دعواتكم لزميلنا المفكر د.الباقر العفيف بالشفاء العاجل
|
|
 شفتــو...جنــس الشــقاوة دي؟
|
اقر انا فلاني الفلاني "اسمك"...انني دخلت هذا البوست بمحض ارادتي
كما اقر انني بالغ وعاقل...وما عندي اي مشكلة في نطق الكلمات... ولخبطتها.....وقرأتي لهذا البوست لايترتب عليها اي مسألة قانونية..او غير قانونية... للعبد الفقير لله سجيمان....كما انني اشهد الله وخلقو...انو سجيمان نبهني.......
محمد ولدي.... في سنة تانية ابتدائي....قاعد يريد القراية ريدة شديدة...وخصوصا المطالعة.. بصوت عالي....لكن عندو مشكلة في بعض الكلمات... قاعد يشقلبا...يعني كلمة زي كلمة"وقع"... ليهو سنة كاملة ينطقا"وعق"...آه نسيت اقول لكم...لما كان صغير ما كان عارف انا امو ..ولا..ّ ابوهو.... طوالي كان يكورك لي يا ماما...وانا مجبور اقول لو هوووي....وان ماقلت هوووي يقعد يبكي...نرجع لي لخبطة الكلمات....لانو هو بريد القراية...جبت ليهو كتب مكتبة...وفيهو تمارين مطالعة للاطفال... في موضوع اسمو" الحطاب والشجرة"... كان ما يحب يقرا شي علا موضوع حطاب الجن دا..والموضوع كلو قطع جزع شجرة..وجزوع اشجار...وحاجات تدخل في الضفور.....المشكلة انو محمد لما يجونا ضيوف....... قاعد يتبوبر قدامهم بي قرايتو... يقعد يقرا لهم..من كتابو دا....المجنني والمدخلني في ضفوري...شقلبتو لي كلمة جزع...... جزع الشجرة..قاعد يقراها زي قرايتو لكلمة وقع....وبصوت عالي...والفي اخر الشارع يسمع في النضم دا... بقيت اقفل الشبابيك والابواب وارفع صوت التلفزيون...كلو عشان مايقولو دا خدش للحياء العام...وخايف باكر دي يجوني ناس البوليص ويقولو لي انت قاعد تحرشو....
مرة جونا نسوان ضيفات....قوم يا محمد... جيب كتابك واتربع قدام الضيفات واقرا موضوع..الحطاب والشجرة....وبطول حسك...وقدر ما امو نهرتو...وانا ناديتو ابى يسكت....وقت وصل... في قرايتو لي فقرة انا عارفا حتجيب لنا يوم بلاوي وتدخلنا السجن.... فقرة" وقطع الحطاب الجزع بفاسه"...انا هنا حيلي برد...وكرعي وايديني عرقن...واتبكمت...وسمع اضاني البياكلا الدود دي....واحدة من الضيفات قالت لو... نوح يا يابا كُر كُر... المرا مسيكنية تكون اتعاطفت مع الجزع ... جزع الشجرةالدايرين يقطعوهو بالفاس دا....
اما السُكسُكانية..... حرمان علينا اكلها ولاّ نجيب سيرتا بالغلط ساكت......لحدي ما ربنا يعدل لسان الولد دا......
|
|
 
|
|
|
|
|
|
|
|
Re: شفتــو...جنــس الشــقاوة دي؟ (Re: سجيمان)
|
ياسجيمان سلام
يا اخوي اخير محمد ولدك راشد ود خالتي في المدرسة في العلوم اعضاء الجسم بي طول حسو قال الجذع مقلوبه وسالوه مكه فيها شنو قال قبر الله من يومها سموه قاتل ربو.
| |
|
|
|
|
|
|
|
|
|
Re: شفتــو...جنــس الشــقاوة دي؟ (Re: willeim andrea)
|
حبيبنا سجيمان..
حكاية ولدك الكارثة دة تذكرنى بقصة الأستاذة جريزلدا الطيب زوجة البروفيسور المرحوم عبدالله الطيب عندما علقت غاضبة على نقل البروفيسور الى جامعة جوبا وكانت بمثابة ابعاد له عن جامعة الخرطوم فقد علقت حينها قائلة (انه قد تم ابعاد الدكتور(نكاية)فيه,(التعديل منى)..ويمكنك الأستعانة بخدمات عفريتك الصغير ليقرأ لك ما قالته بالضبط..وهنا علق البروفيسور رحمه الله اخطأت ابنة ساكسون فأصابت..
