الغنماية دي جرت جنس جري في الدنيا دي..... جارية من الثورة الحارة عشرين والعريس جاري وراها....قبضا في حديقة الموردة...نان قبضا بعد شنو؟ بعد ما نفسو اتقطع مسكين؟.....نحن اصلنا ما اتدخلنا ولا حاولنا نقبضا معاهو...لكن وقت شفناهو جايبا وجاي وماسكا من اضانا...فرحنا وقعدنا نصفق والنسوان تزغرت...وعمنا حسن جاب بندقيتو وضرب لو عشرة طلقات في الهوا...
اها عاينو لي عليكم الله ما اتلومت في غنماية الناس المسيكينة دي؟
|
|
 
|
|
|
|
|
|
|
|
Re: يا جماعة انا غيرت رايي.... الغنماية مـا قليلة ادب ولا حاجة (Re: سجيمان)
|
محمود الكذااااااااااااااااااااااااااااب وهجم النمر
اسة يا سجيمان انا شايف الغنماية في محكمة امدرمان القضائية رافعة فيك قضية رد شرف ومطالبة بي تعويض واحدة من تيوس سيف مساعد وسروال من قطعة الهزاز وقش مستورد من هولندا ...
لكن ما تقول لي يا سجيمان شايف الكديسة الممحوقة دي اشتغلت كويس وقلبتك .... بس لو كترت المحلبية كان شفناك في شكل ندوية ......
| |
|
|
|
|
|
|
|
|
|
Re: يا جماعة انا غيرت رايي.... الغنماية مـا قليلة ادب ولا حاجة (Re: عمر الفاروق شيخ الدين)
|
عمر الفاروق شيخ الدين
Quote: اسة يا سجيمان انا شايف الغنماية في محكمة امدرمان القضائية رافعة فيك قضية رد شرف ومطالبة بي تعويض واحدة من تيوس سيف مساعد وسروال من قطعة الهزاز وقش مستورد من هولندا ...
|
اصلو انت ما عارف القصة...... القصة انو الجماعة قالو عاوزين يعملو ليها تلقيح صناعي...... هي زعلانة وقالت نو ثم نو ثم نو....التلقيح الصناعي ما عندو طعم.....وهي دايرة تضوق الطعم..... لكن الرك علي التيس.....وشايفو قام يلبلب
| |
|
|
|
|
|
|
| |
سجيمان
saif massad ali
abuguta
المسافر
waleedi399
kamalabas
حبيب نورة
فيس بوك
تويتر
انستقرام
يوتيوب
بنتيريست