دعواتكم لزميلنا المفكر د.الباقر العفيف بالشفاء العاجل
|
|
 هـل عندك استعـداد تـتـزوج جنيـــّة؟.."لا توجد صورة"
|
اي حاجة بتاعت استثمار قلت احاولا... لقيت الناس قدامي يصوطو فيها.....لكن مافي زول راجل ود رجال قال داير يستثمر الجن....ولا حتى امريكا ظاطا..... انا غايتو نويت استثمر الجن....زمان سعلت واحد عن الحكاية دي...وكيف اعمل علاقة مع الجن....ونستفيد من بعض... ونعمل منظمة تجارة.....الفلاتي قال لي انت ممكن تجيب السُفلي.... وقت وصف لي لقيت شروط السفلي شروط تعجيزية..... ما بيقدر عليها علا زولن قنعان من الدنيا...وقنعان من حاجات كتيييييييرة....لانو السفلي بن كلب... واي سفلي في ضُمة الفلاتي... اي سفلي قليل ادب...وممكن يتلوم في اجعص راجل ..لوم كبير...اها نبقى لي زي دا عاد....؟؟؟؟....وبعدينك قالو الزول العندو سفلي.... السفلي لا بيخجل ولاحاجة.... متين ما مزاجو جاهو.... يكر الزول من وسط الناس.... ويمشي بيهو ركيّن...ان شاء الله لو واقف في موقف باظات الكلالكة ونصت نهار.......
الانترنت... احسن مجال للجن..... يجيك في الماسنجر ويضيفك....ويقعد يتونس معاك....... يعني بعد مرات تلقى ناس اضافوك في الماسنجر... وقعدو... يتونسو معاك.... لو انت ضكر.... تجيك جنيّة انتاية...وتقعد تونسك بالحبكانة والحبحبة...وانت مبسوط....تضحك سنيّن سنيّن....وممكن تعرض عليك الزواج....وانت تقبل اها ان قبلت شيل شيلتك عاد...وبعدين ممكن يكون معانا في المنبر دا جن عضو...وعضو فعّال....لكن بكري ان جنّ ما بيقدر يحظرو....والله بكري يحظرو... تجيهو كدايس في الليل في بيتو وتقعد تخربش في صلعتو...للصباح....وممكن تعمل حفلة فوق الصلعة.. وتقلب الصلعة ديسكو هوول.....ويكون في جن سكران طينة في الحفلة ويتزلق في الصلعة ويقع ويدخل في اضان بكري.......ويقعد فيها ويعجبو الحال.. ويكون بكري ماشي في الشارع في امان الله.. يلقى زول يكوريك لو في اضانو..." بكرررررري..... اربط الغنماية"......الغريبة تكون في غنماية ماشة في الشارع ...ويسكها بكري عشان يربطا....ويصبح بكري مربّط غنم ارزونا و ما جاورها......واياكم وجن البال توك.....وخاصة الغرف الكعبات ديلااااااك....والله واحد فيكم تلم فيهو جنية صايعة.... علا تخليهو ينبح متل الكلب......
استثماري حيكون... يا بخت من وفق راسين في الحلال....بني ادم مع جن...عشان نغيّر.... من البشر القاعدين في الواطا ديل.....اي شاب ممكن نعرفو علي جنيّة انتاية..واي شابة نعرفها علي جني ضكر....لكن في الاول حنركز علي الضكور البني ادمين والاناتي الجن.....ونعمل شركة نسميها ..كلكي اخوان..... أي زول فقيران ومتشلهت...لما يتزوج جنيّة تاني الفقر لو ركب صاروخ ما يحصلو.... الجنيّة طبعا حتديك قروش وانت راقد فوق عنقريبك.... ونحن كشركة سهلت لك الزواج الميمون دا.حناخد عشرة في المائة من أي قرش يدخل عليك............وبعدين يا جماعة الحفلة.. ما تغنو فيها اي غنية بتاعت حقيبة......يعني الجن لو سمع كلمة الله..... الحفلة حتفرتق..والعريس حيلقى نفسو منصنقر براااااهو فوق حجر..... بدل ما يكون قاعد في الكوشة جنب عروسو..... اي غنيو ممنوع تقولو فيها " يا ناس الله لي"...او" الله... الله.... يا ناس الله".......اها نجي للولادة والتكاثر.....شافع الجن قالو...من يتملص من بطن امو يفك البيرق ويقوم جاري....يوم الولادة خلي الداية تجيب معاها شبكة وتربطوها في خشم الباب.... اول ما الشافع يجري يتشربك في الشبكة...وتقبضوهو....وشركتنا حتوفر شباك.....بعدين تربية شافع الجن تربية صعبة.....دايرة زول يتحمل....لكن ما تشيل هم.. حنزودك بي كتيب عن كيفية تربية الجن....تربية حديثة.........اهم حاجة يا جماعة الاهتمام بي قرون الشافع.......وضنبو...........
|
|
 
|
|
|
|
|
|
|
|
Re: هـل عندك استعـداد تـتـزوج جنيـــّة؟.."لا توجد صورة" (Re: Abureesh)
|
ابو الريش
Quote: سجيمـان، صباحك بخيـر..
