دعواتكم لزميلنا المفكر د.الباقر العفيف بالشفاء العاجل
|
|
 نـعــي ألــيم..ومصــابٌ جــلل
|
قومي علي حيلك...واخرتي الحنة.... تتحنني والشبح ميت يا ام الخير؟... الشبح صقر كفيلنا يا ام الخير مات...خبر السواد والرماد...... وانا اصلي عارفو البنغلاديشي ابو وشي محنوف دا ما وراهو علا.... الخبر الكعب.... جاني في المكتب حاني رقبتو وحانف وشيهو.....وقال لي الشبح في موت....... اريتك كان مت انت يا الشوم يا الفقر يا النقر......الشبح يموت ؟ وانت حي؟.... انت شن فايدتك..... بلا تهزهز في راسك بي سبب وبلا سبب....الليلة يا الشبح.... يا سيد الصقور كلهم وسيد الناس.... يا ابقدومن سنين...اللليلة ووووووب علي ابو جربيع....وعلي جربيع..... وعلي اخوهم ضبيعان....وعلي اخيتهم ذبانة...قالو جو من الصباح ولقيهو مسيكين.... في كرسيهو وتاني رقبتو وميت.....وحات الله البارح دي...وانا مشيت اونسو....كان في امان الله شديد ولضيض.....ام الخير قومي....قومي اقيفي في نص الصالة دي وسكلبي...وخليني امشي اجيب لي قفة رماد...من المطعم الفي راس الشارع داك...واختها في خشم باب الشقة......واي مرا جاياكي للعزاء ان ما ادمست واتكتحت بالرماد دا.... اوووووعك تختي ايدك فوقا وتباكيها. وتاني لا بينك لا بينا تقاطعيها لي جنا الجنا.....والنسيوينات المتفلهمات البي بيرفعن ايديهن بالفاتحة ديل اوووعك ترفعي ايديكي ليهن...... الشبح مو شبه فاتحة وكنكيش ايدين..... موت الشبح موت رماد وتدميس وكتيح بالواطا.... سمعتي؟...وبعدين يا ام الخير الشبح دا نحن شحمنا دا كلو من فضلة خيرو... يضبحو لو الخروف عشان ياكلوهو الكبدة ...ونحن نجيب باقي اللحم هنا.....ونقعد الليل كلو نشوي وناكل في اللحم وندمع ومخاخيتنا جارية.... تاني يا حليل الللحم لينا ....ويا حليل الشية
... حسي نقوم نمشي بيت البكا..... وانتي يا ام الخير تتحزمي بي توبك من هنا وانا بتحزم بي عمتي..... وفي نص حوش الفيلا حقت ناس ابو جريبيع..... تسكلبي شديد....ما تخلي نسوان الموظفين التانيات.... يبقن اخير منك.......اووووووعك..... وخصوصا نعيمة مرة المصري بتاع النسنسة داك.....اوعك تديها فرصة..... امسكي ام جريبيع.....واشعبطي فيها....واوعك تفكيها ....اوعك.... اعفصيها واقعدي ابكي ووصفي...
يا الشبح يا الما ليك تنين
يا.... الفوتك مو....دحين
يا ود حشاااااااااي
يا الحنين يا الما بتلاوي
يا الاكلك كبد وكلاوي
يا ود حشااااااااي.......
يا الصيدك مو جربوع ولا كديسة
يا الاصيل يا الما تاكل الفطيسة
يا ود حشااااااااي...............
