البارح كانت في سهرة في التلفزيون.... مع الفنانات التشكيليات.. السودانيات.....قعدن نضمن زيّن واتجندرن لمن فترن..... غايتو.... حليوات ما عندهن عوجة..... تقوم ندى القلعة منو وليها بلا بسم الله تغني... الشوق شاقا شاقانا مالو شاق شقانا.....ان شاء الله بركة الشيخ الجعلي ابقى قلتها صاح...غايتو انا اول مرة اتفرج في ندى القلعة بي مزاج..... واول مرة اتفرج فيها....اهاااا.تقوم ندى القلعة في الغنية توصف في زول....وصف شديد....غايتو الوصف دا انا بس....بي شحمي ولحمي..... قمت صنقرت في نص العنقريب بعد ما كنت راقد..وختيت ايدي فوق جضمي متمحنن....ندى دي جنت؟...ما عارفاني معرس وعندي وليدات؟....وبعدين ام الخير لو عرفت انها قاصداني باكر دي تمشي تعمل جرعة تنشيطية للكادوك......لا.... ندى دي شافتني وين؟.......لمن تقعد توصفني كدي.....بس خلاس عرفتها.... صورتي الفي جريدة الاضواء...في صفحة د.معز....انا عاااااارف اصلو البدلة الابسا دي ومتصور بها بتجيب لي مشاكل وتخلي البنوت يتكسرن فيني....ندى تكون شافتا....واتكسرت بت اللزينا ماقلتو نوبة؟... غايتو انا الكيف والبسط الاتبسطو البارح من عرسي ما تبسطو....وسرحت مع ندى.....وراودتني فكرة التدبيل.... الله ينعلك يا ابليس..... نمت ....وصحيت الصباح....ام الخير قالت لي غايتو يا سجيمان البارح الليل كلو انت تهضرب.....وتكورك"ندى...الكادوك....الكادوك يا ندى"
وعشان أنت يا سجيمان بقيت خطر على الجنس اللطيف المرّة الجاية ح نشيل صورة البدلة وننزل ليك الصورة دي : __________________________________________________
كل شيء ولا زعلك يا سي جي.. أها أنا شلت الصورة وانت عارفني كنت بهزر بس المشكلة نحن ما عارفين نعمل شنو مع معجباتك الفي السودان.. ندى القلعة وما خفي كان أعظم..
Quote: وعشان أنت يا سجيمان بقيت خطر على الجنس اللطيف المرّة الجاية ح نشيل صورة البدلة
صحي يا دكتور الحكاية شنو؟.... يعني الواحد لو نزل السودان علا يسوي ليهو حرس من البنوت" يا قول حسين شندي"........والله غايتو يا اخي سماحة تدخل الواحد في ضفورو.....وتقولو لي تكف العين؟.....زحو كدي من الباب
ندى القلعة ماجنّت .. جنّوا ناس التلفزيون العارفنّك معرّس وعارفنّها مكسّرة فيك وبعد ده جايبينّها على الهواء .. الناس ديل خلّى بالك قاصدينّك عديــــــــــــــــــــل .
سجيمان ود عم بله ندى القلعة أحي انا تعرف يا اخوي انا برضوا كنت زيك جالس اعاين في السهرة في التلفزيون والمرأة قاعدة جنبي والمرأة لمن لقتني ببحلق في ندى وبلذة غير معتادة قالت لي يا راجل هي مالك قلت ليها انتي مراتي ولا اخوي
09-23-2004, 05:49 AM
خضر عطا المنان خضر عطا المنان
تاريخ التسجيل: 06-13-2004
مجموع المشاركات: 5191
الظريف سيجي يبدو انو ام الخير ماعامله مرافبة لصيقة وكمان قايلة مصاقرتك للكمبيوتر انك بتعمل بحوث في جنون النعاج وياويلك لو عرفت موضوع ندى القلعة حتقلع ليك عيونك لك الود
09-25-2004, 01:31 PM
سجيمان سجيمان
تاريخ التسجيل: 10-03-2002
مجموع المشاركات: 14875
Quote: الظريف سيجي يبدو انو ام الخير ماعامله مرافبة لصيقة وكمان قايلة مصاقرتك للكمبيوتر انك بتعمل بحوث في جنون النعاج وياويلك لو عرفت موضوع ندى القلعة حتقلع ليك عيونك لك الود
والله ام الخير مراقباني مراقبة عدوك.......وعارفا انو ندى هي الجارية وراي لكن انا مطنشا
09-28-2004, 08:19 PM
samwal ebrahiem samwal ebrahiem
تاريخ التسجيل: 09-01-2004
مجموع المشاركات: 679
غايتو جنس الشربكه دي يطرشني ويعميني ... اولا الزوله دي اسمه القلع.... يعني منسوبه للقلعه مالا حاجه تانيه... اها القلعه دي قريبه من حلتنا يعني جحه اولي بلحم توره... اها وانتي من كلامك وحركاتك اقرب حاجه اوديك لناس حجر الطير... وخليك بعيد من ناس ندي ديل ناسنا وكفي قال قلع قال
09-29-2004, 08:40 AM
سجيمان سجيمان
تاريخ التسجيل: 10-03-2002
مجموع المشاركات: 14875
على راي الاخت رجاء هكرت ليكم الصور دي من بوست تاني ومداخلة كانت للاخ معتز تروتسكي لكن في انتظار الناس البيجيبو الصورة متحركة بالمناسبه يا سي جي لو شرحت لي كيف يحولو الصورة من التلفزيون للفيديو ومن ثم للكمبيوتر ممكن في باقي الليل ده اجيب ليك الاغنيه صورة وصوت كل سنة بخير .. انت وام الخير
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
سجيمان
Shams eldin Alsanosi
Dr. Moiz Bakhiet
alfatih
لؤى
خضر عطا المنان
Kostawi
saif massad ali
abas
بلدى يا حبوب
Rawia
Saifeldin Gibreel
EMU إيمو
محمد الامين احمد
Hisham Amin
aosman
OmDur
Raja
mohammed alfadla
الفاتح يسن
samwal ebrahiem
willeim andrea
motaz
فيس بوك
تويتر
انستقرام
يوتيوب
بنتيريست