مع تحياتى
| |
|
|
|
|
|
|
|
|
|
Re: شفتــو...جنــس الشــقاوة دي؟ (Re: سجيمان)
|
عارف يا شيخنا سجيمان
ولدك دا .. ياخي دا ما ولد .. دا فضيحة راسو عديل كدي .. طوالي أسه دا تمسكو من ايدو دي .. ودربك عديل تسلمو للجماعة الحارسين ناس قاعدة ( غوانتنامو ) في كوبا !! أنا عارف أنها الرحلة مكلفة
ويمكن انت ذاتك ما ترجع تاني !! لكن اخير من الفضائح ام جلاجل دي !!
والله العظيم فد شهر يجيبهو ليك يتكلم ـ وبطلاقة كمان ـ كل لغات العالم زي سكان غوانتنامو!! ديل ياخوي ناس تنظيم عالمي..
عالمي يعني في كل شي !! .
سريع وبطل كل شي !! دي وصية نادرة ما بتلقاها تاني !!!
وخلي العقاب وكل ما عندك من مدخرات لى الأمينة أم الخير ..
وما تنسى كتابة وصيتك كمان !!!!!! ودا المهم !!!!!
خضر عطا المنان
| |
|
|
|
|
|
|
|
|
|
Re: شفتــو...جنــس الشــقاوة دي؟ (Re: خضر عطا المنان)
|
تعرف يا سجيمان فى طبق مشهور فى الجزائر , ليبيا , تونس والمغرب اسمه زى قراية ولدك للسكسكانية بس من غير انية فى نهاية الكلمة , بس لذيذ بشكل والله لو ضقتو ما تخلى اكلو كلكلو , والغريبة انو كل واحد فيهم طعمو براهو.
| |
|
|
|
|
|
|
|
|
|
Re: شفتــو...جنــس الشــقاوة دي؟ (Re: Esameldin Abdelrahman)
|
عزيزي سي جي
جزع يجزع جزعا فهو مجزوع ..
تعرف تحل ليهو المشكلة دي كيف ؟
أكتب ليهو الكلمة البتدخل في الضفور دي زى ماهو بيقراها ( بس ما يشوفا إلا هو ) .. حيقوم يقراها صاح زى ما إنت عاوز و زى ما هي في الكتاب الأصلي .. و يا دار ما دخلك جزع شجرة ولا كراع بنبر ..
| |
|
|
|
|
|
|
|
|
|
Re: شفتــو...جنــس الشــقاوة دي؟ (Re: خضر عطا المنان)
|
خضر عطا المنان
Quote: والله العظيم فد شهر يجيبهو ليك يتكلم ـ وبطلاقة كمان ـ كل لغات العالم زي سكان غوانتنامو!! ديل ياخوي ناس تنظيم عالمي..
|
ويا خدر يا اخوي....قاعدين يجو سُمااااان.....ولونهم فاتح.... بيسو ليهم شنو الناس ديل؟
| |
|
|
|
|
|
|
|
|
|
Re: شفتــو...جنــس الشــقاوة دي؟ (Re: سجيمان)
|
يا سجيمان يا خوي عاد تسألني انا : بسوو ليهم شنو ؟؟
أنت لو اصلك داير تعرف الاجابة .. يا تسعل بوش شخصيا
أو تسمع وصيتي وتسوق الولد دا وطوالي ( غوانتنامو ) عديل ؟؟
هناك تعرف الاجابة..
يعطيك العافية
خضر عطا المنان
| |
|
|
|
|
|
|
|
|
|
Re: شفتــو...جنــس الشــقاوة دي؟ (Re: خضر عطا المنان)
|
والله ياسجيمان البوست بتاعك ده بقي لي ذي قهوة سيداحمد الحسين في سجن كوبر,عارف هو مابشرب القهوة لكن السجن فيهو الفراغ كتير بقي ياخد فنجان بركة تاني فنجان بكري بعد شويه بقي يتحكر اول الناس, يوم شال العلبة قراها لقي مكتوب كولمبيا كورك قال ما تقول لي الحكايه فيها كولمبيا.
