|
|
 منــى خوجــلي يا ولادة الخمـج... خجيتي حنانا خـج."توجد صورة برضو"
|
شكوك سانتوت
نجاو....نجاو.....نجاو
الكديسة بس
انت قايلاها بولطي واللا دبس
دي منى
منى خوجلي قشطة تتلحس لحس
كفى اسكتي.........
انتي بالهجيمة التخليكي
لا اتر لا حس
امشي كدي.... بس
.....................
دهشة الضُبانة:-
شوفتو كضب دي الكميرا؟
دي غير الله منو اليقدر يصورا؟
والعوينات منو اليقدر غيرو يكحلا ويدورا؟
والبسيمة منو البي يرّكب فيوزا
و.....بق.................... ينورا؟
.........
الحمار الوكران في الطين
جهجهينا
اريتنا بالخراب
.... اقعدي انتي لسماحتك دي
ونحن انشا الله نفطس............. جت
سماحة الشعر فوقك انتي
انتي وبس
وشعيرات البنوت اريتا يالحت
وقت فرديهو
و قلتي كدي نكعتيهو
وفوق الضهير شتتيهو
انا اتبهلدت واتلخبت
من بوامتي لبست نعلاتي فوق راسي
وغزيت الطاقية بكان الشبط....
اضاي برد....
وشعرت جلدي كلبّت
بقيت لا ايد لا كراع
يا ربي دي منو دي؟
الخلتني اترتع مولع... لط
..................
احلام زعيّط
نحن
نحن شنو نحن؟
ولادة السجم ولادة الرماد
وانتي ولادة الهنا ولادة الخمج
اقدلي واتعرجني فوقنا زي ماكي دايرة
و انكعي الشعر المو خمج
خلينا نتململ فوق ملالة مليلة كماينا
عشمنا كليمة وااااحدة ......
تبرد نار حشانا القاجة قج
سماحتن تسمحك علي السماحة العليكي
و سماحتك يوزعوها علي البنوت
بالكراتين والبقج
الله يسمحك انتي
يا الصوطينا
وجوطينا
ووديتينا
وجبتبنا
و خجيتي حنانا خج
شلاقة ابو الدردوق:-
المبشتن انا
الشليق انا
انا قليل اللدب
بلا خجلة
زحيت كرسي ...
جنبك
براحة قنب
العجب العجاب
والنضم العجب
انتي القمرة وسط الناس
وانا النسناس
ناقص الضنب
اها في ضمتكم دي......
دحين دي مو شلاقة و قلة ادب؟
|
|
 
|
|
|
|
|
|
|
|
Re: منــى خوجــلي يا ولادة الخمـج... خجيتي حنانا خـج."توجد صورة برضو" (Re: ALazhary2)
|
| Quote: لكن حاشاك إنتا من قلة الادب وكلامك دا ياهو زي كلمة أهلنا (أخوك أنا يالسمحة) |
والماعندو أعل اليسويلو أهل...
سلام اخي أزهري..
أجمل شعور في الدنيا انه يكون ليك أخوان وأخوات كتيرين في الدنيا دون وجود صله دم من اي درجه..
وانت كلكم أخواني..وعايزه أعبر عن شعوري كده بصوره لذيذه..فيها الفه وخفة دم..
أهديك الصوره المعبره دي..
حلوه موش؟؟
| |
|
|
|
|
|
|
|
|
|
Re: منــى خوجــلي يا ولادة الخمـج... خجيتي حنانا خـج."توجد صورة برضو" (Re: سجيمان)
|
| Quote: والله جنس فلهمة......سكتنا علي فلهمة سجيمان كمان جاتنا فلهمة القرود؟ |
وشوفهو قاعدين كيف في الجنينه؟
حلوين جدا القرود..دمهم خفيف ولا يمكن تمل مشاهدتهم..
طبعا كل حيوان عنده جمال يجذب الأنسان ماعدا قله انا مابتحمل اشوفهم...زي الضب..
حتي الضفدعه بقرف منها جدا..بتذكر لما كنا صغار..ماما عاشه حبوبتي كانت بتدسهم صغار جدا في الكبريته لخالي..أول ما يجي يولع سيجاره تطلع ليه الضفدعه ناطه..هو الراجل الكبير يصرخ واحنا نصرخ معاه ..وماما عاشه والباقيين يضحكوا..
بكره شديد كمان الفار..وبخاف منه جدا جدا!
بس بحب الحصان خالص..اجمل حيوان..وبحب معاه القرد علشان فعلا حيوان يشبهنا كتير...بس دمه اخف مننا..
انت بتحب ياتو حيوان؟
| |
|
|
|
|
|
|
|
|
|
Re: منــى خوجــلي يا ولادة الخمـج... خجيتي حنانا خـج."توجد صورة برضو" (Re: Tabaldina)
|
Quote: غايتو دا ما بقي تكسر
دا خرف مبكر
والله لمن تكمل حريم المنبر دا ..
بنكون حفرنا ود اللحد .. |
عارف يا تبلدينا ما كان نفسي في حاجه الا كان اكون معاكم في الخرطوم احضر اجتماعاتكم
ونشاطاتكم عن المستشفي..
