|
|
 قرنق....اوعـك تســكن في بيت علي عثمان
|
معمول لك فيهو عمل.......وحات الله... ما شفت علي كيفن دايرك تسكن ويحلف عليك؟.....اوعك تسوق وليداتك وتمشي عليهو........ الناس القالو النضم دا.... في ضُمتهم.. قالو ايامو ديك لما كان معاك في نيفاشا...... سبعتعشر من فكي لي فكية..... كانو قاعدين وباركين في البيت.......والجيران قالو الليل كلو.. النقنقة دي للصباح..... شي بالعربي وشي بالرطانة..... وشي ساكت.........وقالو شافو واحد من الفكيا ديل.... يوم مع المغيريب...... جا شايلو جقر..... قدر العتود.... جقر كاروهات...... ودخل...... اها والله شدة ما انا خايف يبقى كتبوك في الجلد الكاروهات حق الجقر دا.....ويوقمو يدفنوهو ليك في ركين.. غميس.. وما تعرفو بعدين تمرقوهو......
العمل دا قالو البي يسوهو ليهو.... بيتقلب جبهة.....لا يحرا لا يدرا يلقى نفسو اتجبه....... اها شفت يومك الترحل وتبيت فيهو.. والعمل يشبك فيك...... تقوم من دغش الرحمن.....وتلبس بدلتك... ونعلاتك واحدة تلبسها والتانية ما تقدر تلبسها.. وتفك البيرق من البيت......وتحلف ما تركب عربية.....وتركب الزلط....وصوف علي القصر.. وانت جاري علي القصر الجمهوري بي كرعيك...... وتكورك وتقول" الجكة دي لله........ هي لله هي لله .. لا للسلطة و لا للجاه"......لحدي ما تدخل مكتبك........وتلم الجماعة وتقول لهم تاني ما اسمع زول فيكم يفتح خشمو و يقول لي دكتور قرنق.... انا من يوم الليلة قولو لي شيخ قرنق..ولقبي ابو الدرداء....... ابو الدرداء جون بن قرنق... وتتقلب جبهة بي زمانك.....وتتوجه حضاريًا وتدخل السوق........ وتكون بي موية وكملت.... والحكاية تتشربك.... وتجوط.......والله تاني لا امريكا لا كوفي عنان بي يحلها.......ونحن ناكل نيم.......و نرجع تاني نخت ايدنا فوق جضمنا ونتمحن..... وبينما نحن متمحنين......يوم الجمعة انت تمشي تخطب في مسجد الجامعة:-
ايها الناس....اسمعوني كويس..... مافي حاجة اسمها سودان جديد....وكلمة جديد دي زاتا ما دايرين نسمعها.....وبعدين المثل قال.... الفات قديمو تاه.........دعونا من الدنيا الفانية.......
بالامس... رأيت رؤيا.. لاخي وحبيبي... سلفا بن كير بن العوّام...لعلها رؤية خير وتجعله ان يلحق بي...رأيتة في الجنة.. يرفل في الحرير والزمخشر" سجيمان قال: انشاء الله ينطحني تور دينكا لو انا عارف معني زمخشر دي شنو".....رايته جالس علي سرير مرفوع فووووووووق..فوق لمن غلط....وحولة ستة وسبعون حورية .....ينشدن ويتمايلن:-
الفرع القام دابا
ووووب انا
حلاتو يا بابا
ووب انا
الجاي من الغابة
وووب انا
القوّم الكترابة
ووب انا
الكترابة....
في قلبي انا
|
|
 
|
|
|
|
|
|
|
|
Re: قرنق....اوعـك تســكن في بيت علي عثمان (Re: abas)
|
جمييييييييييييييييييييييييييييييل
خطيييييييييييييييييييييييييييييير
عدييييييييييييييييييييييييييييييل
رهييييييييييييييييييييييييييييييب
عنتيييييييييييييييييييييييييييييل
عارف عنتيل يعني شنو يا سي جي ؟
| |
|
|
|
|
|
|
|
|
|
Re: قرنق....اوعـك تســكن في بيت علي عثمان (Re: سجيمان)
|
سجيمان
الهئية القومية لإغلاق صفحات سودانيزأونلاين ستقوم بإغلاق هذه الصفحة ،،،
كيف تكشف اللعبة بهذه السهولة ؟
الناس تخطط ، والفكيا شغالين ، وتجي إنت يا ( سجيمان ) تكشف كل الخطط في مقال في سودانيزأونلاين ؟
| |
|
|
|
|
|
|
|
|
|
Re: قرنق....اوعـك تســكن في بيت علي عثمان (Re: سجيمان)
|
سي جي
والخال ود قاسم
تحيات نديات
| Quote: الهئية القومية لإغلاق صفحات سودانيزأونلاين |
يا دوب انا عرفت وظيفتها..!
