دعواتكم لزميلنا المفكر د.الباقر العفيف بالشفاء العاجل
|
|
 شهـــر ......عســــلنا
|
عريس جديد وفي شهر العسل...... ركبنا انا وام الخير....ونتبسم ونضحك مع بعضنا بلا سبب..... كل مرة واحد يعاين للتاني ويفتح خشمو مبتسما..... فرحانين....ركبنا الباظات من الخرتوم لي كسلا......ونحن في الباظ برضو شغالين بسمات......وانا اخفف في دمي وانكت لي ام الخير وهي وحات الله خفت عليها وقلت انشاء الله بنت الناس دي ما تموت علي في الدرب من الضحك. الغريبة في نكته حكيتها مرة لي ابوي ونحن قاعدين نتغدا نفض ايدو من الاكل وانا عرفتو داير يدقني وقمت جاري ابوي ساكيني بالحوش ولما ما لحقني جدعني بالمركوب...ومحاربني ما بينضم معاي اسبوع كامل...عشان النكتة باااايخة وتمرض الما بيمرض نفس النكتة ام الخير ضحكت فيها لمن شرقت ودموعا جرت وانا قعدت ادق في ضهرا..واستعجبت... ابوي دا طيب داير يدقني لي شنو؟.. بعدددددين بعد خمسة سنين من العرس سعلت ام الخير.. قالت لي هوي يايابا هوي انا كنت قاعدة ابكي من صحي من المغصة ..........امي قالت لي يا سجيمان ان ما زرت سيدي الحسن اوعك تجي راجع......قلت لها نان يا يمه باقي لك سيدي الحسن ببقى فايق لو؟...هييييييييع.... قالت لي الله يسختك يا المسيخيت من يومك......جنبي في الباظ راجل كبير واظنو زهج من نكتي ومن ضحكنا انا وام الخير... قبل علي وقال لي وهو نازل..... قال لي ضحكك دا حدو قرررررررريب........نزلنا في كسلا....وقضينا ايامنا وبرضو انا اخفف في دمي وانكت ..العروس مسيكينة من تفتح عيونا من النوم اقابلها بي نكتة.. وانا برضو عين مفتحة وعين مغمدة...... وكمان..... اقوم من الصباح... وازحزح في الدولاب في عوضة الفندق... سعلتني ام الخير دا شنو دا؟..... قلت لها انا متعود اشيل حديد كل صباح...وحسي خرمت للحديد وداير اشيل دولاب ناس الفندق ديل.... انتي قايلة عضلاتي دي جايبا بي ساكت؟... ما من شيل الحديد...ووحات الله انا كنت كضاب الشي الوحيد الكنت بشيلو عنقريبي من العوضة للحوش ومن الحوش للعوضة....لكن لازم هي تعرف انها معرسة زول عضلات تبش.... وركبنا الباظ تاني لي بورسودان......وبرضو انا في نكتي وام الخير في ضحكها.....غايتو ان شاء الله ربنا يغفر لي......من العوارة الاتعاورتها علي بنيت الناس دي....... لكن اسوي شنو؟....
رجعنا من بورسودان بالطيارة....... انا وام الخير ......ام الخير اول مرة تركب طيارة...وانا ركبتها مرة واحدة قبال كدي.....اتكيفت وقت لقيت ام الخير ما ركبت طيارة قبال كدي.....وقعدت اتبوبر عليها.....واشرح لها قبال نركب.....
اها كمان كضبت علي ام الخير ..... الله يغفر لي غايتو...... قلت لها انا شاعر.....من زماااااااانك تيه...... علا داسي شعورتي من الناس.....وكان كتبت فيكي القصيدة دي:-
الزرزور المدنقر يشرب من ماسورة الحوش
زكرني الحنيّنة ام شعر سبيبي وما منكوش
ستي وست هواي وست الناس
القُمرية....... الحايمة تقدل في نُص الحوش
|
|
 
|
|
|
|
|
|
|
|
Re: شهـــر ......عســــلنا (Re: سجيمان)
|
سجيمان ود عم بله
كيفنك يا جنا
انت اتزوجت في القرون الوسطي يا اخوي
زمن
حبيبي اكتب لي وانا اكتيب ليك
الزمن دا يا اخوي
جكيس ساي
وشيء ديجتال
وشيء موبايل
تلاقيني والاقيك
وعند اللقاء . . انا ما عايز اقول الحاجات البتحصل (البورد فيه قوانين)
| |
|
|
|
|
|
|
|
|
|
Re: شهـــر ......عســــلنا (Re: سجيمان)
|
سجيمان يا اخوي :
والله انت اظنك عرست في الزمن البيقولوا فيهو الليلة عازمين العريس والعروس حفلة بارطي!! ويوقمو يمشوا يلملموا الكراسي من الحلة شي احمر وشي مخطط ازرق بي ابيض وشي خشبي وشي ملوون ..
بالله انت من زمن الناس كانت بتمشي شهر العسل كسلا ومدني وبورتسودان والغرب ؟؟؟ والله لكن أم الخير ما عسلت !!! الناس اسة من ماليزيا ولي فوق ..
