دعواتكم لزميلنا المفكر د.الباقر العفيف بالشفاء العاجل
|
|
 لقيــتوني...... كيف؟
|
** الايام دي قايمة علي احلام ظلوط احلام زلوط سببها جين وراثي.... جدي الله يرحمو كانت قاعدة تقوم عليهو ويتخيل نفسو ناظر محطة قطر... ونحن كنا القطر.... النهار كلو نسوي في التوت توت.. حبوبتنا برضو لما تقوم عليها احلام ظلوط بتتخيل نفسها براجيت باردو.. ونحن برضو النهار كلو ماسكين في القًرباب بتاعها عشان ما تملصو....بالمناسبة عثمان صاحبنا عندو حبوبتو خرّفت وبتتخبل نفسها حامل ويتتوحم... ووحمها قابلني انا من تشوفني تقبل علي الحيطة وتسلم علي ابليس وتطرش...الله يرحمها اتوحمت تلاتة سنوات وماتت.....المصيبة كانت كل يوم تنشبك في راجل تقول حملت منو....
متوقع يرشحوني في التغير الوزاري الجديد...
قاعد اجرب في خلف الكراع... والنضم الكبار.....في ناس البيت.....وجايب مصحف واشتريت طربيزة كبيرة وقاعد اجرب في حليفة القسم..... ان شاء الله خير
** فوفو بنتي الجننت بيها الناس وجننتها هي.... قطعت الشارع الرئيسي الوحيد في البلد الانا فيهو... قطعتو في خمستاشر دقيقة وتلتاشر ثانية.... رقم قياسي لي طفل من الاسرة في عمرها..... جدنااسمو صايم ديمه..... اول مرة يجي الخرتوم قطع شارع الجمهورية في تلاتة ساعات وخمسة واربعين دقيقة واربعة ثواني.. بتوقبت قرينتش....وكانت مقالة في البلد...من اليوم داك ناس البلد سموهو الدود قرقر قطع الدرب.....
**** الحساسية ................ في يدي الشمال.... ماعارف.... انا مشيت فوق حشرة ولاّ حشرة مشت فوقي؟.....لكن برضو ما بطال ... الواحد يقعد يتكرش بدل ما قاعد ساكت ومتمحن......
*** بعد زواج كم تشار سنة...... كتبت خطاب غرامي لزوجتي الحنون... واديتو ليها بالدس.. حسي ليها تلاتة يوم خجلانة مني... وما بتنضم معاي....وكل ما تشوفني تتغغت وتتبسم....ندمتني في اليوم الكتبت فيهو الجواب.... كلو من المسلسلات....ومن حوا الطقطاقة... حوا الطقطاقة حننتي اليوم داك والله.. شفتها في التفلزيون.... سنونها اتكسرن وخشمها بقى زي مدخل الفلوبي ديسك الفي الكمبيوتر...الله يقطع الكبر ويقطع سنونو....
اها لقيتوني كيف؟
|
|
 
|
|
|
|
|
|
|
|
Re: لقيــتوني...... كيف؟ (Re: سجيمان)
|
لقيناك سجيمان زاتو لا غيرته الظروف ولا بدلته المحن
بس محنك كترت اليويمن ديل وحكاية وزير دي ما خايلة عليك أنت جهزت الطربيزة والمصحف ونسيت تجيب مراية كبيرة تختها قدامك عشان تشوف نفسك تنفع وزير واله لا...
