|
|
 وللقــــرود.....نصــــيب
|
القرد.... العبلاج.... زي ما كانت حبوبتي بتقول....انا كنت معجب بي كلمة عبلاج اكتر من قرد..... احس انو فيها نوع الجرس الموسيقي.....اول مرة اشوف قرد كان لما الحلب يحو البلد..... الحيوانات البيجيبوها معاهم كانت... الحمير والكلاب والقرود.... اغريبة نادر ما يكون عندهم غنم..... امشي اتفرج في القرد.....وانا في غاية الاستعجاب....من الزول العريان دا وعندو ضنب.....برضو كنت مبسوط جدا من القرد الاعمش والنضارة.... لما ابوي كان ينهرني عشان اذاكر وانا ما عندي نفس....... افتح صغحة القرد الاعمش والنضارة واقعد اتفرج فيهو وانا اقرقر ....في غاية الانبساط........وفي حديقة الحيوانات الله يطراها بالخير..... كنت اقيل قبل القرد...... وانا برضو مستعجب.... في كيف القرد قاعد يقشر التسالي...وانا شهر كامل احاول اقشر تسالية واحدة و تمرق سليمة ما قدرت........
وكم مرة اتخيلت انو الناس كل زول عندو ضنب.. وكيف الحياة حتكون....دكاترة للضنب....... الدكتور فلان اخصائي انف واذن وحنجرة وضنب.....ولاّ زول يكون راقد وتعبان .....الزول مالو؟...الزول والله عندو وجع ضنب قايم عليهو والليل كلو ما نام......وحايم بيهو....الرجال يتفاخرو بقوة ضنوبتهم......وبعض الشريرين من الضكور يستعملو الضنب في المشاغلة..... يعني اول ما يشوف واحدة جاية يقعد يهز ليها ضنبو.... ولو واحدة.... حارة تقبل عليهو تنهرو..... يا راجل مالك بي تهز لي في ضنبك؟. والله جنس صعاليق..... يخسي وحات ابوي يخسي......وتلقى الشحادين واحد ضنبو اتقطع في حادث مؤسف يقعد يشحد لانو مسكين وضنبو مقطوع............والنسوان يحنن الضنب مع الايدين والكرعين..... وفي الحفلة تلقى المرا جايبة ضنبها خاتاهو قداما....وتتبوبر بالحنة المرسومة في الضنب....وتقعد تكاوي بها..... رفيقاتا المبشتنات.... الضنبهم اغبش ومافيهو حنة....والحنانات يضعن سعر للحنة ويسعلن بالاول ...دايرة اايدين وكرعين وضنب.....ويكن عيب كبير لو واحدة ما معرسة وحننت ضنبا....رقصة العروس برضو يكون فيها دور لابراز محاسن ضنب العروس.... يعني تقعد تلولوحو باغراء شديد مع ما تلولح من ملحقات.......واغاني الرقصة تشكر الضنب وجمالو......
لعبي ... ....الضنب
عشان يتكسر اب شنب
او
الضنب..... ..لعبي
والعريس.... لهلبي
|
|
 
|
|
|
|
|
|
|
 Re: وللقــــرود.....نصــــيب (Re: فريد ودالمسيد)
|
يا سجيمان
يا دكتور ( ديك تور)
الأتنين عندهم ضنب .. ده ما خيال جد جد
الله يمرقك منها
والله انا ضحكت لمن عيوني دمعت الله يديك العافية
كل سنة وانت طيب والسنة دي اكثر إبداعاً
إسماعيل حميم
| |
|
|
|
|
|
|
|
|
|
Re: وللقــــرود.....نصــــيب (Re: سجيمان)
|
الحبيب سجيمان :
والله ماشاء الله ما نسحرك 2005 دي نشييييييط من البداية ساللي ضنبك وشغال الشغل الما خمج ..
ضنبي وضنبك دخلو الضبانة يقدر ضنبك يضنب ضنبي زي ما ضنبي ضنب ضنبك؟؟؟ ماااا اظن ..
ده كلو هيين اها اخوانا الشعراء ديل كانو يكونو في شعراء العيون وشعراء الحب وشعراء الضنب :
يا ضنب انا كنت قايلك خفت من تعب العفص ..
