دعواتكم لزميلنا المفكر د.الباقر العفيف بالشفاء العاجل
|
|
 واضــربوهــن واهجــروهن في المضــاجــع
|
هن رحمة لنا....ونحن رحمة ليهن.... ان رضن اوابن.....لو لاهن ما كنا ولولانا ما كانن....النسوان متعة الدنيا وشقاوة الدنيا... وبعد مرات يكرهنك الدنيا..
حاجة نفيسة بت ابضراع....راجلا ميت... وعندها ولد واحد ومعرس...مرضت مرض شديد....ولدا وداها الدكتور.... الدكتور قال لو امك عندها مرض حامد....امك عرس لها...وهي بي برة قاعدة وتسمع في النضم....وفي سرها تدعي للدكتور... انت يا يابا يعرسو لك بنات الحور.....وربنا يسهل عليك ويعدلا عليك محل ما تقبل....يا الفاهم....ان شاء الله يا يابا لا تفوت لا تموت.....دا كلو في سرها والضحك والبسط والكيف داير يكتلا.....
في الدرب... سعلت ولدا زي التكنها ما سمعت شي..... السند ولدي.. الدكتور قال لك شنو؟؟؟؟؟؟ نعل مو دايرين يسو لي عملية؟.وقعدت تتنخج وتبكي.. شوفتو شفتنة العجوز دي؟....ولدا قال لها لا يا يمة.... الدكتور قال يعرسو لك.....دحين حسي انا داير اكوس لك راجل..وبعدين يا يمة انت عارفة حق الراجل عليكي.. اصلك ما تغليتي عليهو....والراجل من حقو يدقك ويهجرك في المضجع... المضجع يعني العنقريب يا يمة...قالت لو... الدق دا وحدوووو ما بقدر عليهو.. علا هجر العناقريب دا هئ هئ هئ هئ الله يجازيك يا السند وحات الله خجلتني واكلت لحم وشي..... انت يا البلا الحلب ؟؟؟.... بري بري منك......عاد يا اخوي اشتري لنا عناقريبن جُداد.....عرسو لي حاجة نفيسة....وصباح يوم العرس ولدا جا يصبح عليها.... يمة كيف اصبحتي...... قالت لو انت يا يابا تصبح نبي...يا البترضي علي امك......"من التراث"
حضرت مجلس صلح..... بين راجل ومرتو.....المرا مقعدنها في واطة الله....والرجال فوق عناقريب....المرا باين عليها مضروبة ضرب شديد...والجروح باينة في وشيها...المرا قالو غلتت علي الراجل...وشيخ المجلس قال لها تقومي تقعي للراجل دا فوق راسو....وتتعضري لو.... المرا قامت وسلمت علي راس الراجل واتعضرت....لاقيت الزول صاحب القصة دي ..وسعلتو... قلتو انتو مالكم؟....قال لي .. المرا يا سجيمان اخوي شليقة....وما بتعرف تنضم... جيت انا من برا المغرب تعبان قلت لها امرقي لي...العنقريب دا في محل بنوم لانو لو غيرتي بكانو ما بقدر انوم....... ضحكت وقالت سمح... ايوا صُح والله .....وربنا زاتو قال ضنب الكلب عمرو ما بيتعدل....شفت جنس النضم دا؟...دا نضم يقولوهو لي زول جاي يرتاح عند اهلو؟... وهي قايلاها ونسة وونسة سمحة كمان...... يعني بقيت انا واحد من اتنين يا كلب.... يا ضنبو.......وقالت ربنا قال؟...دايرا تقول ربنا نضمن ماقالو شفت قلة ادب المرا دي؟..وامسكها ادقها لك دقة امها بت اعم ابوها واخنقا واهجرا فوق العنقريب لمن قربت تفطس....وقلت لها اوريك النضم القالو ربنا بالصُح..... ربنا قال اضربوهن واهجروهن في المضاجع.....زي شغلتي دي حسي.........
|
|
 
|
|
|
|
|
|
|
|
Re: واضــربوهــن واهجــروهن في المضــاجــع (Re: Ahmed Khalil)
|
سجيمان أخوي،
الليلة شيل شيلتك مع ناس مكافحة التمييز واضطهاد المرأة والإعتداء عليها
الضرب ما مشكلة .. لكن الكلام في الهجر البغطّس حجر العناقريب ده..
الحكاية دي أوع تجيبها عندنا في الأضواء يقوموا «الحسنوات» البكتبن في الصفحة والبقرنها يهجروها لينا في المضاجع
| |
|
|
|
|
|
|
|
|
|
Re: واضــربوهــن واهجــروهن في المضــاجــع (Re: سجيمان)
|
Quote: د.معز
Quote: لكن الكلام في الهجر البغطّس حجر العناقريب ده..
باقي لك دا نضمن بي يزعل النسوان؟ |
تب ما بزعل يا سجيمان لكن انت ما فهمتني يا اخوي.. أنا قصدي وينهم هم البهجروا لامن يغطسوا حجر العناقريب ديل؟؟..
