|
دعواتكم لزميلنا المفكر د.الباقر العفيف بالشفاء العاجل
|
|
 Re: يا النبــي نـــوح....من... حســــن اللـوح.."توجد صورة" (Re: سجيمان)
|
| Quote: الطمبارة جوهو وقعدو يهنو فيهو.....ويشيلو يشكرو... انه الابداع........ |
دي جد جد حاجة محيراني......
مرات ناس يكتبوا حاجات ما مفهومة أو خالية تماماً من الإبداع و منزوعة الدسم......لكن تلقى الناس كلها تكتب و تقول .....يا رائع....يا مبدع.....يا ما حصلت...
و ده كلو عشان يثبتوا لنفسهم أولاً و أخيراً انهم ناس فاهمين و مكملين الثقافة و الفهم..
| Quote: موقع شايف ال30 مليون سوداني.... عبارة عن رُمرام... عبارة عن فائض بشري... لا يحق له العيش معهم تحت سماء واحدة.. لايشرفني ان اشترك فيه دعوتكم مرفوضة. |
أحترمك جداً جداً و بدون اي طمبير......
| |
 
|
|
|
|
|
|
|
 Re: يا النبــي نـــوح....من... حســــن اللـوح.."توجد صورة" (Re: mamkouna)
|
مداخلة عجبتني .... لنفس البوست في موقع اخر
Quote: سبحان الله ....
عارف يا سجيمان نحن بنختلف عن باقي الشعوب في اشياء كثيرة .. والحمد لله اغلبها طيب وجميل ..للاسف اقبح ماعندنا عندما يتعلم فينا نفر تجده ينظر الي السماء وكأنك يابلد مافيك الا انا ...ويعف بالجلوس امام ...دكان ود البصير.... لان مستوي الونسة لا تناسب وعلمه ... ولمن يمشي لبتاع اللحمة يطلع القلم ويأشر لبتاع اللحم بالله اقطع لي من دي .. وطبعا فيا كلمه كلمتين بالانجليزي ...ولمن يجي لفراش العزاء تجده ينظر لكباية الموية من جميع النواحي وكأنه حا يناسبها !!وقد لا يعزى جميع اولاد الميت لان فيهم من يعمل ( عربجي) او بتاع برسيم ... والمثقفاتي المسكين لا يعلم بأن هذا العربيجي يعرف ما لا يعرفه هو عن حياة المجتمعات والتاريخ الانساني لحياة البشر من واقع حياته اليومية مع الناس وتداخله معهم او مع من سبقوه في العمر من الاسرة او فى الحارة .. واياك ثم اياك ان تفتح موضوع عن الثقافة السودانية اثناء الونسة ... اقلها سوف تجد نظرة الاحتقار والازدراء وبأنك لا تفقه شي احسن لك ان تناقش في موضوع (الجمعية التعاوينة في الحارة ) الثقافة ملك حر له هو فقط يناقش ويتفلسف وينظر وانتو كلكم تسمعو فقط ...