معليش لكن الشغل دا ما جـديــد. وكترة ما إتعرف لحـدى ما بعض الشـركات اتضخمت و دخلت برصـة نيو يورك.. وبقوا يبيعـوا الجن فى الهـوا.. والبيشتـرى يجدع قروشـو فى الهـوا برضـو.. شفت العالم دا إتغيـر كيف. |
تقصد يعني الفكرة قديمة؟....طيب نعمل شنو نحن يا جماعة... نقعد نتبوم بس
| |
|
|
|
|
|
|
|
|
|
Re: هـل عندك استعـداد تـتـزوج جنيـــّة؟.."لا توجد صورة" (Re: سجيمان)
|
سجيمان اخوي
كيفنك
انا موافق وسجل اسمي اول واحد
اها ذي ما انت شايف مافي حد قبلي
ما تعمل لي امور الواسطات بتاع صديق الموج داك
وحنغني
جني انا جني
براي براي جني
جنني جنيتي
القاعدة جنبي في الكوشة
سجم الما عرس جنية
هوووووووووووي ياجنيتي هوووووووووووي
أبشر أبشر يا عفريت
| |
|
|
|
|
|
|
|
|
|
Re: هـل عندك استعـداد تـتـزوج جنيـــّة؟.."لا توجد صورة" (Re: سجيمان)
|
| Quote: وتقعد تخربش في صلعتو...للصباح....وممكن تعمل حفلة فوق الصلعة.. وتقلب الصلعة ديسكو هوول.....ويكون في جن سكران طينة في الحفلة ويتزلق في الصلعة ويقع ويدخل في اضان بكري....... |
يا سجيمان صلعة بكري دي طلعت اشاعة ساي
الزول ده عنده جلحات بس كبار شوية
واستغربنا كلنا
لاكن ما يمنع الفكرة ظريفة
| |
|
|
|
|
|
|
|
|
|
Re: هـل عندك استعـداد تـتـزوج جنيـــّة؟.."لا توجد صورة" (Re: سجيمان)
|
Quote: يا سجيمان صلعة بكري دي طلعت اشاعة ساي
الزول ده عنده جلحات بس كبار شوية |
زولة الحمد لله الطلعن جلحات وما قلتى بكرى بسرح لى وراء ساكت
او عامل ميش....غايتو بس البتريدو..يعى يا ايناس
كان بكرى ما عندو صلعة العندو صلعة منو هانى شاكر؟؟
خليك من صلعة بكرى شوفى بت عمك الدايرين يجيبوا فيوقها جنية
دى...واحشانا،،،،،،
| |
|
|
|
|
|
|
|
|
|
Re: هـل عندك استعـداد تـتـزوج جنيـــّة؟.."لا توجد صورة" (Re: سجيمان)
|
أخي د. سجيمان
نفعني الله بسكناتك وحركاتك وبركاتك
لجهلي وضعف نظري وقلة حيلتي قرأت عنوان مقالكم وعرضكم الضافي أن المشروع الخيري هو الزواج من أجنبية ، فتخيلت نفسي متأبطاً هولندية أو بوسنيه أو أمريكية أو إنجليزية أو ألمانية أو فارسية بشرط أن تكون ذات حسن ومال حتى أحقق أحد الشرط الأول والثاني من النكاح المتمثل في مالها وجمالها وبي كده أكون جبت الباص وأنا ما طماع شديد لذلك أكتفي بهذا القدر من النتيجة ، المهم تفاجأت بعد إعادة قراءة الموضوع مرة أخرى أن الإقتران هو بجنيه عديل كده فعبست ثم بسرت وسرعة رعشة خوف بقوة مئتان وعشرون فولتاً على مقياس ريختر في جسدي وتخيلت أنني ناسبت الجن فجن جنوني من أولاد الجن أبناء وبنات إبليس وقبيلة الأبالسه ، وأصبح لنا حي أو حارة أو حله تسمى بذات الإسم ومحطة الإبالسه حدى نازل ، ولأن المجانين عندنا لا يحلهم إلا الحل بله من القيد والزله وهو الموت طبعاً ولأنني أحب الحياة وبالرغم من قلة المال بإعتباره زينة الحياة الدنيا فوجدت نفسي أيضاً حامداَ شاكراً لله بأن أعطاني بسطة في البنون وذلك نصف زينة الحياة الدنيا قررت أن أنسحب وأبقى بايركساً على أن أتزوج جنية بل ذهبت في الأمر أبعد من ذلك بأن قاطعت ملاح الشرموط والبيف بيرجر خوفاً من جنون البقر.
| |
|
|
|
|
|
|
| |
سجيمان
Abureesh
أحمد الشايقي
ست البنات
mahmed alhassan
zola123
willeim andrea
A.Razek Althalib
صديق الموج
saif khalil
Omer Abdalla
bushra suleiman
حسام يوسف
aosman
abas
Soumeta
بلدى يا حبوب
فيس بوك
تويتر
انستقرام
يوتيوب
بنتيريست