|
|
 والله الليلة...علا تقـــولو الــروب
|
"الشلوخ واثرها في مسيرة الحركة الوطنية السودانية"
للجضوم السودانية تاريخ ناصع في النضال ضد المستعمر.. بما تحمله من شلوخ..ولكن المؤرخين الله يهديهم قد تجاوزوها وتجاوز دورها.....
كان الاستعمار..قد درج على مكافحة كل انواع المقاومة الوطنيةولكن الشعب السوداني بذكائه وفطنته قد استطاع الالتفاف على كل محاولات الاستعمار البغيض...في وقت كانت فيه الصحف ممنوعة والنشرات السياسية ممنوعة...وكذلك لم تعرف ثقافة وادبيات الكتابة علي الحيّط والجدران.....في ذلك الوقت...تفتقت عبقرية الشعب السوداني على ان يستعمل جُضومه..في الكفاح والنضال ضد الاستعمار....واذنابه اولاد الكلب...وانا اتحدى اي حركة تحرير في العالم استعملت جضوم شعبها في المقاومة.....وكانت الشلوخ....
الشلوخ...كانت وسيلة ناجعة وناجحة في مقاومة المستعمر البغيض..مما تشير اليه من اشارات ذات دلالة واضحة علي منهجية وسلوك وطرق المقاومة.......
مثلا هناك شلوخ التحدي والتصدي والتصادم مع المستعمر وهذه تمثلها الشلوخ الواقفة علي حيلا في انفة وكبرياء وتحدي واضح....كشلوخ"المطارق"...وشلوخ "دموع الحمارة"......والتي تكون دائما ثلاثة خطوط طوليه واقفة لمبة
وهناك الشلوخ التي تدل على النهج السلمي والحل السياسي....وهي الشلوخ الراقدة.كشلوخ اهلي الشايقية وجزء من اهلي المناصير....
كذلك ظهرت الشلوخ التي تعبر عن مرحلة معينة من تاريخ النضال.....مثلا الشلوخ التي علي شكل حرف الاتش الانجليزي.....انتشرت وظهرت مع الحرب العالمية التانية....عندما كانت انجلترا تستعمر السودان وتحارب المانيا....ان حرف الاتش في الشلوخ هو الحرف الاول للمستشار الالماني في ذلك الوقت..."هتلر"....وهذه الشلوخ توضح مدى تعاطف السودانين مع الالمان ولبغضهم الشديد للانكليز...وعدو عدوي صديقي.....كانت تمثل مقاومة سليمة وحرب نفسية ومكاواة للباغي الانجليزي....واي سوداني مشلخ اتش في تلك الحقبة من النضال المشلخ...يقابل اي انجليزي ويروح مادي ليهو جضمو ذو الاتش..فيتطرطش الخواجة........
كذلك في فترة متاخرة من الاستعمار الانجليزي...ظهرت الشلوخ الستة....وهي عبارة عن ستة شلوخ مرصوصة بانتظام شديد في فردة الجضم الواحد...كانت تمثل دعوى واضحة وسافرة للكفاح المسلح ضد الاستعمار حيث ان الصفين يمثلان صفين من الجنود او الطابور العسكري.....
اما شلوخ"مُدقاق ود بدر"...... لعمري انها الشيوعية بعينها.....والتي انتشرت في البادية والريف.... لتجنيد المسحوقين من الرعاة والمزارعين...حيث ان المُدقاق يمثل المطرقة من غير منجل.....وما كلمة ودبدر الا للتمويه......
لله درك من شعب عظيم ....عرف كيف يقاوم الاستعمار بي جضومو...
سجيمان جُُضم الفيل
رائد الحركة التصحيحية لمفهوم الشلوخ
المراجع
الشلوخ والادارة الاهلية---- حسن ابو شلاّخ
شلوخ في حياتنا-----------أ.د. عبدو تي
ملحوظة:-
لو ماقلتو الروب...... الموضوع الجاي حيكون" الختان الفرعوني وتداعياته علي اتفاقية مياه النيل"
|
|
 
|
|
|
|
|
|
|
|
Re: والله الليلة...علا تقـــولو الــروب (Re: bayan)
|
د.بيان
Quote: اولم تسمع الشايقى بيشاكل ضلو؟؟؟
|
هذه رؤية وجودية... تعبر عن مذهب وجودي شايقي معروف وصاحبه سنجك بول سارتر....
| Quote: قلنا نجرب الباسورد حقى الجديد فى بوستك دا |
مبروك الباسورد الجديد....وتقطعيهو بي شكلة العافية
| |
|
|
|
|
|
|
|
|
|
Re: والله الليلة...علا تقـــولو الــروب (Re: سجيمان)
|
دكتور سجيمان يبدو انك قد جنحت مرة اخرى الى الفهم المغلوط للمصطلحات ويبدو ان هذا هو ديدنك الذى تتبعه..ان الوجودية السنجكية تختلف كثيرا عن الوجودية السارترية..