ملعون ابو الثقافة عندما تتعالي علي من اوجدها
|
| |
|
|
|
|
|
|
|
|
|
Re: يا النبــي نـــوح....من... حســــن اللـوح.."توجد صورة" (Re: سجيمان)
|
سجيمان والجميع، سلام... وأنا برضو المداخلة عجبتني وفي الحقيقة كنت عايز أكتب -تقريبا- نفس الكلام دا، فزي ما قال الكاتب: وأنا أفتكر إنو دي من أكبر المصايب التي ابتلينا بها، إننا لا نعرف التواضع أمام العلم والعلماء، أي واحد ما أن يقرا ليهو شوية كتب وجرايد حتى يحسب نفسه عالما بكل شي، ويفتي عن أي شي، سواء كان ذاك الشي طبيخ ، أو مسألة (فلفسية) معقدة على قولك... الطالب عندنا ما أن يتخرج من كلية الفنون- مثلاً، أكرر مثلا، حتى يظن نفسه قد أصبح كنزا للبشرية لا يفنى، وأنه أعظم مخلوق جادت به الأرض على السماء، والرئيس عندنا لا يعتبر أنه قد وصل لمنصبه بالصدفة أو (الصحيان بدري)، وإنما أعتلى ذاك المنصب فقط لعبقرية خاصة به هو لم يؤتها الله لغيره من أهل الأرض أو أهل السماء... وقس على ذلك!!... قبل أن ارى كنت أسمع عن تواضع العلماء في العالم المتحضر، وإنك ما ح تعرف الفرق بين البروف والكمساري إذا لاقيتهم في محل عام وتكلمتوا عن موضوعات عامة، هذه من الأشياء التي يلاحظها الكثيرون في تلك البلدان، لا بل وحتى ناس الحكومة: رئيس الجمهورية أو رئيس الوزراء هم في النهاية ناس عاديين، ويعرفون أنهم موظفين عندي أنا دا، أنا الرجرجة والدهماء وقريعتي راحت، والكبسور الخ الخ، وأنا من عملت منهم رؤساء حكومات، وأنا الذي أدفع مرتباتهم الخ الخ...وربك يكون في عون السودان وأهله جميعا، خاصة أمثالنا من المذكورين أعلاه...
| |
|
|
|
|
|
|
|
|
|
Re: يا النبــي نـــوح....من... حســــن اللـوح.."توجد صورة" (Re: هشام مدنى)
|
عارف يا دكطور ..
الشعب السوداني دا طبعا اغلبه قاعدين في السودان
والناس القاعدة في السودان دي ..
عندها برامجها طبعا وناسها ومعايشها ..
90% منهم ما بعرفوا لا منبر حر ولا ديمقراطيات السايبر
ولا حتي الاساتذة الاجلاء واعلام وفقاعات الانترنت ..
يعني والله المسعلة دي كلها فكة ساكت
وشوية ناس مضايقة في الغربة .. وبتبحث عن شخصية
كلام ذي كلامك دا فيهو كبت لتلك العاهات وعدم منحها حق التقيح
واللهم لا شماتة .. !!
| |
|
|
|
|
|
|
|
|
|
Re: يا النبــي نـــوح....من... حســــن اللـوح.."توجد صورة" (Re: سجيمان)
|
سلام وشوق للجميع ،
غياب قهرى وعودة طارئة !
الأستاذ حسن موسى الفنان التشكيلى السودانى الشهير المقيم بفرنسا ،
يربأ عما قرأت هنا من عواهن قول ممن يجهله !
فهو قد أدى دور الدبلوماسى الممثل لبلاده بفنه كرسام نافس فنانين أوروبيين ، وهو القادم من مجاهل
أفريقيا بشح امكاناتها !
وبقلمه ككاتب وناقد فذ وباحث ، وصحفى أصدر بمفرده اصدارة يتحدث عنها قراء من كل البلاد الناطقة
بالعربية ! من محبى التفرد والعمل الرصين !
ست البنات .
| |
|
|
|
|
|
|
|
|
|
Re: يا النبــي نـــوح....من... حســــن اللـوح.."توجد صورة" (Re: سجيمان)
|
والله يا سجيمان اخوي ...
جنس حاجات وجنس دنيا ..لا شفنا ولا راينا ..غايتو انا اول مرة اسمع بموقعك القصدتو دا واول مرة اقتحموا ليك عديل كده ...ولقيت الجماعة قايمة بينهم لرب السما ... لو ائح نظم ..ديمقراطية عديل كده ..وكلام كبار هبر هبر
وبعدين يا سجيمان يا اخوي ..من منظور مثقفاتي (شفت الثقافة دي كيف)....مافي حد احسن من حد ..اكتشفت بعد تجول قليل ..ان العبد لله لن يقبل في تلك الواحة الديمقراطية ...آل ايه يا سجيمان المكان دا مخصص للديمقراطيين والمؤمنيين بالديمقراطية والمتخصصين في الديمقراطية ..والمتشربين الديمقراطية والحوار الديمقراطييييييييييي ذاتو ..