جيب أضانك أحدثك:
فهمتني يا اخوي؟؟!!
| |
|
|
|
|
|
|
|
|
|
Re: واضــربوهــن واهجــروهن في المضــاجــع (Re: Abdalla mohamed)
|
سجيمان الله يقطعك ، داير تعمل لينا مشاكل ياخي
قريت الكلام قدام المرة ، والله مرقت مادا بوزة التقول خاتا سفة وقالت سجيمان ما عندو زول يسالوا في البورد ده. والرجال ديل يمشوا وراهو.
الكلب ينبح علي ضنبو وجائي تلخبطا معاي ( الا هددتها بإستعمال الفيتو اقصد استعمال الضرب والهجر.
| |
|
|
|
|
|
|
|
|
|
Re: واضــربوهــن واهجــروهن في المضــاجــع (Re: Ishraga Mustafa)
|
| Quote: . معز.. كل شىء ولا الضرب |
إشراقة الغالية،
معقول أنا أضرب؟ وامرأة كمان؟؟!!
لا وألف لا.. وكلا ثم ألف كلا؟
ألم تقرأي لي في هذا البورد: وهل أتاك حديث عشقي؟؟
أنا كان قصدي حاجة تانية وسجيمان ما فهمها لكن شرحتها ليهو فوق بالواضح والصريح وهسة هو فهمها وشوفيهو بدا يسأل من شنو؟؟!
سلام ومحبة
معز
ملحوظة: والله دي ما خوفة ولا فكة بيرق.. دي ريدة سااااكت
| |
|
|
|
|
|
|
|
|
|
سجيمان في نيجريا (Re: سجيمان)
|
صاحبي الكوميديان المبدع سجيمان -وكمان جابت ليها سجع-
تعرف انت احسن حاجة تمشي تسكن مع قبيلة في نيجريا
من ضمن قوانين القبيلة انو الراجل لو وقع وهو بيحاول يدق مرتو,
المرة عليها تشتري خروف من حر مالها ,
وتعزم كل الجيران والاصحاب
وتطبخ الخروف كلو بدون اي مساعدة من اي احد
وما تاكل الا بعد ما ياكلو الضيوف كلهم ان فضل ليها حاجة
وبي كدة تكون قد ارضت الاله وتحاشت غضبو لانو راجلا وقع وكت كان بيحاول يدقها ,
وعند القبيلة انو المرة البيقع راجلا وهو بيحاول يدقها معناها انها امراة شوم وعديمة البخت والشيطان معشعش فوق راسا
اها يا سجيمان لو مرتك عملت ليك عزومة لانك وقعت وانت ساكيها,
ارجو انك ما تنسانا من العزومة
المش--------------------------------------اء
| |
|
|
|
|
|
|
|
|
|
Re: واضــربوهــن واهجــروهن في المضــاجــع (Re: سجيمان)
|
سجيمان
انتو ناس اهجرها و اضربها قايل روحكم رجال
هاك شوف الرجاله دى
(1)
دى اسمها اشحنها فى الشوارع ... سجارته بى مزااااج
(2)
دى اسمها
راجلى راجلا كلس
حبيتو وقفلنى فى قفص
(3)
بيرتى وبيرتك
اسباب شلعتى
بالمناسبه الصور دى من منافسه سنويه اسمها Man of the year
serenader
بتاعين اونلاين
اهكروهن فى المواقع
| |
|
|
|
|
|
|
|
|
|
Re: واضــربوهــن واهجــروهن في المضــاجــع (Re: سجيمان)
|
فى دى انا معاكم ياسجيمان و د معز
لجلب اكبر قدر من الاهتمام لقضيه مهمه كنتم انتم الضحايا...
اعتقد الكوره دقت فى العراضه المره دى زى ما بقول تاج السر...
تعيشوا و تاخدو غيرها..
انت يا دكتور المعز ابقى زى سجيمان قلبك ميت وما تهببو لزول.
النصرى
| |
|
|
|
|
|
|
|
|
|
Re: واضــربوهــن واهجــروهن في المضــاجــع (Re: Elnasri Amin)
|
يا النصرى
عناوين الصحف بكره حتكون كالاتى
روضه تشن هجوم مفاجئ على سجيمان ومعز
طائرات رودا تلقى بحمولتها من مسافات قريبه متحدية الرادار
المعز يعلن حالة الطوارئ ويخرج ترسانته من الاسلحه القديمه
بينما اكتفى سجيمان بسلاح عدم التهبيب المجرب من قبل
| |
|
|
|
|
|
|
| |
سجيمان
Dr. Moiz Bakhiet
saadeldin abdelrahman
saif massad ali
Sidig Rahama Elnour
Ishraga Mustafa
osama elkhawad
osly2
Agab
فيس بوك
تويتر
انستقرام
يوتيوب
بنتيريست