قالوا ياسر عرمان أعتذل السياسة ورجع أتلمذ تاني... أيه رايك نكلم ليك سلفاكير يعينك مكانه؟؟؟؟
واله نكلم ليك البشير أحسن أصله قريبك وأكيد بيفتش لي ناس جداد بدل النهبوا وطفشوا.. يمكن تلقى ليك حاجة مطرفة ناسينها تلهفها أنت برضو ... واله عايز تحلف قسم في المصحف ساي بدون فايدة؟؟
تعرف أنا أظن أن الوزراء والمسئولين لمن يحلفوا في سرهم بيقولوا والله العظيم سوف أنهب وأظلم وأرتشي وأسخر كل شيئ لمصلحتي الشخصية
| |
|
|
|
|
|
|
|
|
|
Re: لقيــتوني...... كيف؟ (Re: Habib_bldo)
|
حبيب بلدو
| Quote: قالوا ياسر عرمان أعتذل السياسة ورجع أتلمذ تاني... أيه رايك نكلم ليك سلفاكير يعينك مكانه؟؟؟؟ |
لا يا اخوي.. وقت اصلك داير تسوي فوقي سالف.............. كلم لي البشير
| |
|
|
|
|
|
|
|
|
|
Re: لقيــتوني...... كيف؟ (Re: سجيمان)
|
حوا الطقطاقة حننتي اليوم داك والله.. شفتها في التفلزيون.... سنونها اتكسرن وخشمها بقى زي مدخل الفلوبي ديسك الفي الكمبيوتر
انا غايتو مراقب التلفزيون
لو قالو انو حواء دي جاها شيء
بطالب بابعادك من البورد ده لاننا صغار وعاوزين نعمر هنا
لكن دي يا سجيمان
ما انتهيت من سنونا وفمها كلو
عين الرباطاب اسالني انا منها عاد
| |
|
|
|
|
|
|
|
|
|
Re: لقيــتوني...... كيف؟ (Re: abas)
|
والله ذي ما قال اخونا حبيب
| Quote: لقيناك سجيمان زاتو لا غيرته الظروف ولا بدلته المحن |
لكن والله انا ضحكت كتير علي هذا العرض
يعني كيفتني عديل يا سجيمان
وانا ما عارف ليه.. انا بقرأ في الموضوع بيجيني احساس د.البوني ومره الطيب صالح زاتو
مع اكيد حبي وتقديري،،،
عادل فايت
| |
|
|
|
|
|
|
|
|
|
Re: لقيــتوني...... كيف؟ (Re: abas)
|
عبس
| Quote: عين الرباطاب اسالني انا منها عاد |
تعرف احلى عيون سودانية عيون الرباطاب...........اما غير ذلك فهي عبارة عن قدود للمعاينة فقط....
| |
|
|
|
|
|
|
|
|
|
Re: لقيــتوني...... كيف؟ (Re: سجيمان)
|
| Quote: وجايب مصحف واشتريت طربيزة كبيرة وقاعد اجرب في حليفة القسم |
و الله دى قوييييييييييييه يا سجيمان
بس عليك الله تانى ما تطول الغيبه كده
ناصر البطل
| |
|
|
|
|
|
|
|
|
|
Re: لقيــتوني...... كيف؟ (Re: aosman)
|
aosman
| Quote: ابدااااااااع يا سجيمان بس انا لقيتك سجيمان الطقطاق مخرج فيلم ظلوط. |
يا ريت لو كنت طقطاق......... حسي كنت عند اهلي وفي امان الله......اطقطق سااااكت
| |
|
|
|
|
|
|
|
|
|
Re: لقيــتوني...... كيف؟ (Re: ADIL FAIT)
|
سجيمان
عباس قال ويكفينا شر قال وقالوا
| Quote: لو قالو انو حواء دي جاها شيء |
الراجل خايف عليها (تلحقها امات طه )
انت امات طه ديل كم
وعملوا شنو
وطه زاتو مالو
وهو ومنو
شفت الف والدوران عشان اسال سوالى المالاقين ليه اجابه
| |
|
|
|
|
|
|
|
|
|
Re: لقيــتوني...... كيف؟ (Re: بت العرب)
|
سي جي
| Quote: سنونها اتكسرن وخشمها بقى زي مدخل الفلوبي ديسك الفي الكمبيوتر |
يعني الكبر برضو عندو فايدة. الواحد يقعد في البيت فاتح قدومو و يجو أحفادو شايلين الفلوبي ديسك و يشغلوهو في خشم الواحد( هارد ديسك إضافي ). بس المشكلة يركبو الماوس وين ؟  
| |
|
|
|
|
|
|
|
|
 Re: لقيــتوني...... كيف؟ (Re: سجيمان)
|
..
.
عارف يا دوك ..
خمتنى بعدد من الخطرفات الممتعة والمضحكة كالعادة ..
تصدق ما فهمت عن اى احلام تتحدث!!؟؟
وأين زلوط من كل هذا !!
الفهم قسم وكل له زاويته فى القراءة ..
| Quote: بالمناسبة عثمان صاحبنا |
سوف يأخذك هذا الى حلم تابوتي أبدي
احذر انك تعبر بحر مالح
| Quote: حبوبتنا برضو لما تقوم عليها احلام ظلوط بتتخيل نفسها براجيت باردو |
ما دام حبوتك اتخيلت انها براجريت باردو
فلك الحق بان تحلم بأن تكون سجيمان كير
| Quote: فوفو بنتي الجننت بيها الناس وجننتها هي |
عليك الله جيبها لينا فى روضة ابلة نادية
لاجل عيون الابلة
بس لقيتك فى السلك و كبابك الجوه المايكروويف حرق
يا ربي بتحلم بمايكروويف ولا الكباب !!
| |
|
|
|
|
|
|
|
|
|
Re: لقيــتوني...... كيف؟ (Re: Tabaldina)
|
تبلدينا
Quote: بس لقيتك فى السلك و كبابك الجوه المايكروويف حرق
يا ربي بتحلم بمايكروويف ولا الكباب !! |
بحلم بهن الاتنين...مايكرويف وكباب.....ومورتانيا
| |
|
|
|
|
|
|
|
|
|
Re: لقيــتوني...... كيف؟ (Re: Ahmed Abdallah)
|
سجيمان
لقيتونى كيف؟!