ولما كان العبد لله ..الفقير ..مصنف في خانة القوى الرجعية الظلامية المتهالكة ...قطع شك يا سجيمان يا اخوي ما بدوني معاهم فرصة ...شفت الديمقراطية دي كيف يا سيدي ..!!؟
غايتو يا سجيمان يا اخوي ما تزعل مني ...الدنيا دي ما بتستاهل
لكن عايز الصراحة ...
لما بسمع كلمة الديمقراطية دي من المتشدقين بيها في عالمنا هني ....وبسمع دعاة الديمقراطية ديل ..والله يا سجيمان يا اخوي
بتحسس مسدسي .....
وبتذكر محمد الحسن قيقم ..واقيف اعرض معاه صقرية :
اتقدل في صراحي واساهر فوق مراحي
والكايس الشر يلقاني دايما صاحي
عزه السودان نحن حراسه عركة الميدان نحنا فراسه ...نادوا لي ناسه
| |
|
|
|
|
|
|
|
|
|
Re: يا النبــي نـــوح....من... حســــن اللـوح.."توجد صورة" (Re: luai)
|
الاخ الكريـم سجيمان،اعتقـد ان حسن موسى رسـم بالريشـة، ما كان ولا زال يكتبه البعض بالكلمات فى هذا المنبر.. ولا ازيد... فان الارشيف مليان..
الاخ لؤى، هل انت د لؤى الذى كان فى كلفورنيا قبل شهـر قليلة وعاد للسـودان سنين طويلة فى الغربة، والان يتملق الحكومة لتسلق منصب؟
لو كنت نفس الشخص...
فارجو تمدنا برايك فى الشذوذ الجنسى كطبيب نفسى كتب فى هذ ا المجال!!!!!
| |
|
|
|
|
|
|
|
|
|
Re: يا النبــي نـــوح....من... حســــن اللـوح.."توجد صورة" (Re: luai)
|
luai
| Quote: للديمقراطيين والمؤمنيين بالديمقراطية والمتخصصين في الديمقراطية ..والمتشربين الديمقراطية والحوار الديمقراطييييييييييي ذاتو .. |
الديمقراطية..... هم فاهمينها اكتر مننا..يمكن نحن المتخلفين ديل"اقصد سجيمان.انت لو عاوز تقيف معاي؟ تعال" ما بنفهما كويس... عشان كدا ما حقو ننضم فيها ولا نفتح خشمنا ونقول بغم..... ما شفت انور وانور وبلة موسى سو ليهم شنو؟؟؟......وانور مسكين بس عشان ختا اسمي جنب اسم الطيب صالح... نهروهو وقام صوف ولي حسي اظنو جاري مسكين......
| |
|
|
|
|
|
|
|
|
|
Re: يا النبــي نـــوح....من... حســــن اللـوح.."توجد صورة" (Re: سجيمان)
|
نعم قرات ذلك يا سجيمان ..
انور الله يستر ما يوصل بيونغ يانغ جري...بالرغم من انو مقيم في كوريا الجنوبية
والغريبة معظم الكتاب والاسماء الكانت بتكتب هنا بهناك ما عارف الحاصل شنــو
اكيد لا انت لا انا يا سجيمان ..ما بنعرف الديمقراطية ..
انت الديمقراطية دي قايله هينة كده يا سجيمان حتى يعرفها اي شخص ..
وحاتك يا سجيمان ..وما طالبني حليفه ..هم المتشدقين بيها ديل هم الديمقراطييين الوحييدين في الدنيا دي !!!
غايتو الغلطة غلطتك يا سجيمان ..انت كيفن تخلي زول يخت اسمك جنب اسم الطيب الصالح أو صالح الضي ويجيب ليك الريح ..
انت ما عارف المثل بقول ليك الباب البجيك منو الريح ....افتحوا عشان تتهوا كويس ..!
| |
|
|
|
|
|
|
|
|
|
Re: يا النبــي نـــوح....من... حســــن اللـوح.."توجد صورة" (Re: luai)
|
luai
| Quote: غايتو الغلطة غلطتك يا سجيمان ..انت كيفن تخلي زول يخت اسمك جنب اسم الطيب الصالح أو صالح الضي |
يا لوئ يا اخوي... تاني اعمل التوقيع بتاعي ممنوع وضع اسمي جنب اي زول..... ومن يضعه يتحمل المسعولية.....
