|
|
 رســـالة الي...حكومـــة الخرتوم
|
شفتو كندا دي.... ما تشوفوها كدي؟...... امانة مو صواطة ولخباتة.....وبعدين تصوط.. وتلبد.....وحسي شفتو ان طقصتو في قرارات مجاس الامني دا... تلقوها هي الحرشتهم.........عليكم الله اكان بقيتو علي الكتال والنضم الكعب..اول حاجة انا دايركم كندا تسجموها وترمدوها.. وتوروها المكشّن بلا بصل.....سمع اضاني دي في الازاعة قالت .. انتو ارهابين وكعبين....وكنتو داسين اسامة بن لادن.. واكلتو قريشاتو وفكيتوهو عكس الهوا....نان ما كضابة....اسامة بن لادن دا من الله خلقو قاعد في افغانستان....وبعدين اسامة من وين عندو قروش لمن نحن ناكلن؟.......خسمتكم بالرسول ما تخلوها.......
اها... بس......
عشان تاني يابو يدوني فيزا...هم قايلين انا الغتاتة ما بعرف لها؟.........
السنة الفاتت.. مشيت قلت اقدم لي فيزا وامشي كندا.....جدعت وهملت وليداتي وراي وسافرت.. و..مشيت السفارة.. وسعلت ووروني الحاجات الاجيبا....وجهزت اوراقي كلها....وقدمت... قالو لي.. تجي تقابل القنصل يوم الاتنين......انا من يوم السبت حايم في السوق ..اشتريت لي بدلة بي 450 ريال....وجزمة بي 150 ريال وفتيل ريحة ب30 ريال......سكنت في الفندق.. والعوضة فيها دولاب بي مرايات... انا البس البدلة...واقابل المرايا واقعد انضم....كاني بنضم مع القنصل في الانترفيو..... شوفتو الناس ديل قربو يجننوني كيفن؟. وبقى يتوارى لي سممممممح اني حايم في مونتريال....اشتريت الحاجات دي..... لانو في واحد اخوي ما افضلو عليكم......قال لي الخواجات ديل بيدورو الزول البي يلبس فل سوت......اها قلت لو تديني المسجل حقك....ومشيت اشتريت شريط الكابلي...الفيهو غنية السيل بوبا....عشان تحمسني. وتخليني اقابل القنصل الكندي بي قلب قوي......وعصرت علي الحتة الفي الغنية البي تقول......
تغني ليك ظبية الخُدُر
الما بينبلع بي طعمو.... مُر
السيل بوبا يا الفوتك مو دحين
ال لا بيزح... ولا بيتُر
قدام العينهم.... خُدُر
السيل بوبا يا الفوتك مو دحين
اسمع في الغنية.. وانا لابس الفل سوت... اكبكب في فتيل الريحة فوقي... واعرض...واقول" هيع"... اشدع في نفسي....غايتو ليل الاحد انا لي الصباح ما نمت.....الدغش مشيت لي صاحبي دا عند اهلو....ونهزتو من النوم.... عشان يربط لي الكرفتة........وبارك الله فيهو هو اريتو ود السرور... اصلو لا طنطن ولا نقنق....وربطا لي ربطة سمحة خلاص.....شلت شريط الكابلي في جيبي.....وبقيت اوقف التاكسي .....اول حاجة اسعلو عندو مسجل في العربية ولاّ.. لا؟......بعدين لقيت لي ليموزين سواقو باكستاني.. عنو مسجل..... وركبت معاهو...... قلت لو بي وشيك وعلي حي السفارات.....ودخلت الشريط.في مسجل العربية.....والكابلي يغني في السيل بوبا.....وانا اقول للباكستاني.. ابشر .. ابشر يا زول بالخير... هيع.....