انا مما ضحكت عرفت انك جيت...
تلاته بالله العظيم عاملة اعتصام فى البيت الليلة يومى التالت , وعندى غمة ما عارفة
ليها اول من آخر...
زعلة شديدة خلاس...
ومعلقة السكاسك والمحافض فى رقبتى برا سبب.. منى وفينى..
ولابسة برتقالى بعيد عن السامعين...
والشعر ربطته فى نص الراس بقى زى مقشاشة حبوبتى حليمة الله يرحمها ويحسن اليها..
ومعتصمة عن الطعام.. بس بشرب قهوة...
والتلفون ما برفعه..
والايميل ابيت ادخله دوت خايفة القا لى خبرا ما سمح..
وقلبى يسوى زى الهبابة...برا سبب...
بس دخلت البوست بتاعك وضحكت..
وعرفت بعد دا انك وصلت...
شفت حالتنا كيفن من غير لف ولا دوران؟
بركة الجيت طيب...
| |
|
|
|
|
|
|
|
|
|
|
Re: لقيــتوني...... كيف؟ (Re: saif massad ali)
|
شفت ياسى جى انا مبارياك من بوست لى بوست وادخل عليك بالمرتين والاربعة كيفن ؟!!!
اها بس اتزكر علامك لينا
البهببو لى بهببو ليهو والمابهببو لى مابهببوا ليهو !!!!!!!!!
فااااااااااااااااكر ؟!!!
| |
|
|
|
|
|
|
|
|
 Re: لقيــتوني...... كيف؟ (Re: نادية عثمان)
|
..
.
| Quote: البهببو لى بهببو ليهو والمابهببو لى مابهببوا ليهو !!!!!!!!! |
معقولة يا دوك ما تهبب ليها
أنا دا اهببو ليك ..
حتى ولو هبتنى ريح صرصر عاتية ..
أقتلعتنى من هنا ورمتني فى يم سحيق ..
الثلج .. الثلح .. التلج
| |
|
|
|
|
|
|
|
|
|
Re: لقيــتوني...... كيف؟ (Re: سجيمان)
|
صديقي الأكبر سجيمان
مشتاقييييييييييييييين
| Quote: لقيــتوني...... كيف؟ |
أستعنا بخبراء في الكوميديا والإبداع ونشرنا بعض إشراقاتك في الصحف والمواقع الإلكترونية فوجدنا من دلنا على مكانك
فأنت حاضر دائماً كما تسجل النكتة حضوراً في كتاباتك فأنت سجيمان وليس سجَّام حسين
طبعاً أعلم أنك بعنون بوستك لم تقصد هذا المعنى الذي ذهبت إليه أنا ولكنها المداعبة لمن أحب علماً بأنني ضمنت مداخلتي ما رميت إليه أنت بصورة أو بأخرى
| |
|
|
|
|
|
|
|
|
|
Re: لقيــتوني...... كيف؟ (Re: بدرالدين شنا)
|
صديقي الاصغر بدر الدين حلاتو
يشهد الله انك صديقي.. ولك معزة خاصة لدي
| Quote: فأنت سجيمان وليس سجَّام حسين |
سجّام حسين سجمهو البي يسجمو العالم.....اما انا فقد سجمت نفسي ..... تواضعا.... شفت تواضعا دي كيف؟
| |
|
|
|
|
|
|
|
| |
سجيمان
زول ساكت
Habib_bldo
abas
ADIL FAIT
nasiradin
aosman
صلاح الدين عبدالله محمد
Elmosley
ابو جهينة
صديق الموج
قاسم المهداوى
waleedi399
Ahmed Abdallah
nour tawir
عبدالرحمن عبدالله أبوشيبة
إسماعيل التاج
saif massad ali
بدرالدين شنا
محمد الامين محمد
معتصم دفع الله
بلدى يا حبوب
أيمن حسين فراج
فيس بوك
تويتر
انستقرام
يوتيوب
بنتيريست