دعواتكم لزميلنا المفكر د.الباقر العفيف بالشفاء العاجل
|
|
 ونســــة.... في بيـت... العــرقــي
|
سميرة.....دا الاسم العرفتها بيهو....اسمها الأول ما بعرفو......مربوعة....طواالي تقبل علي اليمين وتبصق.....كنت احترمها جدا.... لانها ما تغش في العرقي......لا حجار بطارية...ولا نيم..ولا بنج حصين.....تديك ليهو عرقي صااااااافي......شعارها.. الأمانة والإتقان.......ومن غشنا ليس منا.......ساكنة في بيت فيهو حوش....... في خشم الباب في كلب ديمة راقد .....يوم واحد ما سمعتو هو هو....وفي نص الحوش في اوضيّن.... زعلانات وحردانات من بعض...وكل واحدة مقبلة علي جيهة....في ركن الحوش الغربي في ادبحانة...ما فيها عرش....راكوبة قدام التكُل....كمية من البنابر مجدعة في الحوش...وتلاتة عناقريب... أي عنقريب فيهن الكرّاب حقو ناقص وجزء من حبالو مقطعّة..ولازمن تكون فيهو كراع مشقوقة من فوق...ومجبرا بي سلك........الحلة كل بيت فيهوكهرباء..علا بيت ناس سميرة.....وقت نجي نشتري العرقي.. عندها فانوس... تشيلو وتدخل جوا التكل....ونحن نتقطع وراها..... بالرغم من ثقتنا المفرطة في امانتها لكن برضو ..قلبنا قاعد ياكلنا.....ونخاف تغشنا في العرقي..........عندها تلاتة شُفع...اعمارهم بين تسعة سنوات وخمسة......ديمة عرايا.......دائما لما اجي... القاهم نايمين فوق عنقريب.... الاتنين الصغار بي راس..والكبير بالراس التاني......الشافع الوسطاني حاقر بي حقارة شديدة.... اول ما ادخل واقيف وانا منتظر امو تديني الكوتة... يصحا من نومو...ويجي يقيف جنب كرعي ...... ويقعد يبول........موقت ساعتو البايلوجية علي مواعيد جيتي......اشتكيت لي امو منو....وانو الولد ما شاف شغلة غيري....... قالت لي وهي زعلاااااانة....... يعني يبول في العنقريب؟.......
مرة جيت.. اشيل الكوتة..... لقيت البيت فاضي من الزباين...عرفت انو في عوجة حاصلة..... وسميرة راقدة ومتغتية بي بطانية..... سعلتها من الكوتة.... قالت لي الليلة مافي... انا عيانة..... عندي ملاريا........ سبيت للملاريا وللبعوضة ولي حقن الكوانين......" ينعل ميتين الملاريا...... الملاريا دي ما لقتك علا انتي يا سميرة؟...... الحلة دي مليانة نسوان..... نسوان ما منتجات ..وما منهن أي فايدة..... ليه ما تجيهن هن؟...تجيكي انتي ليه؟..."............
سميرة مرا طيبة.... علا عيبا الوحيد.. تحب الغُلاط زي عيونا....ومافي شي في الدنيا دي عاجباها.....مرة كنت معاها وسمعت محمد الامين يغني في غنية يا معاين من الشباك....... قلت ليها ..الله دا محمد اللمين بيغني يا معاين من الشباك....... شفتي الغنية دي سمحة كيفين؟....... قالت .... لا لا ...لا سمحة ولا حاجة.....في زول في الدنيا دي بيغني لي زول في حراسة؟......ا ي ي ي..حراسة...... هو منو بيعاين من الشباك علا زول في حراسة........قلت اغير الموضوع......كانت لابسة فستان اصفر...وعليهو نقوش لزهرة السوسن......قلت ليها تعرفي يا سميرة الزهور الفي فستانك ديل..دي زهرة السوسن....... ...قالت لي..."هوءئه...لا...لا سوسن ولا حاجة....... سميرة".........
