انا خايف من اللجنة تلجن لينا البورد ده ونبقى لاجئين كي بورد زي ناس فلس طين كل واحد يسافر لمنبر تاني وما يقبلونا عشان نحن خربنا وطننا برانا ويخافو مننا نخرب ليهو وطنهم وانت براك شفت اليومين القفل فيها البورد دي الناس اتبومت كيف أنا غايتو كنت عايز اخش الغابة واتصل بـ كوفي بوش وجورج عنان واحدد مطالبي المشروطة واطالب بحقي في البورد يعني يقسمو لي حتة منو ومافي مشكلة نبدا بحكم ذاتي لمدة ستة بوستات وبعدين نسوي استفتاء يا نتقسم البورد يا نتقسمو والحل في القسمة وليس في الضرب اما حكاية الجمع والطرح دي بتعمل جنجويد وبيانات وتدخل فوري ونحن اهل البورد نموت بالجوع ولا بنرجي لينا لجنة تساعدنا وبعدين المساعدات لو جات ما بتصل لينا طوالي تخش السوق سوق البوستات جنب سوق ليبيا هو ذاتو سموهو سوق ليبيا ليه ما عشان ببيع كل حاجة حتى لبن الطير الفي الباقير ونحن شبعنا لجان ولجان ولجان وجننونا باللجان يا ناس لمن اتجننا وزي ما قالو في الامثال ( التسويهو بي لجنتك بيشلخ وجنتك) اعمل لجنة للموضوع والحس ايدك لحدي الكوع بوستات الليل بمحاها الهكر
ونظل نغني جميعا
يــا الـهـكروك علي
ودمتم
جمال
08-23-2004, 01:17 AM
سجيمان سجيمان
تاريخ التسجيل: 10-03-2002
مجموع المشاركات: 14875
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
سجيمان
osama elkhawad
elsharief
المسافر
saif massad ali
جمال السنوسي
عزيز
خضر عطا المنان
فيس بوك
تويتر
انستقرام
يوتيوب
بنتيريست