|
|
|
 Re: قــال لي.. هيفــاء وهبي.. بقــارية (Re: سجيمان)
|
سجيمــان،
كيف حالك.. وإذا سـألتم عنا فلم بنا أى خلاف سوى عدم مشاهدتكـم.
صـورت نفس البيئـة التى ترعرعت فيهـا بكل تفاصيلهـا وألوانهـا.
ياخى إذا ما بديت فعلا، عليك الله اقيف شـويـة وأعمل ليك...
...
.. مسـرحيــة.. لا ......
روايـة!
أيواااااااااا
روايـة..
شفت كيف؟
وما فى شك النتيجـة حتكون (كويســة)
عارف أنا سمعت تحت تحت إنك من الجماعـة ياهـم إلا داسيهـا..
لكن هسى أقول ليك، ولكل من هب ودب، إنك ما ممكن تكون منهـم..
لأنو ما ممكن الزول يكون معاهـم ومبدع فى نفس الوكت.. ديل ناس أينشتاين قالوا ما ممكن علميــا.. وأسـبتوهـا.
فعليك الله روق المنقـة وأخـذ ليك شهـر سجن يمكن تطلع لينـا بروايـة جـديـدة بعـد أربعين سنـة من سنين القحط الفنى الماضيـة.
أتارى الغـربـة جات بخيرهـا..
هسـى لو سجيمـان دا كان وسـط الكتاحـة والسمـوم والكتمـة، كان نضـم جنس النضــم دا؟
ســؤال أخيـر:
هل طلعت شـوكـة من رجلك بشــوكـة تانيـة لما كان عمرك تماينـة سنــة؟
| |
 
|
|
|
|
|
|
|
|
Re: قــال لي.. هيفــاء وهبي.. بقــارية (Re: Abureesh)
|
ابو الريش
| Quote: هل طلعت شـوكـة من رجلك بشــوكـة تانيـة لما كان عمرك تماينـة سنــة؟ |
ايوا يا ابو الريش.....ولبست نعلات صفق العشر.....وسكيت الكُدندارات في الشقيل...ورقدت فوق العتنية....واتمسحت بي دهينة قبل النوم
| |
|
|
|
|
|
|
|
|
|
Re: قــال لي.. هيفــاء وهبي.. بقــارية (Re: سجيمان)
|
..
.
صباح الخير بتوقيت قناة الرابعة اف ام..
طبعا لوماعندك خبر افيدك .. مش بقي عندنااتنين ام بي سي اف ام
واحدة تابعة لشركة البيبسي وآل ابرهيم مالك دى مانغو اف ام والتانية
دى الرابعة اف ام وتابعة للكوكاكولا وآل اسامة داؤود..
من راس تناشر لانناشر هاريننا هيفاء وهبى ونانسي واصالة وباسكال بالاضافة
لنايصين ديلاك ناس فلان وعلان الجانا والماجانا..
وياحلاة صوت نانسي ونجوى كرم.. لمن يقول مع كل غنية:
فيكم تسمعوا كل غنياتى على الرابعة..
وصحبتك هيفاء تردد : هيفة انا... اناهيفة انا اسمعونى على الرابعة..
والله جنس هيافه..
يمر يوم كامل وماتسمع مقطع لابو اللمين او وردى او حسن عطية وابوالسيد
والله استلاب ثقافى غريب دى بس الحاجة البتخلينى اتفق مع بشاشا..
آها نرجع لموضوعك شايفك دخلت اهلى الكردفانيين وكمان البقارة..
| Quote: بعد اقتناعي وعلى مضض انو هيفاء بقارية....اطالب برجوعا الي ربوع كردفان....حيث التبلدي...ويشدّو لها شبرية فوق البعيبيشة.....تمشي باللوال هناك وتغني..مافي زول حاميها.. علا ما تتفلهم....وما تلبس جنس اللابساهو دا.... الركوب فوق البعيبيشة بي يدور سترة...واطالبها بان تهيّف لنا الاغاني الكردفانية..... |
| Quote: ..وتتغزل هيفاء الكردفانية في الاخدر الليموني المشنق الطاقية..... |
صراحة نسب انا هيفة دى لينا ما ارتحت ليه..!!
