|
|
 سجيمان...مشاطة...ودلدول...وطبرة..وصبرة...وحمبرة كلب السُرة
|
دا بوست لوجه الله تعالى....وسبيل... والشتيمةدي لله..وما داير منو... علا ربنا يزيد ميزان حسناتي...يعني الناس القاعدين يتشاتمو ديل...اخير مني بي شنو؟....وهم براهم يطلعو في الكفر....وانا احقب ايدي واقعد اتفرج؟.....واطلع من المولد دا بدون اي نبزة ..... اي زول زهجان مني خسمتكم بالرسول ما يخجل..... يدخل توووووش ويتحزم الراجل بي عمتو والمرا بي توبا....واقعدو نبزو...واشتمو....زي ما دايرين..وبعدين مافي زول يرسل لي ايميل يشتمني فيهو... لانو بصراحة انا ما قاعد اقرا الايميلات.... عقدوني منها الناس البيرسلو لي ديك ويقولو لي مِط وانفخ خرتوشك خلال اسبوع....والبس لباس ابوقُفة.. الله بي يسعلني ما اشتكيت لي زول...وشاحد الله يدخلنا في حقو لا زايدين ولا ناقصين....
يعني اصلو ما القى فيكم زول يحقر بي...ايشمعنى انتو....؟..... ما تراهم الناس في السهلة دي.... من الشافع لي عن بوليص الحركة..... اليلاقيني كلو يحمر لي عيونو ويصر لي....دا حتى الكلب الاسمو كلب..... يكون ماشي في مشيهو عديل... اول ما يشوفني يقيف ويصر وشيهو ويحمر لي....وباقي الناس يهويهو فيهم..... حتي الهيوهيو شايفو علي كتير....في حقارة اكتر من دي؟.....حتى الفار يكون جاري كويس علي جحرو.. يشوفني يقيف علي فرد كراع ويصر لي ويحمر لي...ويقدل علي جحرو وكركرب يقفل الباب في وشي....وآخر فار لاقاني وصر لي وحمر لي كان لابس كندوم في راسو عاملو عُقال....ويغني لي
الملولو كيف اضايرو
وحيرني ومحني وما عرفت الملولو دا شنو؟..... الله يازاك يا الانترنت
|
|
 
|
|
|
|
|
|
|
|
Re: سجيمان...مشاطة...ودلدول...وطبرة..وصبرة...وحمبرة كلب السُرة (Re: سجيمان)
|
تُم.....جانوار
تُم.... تسري منزل
هُم.... من اجل ابنائي...
يا سجيمان..
والله لكن لقينك خطير في الهندي .. عليك امان الله في زول بيعرف عربي و
ورباطابي و انجليزي و هندي و عندو سايت و بجيبوه في الجرايد
في زول بيقدر ينبزو...
وهاك الغنية دي لكن ما تترجم ليهم
Dil Ne A Kaha Hai Dil Se Muhabt Hogya Tom se
| |
|
|
|
|
|
|
|
|
|
Re: سجيمان...مشاطة...ودلدول...وطبرة..وصبرة...وحمبرة كلب السُرة (Re: سجيمان)
|
إنت يا يابا تسلم .. من النبيزة
إنشاء الله العدو .. كُر كُر ..
عيلي يا أخوي التنبز داخل البورد .. صبح موضة
ومن إمارات العولمة وسمات الثقفنة
الله يلعي مراتب .. العيطة .. الأهبل الدرويش
اب ريالة سايلة .. حاضر غائب المغبي .. العُورة
العوير .. النعجي .. أب مخناً زي العجين
طبعاً دة ما إنت ولا أنا
ولسان حالنا .. بيلا الله ما يديني نبزةً حاااارة كدي
لك الود والتقدير ..
| |
|
|
|
|
|
|
|
|
|
Re: سجيمان...مشاطة...ودلدول...وطبرة..وصبرة...وحمبرة كلب السُرة (Re: سجيمان)
|
دكتور سجيمان .. والله ياريت .. كما يقول المصريون .. يعني كان جيتنا قبل يومين كان ممكن .. كنت حا أنبزك وأشبعك نبز .. لغااااية ما تكون كفى .. بل كنت أفكر جدياً في فتح بوست بعنوان أدب (أو قلة أدب) الدعا والمنابيز لدى شنتير وبت قضيم ... لكن ياخوي .. الروح واحدة والخالق واحد ... الحكاية جابت ليها إف بي آي .. واللازي مينّو .. فتك بي عافية .. إيها الرجل الكويس .
| |
|
|
|
|
|
|
|
|
|
Re: سجيمان...مشاطة...ودلدول...وطبرة..وصبرة...وحمبرة كلب السُرة (Re: Ahlalawad)
|
| Quote: ... اي زول زهجان مني خسمتكم بالرسول ما يخجل..... يدخل توووووش ويتحزم الراجل بي عمتو والمرا بي توبا....واقعدو نبزو...واشتمو.... |
عرفتها يا النجيض...كان تقول كلامك دا قبال بوست الاستاذ الموصلى..كان يا ما تشوف
شوف....بس نحن عاهدنا الله والرسول والاستاذ الموصلى ما ننبذ زول لما نختا المنبر.
عشان كدى بختك يا اب دربا ماكن.....تسلم،،،،
| |
|
|
|
|
|
|
|
|
|
Re: سجيمان...مشاطة...ودلدول...وطبرة..وصبرة...وحمبرة كلب السُرة (Re: طه حسن عبدالله)
|
يا سجيم (مان)
هسي كلب السرة ده جايبو مالك في الملاتتة دي
انت ماك عارف حبل الود بيصل حتى الكلاب
اها هسي يقوموا عليك الشعرا ويهجوك داك الهجا اللي ما بتقسم ولا بتحزم
ويبقى حالك زي برطوش ود خير السيد كان كاريهو يكورك وان خلاهو يكورك
ما عرفته انه الشاعر الجكين المجنكن قال في السرة معلقته الجكينة وجاب مطلعها
" السرة ، يالسرة مريستك المرة"
"شربتها مرة ومريت بالمرة وحسبتها جرة"
احسن ليك كلب السرة ده تختاهو وتشوف ليك جروة تانية
وكفاك حمرين الفورة البتصك الباب عليك امان الله لو شفت فورة قطر توقف القطر وتفرطق اللساتك
تسلم يا اب ساج اخوي يا ضرضار السكن
| |
|
|
|
|
|
|
| |
سجيمان
tariq
مريم بنت الحسين
ودقاسم
abuguta
Elkalakla_sanga3at
Abdel Aati
Rawia
aboalkonfod
Ahlalawad
صديق الموج
alfatih
طه حسن عبدالله
المسافر
طيفور
مريم الطيب
فيس بوك
تويتر
انستقرام
يوتيوب
بنتيريست