سميرة دي ياها زاتا القبل كدا قلت لكم ناس اللجان قالو يرحلوها من الحلة......لانو بيتا ملاصق مدرسة الاولاد......انا سمعت الخبر وجيتا..وكنت زعلان جدا....وقلت ليها" شفتي الناس الحاقدين ديل بالله؟......قالو يرحلوكي من الحلة...... خايفين على الاولاد الفي المدرسة الجنبك دي......."..قالت لي" هم ظااااااااطم...ما يرحلّو مدرستهم".....صراحة زاد اعجابي بيها.... وبي وعيها بحقوقها الدستورية...في السكن والإقامة....وحرية الرأي والتعبير...............
|
|
 
|
|
|
|
|
|
|
|
Re: ونســــة.... في بيـت... العــرقــي (Re: willeim andrea)
|
سي جي العزيز
| Quote: يصحا من نومو...ويجي يقيف جنب كرعي ...... ويقعد يبول........موقت ساعتو البايلوجية علي مواعيد جيتي |
ذكرتني قصة عم السيد في عطبرة ..
كان يمشي يسكر في بار تساكوتلس شري أبو رحط لغاية ما يقيف سلك.. و يحبس بولو لغاية ما يدخل الزقاق بتاعهم ..
بعد دة يبدأ يكتب إسمو بالبول ..
يوم كتب إسمو لكن البول ما كفاهو يتم الإسم .. قام نادى جارو المسطول : يا عبدو تعال كمل لى إسمي دة عشان بولي كمل.
رد عليهو عبدو المسطول :
أنا خطي بطال. 
| |
|
|
|
|
|
|
|
|
|
Re: ونســــة.... في بيـت... العــرقــي (Re: سجيمان)
|
| Quote: سميرة.....دا الاسم العرفتها بيهو....اسمها الأول ما بعرفو......مربوعة....طواالي تقبل علي اليمين وتبصق.....كنت احترمها جدا.... لانها ما تغش في العرقي......لا حجار بطارية...ولا نيم..ولا بنج حصين.....تديك ليهو عرقي صااااااافي...... |
يخسسسسسسسسسسسسسسسسسسسسسسسى كلام قلة ادب عشان كدة انا لابتداخل ولا حاجتين
ولا بقول ليك ما كان بتديك كاس الضواقة ولابسألك كنت بتجيب الفاضى معاك والا
بدوك فى كيس ولا بقول ليك ما بتدين وتشخت فى الحيطة ولابعرف حاجات زى ده
تانى يخسى،،،،،
| |
|
|
|
|
|
|
|
|
|
Re: ونســــة.... في بيـت... العــرقــي (Re: سجيمان)
|
لكن يا ابو ساندرا دي بالغته فيها
اها صحبانا اتنين واقفين لمبه ورجعوا البيت لقو اهلو في بيت العرس
اها كاسوا حاجة يتعشوا بيها لقو في حلة كااااربة
امسك سخن واضربو الحلة
اشي مرة جداد واشي مرة فاصوليا واشي مره بامية المهم ما خلو حاجة وهاك يانومه
اها الحجة رجعت من بيت العرس ولقت الحلة الكانت خاتاها في المطبخ فاضية وقعدت تصرخ
يا فلان الاكل اكل الكلب منو
الجماعة ما نامو للصباح
| |
|
|
|
|
|
|
|
|
|
Re: ونســــة.... في بيـت... العــرقــي (Re: حسام يوسف)
|
اللذيذ سيجمان
أزيك ..
أهو أنت جبت الطشمة .. حقو بعد ده تورينا القعدة كانت كيف .. وفيها كم مولعاتي* .. وبمناسبة المولعاتية صدر عن طشمان المولعاتي ود بيت المال كتاب مؤخراً تحت أسم آدب المولعاتية .. أعدك بأن أبرز جزء منه في هذا البوست بس لحقنا القعدة ومنو السوى الحلة
سلام
ياسر
* المولعاتي : الما دافع الشير بتاعو.
| |
|
|
|
|
|
|
|
|
|
Re: ونســــة.... في بيـت... العــرقــي (Re: tmbis)
|
مين تمبس؟....في احد بوستاتي.. الحارة...يا مرحبا مرحبا
الجابك يجيب معتصم دفع الله... لكن اشوفو هناااااك.... في بوست ود اب قناية
| Quote: انت البوديك هناك شنو ؟؟ |
بمشي قلت لك.... عشان الشافع دا يبول جنب كرعي وارجع اهلي.... لانو لو ما جيت ما حيبول
| |
|
|
|
|
|
|
| |
سجيمان
محمد الامين احمد
تولوس
Mohamed Elbashir
abas
willeim andrea
ابو جهينة
صديق الموج
ود شندي
bushra suleiman
Khaalaleyaal
Abureesh
tmbis
garjah
عماد شمت
حسام يوسف
بلدى يا حبوب
فيس بوك
تويتر
انستقرام
يوتيوب
بنتيريست