والباكستاني يقول ابسر بالخير هيع برضو.....وصلت السفارة......ونسيت اقول لكم اشتيرت لي برضو شنطة سامسونايت....دخلت السفارة....غايتو عاينت لي روحي ....ونفسي عجبتني خلاص. وخاصة لما وقفت عاينت لي روحي في الباب الفيهو قزاز زي المريات داك.....قلت والله الليلة الخواجات ديل يتخلعو جنس خُلعة يقول الزول القيافة دا.. علا يكون السفير السوداني.....دفعت الرسوم... اظنها كانت 140 ريال .... تدخل عليهم بالساحق والماحق والبلا المتلاحق ان شاء الله.....تبقى لهم اربحا وعقاب شهر.... ان شاء الله ما تنفعهم..انش اء الله يبلعوها حنضل ريال ريال.... وبعد شوية قابلت الخواجة.....وفي سري اغني في اللابيزح ولا بيتر قدام العينهم خُدُر.......وسعلني كتير... غايتو يمكن ساعة وهو يسعل..... معاهو واحدة ما بعرفا كان سورية كان لبنانية...... قالت لي اقعد عشان تستلم الفيزا حقتك.....شايف لي سودانية حايمة...... قلت يمكن تنضم معاي.... لكن اصلو ما هببتو لي......قعدت زي ساعة كدي....وكوركت ليّ السودانية.. في المكرفون.....انا قلت خلاص امانة يا كندا ما ورطتي ورطة.... لما فيكي سجيمان الله قال بي قولك.. والله يصوطك فوق تحت.....ومشيت علي الشباك وانا اقدل....ناولتني البظبورطي.....وقالت لي الزول دا ما اقتنع بي نضمك ورفض يديك فيزا.....شيلت بظبورطيّ وانا ماشي علي خشم الباب وانقنق...انا اصلي عرفتك من جبتي البظبورطي انتي مسوية قدومك دا.....ما بتجيبي خبر خير..... قالت ما اقتنع بي نضمي....... هو اقتنع وشغلك انتي...معاهم .. وما داير يقتنع بي نضمي... نضمي اشنا منك؟,, وبعدين كندا دي ظااااااطا قالو كعبة..وكلها صقط.وبرد.....اريتهم بالصقط اليعدمهم نفاخ النار.....واها كمان كية ليهم تاني انا بضاعة من كندا ما بشتريها ولا اقبل أي هدية من كندا......وفي الخريتة دي..... ما بيقيف فوقا.........
|
|
 
|
|
|
|
|
|
|
|
Re: رســـالة الي...حكومـــة الخرتوم (Re: فريد ودالمسيد)
|
هههههههههههههههههه
خلاص ما تزعل انا حا ارسل ليك زيارة.. اقصد عقد عمل واكون انا
الكفيل بتاعك.
كيف معاك العرض دا؟؟
دا رقم حسابي:-
0013215354
رسل لي $140
وتصلك الزيارة في خلال اربعة ساعات وسبعة دقائق
من استلامي المبلغ.
| |
|
|
|
|
|
|
|
|
|
Re: رســـالة الي...حكومـــة الخرتوم (Re: Elawad Eltayeb)
|
وبعدين كندا دي ظااااااطا قالو كعبة..
لكن يا سيجمان ما اتلومت مع كندا
كندا دي مسكينة والغنماية تاكل عشاها ذي ما بعملوا بعض
المهاجرين
الاكل والسكن المكون من 2 او 3 طوابق العلاج الملبس التعليم
للمرحلة الثانوية الترفيه كله بلاش لا تعريفة لا قرش
مش كدا وبس برضو توجد بنوك للاكل فيها كل المواد التمونية بلاش
وايضا لو كنت عاوز اكل جاهز توجد الارساليات والكنائس اللتي
توفره.