الوجودية السنجكية تجترح مفاهيمية يا نحنا يا تغرق..اذ ان فهمهم للوجد يتمحور فى تمحورهم الذاتى وانانيتهم غير المسبوقة..
فهم مثلا يستخفون جدا بمقولة ان حريتى تنتهى ببداية حرية الآخر
ولكن تجدهم يعضون بالانياب على الاخرين هم الجحيم لازم نفطسهم ونكرهم وننجضهم حيين.. ولذلك يا دكتور يجب مراجعة كتب شايقية رغم انفكم
وكتاب شايقية الما عجبو غلبو.. ستجد الفهم الحقيقى لمعنى الوجودية للسناجك.. ويا فيها يا اطفيها..
ا
المرة دى :الباسورد دا ما ببوظو اصلو فى زول هين كان لقيتو بالهين ولا بالهين.. هل عندك اى اقتراحات؟  
| |
|
|
|
|
|
|
|
|
|
Re: والله الليلة...علا تقـــولو الــروب (Re: bayan)
|
| Quote: هل عندك اى اقتراحات؟ |
الاديبة الاريبة..... الشِبكة.. الدكتورة بيان.....بما ان المذهب الوجودي السجيماني يقوم على مبدأ "انا اسوطا اذن انا موجود"......نقترح عليكم تبني المذهب....وتسوطيها مع العدو والصليح.....لكي لا يعرف لك مبدأ ولا قانون..وتحيري وتمحني الناس...وتعقد لك الاجتماعات والندوات....وجلسات البال توك...محاولة لتصنيفك....وانا متأكد في النهاية النتيجة حتكون انك زولة ما عندك موضوع زيك وزي سجيمان... ولكنك من الخطورة ببكان....ان تزويدك بسلاح الباسورد جاء بعد وساطات واجتهادات....وتدخلت كل القوى السياسية الاقليمية.....بشرط ان تستعمليها في الاغراض السلمية..والا سوف تكونين عرضة للجنة تفتيش باسورد الدمار الشامل..... يعني اي كلمة تكتبيها سوف تخضع للتدقيق والتمحيص... وعليه نرجو ان تحاولي ان تتعلمي التهكير...ودخول المنبر من ورا حجاب....لكي لا يكون مصيرك باكلمة تحت رحمة من يملكون تكنلوجيا الباسورد.........والله ولي التوفيق
الامضاء
سجيمان خشم الموس
| |
|
|
|
|
|
|
|
|
|
Re: والله الليلة...علا تقـــولو الــروب (Re: zola123)
|
يقول الفنان الذري ابراهيم عوض في رائعته الشهيرة:
الشلوخ مطارق
جوز البرتكان
الكان في قلبي حارق..
المفكر والمؤرخ سجيمان شلولخ،
ما هي العلاقة النضالية بين الشلوخ وجوز البرتكان؟
خاصة وأن جوز البرتكان الحارق هذا قد شبه بالمدافع في العديد من أغاني الحقيبة..؟؟!!
| |
|
|
|
|
|
|
|
|
|
Re: والله الليلة...علا تقـــولو الــروب (Re: سجيمان)
|
لا و انت الصادق ..
دي بالسوداني و بالمحسي كمان ...
لكن معبرة اكتر ... بالذات لمن يقولوها الحريم ,,,. , و معاها رنة الصوت و بعض الصريخ و العوري و و و و ويبيويووووووووووووووووووووووووووووووووووووووووي يا أهلنا ...
| |
|
|
|
|
|
|
|
|
|
Re: والله الليلة...علا تقـــولو الــروب (Re: سجيمان)
|
أخي دكتور سجيمان
الشلوخ تشويه عديل كده ، فقد سأل أحد الأسيويين أخونا الهدندوي في دولة من دول المهجر وبلسان أعجمي "ربنا يديك شكل جميله إنت ليه في خرب" فبهت صديقنا الهدندوي ولم يستطيع أن يجيب على هذا السؤال أو يجيب معاهو محامي ليك يا حبيبي وبعد جهد قال مخاطباً صديقه الأسيوي يا أخي مش أنا ديل أهلي الله يسامحهم أمشي أسألهم.
هناك واحده قريبتنا مشلخة شلوخ عميقة جداً لدرجة أنه يخيل لي لو شربت شاي أو أى مشروب حار أو أكلت لقمة كبيرة أو دخنت شيشه أوعزفت ساكسفون أو هارمونيكا جضومها حا تتخرم وتكون محتاجه لي رقعة نار.