يا البعدك يانا تاني البتنا القوا
يا لفاح الحمامة في الهوااااااااااا
يا ود حشااااااااااااي
|
|
 
|
|
|
|
|
|
|
|
Re: نـعــي ألــيم..ومصــابٌ جــلل (Re: سجيمان)
|
الأخ سجيمان
إنت يا أخوي شيتك ده خوفاً من الكفيل ولا حزناً على الشبح ، وإنت تعال عمرك ده كلو تقرا قالوا لامن بقيت دكتور تقوم تغترب وتدخل بلد الناس ديك بي فيزة صقار ولا والدنك في عقلة الصقور وأخير في النهاية عامل تربية مواشي على الأقل بيكون راعي والراعي بالإنجليزي كاو بوي والراعي عنده أفلام في السينما وبلبس جينز وهنا الراعي مبني للمجهول لأنو ممكن يكون راعي تريلا أو راعي مؤسسة أو راعي عمال - كفيل - أو ربما راعي إبل.
| |
|
|
|
|
|
|
|
|
|
Re: نـعــي ألــيم..ومصــابٌ جــلل (Re: almulaomar)
|
الملا عمر
| Quote: إنت يا أخوي شيتك ده خوفاً من الكفيل ولا حزناً على الشبح |
يا اخوي انت ما شفتو الشبح......صقر عديل جنس عدلة.وطيب جنس طيبة... اعدل واطيب من سيدو....وموجعني وجع ما يعلم بو علا الله
وما نجيك في شينة يا اخوي
| |
|
|
|
|
|
|
|
|
|
Re: نـعــي ألــيم..ومصــابٌ جــلل (Re: سجيمان)
|
طالما إنت ضارب الجرسه كدي فوق صقر الكفيل وطالما أنا جيت وعزيت وجبتو لي قهوتكم الزي موية الحبال ديك أها يا أخوي وروني مكان الدفتر عشان أقادحكم – وأقادحكم دي لأى واحد عدا سجيمان تعني أدفع لكم أو أساهم ماديا في تخفيف مصابكم الجلل وفقدكمم العظيم لأنو معنويا دايرين بي شنو – المهم حا أدفع ليكم يا سجيمان غراب وود أبرق وأم قيردون أها قصرت معاكم وكلها في النهاية طيور.
| |
|
|
|
|
|
|
|
|
|
Re: نـعــي ألــيم..ومصــابٌ جــلل (Re: Osman Hamad)
|
د. عادل سي جي
تحية محلقة تحليق المرحوم أيام عزه و صيده الوفير
شوف يا دكتورنا
الكفلا ديل إنت عارف حركاتم و سكناتم ، مرات يفنشو موظف و يقولو ليك أمسك شغلتو مع شغلتك لغاية ما نجيب البديل ،، بعدين عينك ما تشوف إلا النور ،، الشغلتين يندرعو فيك إلى نهاية الخدمة ،، عشان كدي أعمل حسابك يقوم كفيلك دة يقول ليك ( صيد لينا الحمام و الغزلان و الأرانب و الحباري ) لغاية ما نجيب لينا صقر بدل المرحوم. أوعك ترضى ليهو حتى و لو أداك بدل طيران و إنقضاض و أداك كل يوم خروف كامل.
