دعواتكم لزميلنا المفكر د.الباقر العفيف بالشفاء العاجل
|
|
 ناس بحـر ابيض....و.. الــدِش
|
قال والله يا سجيمان اخوي أي بلد صغيرة في بحر ابيض دا تلقى فيها اربعة خمسة دشوش...ويمكن كل بيت فيهو....والناس ما عندهم شغلة غير يتفرجو علي القنوات المصرية واللبنانية.....والله بيسعلني يا سجيمان ...حتى الناس نضمهم اتغير...... بقى زي ناس مصر وناس لبنان......تلقى الراجل يسعل اخوهو..... يقول لو..... بأولك ايه؟.. يا الللمين... الحمارة ربطها فين يا قنا؟.......وداك يرد عليهو ويقول ليهو.... ها آزول ها.... الحمارة مربوطة في الغيط حق حاق عبد القبار....ولاّ واحد يكون جابو ليهو بنية وعاوز يسميها لما يسعلوهو يقول..... كنت عاوز اسميها كلتوم.. لكن مامتها ألت.... اسم كلتوم مش حلو.... ألت عاوزه تسميها كاترينا....
.ولاّ واحد يجي نص النهار من الحواشة عرقان ولابس عراقي وسخان يسعل مرتو.....هوي يا المسينيحة دي... طابخه لنا ايه في الغداء النهار دا .... يا حبيبتي؟..... مرتو تقول لو.... يوهو.... خضيتني وحات شيخي ابكلابش...طابخه لكم ملاح نعيمية مع مُسأأأعه....تاكل كرعينك وراها........يا قملي..... يا سبعي
وحتى البنات....وديل كمان سونو افرش وتخين......تتخيلي يا ست الغفر.... ست الغفر دي كان اسمها ست النفر قبال الدش....تتخيلي يا ست الغفر.....خطيبي عصام بأألو حول وما قاش؟..وانا تراني ناطراهو في الصيف وناطراهو في الشتيي......والله انا زاتي فترت من النطران دا... يا بت ماماتي
ولاّ يجي شافع جاري لي امو وشايل ليهو دومة..... ويقول لها.....ماما...ماما..... ماعرفتش اكُد الدومة ازاي؟.....امو تقول لو... انت يكد قنقونك دا..... بي يكودها هيك....هيك..هيك....وتقعد تكد في الدومة..........وتقولو بس ما تكُدهاش اوي..هاتبوظ سنانك...وهو سنونو سنون السيح والريح... المكشرات ومخليات ريالتو سايله في سدرو......
وفي الروضة الشُفع بقو يقولو للمدرسة..... ابله.... يا ابله يا ابله.....شوفي الزين دا.... بيأول لي ازاي؟.... بيكاويني.......بيأول... دحيشتهم.... اسمح من دحيشتنا.....والله لأأول لي بابا....
حتي النسوان العجايز يا سجيمان...... اتسختن...ونضمن اتبدل.....امي يوم العرس حقي....جات وسلمت علي العروس في جضمها....وقالت... شوووووووبش..... كليييييييييش.......وزغردت......وقبلت علي وقالت لي..... عروستك حلوة..اكتير...ومهضومي اكتير.....تأبُريني..... تأبُريني.....هيك.. نسوان الولاد.... يا بلاش......
وسمع اضاني في الحفلة الفنان يغني ويقول:-
بي عيونك تأأول لي تعال.... وتعال
وبي أليبك تأأول لي لا لا مافي مقال
|
|
 
|
|
|
|
|
|
|
|
Re: ناس بحـر ابيض....و.. الــدِش (Re: سجيمان)
|
| Quote: طابخه لكم ملاح نعيمية مع مُسأأأعه....تاكل كرعينك وراها........يا قملي..... يا سبعي |
سجيمان ... ونعم النعيمية ... بس خوفتنا من الكوارع ... تاني اوعي تقولي عازمك كوارع
| |
|
|
|
|
|
|
|
|
|
Re: ناس بحـر ابيض....و.. الــدِش (Re: سجيمان)
|
يا سجيمان
طالبة سودانية كانت بتدرس في كلية التربية في احدي الجامعات المصرية
مشت تدرس في مدرسة مصرية في فترة تدريبية قالت للتلميذات في الفصل بعد ما ازعجوها ( يا بنات صـنأرو ساكت ما تكروكوش)
وهي بتقصد (صنقرو ساكت ما تكوركو)
وأنا شخصيا مشيت لبنان ولقيت سودانيين هناك داخلين من العراق وسوريا
بتكلمو لبناني احسن من راغب علامة ذاتو
أريتنا نتكلم لبناني عشان يقدرونا زيهم في دول الاعتراب
(بس بيني بينك الكلام ممكن ولكن التظليل الفي اللون ده نعمل ليهو شنو
| |
|
|
|
|
|
|
|
|
|
Re: ناس بحـر ابيض....و.. الــدِش (Re: قلقو)
|
ألأأو
Quote: واد ياسيقيمان..
شو كلامك حلو ومنيح..تأبرنى
الله يقازيك ويقازى خلئتك
بااااى |
شو خلئتك؟
شو عم تحكي؟.....
اشتيمي...هاي؟....
بس مهضومي اكتير اكتير....
