دعواتكم لزميلنا المفكر د.الباقر العفيف بالشفاء العاجل
|
|
 يا جماعة..... ناس جريدة "الصحافة" حقرو بي عديل....
|
شكيتكم لي الله.... شكيتكم لللا نام لا اكل طعام....شكيتكم علي رسلو...وانبياءهو.......شكيتكم علي كل فقير راقد تحت قبة...وفقير حايم علي ضهر الواطا......شكيتكم علي كل فقرا الدنيا وكل دين في الدنيا.... من هندوس..ومجوس...ورمّاله...ووداعيات....وسجم ورماد.....
شكيتكم علي.. بوش..وعلي بوتن...شكيتكم علي ساكن البنتاغون.... شكيتكم علي انان....شكيتكم علي ابدنان....شكيتكم علي وكالات الانباء... تشيل حالكم وتبشتن بكم...ربي يسلط عليكم البشير...وعساكرو...ربي يسلط عليكم فئراناً سعرانا ولهفانا وجحماناوقدر ما تطبعو عدد تلم فيهو تاكلو...وان ما لقت شي تلم فيكم واحد واحد ...وتاكل هدومكم اللابسنها وما تفرز مرا من راجل...وتخليكم تجارو في السهلة... واسمع الخبر ويقولو ناس الصحافة جنو...وجارين عريانين في شوارع الخرتوم..... شاحد الله يحقر بكم مجلس الصحافة ويقابلكم كدي.... كان قابلتوني....ويحقربكم مجلس الامن...ومجلس الكدايس العالمي.... شاحد الله يختف مندوبكم في دارفور ناس العدل والمكاوة...وما يدوكم ليهو علا تقفلو جريدتكم كية فيكم....بركة الجمعة الجامعة والكلمة السامعة....
شحدت الله رجالكم يحقرن بهم نسوانهم يصبحنهم بي دقة ويمسنهن بي دقة....ونسوانكم يحقرنهن نسوان الجيران ويلمن فيهن معيّط..وخنق...وعض..... كان حقرتو بي.........
ان شاء الله تتونسو كلكم في كوبر....ويلم فيكم الفار القاعد ياكل الناس داك...وتمرقو من السجن بلا اصابعين....وقدر مافي شي مادا راسا فيكم الفار ياكلا........وتبقو اباطاطكم والنجم.......
|
|
 
|
|
|
|
|
|
|
|
Re: يا جماعة..... ناس جريدة "الصحافة" حقرو بي عديل.... (Re: سجيمان)
|
يا ناس الصحافه يطينا عليكم راجل ام رحي يسد جريدتكم بي غصن شوك ,وداركم يسكنا الزرزور, مالكم علي سجيمان,بركة المغارب والملك السارب وسيدي علي ابن ابي طالب ما يفضل فيكم واحد,يا سجيمان ديل ناس جريدة ابراهيم عبد القيوم زمان ولا شنو.بركة النبي يعدمو الغفير ويسلط عليهم البشير ويشطبهم ليك ياسجيمان بالطبشير
| |
|
|
|
|
|
|
|
|
|
Re: يا جماعة..... ناس جريدة "الصحافة" حقرو بي عديل.... (Re: تولوس)
|
قبال ما ارد عليكم واحد واحد
ناس الصحافة عندهم ملحق اسمو ونسة........ قدر ما عندي موضوع اكتبو في البورد القاهم ناقلنو بي ضبانتو..... عملت لهم ايميلات...اتصلت تلفونات..... يا جماعة لو عاوزين تنزلو شي كلموني.....ما عندي مانع تنزلو المواضيع بس حدسوني...... لانو المواضيع قاعدة تنزل في جريدة تانية بصورة منتظمة.....جريدة الاضواء.وانا متفق مع د.معز والراجل بيتعامل معاي بكل زوق وادب مش بيقلع..... ابدا عاديني ضبانة في اضان فيل.....اها النضم دا ما اعوج؟
| |
|
|
|
|
|
|
|
|
|
Re: يا جماعة..... ناس جريدة "الصحافة" حقرو بي عديل.... (Re: saif massad ali)
|
| Quote: ديل عديمن حياء ياسجيمان ده قتل مش سرقة وبس |
الغريبة يا سيف.......انا اتصلت عليهم كم مرة....وكتبت لهم كم اميل.... يا جماعة النضم دا كدي ما بيبقى..... دايرين اكتب لكم واتعاون معاكم ماعندي مانع..... بس بشروط... وريتهم الشروط.... وما داير منهم ولا تعريفة.... لكن ملحقهم ونسة دا كلو لقيط....شي من الموبايل وشي من فضلات الانترنت.......يعني الناس تكتب وتجتهد والسيد محرر ونسة.... يجي ينقل.... ويقبض القروش من وراهم..... وكمان ما يعبرهم ولا يشتغل بهم......رجاله كدي
انا والله بصدد شكوى ضدهم.....