وقد تكون اول قصة رمزية ليك ما قدرت استوعبها.. ممكن تفهمنى ..
السخانةهنا تلحموالفهم قسم يا دوك!! وعشان البلد كلها بقت بتشم.. اناالوحيد
الماشمام.. قصدى مداوم زيكم قلت اقعد القط الحروف حرف عشان اكتب ليك وتكتب لى واضيع الزمن حتى الرابعة.
آها بمناسبة الشم دى خلينى النونسك .. الناس طلعوا البحر والبيتش عشان يشموا والله البلد بقت بتشم وجنس شم يعنى لو انت فى الفردوس - دا حى- ماتفتكرهاالجنة والله تشم ناس الدوحة وبرضو حى.. عارف ناس الاحفاد قصدى بنيات الاحفاد ولا حنكوشات الاحفاد عملوا تخريج أبهة.. بس والله لوجيت كنت حتشم شم..جنس عطور ايف سان ودافنشى ..الخ والله البنات بقن ذوقن راقى فى الشم..
وقال كدا لو غشيت دوار العمدة ولا حديقة المريديان الخلفية والله تشم تفاح وعنب ويقدم فى نراجيل من فضة وحولك قوارير بيضاء وخضراء ممشوقى وقصار القامة يرتدون البلو جينز الاحمر ويقودون النوبيرات والاسكودات..
والله بنتتنا بقن راقيات بس ما عارف الجاهن شنو لمن اصبحوا بطيخات وشمامات !!
ياربي دا الانفتاح على القنوات ولا الاتفاقيات ولا تقصير الابهات..
آها قلت لى علاقة هيفه بكردفان والبقارة شنو!!?
ما تزوغ والله اشم ريحتك لو كنت فى أخر البورد..
Cu ya Doc
| |
|
|
|
|
|
|
|
|
|
Re: قــال لي.. هيفــاء وهبي.. بقــارية (Re: Tabaldina)
|
Quote: واحدة تابعة لشركة البيبسي وآل ابرهيم مالك دى مانغو اف ام والتانية
دى الرابعة اف ام وتابعة للكوكاكولا وآل اسامة داؤود.. |
العزيز تبلدينا
إنت متأكد من معلوماتك دي؟ لأنو البعرفو إنو مانقو أنشأها الإخوة الأحباب زاهر تاج الدين ومكي محمود
والرابعة أنشأها محمد مراد رئيس مجلس إدارة استديوهات عجمان
| |
|
|
|
|
|
|
|
|
|
Re: قــال لي.. هيفــاء وهبي.. بقــارية (Re: أيمن جبارة الله الخضر)
|
..
.
عزيزى/ايمن..
ولو قصدك بالانشأ: وضع الهيكلية الإداريةوالاسس ..
احتمال تكون معلومتك صحيحة .. اما ان كنت تقصد الملكية والتمويل
بل الأهداف والغرض الدعائى فانامتأكد مية المية من معلوماتى..
وازيدك من الشعر بيت ما بتتخيل حجم الجوائز اليومى للمسابقات,,
ارقام خرافية .. شئ تذاكر لحفلات كاظم وايهاب وجائزة 3 مليون دى يومى
وطبعا راعى حفل ايهاب توفيق هم ناس الكوكاكولا
خليك من من جوائز سيقا وميقا والبان كابو..الخ..
عارف يا ايمونى رغم انه دااسلوب دعائى ضخم للبزنس العالمى
لكن حركات وبذخ الرسمألية دا البجيب كلام جلابي وشمالى
ويدخلهم فى كستبانة.. مع عيال ام زرقة..وانحنا لا مع الكير ولا النفير
آها ما فضل الا بعملو لينا مدينة إعلامية زى حقتكم الفى دبي..
طبعا سمعت بدريم لاند>>> عصام الخواض..
يلا والله شميت ريحة نسكافه خلينى نعمل كباية ونجيكم
سلام..