أغرب شلوخ رأيتها هي التي تمثل 171 بالعربي طبعاً والحمد لله أن الكثير من الحروف الإنجليزية كانت حروف عله في نظر المشلخين والمشلخات وإلا ماذا يكون رد فعلك إذا رأيت شخص مشلخ small q أو capital W أو F أو Z وفي الأخيرة تحديداً حا يبقى الجضم زي باب بيت ناس علي قريص من الداخل أو شبابيك بيوت قشلاق البوليس.
كنت كثيراً ما أسأل نفسي كيف لأمثال قريبتنا من المشلخين في الأرض أن يستخدموا كريم نيفيا أو 21 ناهيك عن الديانا والفير أند لفلي ويخيل لي في حالتها يجب تقفيل العراميص إبتداء بأى مادة ومن ثم تتمسح . وإذا كانت الشلوخ نوع من أنواع الجمال في زمان ولي فأحسب أنه يجب أن تقتصر على جنس النساء دون سواهن فما بال الرجال يتشلخون هل هو نوع من أنواع الحنكشة يا حاج فضل أم ماذا؟ وبي كده تكون حكاية لا بخاف ولا بتر طلعت فشنك ودعاية ساكت.
أما شلوخ القبائل النيلية وبخاصة في جنوب البلاد فهي أشد غرابة وإن كانت أكثر جمالاً من شلوخ أهل الشمال لأنها تمثل لوحة فنية رائعة إستنفذت صبر المشلخ ورجالته أثناء عملية التشليخ ، فهناك نقاط صغيرة زي الجدي الكاذب أو البرجم وهي تشبه فيما تشبه غربال رمل من النوع الخشن وهناك تلك العلامات التي تماثل حرف الـ V بزاوية أكثر إنفراجاً وإن كان مكانها الجبهة لا الجضم وأيضاً تلك الدوالي الكثيرة على الجبهة والتي تشبه حبات الذبيب أو المسبحة الصغيرة ، وطبعاً أهلنا زادو على حرف الـ H خط إضافي وبقي إتش دبل كابين أو كابيتال كابيتال إتش أو سلم صغير على شاكلة تلك السلالم التي تشتخدم في محلات الأحذية والسوبر ماركيت.
أخيراً تمنيت لو أن شلوخ أهلنا المساكين كانت رسومات على شاكلة الوشم فكان بالإمكان أن نزيلها بالليز.
| |
|
|
|
|
|
|
|
|
|
Re: والله الليلة...علا تقـــولو الــروب (Re: سجيمان)
|
الروووووووووووووووووووووووووووووووووووووووووووووووووووووووووووووووووووووووووووووووب
قول اتنين يا سجيمان ... و بعدين انت ما ملاحظ معاى انو دي اناجريته شويه
المهم يا شليخان ااا أقصد سجيمان
انت ما وريتنا اسع قصة الجماعة المشلخين خطين واقفات زمبا أعلى الجضوم و فى خط مستقيم مع الاضان
تحياتي ... ناصر البطل
| |
|
|
|
|
|
|
|
|
|
Re: والله الليلة...علا تقـــولو الــروب (Re: سجيمان)
|
| Quote: ان حرف الاتش في الشلوخ هو الحرف الاول للمستشار الالماني في ذلك الوقت..."هتلر".. |
يا سجيمان هنالك مقولة اخرى انو الناس المشلخين (اتش) ديل اصلهم جو من هولندا وجابو (سمنة) ولمن ما إتباعت ليهم قعدو قبلم.
حاجة تانية ..المشلخين (تى) ديل قالو اصلهم من تايوان جابو (سفنجات) وابت تتباع ليهم وبرضو قعدو قبلم..
غايتو ده السمعتو..
ولو شينة الله يكضبا..
ارقد عافية..
| |
|
|
|
|
|
|
|
|
|
Re: والله الليلة...علا تقـــولو الــروب (Re: ناجى الزبير الملك)
|
kaaaaaaaaaaaaaaaaaaaaaaaak
ياخي شكيتك علي الله
رجعت لي كاروشة الضحك تاني
هسة أسوي شنو انا
زمان كانت حبوبتي صبر هان وهي من اصول كديسية
بتقول لي أكتر حاجة مخلياها ما راضية علي جدنا المرحوم
عبد الفتاح انو شلخها
والله لو قريت ليها البوست دة تفتح فيك بلاغ رسمي
| |
|
|
|
|
|
|
| |
سجيمان
bayan
mulhim
zola123
Dr. Moiz Bakhiet
Sobajo
المكاشفي الخضر الطاهر
almulaomar
nasiradin
قلقو
willeim andrea
saif massad ali
omar_ragab
walid taha
nour tawir
حبيب نورة
خضر عطا المنان
فيس بوك
تويتر
انستقرام
يوتيوب
بنتيريست