الحامل تغذيتها والطفل ومستلزماته من بامبرز واكل كله علي الدولة
مش ذي الامريكان جيرانم
انشاء الله يا يمة اليته السودان بحال كندا
يا سيجمان كان ما ناس بن لادن الجماعة ديل كان ادوك الفيزا
وبعدها الاقامة الدائمة ومن ثم الجواز اصلها كندا دي ما عندها
سيد بلد كل ناس العالم
مع تحياتي وتقديري
| |
|
|
|
|
|
|
|
|
|
Re: رســـالة الي...حكومـــة الخرتوم (Re: سجيمان)
|
سودانيزاونلاين.كوم
sudaneseonline.com
4/5/2005 7:09 ص
اوتاوا - ا ف ب
اعلن وزير الخارجية الكندي بيار بوتيغرو الاثنين ان كندا ستقدم مساعدة بقيمة نصف مليون دولار كندي (410 الاف دولار اميركي) لمحكمة الجزاء الدولية من اجل التحقيق الذي تقوم به حول خروقات حقوق الانسان في اقليم دارفور بالسودان.
وقال الوزير في بيان "منذ زمن طويل والعالم يشهد الفظاعات الشائنة التي ترتكب في دارفور. والان وقد احيل الوضع الى محكمة الجزاء الدولية فان المسؤولين والى اي فريق انتموا، سيحالون الى القضاء".
وذكر البيان بان مجلس الامن الدولي اجاز الخميس الماضي لمحكمة الجزاء الدولية محاكمة المسؤولين عن التجاوزات في دارفور مشيرا الى ان كندا هي اول دولة تعلن مساهمتها في تمويل اعباء المحكمة.
| |
|
|
|
|
|
|
|
|
|
Re: رســـالة الي...حكومـــة الخرتوم (Re: Ahmed Khalil)
|
احمد خليل
| Quote: ان كندا ستقدم مساعدة بقيمة نصف مليون دولار كندي (410 الاف دولار اميركي) لمحكمة الجزاء الدولية من اجل التحقيق الذي تقوم به حول خروقات حقوق الانسان في اقليم دارفور بالسودان. |
اها؟..... شفتو جنس الكعوبية دي؟
| |
|
|
|
|
|
|
|
|
|
Re: رســـالة الي...حكومـــة الخرتوم (Re: ست البنات)
|
ياسي جي لك تحياتي
والله في الخرتوم دي بقينا مافاهمين حاجة العالم دا قبل علينا كدي فجأة مالو ..ما كنا في حالنا كافين خيرنا شرنا الله يلعن الكان السبب "نعلة" لا تعلي لا تدلي تخلي معلق كدي بين السما والارض اكان قلق منامنا وخلي بلدنا "ملطشة" لليسوى والمابيسوى ..آمين يارب
| |
|
|
|
|
|
|
|
|
|
Re: رســـالة الي...حكومـــة الخرتوم (Re: سجيمان)
|
فتيل ريحة بى 30 ريال قطع شك كرستيان ديور
او شانيل!!!!!!!!!!!!
اها ياود القبائل يوم تشيل اهلك ظنيتو الريحة اقل شى
بف باف هييييييييييييييييييييييييع
30 ريال كندا والله دى ام طرقا عراض ما توديك،،،،
| |
|
|
|
|
|
|
|
|
|
Re: رســـالة الي...حكومـــة الخرتوم (Re: صديق الموج)
|
سجيمان
ازيك
ومالك الناس كاتبين
DAWN USA .
رغم السوتوا فيهم امريكا .. وانت مقبل علي كندتنا دي ... ياخي قروشك دي بتكون دخلت جيب واحد سوداني مقطوع ديار في شيك ولفير ، بعدين بدون دعوات سقط هو اصلوا السقط مطلع زيت الناس هنا .. يا صاحبي السفير دا رحمك بكون عاين ليك كدة قال ده شنو المغفل اللابس بدلة وداير يجي كندا .. بصراحة صاحبك هو الغشاك اصلوا الكنديين جنهم وجن الزول اللابس بدلة فل سوت .. لو كان جيت لابس ليك برمودة كان قبلوك .. ياخي حراية السعودية دي حر يربطو فيها كرفته .. كنت تلبس ليك عقال . المهم لم باقي قريشاتك ولو رسلتها لصديقنا راني .. تبقى طيارتك قامت .. ومعاها تقوم ام الخير تدق ليك فيزا خروج نهائ من البيت اصلك بعزقت قروش وليداتها في الفارغة .