| |
|
|
|
|
|
|
|
|
|
Re: يا جماعة..... ناس جريدة "الصحافة" حقرو بي عديل.... (Re: سجيمان)
|
| Quote: وريتهم الشروط.... وما داير منهم ولا تعريفة... |
ده كلام غلط ...طالما الجريده ربحيه(مش زى المنبر الحر)طالب بحقك كامل....اشتكيهم و اشتكى اى وهم ما مقتنع بمبدا الملكيه الفكريه
افتح ضدهم,, قضيه و ماشالله عندك ناس فى السودان تمام ممكن يستلمو الموضوع و يطالبو ليك بتعويض مادى ...اهم شئ تحنفظ بكل الادله و المراسلات
يلا سلام
النصرى
| |
|
|
|
|
|
|
|
|
|
Re: يا جماعة..... ناس جريدة "الصحافة" حقرو بي عديل.... (Re: سجيمان)
|
سجيمان
انا بتكلم معاك بكل جدية ..
رسل ليهم انذار قانونى عن طريق اى مكتب محاماة . و بعداك ارفق منو نسخة للمصنفات الادبية و الفنية .. مع شكوى كاملة و شوف النتيجة .. لانو فى سوابق كتيرة اتحسمت حسما عادلا .
بعدين شنو حكاية ما داير منهم تعريفة دى ؟
لو كانت منظمة خيرية معليش .. لكن دى مؤسسة صحفية تجارية ... ومن حقك تاخد على اى حرف بيكتبوهوا منك ... و لو ما عاوزين .. مع السلامة .. يشوفوا ليهم مواضيع تانية .
| |
|
|
|
|
|
|
|
|
|
Re: يا جماعة..... ناس جريدة "الصحافة" حقرو بي عديل.... (Re: سجيمان)
|
هاهاهاهاهاهاهاههااهاهاه والله قصة يا سجيمان
اسمع تعال انا عندى ليك الحل لاكين تدفع ليا رايك شنوا ؟؟
عارف تعمل شنوا يا السجمان علشان تاخد حقك او توقف السرقة
اكتب ونبز فى البشير وحكومة الجبهة والانقاذ ونشوفهم حايواصلوا فى السرقة ولا حيخافوا ولو ما نفع انا برسل ليك الجنسية الامريكية علشان تحميك وبعد دة كلة لو ما وقفوا السرقة مافى مفر من غير اننا نكلم ناس الFBI يمشوا يهرشوهم ويجيبوا عاليهم واطيهم ونوصلها لى محكمة لاهاى ودة كلة لو ما نفع نقوم نكلم العم بوش
يرسل ليهم طيارتين اف16 تدك حصون راكوبتم وننهى الموضوع كلة
اها ما قلتا ليا راءيك شنوا
| |
|
|
|
|
|
|
|
|
|
Re: يا جماعة..... ناس جريدة "الصحافة" حقرو بي عديل.... (Re: سجيمان)
|
طالب بحقوقك كاملة .. ولا تتنازل عن أي حق ، فالتنازل من الحقوق هو سبب المصائب التي نحن فيها ، نحن معك ونشد من أزرك ودعواتنا لك وبإذن الله تعالى ينصرك العلي القدير عليهم.