هييييييييييييييييييييييه دنيا !!!
| |
|
|
|
|
|
|
|
|
|
Re: شهـــر ......عســــلنا (Re: عمر الفاروق شيخ الدين)
|
عمر الفاروق
Quote: بالله انت من زمن الناس كانت بتمشي شهر العسل كسلا ومدني وبورتسودان والغرب ؟؟؟ والله لكن أم الخير ما عسلت !!! الناس اسة من ماليزيا ولي فوق ..
|
ايوا العسل كان في كسلا.... والناس يودعو العروس ويقعدو يبكو.....كانها ماشة ماليزيا.... انت يا عمر برضك من جيل البارطي؟
| |
|
|
|
|
|
|
|
|
|
Re: شهـــر ......عســــلنا (Re: عبود احمد النصيح)
|
عزيزي د. عادل ( سي جي )
شهورك كلها عسل بركة النبي ..
كل مرة واحد يعاين للتاني ويفتح خشمو مبتسما.....
دة طبعا بإعتبار ما سيكون ؟ 
| Quote: بعد خمسة سنين من العرس سعلت ام الخير.. قالت لي هوي يايابا هوي انا كنت قاعدة ابكي من صحي من المغصة |
كان كدة يا دكتور الضحك شرطنا .. يعني القرقرة أيام شهر العسل ديك كلها مغص يا ربي ولا شنو ؟ غايتو بسعل و بجيك صاد .. لوما رجعت أعرف إنو الكعة ماكنة ..
| |
|
|
|
|
|
|
|
|
|
Re: شهـــر ......عســــلنا (Re: Elmosley)
|
د. سجيمان
انا معجب جدا بي كتاباتك وتعليقاتك
وعلي الحرام القال الرباطاب مساخ كضب
يعني الواحد يكون عندو sense of humor
اكتر من اللازم يقولو مسيخ
نرجع للموضوع .. حسع ام الخير رايها شنو فى
حكاية كونداليزا?
| |
|
|
|
|
|
|
|
|
|
Re: شهـــر ......عســــلنا (Re: Mohamed A. Salih)
|
Mohamed A. Salih
Quote: نرجع للموضوع .. حسع ام الخير رايها شنو فى
حكاية كونداليزا? |
والله با اخي تنقنق
لكن انا قلت ليها المرا دي وقت اعرسا...حتزهج من وزارة الخرجية الامريكية دي....وانا بحاولا..... تديها ليكي....
يا زول تقول نضمي دا شوية برد عليها
| |
|
|
|
|
|
|
|
|
|
Re: شهـــر ......عســــلنا (Re: سجيمان)
|
| Quote: ولما ما لحقني جدعني بالمركوب |
سجمان يا حبيبنا اعمل حسابك
قالوا كولن باول قاعد يستفسر عن المراكيب.
و تحت تحت كده سمعت ليك انو كوندليزا رايس
عينت ليها مترجم مخصوص عشان يتابع كتباتك
| |
|
|
|
|
|
|
|
|
|
Re: شهـــر ......عســــلنا (Re: سجيمان)
|
[رجعنا من بورسودان بالطيارة....... انا وام الخير QUOTE]
سجيمان نحن فاتحين خشمنا راجين باقى شهر العسل تقوم تقول لينا
رجعنا من بورسودان بالطيارة..غاينو جنس بوامة
| |
|
|
|
|
|
|
|
|
|
Re: شهـــر ......عســــلنا (Re: صديق الموج)
|
صديق الموج
Quote: سجيمان نحن فاتحين خشمنا راجين باقى شهر العسل تقوم تقول لينا
رجعنا من بورسودان بالطيارة..غاينو جنس بوامة |
نخلي معايشنا يا صديق اخوي ونقعد نباري شهر العسل؟
| |
|
|
|
|
|
|
|
|
|
Re: شهـــر ......عســــلنا (Re: سجيمان)
|
| Quote: نزلنا في كسلا....وقضينا ايامنا |
والله نحن التاريخ والجغرافيا اتلخبطوا علينا
الفتوحات الإسلامية دي ما كانت في كسلا كان الغزاة يبمون شطر مصر!ّ
جني
| |
|
|
|
|
|
|
|
|
|
Re: شهـــر ......عســــلنا (Re: jini)
|
سجيمان لوووووووووووول .. والله دى بالغت فيهاجد..
(ايوا العسل كان في كسلا....
والناس يودعو العروس ويقعدو يبكو.....
كانها ماشة ماليزيا....
انت يا عمر برضك من جيل البارطي؟)
لوووووووووووول .. يعنى الشعور واحد يا حليلا ام الخير والله
ما قلت لى يا سجيمان لما مشيتو كسلا ما غشيتو القضارف ؟
اتلومتو بالحيل ..نحن كنا هناك ..
كنا عملنا ليكم عيزومه كبيره اكبر من حقت العرس زاتها
بس اوعك تقول لى داير اعرس تانى ..
نحن زاتنا رحلنا من القضارف يا حليلا وحليل ناسها
شكرا على الاستراحات الظريفه يا سجيمان ..
| |
|
|
|
|
|
|
|
|
 Re: شهـــر ......عســــلنا (Re: سجيمان)
|
| Quote: جنبي في الباظ راجل كبير واظنو زهج من نكتي ومن ضحكنا انا وام الخير... قبل علي وقال لي وهو نازل..... قال لي ضحكك دا حدو قرررررررريب....... |
اهااااااااا.......وصلت الحد ده و لا لسه؟؟؟؟؟؟
| |
|
|
|
|
|
|
| |
سجيمان
Elawad Eltayeb
زول ساكت
Rawia
ابو جهينة
قرشـــو
Elmosley
محمد الامين احمد
EMU إيمو
صديق الموج
jini
mamkouna
saif massad ali
saifkeli
أيمن حسين فراج
Dr. Moiz Bakhiet
فيس بوك
تويتر
انستقرام
يوتيوب
بنتيريست