لكن ود اللحد ده داير تحفروا لمنو با كافي البلا؟
ايه رايك أجيب الجماعه ديل معاي نعمل عرض ونلم تبرعات للمشروع؟؟
مشتاقين يا تبلدينا...
| |
|
|
|
|
|
|
|
|
|
Re: منــى خوجــلي يا ولادة الخمـج... خجيتي حنانا خـج."توجد صورة برضو" (Re: نادية عثمان)
|
Quote: سى جى
عليك الله قول ماشاء الله ياخ
بعدين شعر منى ده بالذااااااات كان جارى بالواطة هسى (نجهتوها) بقى يادوب لى نص ضهرها بس ياااااااخ |
ايوه يا ندويه ..حتي بالأماره كنت بغسله مره في الأسبوع علشان كان صعب اسرحه..وده كان يوم الجمعه..
لأنه يوم الخميس كنت بقوم بزيارة اهلي الباقسسن..وأفك شعري عندهم وافضل ماشيه بين الغرف والصالات..
وهو براه يكنس ليهم البلاط
| |
|
|
|
|
|
|
|
|
|
Re: منــى خوجــلي يا ولادة الخمـج... خجيتي حنانا خـج."توجد صورة برضو" (Re: Moawia Mohammed)
|
يوم بتلم فيك واحدة تعضيك وتخربش ليك باقي { وشك }
مرة واحدة قلت ليها في العيد ان شاء الله العيد الجايي تكوني عروس
بالله { صرت ليك وشهاولوت خشيمها } وقالت لي :
عامل جضومك ديل هسي أنا في يوم جيت شحدتك قلت ليك عاوزة عرس ؟؟
قال السنة الجاية قال !!
سجيمان { اب } ملاية بيسلم عليك
دا واحد مجنون عندنا
ياخذ ملايتو نص الليالي ويمشي للبنات الصغار ويفت وش الواحدة وهي نايمة ويعاين فيها ويرجع
يوم على التسودها عليهو فتح بالخطأ { وش } حبوبتنا المكرمش
وفجأة قام جاري من المنظر الشنيع
وتاني الحمد لله ما جاء على فريقنا وارتحنا منو
لكن مرات بيني وبينك الجنون في هذا الزمن مريح جداً
برضو واحد قاعد في بوابة عمارة الموبايلات بالحصاحيصا
وكل { بت } تجي داخلة العمارة يجضمها ليك في وشها
والغريبة يتقبلن هذه المشاكسة باعتبار انو مجنون
والأغرب من كل ذلك لو مرت بيهو واحدة شينة ولا بيقوم من الوطاة
مرة قلت ليك عليك الله عاوز أأجر مكانك دا لمدة يوم واحد وانتحل شخصيتك
قعد يضحك باعلى صوت
قال مجنون قال
| |
|
|
|
|
|
|
|
|
|
Re: منــى خوجــلي يا ولادة الخمـج... خجيتي حنانا خـج."توجد صورة برضو" (Re: سجيمان)
|
كنت قد تقابلت مع دكتور عادل في الخرطوم عدة مرات..احاهما في احتقال بسيط
بمجموعة سودانيزاونلاين في منزل اختي في الخرطوم..وكان وقتا لطيفا ضم عدد كبير من البورداب..
وغني لنا فيه سيف الجامعه صديقنا العزيز العديد من الأغنيات الجميله..فطربنا جميعا..وغنينا معه
باحساس عميق حقيقي..
ثم مرة أخري في احتفال بورداب الخرطوم بنا..نحن القادمون من خارج السودان وعلي رأس القامه
أخي الغالي أحمد قاسم..والغاليه ناديه عثمان..
وفي اللقائين تبادلت والدكتور عادل عبارات ود تعكس فرحتنا باللقاء..
ولكن كان أطول وقت قضيته معه في الونسه وتبادل التعليقات..في مؤتمر أتحاد الكتاب الذي عقد في جامعة الخرطوم..وقت تخللته كثير جدا من التعليقات منطقيه و خفيفة الظل علي قراءات مختلفه..
دهشتي في أول لقاء كانت كبيره..كنت قد وضعت له صوره مختلفه تماما في مخيلتي..وجاءت صورته
في الواقع مخالفه لها..
وكنت أظنه سيكون صارخا في حديثه كما هو في كتاباته..الا انني وجدته هاديء جدا..وكذلك وجدته
قليل الحديث..
....
في كل اللقاءات سعدت جدا به..وسعدت بالحديث معه..وسعدت ايضا بهذا البوست الذي أراه بوست خفيف الظل..فيه روح فكهه نشتاق لها وكنا نتبادلها مع اشقاءنا وزملاءنا المقربين في سنوات الدراسه..
ولكم تمنيت لو انه حضر معنا رحلات جبل اولياء الا انه اعتذر من الحضور لألتزاماته الأسريه يوم
الجمعه..أتمني أن القاك لمده أطول في الخرطوم باذن الله وفي رحلة الكامبينج..ووالدتك مدعوه
منذ الآن..
شكرا دكتور عادل او سجيمان..اسعدتني القصيده..دمها خفيف جدا..
وشكرا لكل المشارين..وسأواصل معكم الونسه اللطيفه..
| |
|
|
|
|
|
|
| |
سجيمان
ALazhary2
Muna Khugali
محمد الامين محمد
ياسر ميرغنى عبدالرحمن
MOHAMED EL-BEELI
عاصم ابوبكر حامد
رأفت ميلاد
ترهاقا
Al-Shaygi
Kostawi
Moawia Mohammed
ابوحراز
سلمى الشيخ سلامة
doma
محمد البشرى الخضر
nazar hussien
mekki
أحمد الشايقي
alsngaq
فيس بوك
تويتر
انستقرام
يوتيوب
بنتيريست