تصدق المسعلة فعلا زعلتهم....لكن نضم انور مسيكين نضم عادي.... من حق اي انسان بالغ وعاقل يقولو.. من غير ما يجي زول ينهرو... يا اخي ما تتظكر نهرو اسامة الخواض كيفن لما تتداخل معاي؟؟؟.... ومن ديك واسامة اختفى... يكون برضو جاري يا ربي؟؟؟....والله يا لوئ الناس ديل انا ما سمعت بيهم علا في الانترنت ومعرفة متوخرة... يعني معرفتي بي بالماسنجر اقدم من معرفتي ليهم....
غايتو النوع دا لو حكمنا في السودان... نشوف لنا بلد
| |
|
|
|
|
|
|
|
|
|
Re: يا النبــي نـــوح....من... حســــن اللـوح.."توجد صورة" (Re: سجيمان)
|
د. سجيمان
ما عرفنا الان، نعلق على الصورة واللا على الطيب صالح وسجيمان..
الله يستـر ما يجى واحد من نبرنا دا ويهبش سجيمان.. حيطلعنا نعاين للسـودان من مركز التجارة العلمى .
او من العمارة الجنبو عشان داك هسى مافى!
ويا ناس سودانيات اختـو الزول سجيمان دا..عشان مصايب هولنـدا براكم عارفينهـا.
الاخ سجيمان اسمح لى ان اقول لك ان ما نقلته ليس فيه شئ يسئ اليك.. وانما راى الكاتب فى اديبين سـودانيين وممارسة حقه فى تفضيل احدهما. وان موضوع بولا كان مع الاخ انور وليس مع الاخ سجيمان,
هذا ما فهمته انا على الاقل
| |
|
|
|
|
|
|
|
|
|
Re: يا النبــي نـــوح....من... حســــن اللـوح.."توجد صورة" (Re: سجيمان)
|
اظنك يا دكتور سجيمان فهمت من الكلمات
انور كينغ
| Quote: سجيمان ببوستاته اليومية النشطة |
والله عافى منك يا انور كينغ اهو ده الكلام المفيد
Quote: أمّا انا فأتطّلع لرؤية سجيمان ببوستاته اليومية النشطة... فما بيننا من تواصل يومي..يفوق ملايين المرات روية موسم الهجرة الى الشمال اليتيمة...التي لطالما تحدّث بها الجميع... ولحنّوها...وغنّوها...ورقصوها...رقبة وكشف... وشالوا فيها الشبّال...
وأتمنى ان أرى كتابات للمستقبّل... كما نعيشه...أو كما نريد ان نعيشه...بوستات الحلم..الخيال...الطموح... |
والولادة بعد الشيخ كفا
| |
|
|
|
|
|
|
|
|
|
Re: يا النبــي نـــوح....من... حســــن اللـوح.."توجد صورة" (Re: سجيمان)
|
Quote: كنت اتمنى ان يعيد الدكتور بولا قراءته لما كتبه انور كينغ.. يجد ان انور كينغ لم يفضلني علي الاستاذ الطيب صالح.....
|
ياخى د. سجيمان
حتى لو فضلك على الطيب صالح او الطيب عبدالله او اى انسان فى الارض
هــــــذا حـــــقه وحـــقك انــت وحــــق الجمـــيع ليـــس مختصر عـــلى زيد
مـــن الناس .