ومن مجاراة البكاسي ومن شلاليت والرفس...
والعجب غنا البنات :
يا عجبو يعاين لي.. لولح ضنبو يعاين لي ...
حمارتو عارت.. يعاين لي فنيلتو طارت.. يعاين لي ريالتو سالت.. يعاين لي
وفي زحمة المواصلات خليها ساي ..هوي ده منو العافص ضنبي ده ..بالله زح ضنبك من ضنبي ده
وفي الاعراس كمان اوووووو اوووو اووو ده فهم تاني تطلع رقصة اسمها :
الضنب ..الضنب..الضنب يكون فيها الاضناب دي فوووووووووق تتلولح ...
وفي القطيعة وونسة الجكس خليها ساي :
ووووب علي ياااااااااااااااا لولا والله وائل عندو ضنب رهييييييييييييييييييب والعجب سامر مباااااااااااااااااااااالغة ضنبو بس فرو ثعلب ..
الغريبة بعد ده كللللللللللو يا سجيمان ما كنت بتقرا قصة الثعلب المشي يسرق البطيخ وقام ربط اكبر بطيخة طمع منو ولمن جا يجري ضنبو اتقطع ..
صدقني لو كان قريتا ما كان اتخيلت الضنب ده اصلو والله يكفينا قرايتك لكتاب المطالعة لانو الخوف المرة الجاية تقول لينا (طه القرشي في المستشفي)
لك الود
| |
|
|
|
|
|
|
|
|
 Re: وللقــــرود.....نصــــيب (Re: سجيمان)
|
Quote:
يعني اول ما يشوف واحدة جاية يقعد يهز ليها ضنبو.... ولو واحدة.... حارة تقبل عليهو تنهرو..... يا راجل مالك بي تهز لي في ضنبك؟
|
Banana is Banana & Monkey is Monkey
at the same time Horse is Horse
and Donkey is donkey
How u dare sayed, Monkey is a donkey
could u repeat it again
I'm not speaking about tail
يديك العافية أخوي سجيمان .. حٍل الغلوطية دي
| |
|
|
|
|
|
|
|
|
|
Re: وللقــــرود.....نصــــيب (Re: aboalkonfod)
|
سلام مربع
ولو واحد يوم اتمرد يقوموا رفقاء السلاح يمسكوا ليهو زله
انو كان بتلاعب بضنبو ..
ولمن يهددهم بكشف (ضنبتهم)
يقوموا (ينتهكوا) حقوق ضنبو
ويعملوا مؤتمر ينادوا فيهو بالشفافية
بكشف انتهاكات الضنوب الواسعة النطاق
هاهاهاهاهااهاهاهاه
| |
|
|
|
|
|
|
|
|
 Re: وللقــــرود.....نصــــيب (Re: shiry)
|
الأخ/ سجيمان
| Quote: اتفرج فيهو وانا اقرقر ....في غاية الانبساط........ |
الزعلة فكت يا ناس المنبر تعالو
سجيمان مبسوط جنس إنبساطه....
يا أخوي والله خوفتنا أمس قلنا يمكن يطق ليك عرق ولا حاجة...
ساكت.... بلا جنيه...
أعوك من الزعل... ومن الركزة.....
دي سوبا إتخربت..... يوم نجي وما نلقاك...
يا شعبي..... إنت
ولك كل الإنبساط
-----------------
عبدالرازق عيسى الطالب
| |
|
|
|
|
|
|
|
|
|
Re: وللقــــرود.....نصــــيب (Re: سجيمان)
|
الدكتور سجيمان ...الما راضي يتم نفسو ويكملها...عشان يكون سجمان
تحياتي وتشكراتي علي اتاحة الفرصة للابتسام واحيانا كثيرة الضحك(بقرقرتو)..قرقرتو دي زي( بتوضيحاتها)بتاعة الصادق المهدي...