الله يكتلنا نحن النضمنا دُراب...
| |
|
|
|
|
|
|
|
|
|
Re: ناس بحـر ابيض....و.. الــدِش (Re: جمال السنوسي)
|
جمال يا جميل
Quote: وهي بتقصد (صنقرو ساكت ما تكوركو)
|
زمان سافرت القاهرة ....معاي واحد...من اهلنا عربسات ديل....دخلنا المطعم عشان نفطر.. الجرسون قال في فول بالزيت...وفول بالاوطة.... زولي دنقر فوقي وقال لي:-
يا جنا... فول يالاوطة دا...يعني فول بالكديسة؟
| |
|
|
|
|
|
|
|
|
 Re: ناس بحـر ابيض....و.. الــدِش (Re: سجيمان)
|
احمد شرفي ده منو يا دكتور والجابو لناس بحر ابيض شنو بالله شوف الدكتور قام يلخبط لكن جد اللذ دكتور في البورد ودايما بترسم البسمه في ناس الاحلي من الذكرتهم كلهم قال كبه نيه قال
| |
|
|
|
|
|
|
|
|
|
Re: ناس بحـر ابيض....و.. الــدِش (Re: willeim andrea)
|
سجيمان ابن عمي الحبيب
ادخلتني في موجع
تعال جدة شوف ناس بحر ابيض الله لا وراك ليهم
جيراني مرة صحيت مخلوع خلعة من جوطة وكوراك ما عادي لقيت عمم وعراريق ما تديك الدرب وكل الاجانب يتفرجوا
تخيل الشكلة في شنو وفي الشارع 35 ريال
مرة جاتهم جوازات وانا بعتقد جابها صاحب الغرفة تخيل ساكنين 26 نفر في غرفة واحدة.
وانا ساكن في شارع صغير وهما ساكنين في الجهتين وتعال شوف مشاوريهم بس الصفا والمروة.
عندهم حاجة مزعلاني شديد هما يمكن اربعين في بيت واحد كل واحد يشتري قارورة موية بريال ويرمي لي الفاضي قدام البيت.
| |
|
|
|
|
|
|
|
|
 Re: ناس بحـر ابيض....و.. الــدِش (Re: سجيمان)
|
سيجيمان يا خطييير..
اها هاك دي كمان:
وبقن البنوت يقطفن الملوخية وهن يرددن جملة: بيحبني.. ما بيحبنيش.. بيحبني..؟ ما بيحبنيش..
لوووووووووول
تخريمة واجبة: تعرف يا سيجيمان كما جنس كلامك ده.. حاجة بتخلينا نستحمل مافي.. ربي يخليك..
| |
|
|
|
|
|
|
|
|
|
Re: ناس بحـر ابيض....و.. الــدِش (Re: سجيمان)
|
سجيمان
ولا احسن دكتور عادل
كلامك دا ذكرني بي نكتة محرقاني و ما بقدر اكتبها هنا -- اسوي شنو؟؟؟
هذا مع العلم باني عضو في بورطيك
==
ملحوظة:
انا مستعد اتكبد محادثة تلفونية -- بس عشان اتحل --
| |
|
|
|
|
|
|
|
|
|
Re: ناس بحـر ابيض....و.. الــدِش (Re: سجيمان)
|
كمان يا دكتور عادل عملتها درجه اولي .... بس اوعك تعمل زي ما عملوها في الصعيدي وباعو ليهو محطة القطر ... وتقوم انته تبيع احمد شرفي سكن فاخر لناس بحر ابيض .... قال سكن فاخر قال ...
| |
|
|
|
|
|
|
|
|
|
Re: ناس بحـر ابيض....و.. الــدِش (Re: عثمان عووضة)
|
يا سجيمان ياريت لو بقت علي الافلام المصرية سنة 2002وقعت حادثة غريبة شوية من نوعها ايام كانت مولد ويوم خميس وتصبح جمعة في مدينة القطينة انقطع التيار الكهربائي الساعة 8 مساء مع وقت المسلسل. جماعتك ناس مجلس المحليه الشيوخ وصلوا الكهرباء من دينمو سوداتل وشغلوا فلم جنس قناة فرنسية ونسو مايفصلو القناة من بقية المدينة جاءت الكهرباء والناس كلها منتظرة امام التلفزوينات المسلسل شيوخ وشباب نساء ورجال واطفال كل المدينة شاهدت الصورة البشعة دي والدنيا هاجت والتلفونات
تاني يوم مشاكل ناس الشعبي يقولوا ناس الوطني,واحدة من النسوان الكبار وقفت في نص السوق قالت لهم دا اسلامكم
اخوك ود عوج الدرب
| |
|
|
|
|
|
|
|
|
|
Re: ناس بحـر ابيض....و.. الــدِش (Re: saif massad ali)
|
سيف مساعد
| Quote: جماعتك ناس مجلس المحليه الشيوخ وصلوا الكهرباء من دينمو سوداتل وشغلوا فلم جنس قناة فرنسية ونسو مايفصلو القناة من بقية المدينة جاءت الكهرباء والناس كلها منتظرة امام التلفزوينات |
زنقة معتبرة...... لكن ناس المحلية يكونو متعودين علي القناة دي.....هههههههه
| |
|
|
|
|
|
|
| |
سجيمان
تولوس
جمال السنوسي
قلقو
willeim andrea
مهاجر
Raja
صديق الموج
عثمان عووضة
saif massad ali
حبيب نورة
7abib_alkul
mekki
فيس بوك
تويتر
انستقرام
يوتيوب
بنتيريست