يا اخوة اتركوا الناس تحـــدد منو افـــضل لها من مــنو
| |
|
|
|
|
|
|
|
|
|
Re: يا النبــي نـــوح....من... حســــن اللـوح.."توجد صورة" (Re: سجيمان)
|
يا سى جى..تعرف الغايظنى شنو..الناس هنا فى انجلترا بيناقشوا وبينتقدوا الملكه على لبستها فى مهرجان سباق الخيل وبرنيطتا.. وهسى كمان قالو اشترت ليهاiPod عشان تسمع الغنا فيها..والشباب ديلاك ماقادرين يقبلوا بالراى الاخر..حتى لو راى انور او سجيمان الغلبان؟؟طيب وينا (الديم..قراطية) القاعدين ينادوا بيها؟؟!!
أخ خ خ خ خ خ بالغت يا.. بوله
وبعدين ابودقن ده بيتاوق لى شنو؟
| |
|
|
|
|
|
|
|
|
|
Re: يا النبــي نـــوح....من... حســــن اللـوح.."توجد صورة" (Re: bushra suleiman)
|
بشرى سليمان
| Quote: ..حتى لو راى انور او سجيمان الغلبان؟ |
تعرف يا بشرى.... سجيمان حتى الكمبيوتر دا شايفنو عليهو كتير.. كمبيوتر شنو؟ حتى الكتابة والقراية ما من حقي......... دايرني امشي اقعد في البلد..ولما يجو هم يقعدو فوق عتقريب وانا اقعد تحت كرعيهم في برش.....وهم يقعدو ينضمو وانا افتح خشمي واعاين ليهم..... ومشى انا بس ديل يتمنو كل الشعب السوداني يكون كدا......ناس يا النبي نوح ديل؟... النبي نوح منهم
| |
|
|
|
|
|
|
|
|
|
Re: يا النبــي نـــوح....من... حســــن اللـوح.."توجد صورة" (Re: سجيمان)
|
| Quote: شوية مواهيم وماخدين في روحهم مقلب... مشو باريس وقعدو يتاوقو للمجتمع الغربي من خرم الحمام..وقعدو يعاينو للشعب السوداني وهم متعنقلين ومصنقرين فوق برج ايفيل..... شوية مهوسين.. بالانا..... انا..وانا... وانا.. ثم انا....واي زول ما بيعرف ينضم زينا مفروض يكنسوهو برا البلد... برا السودان.....ربنا خلقنا من نور والرجرجة والدهماء ربنا خلقهم من طين.... طين؟ طين شنو؟....من زبالة.....زبالة يجلطو بيها حيطة الجالوص |
صدقت
ليه في ناس موهومين بثقافة الغرب وديمقراطية الغرب وأفكار الغرب وحرية الغرب !!
وليه الفنان لمن يحاول يثبت انه فنان محترف مثقف عبقري لازم يقدم عمل كهذا !!!!
شيئ مؤسف حقاً
تحياتي
| |
|
|
|
|
|
|
|
|
|
Re: يا النبــي نـــوح....من... حســــن اللـوح.."توجد صورة" (Re: سجيمان)
|
Quote:
واي زول ما بيعرف ينضم زينا مفروض يكنسوهو برا البلد... برا السودان.....ربنا خلقنا من نور والرجرجة والدهماء ربنا خلقهم من طين.... طين؟ طين شنو؟....من زبالة.....زبالة يجلطو بيها حيطة الجالوص...ويجو السكارى يبولو في الحيطة
|
دى كوم يا سجيمان يا ابو المفهومية .....
لكن الكوم الثانى الصورة
ياخوى لازم تكون زول مودرن جدا وحساس ومتفهم لجمال الفن وتشيد بهذه الصورة وتعتبرها لوحة ليس لها اخت ولا بت عم وانها فن راقى ... اعذرنى انا قايلك راقى ... طالما رفضت هذه الصورة المثالية فانت ما راقى ... اذن انصحك انك تدخل مدرسة الرقى الحديثة حتى تستطيع تلقى مثل تلك التفاهات ....
واقعد عافية ...
| |
|
|
|
|
|
|
|
|
|
Re: يا النبــي نـــوح....من... حســــن اللـوح.."توجد صورة" (Re: سجيمان)
|
سجيمان
انا ايضا اعتذر عن عدم انتباهي لردكـ سوي الان
بصدد الموضوع اعلاه
اولا شكرا علي المسؤلية التي تعاملت بها مع الموضوع و عدلت ماهو غير لائق
Quote: نعم دا صحيح.....وانا موضوعي مع حسن موسى
|
ثانيا اذا كانت اسباب زعلكـ هي ماسردته اعلاه عن رفض منبر الحوار
الديمقراطي والذي احد اعمدتة الاستاذ حسن موسي لطلب انضمامك !!