اللهم بدد شملهم ، اللهم أجعل دائرة السوء عليهم .. اللهم شتت شملهم .. اللهم مزقهم شر ممزق ..
| |
|
|
|
|
|
|
|
|
 Re: يا جماعة..... ناس جريدة "الصحافة" حقرو بي عديل.... (Re: سجيمان)
|
والله يا دكتور شعبيتك قويه .... يا اخوي انا عندي ليك الحل .... انزل انتخابات ولما تفوز اخد حقك بايدك ...... وانا شخصيا بديك صوتي من هسع.... بس ما قلته لي (شكيتكم علي ابدنان) ده منو ..... شيخ جديد ..... اها نرجع لموضوعنا ........تقدر تقول ابو الدنان ان ده تن ............ قال ابدنان قال
| |
|
|
|
|
|
|
|
|
|
Re: يا جماعة..... ناس جريدة "الصحافة" حقرو بي عديل.... (Re: سجيمان)
|
اللهم ناس جريدة الصحافة كما ظلمو سجيمان
اللهم سجمهم...اللهم أجعلهم يلطمون خدودهم آنا الليل وأطراف النهار.
اللهم سلط عليهم كلب سعران أضانو مقطعوعة
يسكهم ويعضيهم واحد واحد من ....
ومثلما قال أحدهم:
الدنيا جلابية بي سستة
وزرارتين زي بعض الجدادات راقدة
وأم سيسي واقفة بتعرض رافعة الريد شعار
يا تغني يا تسكن إيجار
والليل لبانة ملصقة في شنب باعوضة عندها امتحان
اللهم سلط عليهم هذه الباعوضة
لتمص دمائهم مثلما مصوا دماء المسكين سجيمان
اللهم بور صحيفتهم زي عوضية بت جيرانا
اللهم أجعل صحيفتهم للف الطعمية ليس إلا
وقرطاس التسالي الملفوف بالصحافة يبقى بلوشي
اللهم بووووش مكيناتهم وأقلب كلماتهم
اللهم رئيس تحريرهم نفس لساتك عربيتو الأربعة
اللهم بشتنهم في المواصلات ولا تجعل بينهم جالس
اللهم شمعهم ذهاباً وإياباً
اللهم لا تجعل في جيوبهم سوى الورق والمساويك
اللهم سلط عليهم الكماسرة
اللهم أسقط أعمدتهم وأقطع كهربتهم
اللهم صحفياتهم اللهم بركسهم وأقطع العرسان عنهم
اللهم سلط عليهم ضبان الأمبدات وحرامية الكلاكلات
اللهم سلط عليهم جراد نيجيريا لتأكل صحيفتهم صفحة صفحة
بكمل ليك الباقي في الحرم يا سجيمان
| |
|
|
|
|
|
|
|
|
|
Re: يا جماعة..... ناس جريدة "الصحافة" حقرو بي عديل.... (Re: سجيمان)
|
Quote: شكيتكم لي الله.... شكيتكم لللا نام لا اكل طعام....شكيتكم علي رسلو...وانبياءهو.......شكيتكم علي كل فقير راقد تحت قبة...وفقير حايم علي ضهر الواطا......شكيتكم علي كل فقرا الدنيا وكل دين في الدنيا.... من هندوس..ومجوس...ورمّاله...ووداعيات....وسجم ورماد.....
شكيتكم علي.. بوش..وعلي بوتن...شكيتكم علي ساكن البنتاغون.... شكيتكم علي انان....شكيتكم علي ابدنان....شكيتكم علي وكالات الانباء... تشيل حالكم وتبشتن بكم...ربي يسلط عليكم البشير...وعساكرو...ربي يسلط عليكم فئراناً سعرانا ولهفانا وجحماناوقدر ما تطبعو عدد تلم فيهو تاكلو...وان ما لقت شي تلم فيكم واحد واحد ...وتاكل هدومكم اللابسنها وما تفرز مرا من راجل...وتخليكم تجارو في السهلة... واسمع الخبر ويقولو ناس الصحافة جنو...وجارين عريانين في شوارع الخرتوم..... شاحد الله يحقر بكم مجلس الصحافة ويقابلكم كدي.... كان قابلتوني....ويحقربكم مجلس الامن...ومجلس الكدايس العالمي.... شاحد الله يختف مندوبكم في دارفور ناس العدل والمكاوة...وما يدوكم ليهو علا تقفلو جريدتكم كية فيكم....بركة الجمعة الجامعة والكلمة السامعة....