يادوك انا شمام
| |
|
|
|
|
|
|
|
|
 Re: قــال لي.. هيفــاء وهبي.. بقــارية (Re: Tabaldina)
|
دكتور عادل المكي...
التحايا..
| Quote: وتلقاهو قاعد تحت شدرة والشربة عاملة الهوايل.....وتقعد تغني ..موال .... |
دكتور يمين ناس الخليفة التنمباك حرمو...
تقول لي.. شنو..؟
روابة.. حلال...
يا زول...
لا خميرة...
ولا موال...
تخريمة طويلة..
تبلدينا..
| Quote: صراحة نسب انا هيفة دى لينا ما ارتحت ليه..!! |
ولامن قالو النتن ياهو.. برضو نقر طنبورنا..
تفتكر هو زولنا...
بعدين الدكتور بيقصد إستفسار عن البقارة ديل ..
هل هم في كردفان ولا دار فور...
وإنت سيد العارفين...
في مسألة مسافة الوطن وجدان...
ودور البقارة في صناعة السودان المعاصر...
وبالمرة زيادة كوم إنو البقارة هم (التعايشة + الرزيقات + الهبانية + المسيرية) أبوهم أحمد ود حيمات..
والنسب الجاي بيقول ليك.. الساير عطية (العطاونة) والمقيم حيمات (أولاد الحيمات) والدخان المتلتل راشد الولاد.. (أولاد راشد)..
وكلهم يحترفون مهنة رعي الأبقار بصورة عامة...
والقول في خشم سيدو مليح...
يا دكتور .. بذمتك هيفاء وهبي بقارية...
مليحات وحلوات حلاتن...
هيفاء.. شو... آل...
د. سيجمان...
بنات البقارة..
| |
|
|
|
|
|
|
|
|
|
Re: قــال لي.. هيفــاء وهبي.. بقــارية (Re: A.Razek Althalib)
|
..
.
| Quote: الساير عطية والمقيم حيمات والدخان المتلتل راشد الولاد.. |
يا عبدالزارق ول عيسي ..على بالطلاق انت دا ودعمى لزم
باق انامن اولاد راشد.. لكن عاد نقدروا نقولوا لمن بخنقونا ن....!!
الجماعة خلونا نكرس ساي الا الصبر يوموالله نغير عليهم ضحى وقبال الشم
ماتقع الا نجيب خبرهم..
عساك طيب ول آبا.. فتك بعافية
..
.
| |
|
|
|
|
|
|
|
|
|
Re: قــال لي.. هيفــاء وهبي.. بقــارية (Re: سجيمان)
|
سجيمان أخوة ،
كيف حالك بعد العودة من الرياض ?
ان شاء الله دعاء الدخول حقك دا يصيدنى انا كمان ! ما تقول حبوبتى الله يرحمها قصتها متل اللت حبوبتك دى ! عيللى ما فيها بنبر شى !
حبوبتى كان عندها برش وطرقى !
وجات من الربع الخالى ! ماب اعرفهم كانوا قاعدين ويين وكت هو خالى !!
وهسع كان صددونا ليهو ، أقولهم ماب أمشى عيللى تجيبوا رفات حبوبتى وبرشها معاى !
ست البنات .
| |
|
|
|
|
|
|
|
|
|
Re: قــال لي.. هيفــاء وهبي.. بقــارية (Re: ست البنات)
|
ست البنوت لي حدهن
| Quote: ان شاء الله دعاء الدخول حقك دا يصيدنى انا كمان ! ما تقول حبوبتى الله يرحمها قصتها متل اللت حبوبتك دى ! عيللى ما فيها بنبر شى ! |
يعني حبوبتك.... شيلتها ناقصة كانت؟.... العرس دقّس الجماعة
| |
|
|
|
|
|
|
|
|
 Re: قــال لي.. هيفــاء وهبي.. بقــارية (Re: ست البنات)
|
ازيكم يا رايعين
| Quote: وشركت لام قيردون والدباس |
ويا حلاة الدباسى وكتين تدودرا وتقولها:
أووو الدباسه
ام حلقاً مواسه
ادينا المريسه
نشرب نقوقى
البحر زلّوقى
أووو الدباسه
وهى تقدل قدامك ساااااااكت آحلالى
مى جايبه خبر لامن تلقى روحها فى الشرك(المطوطو)
مسكينة!
| |
|
|
|
|
|
|
|
|
|
Re: قــال لي.. هيفــاء وهبي.. بقــارية (Re: zola123)
|
زولا 123
Quote: سجيمان رفقا بالحناكيش!