انا داخل أسألك ...دحين فيلك دا باكستاني؟؟؟!!قالو عندهم افيال عجيبة الواحد زي فيل ابرهة...ركبتك ليهو...تجيك نوع حمتك الزمان جاتك ديك..وتشوف قرود،واولاد طهور،والمن القلعة ديك،اللحو،واعضاء(الشنو كدي ما عارف ديك)
لك كل الود
سيف الدولة احمد خليل
| |
|
|
|
|
|
|
|
|
|
Re: وللقــــرود.....نصــــيب (Re: ود الشيخ)
|
يعنى واحد يكون ماشى فى الشارغ يشوف ليهو بنية يقول لى صاحبو .. و الله البت دى مجننانى .. فيها حلاوة ضنب يخلى ضنبك يرجف
واحدة تزعل من راجلا تقولو .. إنتا وين ضنبك مع الرجال
و الأولاد ماشين للمدرسة تلقاهم مكفكفين ضنابتهم عشان ما تتوسخ
النسوان يحلفن بالتقطع ضنابتن
و الواحد يمد ضنبو قدر لحافو
والرجال يقيسوهم من ضنابتن
لكن قول لى يا أب ضنب .. المواضيع دى بتجيبها من وييييييين .. و مشتاقييييييييييييييين
و تتضنب على خيـــر
| |
|
|
|
|
|
|
|
|
|
Re: وللقــــرود.....نصــــيب (Re: سجيمان)
|
سجيمان ،
ٍسلام ،
انت براك كايس لزيادة أعباءك !!!
لأنك تزيد فاتورة الموز للصرف!
ونص متر قماش ينضاف لأى لبسة نسائة أو رجالية !
وخواتم ويمكن غويشات للضنب لزوم اكسسوار !
وريادة حجم الكراسى والبنابر !
وزرع شجر عشان يتلفلف فيه الضنب ساعة القيلولة !
وأردبين تسالى كل أسبوع !
مع الأستعداد لتعويض الكبابى والحاجات البيكسرها الضنب ويعتر فيها !
زائدا فاتورة لعلاج أمراض وجروح الضنب !
ست البنات .
| |
|
|
|
|
|
|
|
|
|
Re: وللقــــرود.....نصــــيب (Re: ست البنات)
|
ست البنوت
Quote: انت براك كايس لزيادة أعباءك !!!
لأنك تزيد فاتورة الموز للصرف!
ونص متر قماش ينضاف لأى لبسة نسائة أو رجالية !
وخواتم ويمكن غويشات للضنب لزوم اكسسوار !
وريادة حجم الكراسى والبنابر !
وزرع شجر عشان يتلفلف فيه الضنب ساعة القيلولة !
وأردبين تسالى كل أسبوع !
مع الأستعداد لتعويض الكبابى والحاجات البيكسرها الضنب ويعتر فيها !
زائدا فاتورة لعلاج أمراض وجروح الضنب |
والله فكرت في نضمك دا......وحمدت الله ان ما سوى لي ضنب....واكان يوى لي ياني القاطعو... نحن ناقصين هم
| |
|
|
|
|
|
|
|
|
|
Re: وللقــــرود.....نصــــيب (Re: سجيمان)
|
الدكتور سجيمان
شكرا على الخيال الرائع دوما والموضوعات الشيقة التي تطرحها بأسلوبك الفريد0 إن ما تقدمه يقع في خانة فنية صعبة المراس حتى بالنسبة لكتاب الكوميديا0 ولعل أجمل ما فيها بعد إضفاء الإضحاك تحريك مشاعر الآخرين للمجاراة والتحليق معك في سماء المادة المطروحة0 لقد أضاف عمر الفاروق شيخ الدين وعلى الحلاوي أو الهلاوي وشيري وست البنات وقد تطول القائمة0 ولم يبق إلا أن نقرأ إضافة منك حول صفات ومهام ضنبك انت بالذات وهل يا ترى تضعه على كتفك كالملفحة لزوم الوجاهة أم أنه سيظل واقفا مثل الأريل يلتقط حوارات الآخرين ويرسلها عبر الأثير0
مع صادق ودي
صلاح يوسف
| |
|
|
|
|
|
|
|
|
|
Re: وللقــــرود.....نصــــيب (Re: سجيمان)
|
والله ياسجيمان ضنبك تحفه اقصد موضوعك تحفه..ياعنى لو نطو عليك حراميه ولا لاقاك بوليس يقول ليك ارفع ضنبك فوق!!!!