| |
|
|
|
|
|
|
|
|
|
Re: نـعــي ألــيم..ومصــابٌ جــلل (Re: ابو جهينة)
|
ابو جهينة
| Quote: أوعك ترضى ليهو حتى و لو أداك بدل طيران و إنقضاض و أداك كل يوم خروف كامل. |
اسكت ساكت...حسي جيت من هناك.... لقيت عشرة هنود ..واربعة مصرين...واتنين سورين... ديل كلهم مقدمين للوظيفة دي...... ديل معاهم اكل عيش دحين؟
| |
|
|
|
|
|
|
|
|
|
Re: نـعــي ألــيم..ومصــابٌ جــلل (Re: Salwa Seyam)
|
سلوى صيام
| Quote: أجر وعافيه والجاتك في صقر كفيلك سامحتك |
بارك الله فيكي.....ما قصرتي
علا شفتي ناس البورد ديل..... دخلو اكتر من اربعمائة نفر ما عزوني الا اربعة تنفار....... اصبري لي فيهم...... الموت ما بيقيف عن ناس جريبيع
| |
|
|
|
|
|
|
|
|
 Re: نـعــي ألــيم..ومصــابٌ جــلل (Re: سجيمان)
|
الحبيب الغالى سجيمان
أول حاجة يا أخوى البركة فيكم فى وفاة صقر الكفيل
وبرضو نصيحة ليك يا أخوى أسمع كلام أبو جهينة داك والله دى نصيحة
غالية عشان بعدين الناس ما يشيلوا حِسّك ويقولوا سجيمان ساب البلد
وجا هنا يشتغل عدم المؤآخذة (زى الشبح) والله يستر
| |
|
|
|
|
|
|
|
|
|
Re: نـعــي ألــيم..ومصــابٌ جــلل (Re: الزنجي)
|
أفـو يا سجيمان يا خوى و الله إتلومتا .. وكت مو قادر تتلفنى أكان تدينى ميسيج وله مس كول .. طعم الشية الأكلتو معاكم داكى اليوم لى عسسع فى خشمى .. سـألت سيدى أب قبة حمراء يحفظ صقر كفيلى باقى اليومين ديل فى أنفلونزا طيور حايمة
| |
|
|
|
|
|
|
|
|
|
Re: نـعــي ألــيم..ومصــابٌ جــلل (Re: tmbis)
|
تمبس
| Quote: .. يعني خلاص ياسجيمان الدنيا انعدم فيها الصقور ؟؟ |
تقول شنو؟.....علا العشرة يا تمبس اخوي......
تمبس سوعال.؟.......انت صورتك دي... ماخدا جوا زير؟...لانها زي الكنت بتعاين جوا الزير.......معليش سوعال ساكت دا
| |
|
|
|
|
|
|
|
|
 Re: نـعــي ألــيم..ومصــابٌ جــلل (Re: سجيمان)
|
يادكتور انا جيت اعزيك واخفف عنك واواسيك .. وأرقعك في الكشف لانو حاسس انو موت الصقر ده وجعك شديد
انا زمان كان عندي ( بغبغان ) قام مات انا تلاتة يوم ما اكلته ..
شان كده حسع لما لقيت النعي بتاع الصقر ده .. اتذكرته البغبغان بتاعي ..
لكن يادكتور انا اجي اعزيك .. تخلي الصقر وتمسك في صورتي ؟؟ انت الصقر ده ما واجعك والا شنو ؟؟
اها الصورة طلعناها من الزير ..
لكن كلم كفيلك ده قول ليهو مخاوات الصقور دي بتوديك اللقيط ..
خليهو يربي حمام رقاص .. احسن ليهو
| |
|
|
|
|
|
|
|
|
|
Re: نـعــي ألــيم..ومصــابٌ جــلل (Re: سجيمان)
|
والله كويس انا جيت من البكيات براطيشي ما ملصتهن قت النجي اشيل الفاتحة ، القاه الصقر ما يموت كان مات هو الباكلو الكبد والكاوي شنو ما عارفن مسممات بالكسترول بلا عمة بلا توب خلي البتسوي فوقو دا وشوف ليك كفيل غير بيت الكبد والكلاوي ..
| |
|
|
|
|
|
|
|
|
|
Re: نـعــي ألــيم..ومصــابٌ جــلل (Re: عشة بت فاطنة)
|
عشة بت فاطنة
| Quote: الكبد والكاوي شنو ما عارفن مسممات بالكسترول |
ما كي طالباني حليفة.....قدر ما قلت النضم دا ابدا ما هببوهو لي....قلت لهم يا اخوانا اقسموهن ليهو ادونا نص وهو نص...... طلعوني حاسد ....وحرامي كمان
| |
|
|
|
|
|
|
| |
سجيمان
almulaomar
Osman Hamad
ابو جهينة
omer almahi
طه حسن عبدالله
bushra suleiman
الزنجي
mahmed alhassan
tmbis
عشة بت فاطنة
صديق الموج
فيس بوك
تويتر
انستقرام
يوتيوب
بنتيريست