رجاء ترجم التالي:
عتنيبة
تتمغا
شبرية
البعيبيشة
وقام صوف
ملاحظة: التكل ده عرفته براي |
غايتو اتكيفت جدا.... انك عرفتي التكل براكي....
كدي حاولي في الباقيات.... وممكن تستعيني بصديق
| |
|
|
|
|
|
|
|
|
|
Re: قــال لي.. هيفــاء وهبي.. بقــارية (Re: serenader)
|
اللهم... حنن علي قلب كل زول كايس لي وداير يطلعني عنصري....اللهم اقذف في قلوبهم الحب ويشوفوني رهاب رهاب..و.. مهمش مهمش.....
يا حليك يا دكتور دا كلو عشان عاوز تقول (بقارية ) هى يا مان هو انت ما عارف ولا شنو البقارة ما طلعوهم شوايقة الغرب .... الاسم الكودى جنجويد ... والجماعة الفى بالك ما بيجوك هنا عشان كدا ما تشيل هم واكتب كتابتك يا زول و(الحلوات بريدن بنات البقارة ) ... وانشاء الله تكون لمن مشسيت الرياض تكون زرت الاستاذ عبد الرحمن عبد الله (ود بارا ) والبقارى الترخيص والاصل شايقى على ما اعتقد ... ودا السودان
| |
|
|
|
|
|
|
|
|
|
Re: قــال لي.. هيفــاء وهبي.. بقــارية (Re: البحيراوي)
|
سي جي
| Quote: ..جاب بنبر....وبرضو عمتى قالت بيختارو... بتتكرفس وترقد فوقو.. فوق البنبر....حلفت قالت البنبر شالا..وترقد كانت وتتمغا كمان.... |
عمتك يا سي جي يا إما فيها جينات لاعبات السيرك الروسي يا إما مكتشفة رياضة اليوغا. 
| |
|
|
|
|
|
|
|
|
|
Re: قــال لي.. هيفــاء وهبي.. بقــارية (Re: كبسيبة)
|
..
.
انت يا كبسه قلبتوعلى ناني..
الزولةدى ماكويسة.. ومتعاطفه مع قضايا الساعة
ياهو طقتها لدارفور لتدعم اخوانا الزغاوة..
ولا دا ما مندوبهم..!!??
والحفلة تحت تبلدية..!! عجيييبب
الله يلعن الجانجويد.. دمروا المسرح وفرتقوا الصيوان
ابوجهينة
بس مسألة حبوبه البتلعب يوغا دى...خطرررريةعديل
| |
|
|
|
|
|
|
|
|
|
Re: قــال لي.. هيفــاء وهبي.. بقــارية (Re: نادية عثمان)
|
ندوية العسللي
Quote: نانسى عجرم محمد عوض البشير
دنقلاوية من كابتود
بت خالة عم ولد حبوبة جد امى لزم!! |
نانسي ان سمعت النضم دا... بي تطير من الفرح...... يا السمحة ست البنوت...ام جضيمات تفاح سُكري..... وانا ان شاء الله ي سكرة يني التجنني علي الجن العلي
| |
|
|
|
|
|
|
| |
سجيمان
Abureesh
محجوب البيلي
A.Razek Althalib
ست البنات
shazaly gafar
zola123
محمد حامد جمعه
الصادق خليفة
البحيراوي
ابو جهينة
عوض الله الفولانى
فيس بوك
تويتر
انستقرام
يوتيوب
بنتيريست