ولمن يلدوا ولد جديد التعليق يكون "ضنب ابوه الخالق الناطق" ولا يناديك واحد فى السوق يقول ليك انت ود فلان؟؟؟ نفس الضنب ابوك كيف؟؟ ههاهاهاهاهاهاهاههاهاهاها
والله عندى ناس كتار اتمنيت اشوف ليهم ضنب!!!!
| |
|
|
|
|
|
|
|
|
|
Re: وللقــــرود.....نصــــيب (Re: سامى عبد الوهاب مكى)
|
سامي عبد الوهاب مكي
| Quote: والله عندى ناس كتار اتمنيت اشوف ليهم ضنب!!!! |
يا اخي دي ساهلة جدا
لما تجي تنوم... اتكبت بالبطانية..واتخليم عنهم ضنب....واقعد اضحك عليهمك....والله تصحى الصباح وروحك المعنوية في السما....
| |
|
|
|
|
|
|
|
|
|
Re: وللقــــرود.....نصــــيب (Re: سجيمان)
|
سجيمان .... الله يديك العافية
( وكم مرة اتخيلت انو الناس كل زول عندو ضنب)
طيب انا إقتنعت بتخيلك ده
طيب الأساساً عندهم/هن .. ضنب
يعملو كيف مع ضنبك الجديد ده
عماد عثمان
| |
|
|
|
|
|
|
|
|
|
Re: وللقــــرود.....نصــــيب (Re: سجيمان)
|
سجيمان يا أخوي إنت بتجيب الأفكار دي من وين ولا عندك بنات كتار عشان كده بقوا يقولوا من بنات أفكاري إلخ. المهم في الشأن الضنبي
·الغنماية ضنبها نص رباط على وزن شنب نص رباط
·أما الكلب فضنبو لو ربطت فيها مكوه برضو يرجع تاني يتعوج زي صفارة الشفع بتاعت زمان ديك تكون مدوره أول ما تصفر تتفرد وتبقي عديله وترجع تاني – دي طبعاً ما لبعت بيها لكين كلموني بيها لأنني من أبناء الأقاليم وما عندنا غير شليل وينو أكلو الدودو
·أما ضنب البقرة ففي نهايته كمية بتاعت شعر سبيبي خشن وهو يشبه الهبابات البشيلوها رجال الحبش وبعض القبائل عندنا لزوم الزينه وفي الأعياد الرسمية والشعبية ، وضنب البقرة سيئة الذكر إذا ضربتك بيهو في عينك أخير ترفسك لأنو بقلع لينك عينك من محجرها عديل كده.
·وهناك ضنب الضب وده ضنب غريب جداً فما أن تهبش هذا الضب أو حتى تضرب الحيطة جمبو بالبرطوش على طول يخلي ليك ضنبو ويشتت بدون ضنب وبلا خجله وبعد فترة من الزمن يجيك الضب زاتو بي ضنبو الجديد وهو ربما يستخدم نوع من الكريمات لتساقط الشعر عفواً لتساقط الضنب.
·وهناك ضنب الورل وضنب التمساح.
·أما ضنب الكديس فهذا من أكثر الضنبه – جمع ضنب – البتغيظني خاصة إذا كنت جاي من التمرين ولابس شورت الكديس توش يخش ليك بين كرعيك نظام حنيه وكده ويقعد يتمردغ ويجيك ضبنو في كرعيك لمن شعرة جلدك تكلب أى تكون من الفصيلة الكلبية ربما.
·أما ضنب البعير أو الجمل فيجوز فيه ما جاز للعنز أو الغنماية
·وضنب الحصان أكثر الضنبات شهرة حيث أن ذاع صيته بأن أصبح ماركة تجارية وإسماً كبيراً في عالم التسريحات وهو نوع من التسريحات لا تجوز إلا لصاحبة شعر غجري مجنون يسافر في كل الدنيا مش زي شعر فاطنه بتي اليادوب يسرحو ليها السودان قفل.