شكرا على الضحكة التي منحتني لها
| |
|
|
|
|
|
|
|
|
|
Re: رســـالة الي...حكومـــة الخرتوم (Re: ابنوس)
|
ابنوس
كاتبنها صاح مية المية
داون... فيها حرف الف..وحرف الالف.....يساوي يالانكليزي......A
وبعدين داون هنا منصوبة بالالف
| Quote: اصلوا الكنديين جنهم وجن الزول اللابس بدلة فل سوت |
لومك عليّ المرة الجاية امشي ليهم وانا لابس عراقي.....ولاّّ.... لابس سديري ود ابزهانة
| |
|
|
|
|
|
|
|
|
 Re: رســـالة الي...حكومـــة الخرتوم (Re: سجيمان)
|
لقد فهمت موضوعك يا عزيزي بطريقتي الخاصة وأهنئك عليه، وليت جماعة الإنقاذ يفهمونه..
ما هي دلالات بقاء قوانين سبتمبر التي فرضها النميري وما زالت باقية حتى الآن تحت مسمى قانون 1991 الجنائي؟؟
دلالاتها أن الحكومة تستطيع أن تحاكم معارضي "الدولة" "الإسلامية"، وبخاصة الذين يحملون السلاح ضدها، أو الذين يؤيدون محاكمة متهمي دارفور في المحكمة الدولية بلاهاي، بأنهم يحاربون الله ورسوله.. وما هو جزاء الذين يحاربون الله ورسوله؟ إنهم يقولون أنها موجودة في الآية الكريمة:
إِنَّمَا جَزَاء الَّذِينَ يُحَارِبُونَ اللّهَ وَرَسُولَهُ وَيَسْعَوْنَ فِي الأَرْضِ فَسَادًا أَن يُقَتَّلُواْ أَوْ يُصَلَّبُواْ أَوْ تُقَطَّعَ أَيْدِيهِمْ وَأَرْجُلُهُم مِّنْ خِلافٍ أَوْ يُنفَوْاْ مِنَ الأَرْضِ ذَلِكَ لَهُمْ خِزْيٌ فِي الدُّنْيَا وَلَهُمْ فِي الآخِرَةِ عَذَابٌ عَظِيمٌ (33)
وقد استخدموها في التنكيل بمعارضيها من حاملي السلاح في دارفور في يوم من الأيام وهذه صورة لبعضهم:
وهذا سيحدث لا محالة لجميع معارضي الحكومة سواء كانوا من حزب الأمة أو من مؤتمر البجا أو من غيره.. وقد رأينا بالأمس كيف منعت الحكومة حزب الأمة من الاحتفال بذكرى الانتفاضة واعتقلت بعضهم وضربت الرصاص، وأحاطت بدار حزبهم، ثم حظرت نشاط حزبهم..
ليت الجميع يفهمون دلالة مطالبة الاستاذ محمود بإلغاء مثل هذه القوانين قبل 20 سنة و 76 يوما من هذه الذكرى التي كان حزب الأمة يحاول الاحتفال بها..
ولكن لحسن الحظ فإن المجتمع الدولي لن يسمح لمثل هذه المهازل التي تفعلها الدول الفاشلة أن تستمر.. ولن تجدي النظام تنازلاته الأخيرة التي صرح بها وزير خارجيته ودعمها وزير خارجية النظام الفرعوني المصري والتي تقول بأن السودان مستعد للتعاون مع المحكمة الدولية لمحاكمة المجرمين بالسودان.. يا للسذاجة.. أول سؤال للوزيرين الهمامين: ما هي القوانين التي ستحاكمون بها هؤلاء المتهمين؟؟ ثاني سؤال: إذا كانت حكومة لا زالت تحظر نشاط أكبر الأحزاب السياسية وهو حزب الأمة فهل يثق بها أحد .. ثالث سؤال: هل تستطيع حكومة جمعت الدبابين والإرهابيين الملثمين في مسيرة هتف فيها الأمين العام للحزب الحاكم بصورة حمقاء "خائن خائن يا عنان" "عميل عميل يا عنان" وله سابقة أخرى وصف فيها السيد كوفي عنان بالـ "خائب"، هل تستطيع مثل هذه الحكومة أن تقنع مجلس الأمن بأنها حكومة محترمة تحترم القوانين..
