|
|
 والله غايتو جنس بياخـــــة.........
|
الواحد كان يجي يفتح الصفحة الاولى قبل ما يمشي الشغل.... يصطبح بي شكلة كدا...ولا شوية شتيمة...تفتخ نفسو.... ويطلع من البيت مبتسم..... ويغني صابحني دايما وابتسم
حسي جيتي وامبارح كانت العوة لي رب السما.... جيت لقيت الكراسي بس وشوية ناس ...فيهو الواعي وفيهم البايتة معاهو...والبايتة معهو يعاين لك ويقول يا اخينا الواطة لسه ما صبحت الشمش دي يعني غريت رايها ولا شنو؟... ما دايرة تطلع... وتقولو عاين الشمش تراها ديك كبيرة وتلفتو ليها.... يعاين لها ويقول لك انت قايني داقس يا معلم... دي لمبة عمود الكهرباء....والنضم الفي البوسطي نضم ما عندو طعم.... كلو.... "كل سنة وانتو طيبين... سنة جديدة حلوة".. كلام حناكيش ساكت.... وين الكلام اليملا الاضان.... النضم اليخلي الزول ينتعش ويرتعش.. الواحد اصيب بانبحاط شديد....اصلو الواحد منبحط خلقة.......
وبكري الحاسد.... ما خلا لينا ولا بوسطي واحد بتاع شكلة نتسلى بيهو....وبعدين الصور صور الناس السمحين.... علا الزول يمشي يبعبش في المركون حتين يلقاها....دخلت بوسطي حسي.... بوسطي وحات الله زي المشيت سوق الملجة..... كلو جلاليب وعمم وكل زول شايل شنبو قدامو ويحمر لك بلا سبب.....نكد.....وين ناس البسمة بالجنبة...والعيون التي في طرفها حور...والخشيم الودعة....خلو لينا العيون التي يتطاير منها الشرر.....والخشم ذو السفة العنقودية.. التي تتبصق على تلاتة مراحل.....ولما السفة تقع في الواطة تتفرتق وتتدردم تاني وتنقسم الي سفيفات صغيرات...وتستمر في التدردم والانقسام الي ان تتلاشي.. وتذروها الرياح........
صراحة انا منبحط..... ومتصنقع غضبا....ومستحرج من صباح المنبر الزي صباح بيت العرس....اليجيب الغم
كل سنة وانتو طيبين
|
|
 
|
|
|
|
|
|
|
|
Re: والله غايتو جنس بياخـــــة......... (Re: سجيمان)
|
سجيمان
بركة الشيخ القعد فى فروتو وقال ما يمشى الا يعرسو ليهو نانسى عجرم
تانى ما نشوف عكاكيز تتطاقش هنا ... انت عارف الكتاحة امبارح ما خلتنا
نستقبل راس السنة الكبيسة كويس ...
كل سنة وانت طيب يا رب
| |
|
|
|
|
|
|
|
|
|
Re: والله غايتو جنس بياخـــــة......... (Re: سجيمان)
|
يا دكتور في شنو...؟؟
الحاصل شنو...؟؟
الناس دي مشت وين..
والعفش الكتير دا مشى وين..؟؟
الناس ديل رحلو ولاشنو...؟؟
جات كشة ونحن ما عارفين...؟؟؟
يا بكري الواحد يمشي يروس يجي يلقى عفش البيت كلو مافي
ولا حتى باقي آثار آخر شكلة ما يلقاها؟؟؟
بالطريقة دي السنة الجاية الواحد ما يمشي يروس..
| |
|
|
|
|
|
|
|
|
 Re: والله غايتو جنس بياخـــــة......... (Re: سجيمان)
|
سيجمان
بوصيك اشترى شريط الكاشف (صابحتى دايمن مبتسم) بس على شرط بصوت ندى القلعة ونزله لينا فى البوست تعال شوف ناس
| Quote: كلو جلاليب وعمم وكل زول شايل شنبو قدامو ويحمر لك بلا سبب.....نكد..... |
يا جدع عمم وحلق شنب وجنس جرسة
كل سنة وانت طيب
نحياتى
| |
|
|
|
|
|
|
| |
سجيمان
abas
Mohamed Suleiman
أحمد الشايقي
Marouf Sanad
زول ساكت
Rashid Elhag
Hussein Mallasi
A.Razek Althalib
ست البنات
fadlabi
Muhib
Salah Abuhigill
alfatih
humida
بلدى يا حبوب
فيس بوك
تويتر
انستقرام
يوتيوب
بنتيريست