وللضنبات بقية ، يا سجيمان يا أخوي ، الطريف أن ضنب التور يتم تضبيب العصا به ويكون الناتج عكاز يرميك على حمير – ضم الحاء وتسكين الميم وتشديد الراء بعد فتحها – قفاك.
| |
|
|
|
|
|
|
|
|
|
Re: وللقــــرود.....نصــــيب (Re: almulaomar)
|
الملا عمر
ايها الرجل الحديقة
الحديقة دي اتعلمتها من المنبر انا
اما انا بعد ما اكمل بهايمي ديل..حاكون سجيمان ايها الرجل الزريبة
| Quote: سجيمان يا أخوي إنت بتجيب الأفكار دي من وين ولا عندك بنات كتار |
فعلا عندي كمية من البنات.... لكن سمحات احمد الله..الشعر سبيبي والعيون فناجين...
| |
|
|
|
|
|
|
|
|
|
Re: وللقــــرود.....نصــــيب (Re: عماد عثمان)
|
عماد عثمان
Quote: هل للضنب .. فوائد
طبية .. ورياضية
|
نعم.....
طبيا....ممكن مرا يكون عندها شافع عندو وجع راس وهو دايرا تمسك ليهو راسو وهي تكون مشغولة قاعدة تورق في ملوخية مثلا.... بدل ما تخلي الملوخية..... تقول كدي وتجيب ضنبا وتلويهو للشافع في راسو.... وتستمر في وريّق الملوخية......اتخليت المنظر البديع دا؟
رياضيا... لو انت في السودان وقاعد تلعب بلي... اصلو ما حتدنقر تعمل شخيت... تشخت الواطا بي طنبك..وانت واقف ومرتاح...... يا لها من نعمة
| |
|
|
|
|
|
|
|
|
|
Re: وللقــــرود.....نصــــيب (Re: سجيمان)
|
ياجماعة في سوال مهم الناس ما ختت بالها ليه ,,,
و اي زول حسب فهمو طبعاً ..
الضنب البنتخيل فيه ده فيه صوف ولة ضنب املس ساكت كدي ...
لو الاحتمال التاني كدي نتخيل،،،
ضنب .. و املس .... ده هسكون منظر غريب جداً ... و باذات مع الحنة ....
بيني و بينكم الله ستر الما بقى عند البني ادم ضنب ...
عشان ما ممكن يكون عندو لسان و ضنب ...
و دمتم ..
| |
|
|
|
|
|
|
|
|
|
Re: وللقــــرود.....نصــــيب (Re: Sobajo)
|
: Sobajo
Quote: الضنب البنتخيل فيه ده فيه صوف ولة ضنب املس ساكت كدي ...
لو الاحتمال التاني كدي نتخيل،،،
ضنب .. و املس .... ده هسكون منظر غريب جداً ... و باذات مع الحنة |
عشان نريح دماغك..... الشنب حيكون املس البطن.. اشعر الضهر... يعني الحنة حتكون من جوة...والدايرة نوري حنة ضنبا تقلبو..تقلبو في وشي العدو
| |
|
|
|
|
|
|
|
|
|
Re: وللقــــرود.....نصــــيب (Re: سامى عبد الوهاب مكى)
|
| Quote: سجيمان بالله ورينا فائده الضنب لاصحاب المهن المختلفه ابتدا من رجال المرور!!! |
ناس المرور ممكن يستفيدو منو في التاشير للعربيات.....وممكن يكتبو بيهو الغرامات...
المدرسين..ممكن يدقو بيهو الطلبة..ولو ضنب مفروش ممكن يمسحو السبورة بيهو....
وبعدين طبعا البناطلين حيكون فيها جيب طويل عشان يدخلو فيهو الضنب..ويسموها مضنبّة....طبعا دا بيستعملوهو الناس المؤدبين الما دايرين ضنبهم يتكشف علي امة محمد...وبرضو للمحجبات....
الفنانين ممكن يمسكو بيهو المكرفون ويخلو الايدين للرقيص...وبرضو يكون في فنان حريف في دق العود....وممكن يدقو بي ضنبو....
والباقي فكر فيهو انت
| |
|
|
|
|
|
|
| |
سجيمان
Mohamed Elbashir
Ismaeil H. Mohamed
دورنقاس
Adrob wad Elkhatib
aboalkonfod
shiry
A.Razek Althalib
ست البنات
Salah Yousif
نيازي مصطفى
Sobajo
فيس بوك
تويتر
انستقرام
يوتيوب
بنتيريست