شحدت الله رجالكم يحقرن بهم نسوانهم يصبحنهم بي دقة ويمسنهن بي دقة....ونسوانكم يحقرنهن نسوان الجيران ويلمن فيهن معيّط..وخنق...وعض..... كان حقرتو بي.........
ان شاء الله تتونسو كلكم في كوبر....ويلم فيكم الفار القاعد ياكل الناس داك...وتمرقو من السجن بلا اصابعين....وقدر مافي شي مادا راسا فيكم الفار ياكلا........وتبقو اباطاطكم والنجم.......
اللهم ناس جريدة الصحافة كما ظلمو سجيمان
اللهم سجمهم...اللهم أجعلهم يلطمون خدودهم آنا الليل وأطراف النهار.
اللهم سلط عليهم كلب سعران أضانو مقطعوعة
يسكهم ويعضيهم واحد واحد من ....
ومثلما قال أحدهم:
الدنيا جلابية بي سستة
وزرارتين زي بعض الجدادات راقدة
وأم سيسي واقفة بتعرض رافعة الريد شعار
يا تغني يا تسكن إيجار
والليل لبانة ملصقة في شنب باعوضة عندها امتحان
اللهم سلط عليهم هذه الباعوضة
لتمص دمائهم مثلما مصوا دماء المسكين سجيمان
اللهم بور صحيفتهم زي عوضية بت جيرانا
اللهم أجعل صحيفتهم للف الطعمية ليس إلا
وقرطاس التسالي الملفوف بالصحافة يبقى بلوشي
اللهم بووووش مكيناتهم وأقلب كلماتهم
اللهم رئيس تحريرهم نفس لساتك عربيتو الأربعة
اللهم بشتنهم في المواصلات ولا تجعل بينهم جالس
اللهم شمعهم ذهاباً وإياباً
اللهم لا تجعل في جيوبهم سوى الورق والمساويك
اللهم سلط عليهم الكماسرة
اللهم أسقط أعمدتهم وأقطع كهربتهم
اللهم صحفياتهم اللهم بركسهم وأقطع العرسان عنهم
اللهم سلط عليهم ضبان الأمبدات وحرامية الكلاكلات
اللهم سلط عليهم جراد نيجيريا لتأكل صحيفتهم صفحة صفحة |
الكترابه
الله لا رمانا تحت لسانكم ده، هسه ده كلو فى مويضيعاتك ديل، اكان كتلوا ليك زول تدعوا عليهم كيف يعنى، غايتو انت وكبسيبه الواحد يختاكم بس،
وبعد ده اللهم امين
| |
|
|
|
|
|
|
|
|
 Re: يا جماعة..... ناس جريدة "الصحافة" حقرو بي عديل.... (Re: سجيمان)
|
بسم الله الرحمن الرحيم
و اللهم صلى علي سيدنا محمد الفاتح لما أغلق ناصر الحق بالحق
السلام عليك يا اخونا c.j.man
أقول ليك الشكية لي اب ايدا قوية
و انت ما خليت شي
و كان جيتنا ما بنخليك براك بالعصاية و الكوريك كنا مشينا
معاك
بس ورينا ناس ياتو صحافة
الصحافة ظلت والا الصحافة سرق
ان دايرنها شريعة الحد معروف
و ان دايرين صلح ما بتجيهم بي خوف
و ان دايرين كتال الكتال انت ما داسو في بطن البيت
و اسمع ...!!
ان كانو من قوم تلهو بالكلام..و سارت الايام تجري في انسجام..