يكون مديرها العام من (الحجّاب) بلد ناس زول ساكت
ولىّ يكون من الجماعة البجلدوا الحجبات - التي هي العمل والذي هو يُعمل للزول لاستمالته او تطفيشه في موقف محدد .. زي ما معروف عندنا في السودان..؟
ولىّ انا غلطان..؟
قال المغني
اكتبوا لي حجاب من الخرب قلوبنا خراب
-
بعد دا يمكن ان ندله على الهيئة سالفة الذكر
| |
|
|
|
|
|
|
|
|
|
Re: قرنق....اوعـك تســكن في بيت علي عثمان (Re: عادل فضل المولى)
|
Quote: يا دوب انا عرفت وظيفتها..!
يكون مديرها العام من (الحجّاب) بلد ناس زول ساكت |
اول حاجه ياعادل اسمها الحجاجاب ياخي
تاني حاجه نحنا ناس ركوه وطينه ساي حجبات دي ماعندنا
تالت حاجه ياسجيمان ماشفتا المكتب هيلو الزول ماظنيتو بسكنلو في بيتاً قديم
الحجاب الاكان يسوهو في شيتاً تاني الله اعلم
| |
|
|
|
|
|
|
|
|
|
Re: قرنق....اوعـك تســكن في بيت علي عثمان (Re: سجيمان)
|
| Quote: العمل دا قالو البي يسوهو ليهو.... بيتقلب جبهة.....لا يحرا لا يدرا يلقى نفسو اتجبه |
يا دكتور سجـيمان يا اخوي هو ما بقـى خلاص والكان كان
ما سامعوا من اول يوم كبر وهلل، ورفع صباعو زي الاريل
وبدء يحنك في الاستاذ/ علي عثمان محمد طه ويكسر ليه في التلج
أظـن العمل دا بدوهو ليهو من الطيارة، وتحت الكرسي بتاع الطيارة
قالو الرحلة كلها يتململ، زي محروق الحشـا ويتواصل المسلسـل
وانتقل إلى سلم الطيارة وصالة كبار الزوار ثم إلى الساحة الخضراء
يعني وصل مستوي تماماً .. والكترابة في قلبي انا يا دكتور  
| |
|
|
|
|
|
|
|
|
|
Re: قرنق....اوعـك تســكن في بيت علي عثمان (Re: waleedi399)
|
وليد 399
ياQuote: دكتور سجـيمان يا اخوي هو ما بقـى خلاص والكان كان
ما سامعوا من اول يوم كبر وهلل، ورفع صباعو زي الاريل
وبدء يحنك في الاستاذ/ علي عثمان محمد طه ويكسر ليه في التلج
أظـن العمل دا بدوهو ليهو من الطيارة، |
انت بس قول مدينو ليهو من ايام نيفاشا
| |
|
|
|
|
|
|
|
|
|
Re: قرنق....اوعـك تســكن في بيت علي عثمان (Re: سجيمان)
|
Quote: انت يايابا انشاء الله يوم شكرك مايجى
لكن انا عارفة انك ماقريت الحوار فى شان انت جنك وجن النضمى الكتير لكن انا خاتاها ليك فى ضمتك كان تقراه وتورينى رأيك شنو فى كلام سعادتو ..
برجاااااااك ياسى جى وكت ماتجى على كيفك المهم تجى ورأيك يهمنى وانت عارف
يلا ارقد عااااااافية |
والبوست فوووووووووووووق
| |
|
|
|
|
|
|
|
|
|
Re: قرنق....اوعـك تســكن في بيت علي عثمان (Re: سجيمان)
|
الأخ سجيمان
تحية طيبة
هذا اليوم مشهود أعدت فيه قراءة
هذا البوست بعينين زالت عنهم بقايا
دخان كان كثيفاً تخبطت بسببه
في اكثر من موضع طوال عام ـ دخان
أدخلك تابوتاً ليس لك
ستخرج منه قبل أن يجف هذا المداد
إعتذاري
ودامت الأخوة و الإحترام
عثمان محمد صالح
| |
|
|
|
|
|
|
|
|
|
Re: قرنق....اوعـك تســكن في بيت علي عثمان (Re: Munir)
|
أنت آ... قشيران
أقعد اتفاصح لي كدي .. ونصب نفسك وصي على الناس : أسكنو هنا وما تسكنو هناك
لامن تطلعلك ( الحاجة الفاضلة الدكتورة ملعمة العالم كل الأصول !!!) ياكضاب أنت !!؟؟
وكمان بعد دا عندك نفس تنضم آ...قشيران ؟؟؟؟؟؟..
خضرعطاالمنان
| |
|
|
|
|
|
|
| |
سجيمان
abas
ودقاسم
salah elamin
عادل فضل المولى
زول ساكت
lana mahdi
waleedi399
ما قلـت؟؟؟ ماشـي على المتمـة متين عشان يشـرب قهـوتو القال عليها زمااااان؟؟
بلدى يا حبوب
ayooby
Osman M Salih
Munir
خضر عطا المنان
فيس بوك
تويتر
انستقرام
يوتيوب
بنتيريست