|
|
 لفت نظــر..... للعضــو عادل عبد العاطــي
|
عادل عبد العاطي..... بارك الله فيهو...راجلن طيب وعديل خلاس...... شغال يلفت في النظر ساكت.....وانا خايفو يتعود علي الحكاية دي...ويوم يجيهو حرامي في البيت ويشوفو..متشعبط في الحيطة.... يقوم يديهو لفت نظر..... الحرامي.. طبعا حيقيف ويفتح خشمو ويندهش....ويعاين لي عادل....ويدعي ليهو ربنا يطول في عمرو.....ويشتغل في البوليص......وقدر مافي زول يجيهو يلفت نظرو.....ويخليهو يتوكل ويمشي يشوف اكل عيشو.....وقالو قطع الاعناق ولا قطع الارزاق.....تقطع رزق الحرامي لي شنو؟....وتاخد زنبو......؟....
لفت يلفت ملفوت......في نبات قاعدين ياكلوهو الناس الحُمُر ديل...اسمو اللفت........او الملفوف ..ماني عارف....اللفت دا عبارة عن كراس مائة وعشرين ورقة...ملفوف في بعض وعاملنو زي الكورا.....انا اول ما شفتو قايل الشي البياكلوها جوا.....وقعدت افرتق في الورق دا وما لقيت أي شي... اتاريهو البيتاكل الورق زاتو....
ترباس قال قبلي جاي وقبلي جاي......برضو دا نوع من لفت النظر....لكن ترباس افرض الدايرا تتلفت دي ماشا في الشارع وقداما حفرة....وسمعت نضمو وقبلت عليهو.....ووقعت في الحفرة وكسرت كراعا......يمشي من ربنا وين؟......ولاّ حيقول ما بنمشي لي ناس ما بيجونا......؟.......
لفّ يلفو...وهو ملفوف..... لف ّ لفه...... ربنا انشاء الله يطول في عمر ناس المنبر.....حتى محمد ولدي بقى يقول لاصحابو ..... بابا ومن لفّ لفو......منبر كلو لف ولفيت ولفت..... الواحد يحمد ربو وسط ناس قاعدين يلفو..... ويلفو....مخخنجية شم الانوف من الطراز الاول شُم النوف دي يعني شمامين من الدرجة الاولى....منهم اهل السِنة والبتاعة.....ما يجيني واحد يقول لي انت قاعد.... تسخر من الجماعة...مسطول قاعد يصلي انتهو من الصلاة....قاللو ليهو لف البرش حق الصلاة.....قال ديشششششششششششك.. يا شيخنا دي دايرة ليها قُفتين سجاير احمر.....لفت نظر برضو.....
لفت نظر لحاجة التومة.....نظرة يا ابوهاشم.......حاجة التومة..... ختمية علي السكين..... شافت احمد الميرغني في التلفزيون.....وما بتعرفو......قالت لي ولدا ....دا منو الشين دا؟.....قال لها يا يمة انتي جنيتي؟؟؟؟؟؟ دا ما سيدك احمد الميرغني...... حاجة التومة اتخلعت وقامت صنقرت في نص العنقريب واتقنعّت في توبا.....وقالت..كدا كُر....اريتا سماحة السرور يا يابا...............حاجة التومة اتقنعّت في توبا ما دايرا تقابل سيدا وراسا كاشف.....
|
|
 
|
|
|
|
|
|
|
|
Re: لفت نظــر..... للعضــو عادل عبد العاطــي (Re: Kostawi)
|
كوستاوي
Quote: We call upon this administration to dismiss this CG_MAN from this board
He is underestimating our religion |
طيب يا اخي اعمل لي لفت نظر باللوال......وبعدين عليك الله رسلو لي بالايميل....عشان ما نملا الصفحة الاولى.....سمح؟
| |
|
|
|
|
|
|
|
|
|
Re: لفت نظــر..... للعضــو عادل عبد العاطــي (Re: مريم بنت الحسين)
|
لفت نظر للمجنتر قشيران
| Quote: انا اول ما شفتو قايل الشي البياكلوها جوا.....وقعدت افرتق في الورق دا وما لقيت أي شي... اتاريهو البيتاكل الورق زاتو.... |
يا سجيمان انا اتاكدت صحي انك ما نصيح --داير تودي نفسك في ستين داهية مالك اوعى تاني تجيب سيرة المقشور دا --انت ما سمعت بي اللبنانيين اللي بيختوا البتاعة الخدراء في الملفوف و هو زهرة و يباروه لحدي ما راسو يدوش و يكبر و بعدين تصدير بالشاحنات لي عرعر؟؟ كر عليك يا سجيمان ما تستاهل -- لسه سغير وجاهل
| |
|
|
|
|
|
|
|
|
|
Re: لفت نظــر..... للعضــو عادل عبد العاطــي (Re: شمهروش)
|
والله يا سجيمان ..
الايام دي قايمة علي شرفة شديدة ..
كل ما القا لي لفت نظر ..
اقول دا لي .. واقعد اتلف ..
الحكاية دي والله ذكرتني ..
عمال البلدية ..
يجو يلمو .. الجركانات بتاعت الموية ..
من الجماعة .. بالنهار ..
ويبيعوها ليهم .. بالعصر ..
وولفيت سااااااااي .. قبل ما يخطفوا باقتك .. !
| |
|
|
|
|
|
|
|
|
|
Re: لفت نظــر..... للعضــو عادل عبد العاطــي (Re: humida)
|
حميدة
Quote: الحكاية دي والله ذكرتني ..
عمال البلدية ..
يجو يلمو .. الجركانات بتاعت الموية |
تعرف يا حميدة في فترة من فترات عمري المديد ان شاء الله...كنت ببيع الموية في المحطة الاوسطى امدرمان...لكن نحن كان عندنا جرادل الوقت داك....ما جركانات....والجردل لو صفا لك خمسة وعشرين قرش انت ملك..
| |
|
|
|
|
|
|
|
|
|
Re: لفت نظــر..... للعضــو عادل عبد العاطــي (Re: عثمان عووضة)
|
عثمان عووضة
| Quote: سيرة المقشور دا --انت ما سمعت بي اللبنانيين اللي بيختوا البتاعة الخدراء في الملفوف و هو زهرة و يباروه لحدي ما راسو يدوش و يكبر و بعدين تصدير بالشاحنات لي عرعر؟؟ |
والله علا نضمك دا
انا زاتي مكجنو في بلد الله......من يومي نفسي ابتو.... اتاريها ليها حق
| |
|
|
|
|
|
|
|
|
|
Re: لفت نظــر..... للعضــو عادل عبد العاطــي (Re: سجيمان)
|
تعرف ياسيجي ,,,,,
كل المسطول مايكون تقي وبتاع صلاه وصياااام بتكون روحو شفافة وموهوب في فن اللف
ياااااااااااااااا اخوي انا روحي دي كاااااااااارة ورقبتي لفيت لفيت (التقول ماشه ليها علة لفته من عدوووووولة)
عدولة دي في الائحة في ياربي
ولا خلااااااس ضعتا,,,,,,,,,,
| |
|
|
|
|
|
|
| |
سجيمان
Kostawi
saif massad ali
مريم بنت الحسين
عثمان عووضة
خضر عطا المنان
شمهروش
humida
Sidig Rahama Elnour
فيس بوك
تويتر
انستقرام
يوتيوب
بنتيريست