فلا اعتقد ان سجيمان بهكذا انفعال يسوقة لاهدار حق الرجال امام مجرد ( حرده )
فالاستاذ حسن موسي شئنا ام ابينا رقم من الصعب جدا بل من العسير تجاوزه
في خارطه التشكيل ..
سأعود بعد حين
| |
|
|
|
|
|
|
|
|
|
Re: يا النبــي نـــوح....من... حســــن اللـوح.."توجد صورة" (Re: خدر)
|
وبعيدا عن الاستاذ حسن موسي او محاولة الزج به في تشكيكات لن تنال من قدراته شيئا
اعتقد ان الاجدي كان ان تتناول موقع الحوار الديمقراطي لمنبر السودان للجميع برؤيه
نقديه حول تعالي المثقف السوداني و تأتي بأدلة تدعم قولكـ
لكن نقاش ( حردتكـ ) بهذه الطريقه فيها كثير من الاجحاف الذي قد يخلق من سجيمان
نموذجا اخر لمن تسميهم بالمثقفين الذين لا يقبلون النقد .. فسجيمان بالمرصاد لكل
من تسول له نفسه انتقاده او انتقاد كتاباتة
اري انكـ قد سقطت في فخ الاتهام الذي تسوق له ضد اهل منبر الحوار الديمقراطي
وكان يمكنكـ نقاش ( حردتكـ ) بشكل فيه اكثر عقلانيه و احترام للاخرين حتي وان لم
تجد منهم ذلكـ الاحترام وذلك دون اللجوء الي التنابذ
انا اعرف بشكل شخصي المقصودين بمقالك و اعرف تمام المعرفه انهم لايمارسون اي من
الممارسات التي ذكرتها اعلاه ولا يمتلكون ( بلكونات ) حتي ..
اكتب لك بعيدا عن الغرض ,, رغبه مني في عدم مخالفة ضميري و لمعرفتي التامه
بمن تشكك فيهم و في قدراتهم التي يعرفها لهم الجميع و ليس خدر فقط
| |
|
|
|
|
|
|
|
|
|
Re: يا النبــي نـــوح....من... حســــن اللـوح.."توجد صورة" (Re: خدر)
|
خدر ازيك
| Quote: نموذجا اخر لمن تسميهم بالمثقفين الذين لا يقبلون النقد |
نعم هم كذلك....اذن انت تتفق معي
Quote: فسجيمان بالمرصاد لكل
من تسول له نفسه انتقاده او انتقاد كتاباتة |
هناك فرق بين النقد وبين الاستهزاء ....والرد حسب النوعية....الاستهزاء باستهزاء والنقد المهذب المؤدب بمثله.....واعتقد من ابسط حقوقي كبني ادم ان ادافع عن نفسي.... اذا لم اجد من يتبرع ويدافع عني......كما لهم
| Quote: بمن تشكك فيهم و في قدراتهم التي يعرفها لهم الجميع و ليس خدر فقط |
انا شخصيا......لو تكرمت وادرجتني تحت مسمى الجميع.....لم اسمع عنهم ولم اعرف عنهم شي.... اعرف تشكيلين كثيرين.... ولكن بكل امانة لم اسمع بهؤلاء الا في النت.... النت الذي جعل الاخرين يسمعون عن سجيمان.... وعن خدر...