تراهم قريبا يزوغو في الزحام يخشو عكاكيزا وراهم بانتظام..
وان كانو من قوم احبو الفرفشة اتتهم مطيرقات هواها الخربشة..
سلم الخلا راااااقد هبطرشة بس تعال لينا ورينا العشا..
تشوف اخوانك شن يسووا
ياناس عووووووك في زول بقيف معانا؟
| |
|
|
|
|
|
|
|
|
 Re: يا جماعة..... ناس جريدة "الصحافة" حقرو بي عديل.... (Re: سجيمان)
|
الغالي سيجيمان..
سلااام حلو حلاوة روحك التي اعطت معنى للمنبر ده.. ويشهد الله ان الناس القاعدة بي برة ديل كلهم ما بيدخلو إلا عشان يقرو انتا كاتب شنو.. (علا) مرات مرات في كلام ممسوخ كده ما بعرف أقراهو (افقي ولا راسي)..  لوووووووول..
الجابني ليك انا زاتي عندي شكوى لي الله من ناس الصحافة.. أكلو علي عرق سنة كاااملة.. لكني وراهم وراهم..
المهم.. تعال ننسق جهودنا.. والبجيب حقو أول يجيب لرفيقو.. اتفقنا..؟
حأعمل لي بوست مخصوص (ريدة) فيك.. أولا استأذن لينا من أم الخير  ..
| |
|
|
|
|
|
|
|
|
|
Re: يا جماعة..... ناس جريدة "الصحافة" حقرو بي عديل.... (Re: سجيمان)
|
سجيمان يا سجم أنت عايز تآخد حق على الونسة ؟
أصلا الناس الهناك ما عندهم وقت ولا همة للكتابة ... لأنه صاحبنا محرر الصفحة كل شغله أنه يدخل النت ويفتش اي كلام ينقله ويسلم موضوعه خلاص.. ويا ريت لو الحكاية وقفت بي صفحة الونسة ... كل المحررين حتى أعمدة الاخبار والاجتماعيات والاخبار المحلية منقولة بي ضبنتها إما من صحف تانية او من النت وبتاع صفحة الاجتماعايات بنقل البيسمعه في باص المواصلاة من الحريم وستات الشاي وخلاص
أما التلفزيون فحدث ولا حرج ... الواحد يكون عنده برنامج على الهوا وما محضر ضيوف الحلقة يجيب جيرانه وأصحابه ويجي يعل الناس ويضيع السهرة في كلام لا بيودي ولا بيجيب وحتى في المؤتمرات الصحفية المتخصصة
فتحت التلفزيون الصباح بالصدفة ولقيت مؤتمر صحفي مع ناس الاسكان لقيت حسين خوجلي بيحكي ليهم حكاية فطور في الجزيرة والفطور كان بدون سلطة عشان كدا عايز كا خطة اسكانية في الخرطوم لازم يخصصه مزرعة للجرير والبقدونس والطماطم وكمان مزارع للمواشي عشان الحليب
... شكيتهم على الله معاك وربنا استجاب لدعاك يا سجيمان عشان كدا ربنا سلط فيهم الهكر
وكمان ونستك دي جابت أختنا رجاء وأقول ليها حمدالله على السلامة ونورتي المنبر وكان بدونك مسيخ
والله يرجع حقوقك إنتي وسجيمان ... ولو أدبيا لأنهم اصلا ما حيلتهمش حاجة ويمكن أخونا بتاع الونسة دا حق السفة ما عندو......
| |
|
|
|
|
|
|
| |
سجيمان
saif massad ali
تولوس
Siham Elmugammar
نيازي مصطفى
بارعة
saifkeli
برهان تاج الدين
Walid Safwat
omar ali
Hisham Amin
Ehab Eltayeb
قلقو
إيمان أحمد
ودقاسم
willeim andrea
خالد عمار
مهاجر
محمد الامين احمد
Raja
Habib_bldo
فيس بوك
تويتر
انستقرام
يوتيوب
بنتيريست