| |
|
|
|
|
|
|
|
|
|
Re: شفتــو...جنــس الشــقاوة دي؟ (Re: Ahmed Khalil)
|
طيب يا سجيمان المسخوت لو الوليد دا عندو ازعاجوفوبيا شديد و عايز يشتكي منه يقول شنو ؟ وا ازعاجوفوبيتي؟؟عاد دا كلام دا -- شاحد الله يسختك اكتر من كدي يا مسخوت- والله انت مش راكب فيل - انت راكب الماموث الفي الصور بتاعة زمان -بتعرفه؟؟
| |
|
|
|
|
|
|
|
|
|
بتنوس بيك؟؟؟؟؟؟؟ (Re: سجيمان)
|
صديقي سجيمان
عندما كنت في بلغاريا ,دعا احد السودانيين احد الطلاب العرب الى غرفته في الداخلية للتعارف,
وعندما انتهى اللقاء,
قال السوداني بلطف شديد للاخ العربي:
فرصة سعيدة يا اخ,
ان شاء الله نتلاقى في ساعة خير عشان "نتونس" اكتر
وعندها سارع العربي بالخروج بدون ان يقول حتى وداعا
وعندما سال السوداني احد العرب من نفس الدولة عن سبب غضب ذلك العربي؟
وحكى له ما حصل
فقال الاخر العربي :
"صحيح بالجد اولتيلو "نتونس اكتر"
فرد السوداني:
اي صاح ,
وفيها شنو؟
فقال الاخ العربي منزعجا:
"وكمان بتقول "وفيها شنو"
وفتح الباب ,
ثم فر هاربا
؟؟؟؟؟
| |
|
|
|
|
|
|
|
|
 Re: بتنوس بيك؟؟؟؟؟؟؟ (Re: osama elkhawad)
|
العزيز إف سان لوران
كنت يوما بسوريا وقابلنى صديقتان لبنانيتان كن يدرسن فى جامعة دمشق واصررن الذهاب معهن للمدينة الجامعية وكانت الساعة الثامنة مساءا فذهبت برفقتهن وتجمع نفر كريم ومنهم اخوة سودانيين هم من تعرفت معهم على الاخوات فى حفل وداع أحد الاخوة وشاركت فيه بالغناء..
وجلسنا على النجيله وكانت بالقرب منى أحدى الاخوات .. وشعرت حينها بالبرد فقلت لها أنا رطبت فأحسست بخجلها واحمرار وجهها وقالت لى ياعيب الشوم .. وكررت وقلت لها بقول ليك بالجد رطبت ففى حياء كررت وقالت لى عيب الشوم وفى هذه اللحظة إنتبه صديقى السودانى للحوار وسألنى مالك ياعزيز قلت ليه ياخى انا رطبت وغادة بتقول لى ياعيب الشوم
فأكتشفت بأنها إعتقدت بأننى عملتها على نفسى وبللت نفسى فرطبت
فحكى صديقى مادار بينى وغاده على الجميع وضحك الكل على وكل مانابنى أن تخلى لى أحد الاخوه عن جاكيت حتى نهاية الجلسه..
ياعيب الشوم على حمودى والله يستر الشجره..
| |
|
|
|
|
|
|
|
|
|
Re: بتنوس بيك؟؟؟؟؟؟؟ (Re: عزيز)
|
عزيز
العزيز
| Quote: بخجلها واحمرار وجهها وقالت لى ياعيب الشوم |
عليك الله عاين سماحة النضم دا" يا عيب الشوم"....؟....تلقها كانت سمحة خلاس
| |
|
|
|
|
|
|
|
|
|
Re: بتنوس بيك؟؟؟؟؟؟؟ (Re: osama elkhawad)
|
صديقي
الاديب الاريب
اسامة الخواض
| Quote: ان شاء الله نتلاقى في ساعة خير عشان "نتونس" اكتر |
وريني الجنسية شنو عليك الله......انا خايف اوقولها لي زول من الجنسية دي....ويطلع بيريد الونسة....ونبقى في ملاواة
| |
|
|
|
|
|
|
|
|
|
Re: شفتــو...جنــس الشــقاوة دي؟ (Re: سجيمان)
|
غايتو يا دكتور عرفنا ركوب الافيال ..... اها الطشمه نطت بي جاي وبقيت تكلم نفسك ..... الله يستر ما تعادينا والله يتوب علينا من جنس ده ............................. مساحات من التقدير يا دكتور اها ما قلته لي نهاية اسبوعك كانت كيف ..... ودمته فاكهه للبورد
| |
|
|
|
|
|
|
| |
سجيمان
saif massad ali
jini
willeim andrea
قلقو
خضر عطا المنان
ابو جهينة
عثمان عووضة
osama elkhawad
عزيز
nour tawir
عبداللطيف خليل محمد على
فيس بوك
تويتر
انستقرام
يوتيوب
بنتيريست