| |
|
|
|
|
|
|
|
|
|
Re: يا النبــي نـــوح....من... حســــن اللـوح.."توجد صورة" (Re: سجيمان)
|
تحية طيبة للجميع
السيد / خدر
Quote: ثانيا اذا كانت اسباب زعلكـ هي ماسردته اعلاه عن رفض منبر الحوار
الديمقراطي والذي احد اعمدتة الاستاذ حسن موسي لطلب انضمامك !! |
هذة المعلومة و الله اعلم غلط ، لانه حسب علمى لم يتقدم د. سجيمان بطلي انضمام الى
ذلك الموقع، ثم ان حسن موسى هو من تعدى على سجيمان بالاستهزاء اولا، و الحقيقة
المعلومة ان حسن موسى لن يستطيع ان يتنزل و يعتذر لـ د. سجيمان، و الواقع ايضا
انك لن تنزل بوستا هناك تطالب فيه حسن موسى بالاعتذار لسجيمان لان مصيره سوف يكون
الاغلاق بامر الادارة ، فمالى اراك يا مولانا تميل الى غير الحق !
ان كنت نصبت نفسك قاضيا بينهما فاحكم بالعدل
و شكرا
| |
|
|
|
|
|
|
|
|
|
Re: يا النبــي نـــوح....من... حســــن اللـوح.."توجد صورة" (Re: سجيمان)
|
Quote: اوكي يا خدر.....
وابداءًا... لحسن النية
لو كتبت بوست في السودان للجميع... وحسن اعتذر
اعدك انني سوف اعتذر له بالمثل...... |
الاخ سجيمان
الإشكال عندي قائم علي فكره نبذ الاخر التي تبنيتها انت و
التعدي علي هذا الاخر بما ليس فيه ..وليس علي الصلح او الاعتذار.
من متابعتي للبوست الرئيسي ( الذي دفعك لكتابة هذا البوست )
و لم اجد شيئ يمس سجيمان هناكـ .. فما حدث هناك كان
استهجان من جانب حسن موسي للمقارنة بين سجيمان
و الطيب صالح التي ذكرهاالاخ انور دفع الله
ولا اظن ان احدنا( انا و انت و حسن موسي و انور دفع الله )
نوازي الاديب الطيب صالح قامة
من جانب اخر .. طالما سجيمان لا يملك عضويه هناكـ
فمن حقه الرد هنا في سودانيزاونلاين لكن كما اسلفت
جاء ردك حاملا العديد من الاتهامات التي لا علاقة لها بحسن موسي
ولا يمكن ان تحسب في خانة الرد علي استهجانه للمقارنة
بينك و الاديب الطيب صالح
من ناحيه اخري ورد ذكر الاساتذة نجاة محمد علي و الدكتور
عبدالله احمد البشير ( بولا) ..
وبولا تُُكتب هكذا يا بشري سليمان ولا تُكتب
بالشكل الذي قصدت به الغمز هناك فهو غمز يؤسس الي السفاهه (في
و بـ) حضرة اعلامنا الثقافية
اضيف انكـ وصفت الاساتذه اعلاه ايضا بما ليس فيهم
اذن انت تجنيت علي الجميع دون وجه حق و بشكل يؤسس للشطط
في الخلاف بذكر (المافي ) ناهيكـ عن الفي كما يقول اهلنا
اعتقد ان عقد صُلح بينكما و تبادل اعتذارات .. اشرف منه ان تسحب هذا البوست
فائق احترامي لسعة صدرك لشهادتي
| |
|
|
|
|
|
|
|
|
|
Re: يا النبــي نـــوح....من... حســــن اللـوح.."توجد صورة" (Re: خدر)
|
Quote: السيد / خدر
هذة المعلومة و الله اعلم غلط ، لانه حسب علمى لم يتقدم د. سجيمان بطلي انضمام الى
ذلك الموقع، ثم ان حسن موسى هو من تعدى على سجيمان بالاستهزاء اولا، و الحقيقة
المعلومة ان حسن موسى لن يستطيع ان يتنزل و يعتذر لـ د. سجيمان، و الواقع ايضا
انك لن تنزل بوستا هناك تطالب فيه حسن موسى بالاعتذار لسجيمان لان مصيره سوف يكون
الاغلاق بامر الادارة ، فمالى اراك يا مولانا تميل الى غير الحق !
