دعواتكم لزميلنا المفكر د.الباقر العفيف بالشفاء العاجل
|
|
 لســـــان للبيـــع.... للجادين فقط
|
كرهت النضم...والنقة... فوق الاربعين سنة....من تشرق الواطة لمن تمسي....وانا انضم.. واللسان دا شغال لق لق لق لق.. وبعدين برضو عبد الله صاحبي.. كرهني في لساني دا..... كل ما ما اقدر اعمل ليهو حاجة واكون قلت لو سمح بسويها.... يعاين لي ويقول لي يا سجيمان اخوي الراجل بي يمسكوهو من وين؟.... اول مرة سمعتها منو.. حقيقة... اتحسسست شوية...ولحمي اكلني ودخلت في ضفوري...واتمنيت الواطا دي تتفتح وتبلعني... لكن وقت قال لي من لسانو....حمدت الله.... حسي اول ما يقول لي الراجل بيمسكوهو من وين؟..... طوالي ارد بكل ثقة من لسانو يا عبدالله اخوي....لكن هو كمان بقى ما عندو شغلة غير مسك اللسان دا.يوم والتاني يقول لي الراجل بيمسكوهو من وين؟....عشان كدي انا نويت ابيع لساني.... واقعد بدون لسان...لا داير انضم والنشوف عبدالله دا تاني حيمسكني من وين...؟...ووحات سي دي الحسن...تاني يقول يمسكوهو من حتة تانية علا ابيعها.....واقعد عند اهلي....في بيت ابوي....
للجادين فقط..... اللسان..مواصفاتو..... لا هو املس يزحلق.... ولا هو اخرش يخربش... وضُبان بروف....يعني لو جات قبيلة بتاعت ضُبان كاملة وركت فيهو ما تسوي لو حاجة.....خالي من اي عيوب خلقية.... لسان ستاندرد.له القدرة على خلط تلاتمائة واربعين جرام من الكسرة والملوخية في الثانية.....مائة وتلاتين كلمة في الثانية...كل الحروف سليمة مائة المائة.....مافيهو اي عضة بالجنبات......وما حصل علقوني منو....يعني ما ممطوط....ولا ممدود....ولا مقدود....
|
|
 
|
|
|
|
|
|
|
 Re: لســـــان للبيـــع.... للجادين فقط (Re: سجيمان)
|
الجنا المُطوفِش .. سي جي أخوي
يعاين لي ويقول لي يا سجيمان اخوي الراجل بي يمسكوهو من وين؟.... اول مرة سمعتها منو.. حقيقة... اتحسسست شوية...ولحمي اكلني ودخلت في ضفوري...واتمنيت الواطا دي تتفتح وتبلعني... لكن وقت قال لي من لسانو....حمدت الله.... حسي اول ما يقول لي الراجل بيمسكوهو من وين؟..... طوالي ارد بكل ثقة من لسانو يا عبدالله اخوي....
ـــــــــــــــــــــــــــ
يا أخوي ديل كانوا رجال زمان .. الرحمة ليهم، البمسكوهم من لِسانون
عيلي رجال الزن دة .. زي جنا الموية ما بتمسكو
ـــــــــــــــــــــــــــ
علي الطلاق، .. الزبون جااااااااااهز من المية وللألف
عيلي مسعول من الخير ،،، في النضم الليل العوين والغزل
كيف .. وكم كلمة في الدقيقة .. أها زولي بيدوير يعرف
جِعير لسانك كيف .. غليظ .. ولا مبحوح .. ولا رجراج ..
كمان عندي سيدة جاااهزة للمشراوية .. حنكوشة .. من الجيل
الحديث .. جنا وجن الأيسكريم .. بدور تعرف .. لسانك من النوع
اللحّاس .. اللهاط .. وكم لحسة في الثانية .. وبدور تعرف سمك
اللسان .. دحين يا خوي طاريليها شوية "سكس" للزينة
أها ... لسان المِزمار .. داخل في البيعة .. ولا تنزيلات
ـــــــــــــــــــــــــــ
أها في انتظارك
| |
|
|
|
|
|
|
|
|
 Re: لســـــان للبيـــع.... للجادين فقط (Re: سجيمان)
|
سـجـيـمـان ســـــلام
يا خـوي معليش أنا فهمت غلط و الله إفتكرتوا لسان خــروف قلت أسلقوا و أنضفوا و أحمروا
و عليه شوية مايونيز أعملوا سندوتش و الله نفسي في سندوتش زي دا
لـكـن لـسـانك دا ما بنفعني بكون مسـيـيـيـيـيـخ شــديــييييييييد
معليش شوف ليك زبون تاني
| |
|
|
|
|
|
|
|
|
|
Re: لســـــان للبيـــع.... للجادين فقط (Re: ABUHUSSEIN)
|
سجيم (مان)
لسانك ده بورقه ولا بدون ورق
الواضح ما فاضح ياخوي
كل ارانيق 15 (ضرائب المغتربين، الزكاة، الخدمة الوطنية، المساهمة الشعبية، إغاثة الملهوف، والقبانة والعشور والتسوية والعتب والدقنية والمساحة والتخطيط والطرق والكباري والشبكة والخدمات والتأمينات الإجتماعية)
كل الشهائد ( صورة من شهادة الميلاد، تقدير عمر ،حسن سير وسلوك ، خلو من الإيدز، الحمى الصفراء، الحمى الراجعة، الحمى الشوكية، الحمى الملاريا، الحمى السوداء، حمى الهلوسة، والسحائي والكبد والوبائي)
التزكية: لابد من احد يزكيك ويؤكد انه كلمنجي (ملحوظة هذه الصفة ليست لديها علاقة بالأمنجي) لا هجاص لا لحاس لا قفاص لا مبرقع لا مطرقع لا مهكع ولا منتمي
الإمتيازات: يميز بين الجردقة والحرجل والمحريب
وبعدين يا سيد الأمنتي ليك ما تنسينا ياخي لازم لازم يكون معه (البتري جارج)
وإن درت نصيحي اتخارج منه بيع بيع واقعد سلق ملق
| |
|
|
|
|
|
|
|
|
|
Re: لســـــان للبيـــع.... للجادين فقط (Re: سجيمان)
|
سجيمان
ما دام اصلك فارش لسانك للبيع ياخى ما تخارجنى من اضنينى ديل،شينات و كبار الالقاب كلها اتلصقت فينى من كاس العالم مورا بالوطواط وانتهاءا بى الدش.
ده ما سبب البيعه،السبب والله الدنيا اتملت كلام ونضم وغنا فارغ، كل يوم بالليل اقعد احت فى اضنينى لامن جردل الوساخه يتملى و يدفق و لسه الاضنين مردومات ...
ومعاها طراش و وجع راس، وكمان بقي ذكائى يتناقص وانا اصلا بليد بالطريقه دى بعد كم شهر ريالتى بتسيل
المهم انا ما داير اخرب ليك سوق لسانك لكن ممكن تعرض الاضنين اللاتى زياده،مجانى ان شاالله يعملوها رقع عجلات و لا جلدة نبله المهم اتخارج من النصايب ديل
حلفتك و خسمتك بالنبى محمد وسيدى الحسن
| |
|
|
|
|
|
|
| |
سجيمان
حبيب نورة
ابو جهينة
aboalkonfod
ABUHUSSEIN
المسافر
خالد
فيس بوك
تويتر
انستقرام
يوتيوب
بنتيريست