ليس هناك من مخرج لهذه الحكومة سوى أن تعلن تراجعها عن هذه القوانين، ثم تقبل بوجود قانوني محمي للأمم المتحدة داخل السودان يشرف على تكوين حكومة وطنية تمسك بالبلاد ريثما يتأهل البلد لإقامة إنتخابات حرة نزيهة..
أشكرك يا أخي العزيز عمر عبد الله على إيراد فيديو حديث الأستاذ محمود في المحكمة قبل أكثر من عشرين عاما، فقد ظنت حكومة نميري ومعها قوى الهوس الديني بجميع صوره واشكاله، أنه ما أسهل التخلص من الأستاذ محمود وتغليف الأمر بمسألة الردة عن الإسلام.. كما يحاول المهوسون إيهام السودانيين بذلك حتى يومنا هذا، وهذا البورد يشهد، والإرهابيون قد قالوها في هذا البوست، فهل يستطيعون أن يحكموا على الأستاذ محمود مرة أخرى ويقتلوه.. أم أنهم سيتجهون إلى ذبح آخر؟؟ هذا ما ستكشف عنه الأيام
وعاش الإنسان السوداني حرا من التضليل ومن الإرهاب ومن الظلم..
| |
|
|
|
|
|
|
|
|
|
Re: رســـالة الي...حكومـــة الخرتوم (Re: سجيمان)
|
سيجمان الرمدان
حسه كدا انا حاحب الكندين اكثر
وياريتك تكون عرفت القنصل رفض لك ليه
لانه شم فيك ريحة كوز!!!!!!!
انا شخصيا كنت مغشوشه فيك!!!!
وكنت بضحك من كتاباتك(السنجه فى الرنجه) وقتها ما كنت عضوه وقلت بكره
ابقى عضوه واعمل مداخله فى بوست سيجمان......................
لكن الحمد لله الكشفك لينا مبكرا
ومن يومين وان بفكر اعمل لك بوست خاص عشان اوريك (ناس قرحت راحت)
ديل شنو!!!!!!!!!!!!
واقولها لك واضحه اخير كندا تختاها!
انت نسيت دقت شيخكم الترابى ما كانت فى كندا!!!!!!!!!!!!!!!!!!
والله يا سيجمان اسمع بيك فى كندا الا خش بسببك السجن!!!!!!!!!
ودى حليفة (مره غرباويه)!!!!!!!!!!!!!!!!
عشان نحن استوعبنا الدرس كويس ولا تسامح لاتصاح !
| |
|
|
|
|
|
|
|
|
|
Re: رســـالة الي...حكومـــة الخرتوم (Re: سجيمان)
|
يا بنت النيل
بتدعى على منو(ناس قريحة راحت)برضه!!!!!!!!!!!!!!!!!!!!!
اكيد لانه سجيمان الرمدان قال معاك امين.
كده خلونا نعلمكم ادب الدعاء
قال (ص) ( المؤمن ليس بطعاننا ولا لعان)
وانتم تلعنوا فى مؤمنين مثلكم بدلا ان تدعوا لهم بالهدايه!!!!!!!!
ام الطعن فشفناهوا منكم فى ابتهال التى طعنتوها و كمان من الخلف
رجل يطعن امراه من الخلف ,يعنى هو اجبن من مواجهتها!!!!!!!!!!!!
وى اسألوا منها صاحبكم عبد الرازق (بتاع الحكامات) يوريكم ماذا
تقول حكاماتهم فى الطعن من الخلف......
| |
|
|
|
|
|
|
|
|
|
Re: رســـالة الي...حكومـــة الخرتوم (Re: سجيمان)
|
شفتو كندا دي.... ما تشوفوها كدي؟...... امانة مو صواطة ولخباتة.....