ان كنت نصبت نفسك قاضيا بينهما فاحكم بالعدل
و شكرا |
الاخ محمد الامين احمد
شكرا لتصحيحكـ لي .. لقد ساقني الي قولها رد كلمات سجيمان اعلاه بخصوص
انه يرفض الاشتراك هناك و ربما اشتبة علي الامر فلك و لسجيمان الاعتذار
فيما يتعلق باعتذار حسن موسي لسجيمان ارجو مراجعة ردي اعلاه بعد مراجعة
الموضوع الرئيسي الذي كتبه حسن موسي ردا علي انور دفع الله
| |
|
|
|
|
|
|
|
|
|
Re: يا النبــي نـــوح....من... حســــن اللـوح.."توجد صورة" (Re: خدر)
|
Quote: الاخ سجيمان
الإشكال عندي قائم علي فكره نبذ الاخر التي تبنيتها انت و
التعدي علي هذا الاخر بما ليس فيه ..وليس علي الصلح او الاعتذار.
|
مولانا خدر
ما تصلي على رسول الله .....
بالبعتذر منو والمفروض يعتذر منو ...............................
والبداء اصلا بالتعدي منو....................
اى اخر واول يا خدر.....................
خليها معقولة..................................
| |
|
|
|
|
|
|
|
|
|
Re: يا النبــي نـــوح....من... حســــن اللـوح.."توجد صورة" (Re: سجيمان)
|
يا أخ سجيمان تحياتي، والسلام،..
طَيِّب المحبة أولاً قدام كلامي دا ووراهو،..
السخرية من الناس ليس بالشيء المحمود، والسخرية من الفن التشكيلي والفنّان حسن موسى، نقطة تستوجب علينا أن نقول لك، هذا شيء لا يليق بك ولا بالمسخور منه،..
فرجائي إليك أن تقل للرجل كلمة طيبة، وأن تعتذر للتشكيل والتشكيليين،..
وإن كان بينك وبين حسن موسى مَظْلَمة، فابتدر المعروف تكن الأجمل،..
والمحبَّة لك،..
| |
|
|
|
|
|
|
|
|
|
Re: يا النبــي نـــوح....من... حســــن اللـوح.."توجد صورة" (Re: سجيمان)
|
Quote: الأستاذ حسن موسى الفنان التشكيلى السودانى الشهير المقيم بفرنسا ،
يربأ عما قرأت هنا من عواهن قول ممن يجهله !
فهو قد أدى دور الدبلوماسى الممثل لبلاده بفنه كرسام نافس فنانين أوروبيين ، وهو القادم من مجاهل
أفريقيا بشح امكاناتها !
|
الشكر للاخت سكينة,,,
حقيقة لاول مرة اقرأ هذا البوست,,
| |
|
|
|
|
|
|
|
|
|
Re: اين ذهبت تلك الصورة?متى واين اختفت؟ما هو رايك في قرار الحذف؟ (Re: osama elkhawad)
|
الليام دي ماسك فيني جن اسمو الطيب صالح...
تحس في كلامه نبرة عجرفة ولكنك ان وقفت حياله ستجده اطيب خلق الله...ادبا وتواضعا
"" هؤلاء السودانيون اناس كرماء طيبون , فماذا دهاهم.""
"" هؤلاء السودانيون اناس كرماء طيبون , فماذا دهاهم.""
"" هؤلاء السودانيون اناس كرماء طيبون , فماذا دهاهم.""
"" هؤلاء السودانيون اناس كرماء طيبون , فماذا دهاهم.""
| |
|
|
|
|
|
|
| |
سجيمان
Osman M Salih
المعتمد
mamkouna
humida
ست البنات
luai
Abureesh
الزنجي
محمد الامين احمد
Mohamed Elbashir
bushra suleiman
waleedi399
قرشـــو
بلدى يا حبوب
خدر
محمد حامد جمعه
tmbis
محسن خالد
مريم الطيب
Abdulla Ageed
زول ساكت
osama elkhawad
Abuobaida Elmahi
فيس بوك
تويتر
انستقرام
يوتيوب
بنتيريست