وبعدين تصوط.. وتلبد.....وحسي شفتو ان طقصتو في قرارات مجاس الامني دا... تلقوها هي الحرشتهم.........
عليكم الله اكان بقيتو علي الكتال والنضم الكعب..اول حاجة انا دايركم كندا تسجموها وترمدوها ...
سجيمان ... قالوا المحبة الشديدة بتظهر للآخرين كراهية شديدة
حديثك عن كندا ده مو صحيح ضوومة
ده حديث إنت عاوز تخفى بيه محبتك وإرتباطك بيها
الخبر الشائع فوق البيت الأبيض فى الأسابيع الفاتت
تأكد اليوم بعد أن اخبرونى بعض الإخوة إنهم شاهدوك فوق التلفزيون
فى بيت الفراش مشيت تعزى ومعاك كندا وكمان لابسة طرحة
ومغطية كريعاته ومدنقرة وخشيمة مكفول
خركاتها حركات العروس زاتا
| |
|
|
|
|
|
|
|
|
|
Re: رســـالة الي...حكومـــة الخرتوم (Re: سجيمان)
|
عزيزي سجيمان،
أنا لم أخاصمك.. فهل كنت أنت قد خاصمتني؟
لك مني التحية والسلام.. مبروك بداية الاحتفال بالمولد النبوي.. لقد كتبت هذا الموضوع بمناسبة المولد، وما دام بوستك دا رسالة للخرطوم، قطع شك بقروهو..
اليوم السبت 9 أبريل 2005 يوافق الأول من ربيع الأول عام 1426 وفيه اعتاد السودانيون، والجمهوريون بداية الاحتفال بالمولد النبوي الشريف الذي يوافق الثاني عشر من ربيع الأول..
أسوق التهنئة إلى الجميع..
وأسأل الله أن يكون به بداية إحقاق الحق في السودان ونصرة المظلومين من المستضعفين والنساء والرجال "الذين يقولون ربنا أخرجنا من هذه القرية الظالم أهلها واجعل لنا من لدنك وليا واجعل لنا من لدنك نصيرا"، وذلك بزوال الدولة التي شوهت الإسلام وشوهت الشريعة بقوانينها "قوانين سبتمبر"، وساعدت في نمو الإرهاب والتكفير حتى صارت له سطوة عالمية وصلت ذروتها في زلزلة الحادي عشر من سبتمبر وما زالت تداعياتها مستمرة..
أرجو ألا ننسى أن كل هذا الهوس والإرهاب والطغيان قد بدأ في النصف الثاني لفترة الحكم المايوي، وبالتحديد بعد المصالحة الوطنية التي جاءت بالأخوان المسلمين وغيرهم من السلفيين الذين بدأوا باحتواء حكومة مايو وعملوا على تحويل مسارها نحو أهدافهم.. وقد كانت نقطة التحول في موقف الأستاذ محمود والجمهوريين عندما جاء الشيخ المصري محمد نجيب المطيعي إلى السودان وبدأ حملته التحريضية ضد الجمهوريين والمسيحيين والجنوبيين، من مسجد "التقوى" في حي كوبر، وهو المسجد الذي بُني على نفقة عمر محمد الطيب نائب رئيس الجمهورية ورئيس جهاز الأمن وقتها، ثم انطلقت الحملة نحو الإذاعة والتلفزيون.. فخرج كتاب "الهوس الديني يثير الفتنة ليصل إلى السلطة" في مايو 1983.. في هذا الكتاب الذي صدر والبلاد ما زالت تحكم بواسطة دستور 1973 العلماني، حاول الجمهوريون تنبيه السلطة إلى أن التحريض على الإرهاب والعنف ضد الجمهوريين وضد المسيحيين سوف يؤدي بالبلاد إلى كارثة إذا لم تقم الحكومة بوقفه..
لقد وصف الأستاذ ذلك الكتاب بأنه كتاب أمني من الدرجة الأولى.. وقد كان توقع الأستاذ محمود صحيحا، فقد انطلقت حركة حمل السلاح بواسطة الجنوبيين في نفس الشهر الذي اعتقل فيه الأستاذ محمود والجمهوريين..
نسأل الله بحق المصطفى نبي الرحمة أن يهزم هذا الطغيان والإرهاب ويسوق المجرمين إلى الجزاء والخزي ..
"ومن أظلم ممن منع مساجد الله أن يُذكر فيها اسمه وسعى في خرابها، أولئك ما كان لهم أن يدخلوها إلا خائفين * لهم في الدنيا خزي ولهم في الآخرة عذاب عظيم"
صدق الله العظيم
| |
|
|
|
|
|
|
|
|
|
Re: رســـالة الي...حكومـــة الخرتوم (Re: Yasir Elsharif)
|
د.ياسر
Quote: لك مني التحية والسلام.. مبروك بداية الاحتفال بالمولد النبوي.. لقد كتبت هذا الموضوع بمناسبة المولد، وما دام بوستك دا رسالة للخرطوم، قطع شك بقروهو..
|
يعود علينا وعليكم انت والاسرة بالخير والسلامة.....وربنا يكفي بلدنا شر الفتن والاحن
| |
|
|
|
|
|
|
|
|
 Re: رســـالة الي...حكومـــة الخرتوم (Re: سجيمان)
|
وهذه رسالة ثانية إلى الخرتوم يا عزيزنا سجيمان.. إن شاء الله تصلهم ويفهموها.. ببركة من صلى وقال يا الله..
ببركة مولد الهدى ورسول المحبة ونصير المظلومين..
هذه الرسالة كتبها سودانيون إلى كل من السكرتير العام للأمم المتحدة، ورئيس وأعضاء مجلس الأمن ، ورئيس المحكمة الجنائية الدولية، وهي موجودة في هذا الرابط، ويمكن لأي شخص أن يوقع إسمه ضمن الموقعين عليها.. وكما ترون فإنني قد وضعت توقيعي، وأهيب بكل المثقفين الأحرار أن يوقعوا عليها..
ياسر
http://www.sudaneseonline.com/petitions/main.html
ملحوظة توجد أخطاء طباعية سأضع تحتها خطا وسأنبه إدارة سودانيز أونلاين أن تقوم بالتصحيح..
=====
السيد سكرتير عام الامم المتحدة
السيد رئيس وأعضاء مجلس الأمن الموقر
السيد رئيس المحكمة الجنائية الدولية
نحن الموقعون أدناه ، مواطنون سودانيون ، حملنا الوطن في قلوبنا وعقولنا ، دون طمع أو فزع ، بلا من ولا أذى .. واذ نراه اليوم يمر بهذه التجربة العصيبة فاننا نرى ان من واجبنا ان نسجل الموقف التالي :
1- ان ما جرى من قتل للآلاف من ابناء أقليم دارفور، واغتصاب وتشريد ، جريمة بشعة ، هزت الضمير الانساني ، ولا يقبل ديناً ، ولا عقلاً ، ان تمر هذه الجريمة الشنعاء ، دون عقاب .
كما ان تحميل مسؤوليتها ، لافراد من الشرطة ، أو الجنجويد ككبش فداء ، يهرب به المجرمون الحقيقيون ، من جريرتهم ، كما تريد الحكومة السودانية ، خدعة سافرة، لا تجوز على أحد.
2- إن الاصرار من جانب حكومة السودان ، على محاكمة مرتكبي جرائم دارفور، أمام القضاء السوداني، تحت ظل هذا النظام ، أمر مرفوض جملة وتفصيلاً . وذلك لأن القضاء السوداني قد انحرف ، ولم يعد قضاء مستقلاً عن السلطة التنفيذية . وانما اصبح اداة في يدها ، توظفه لتصفية خصومها السياسيين ، مثله مثل أجهزتها الأخرى . ويكفي في هذا الصدد ، الاشارة الى المذكرة التي رفعها اكثر من مائة قاض ، يطالبون فيها باصلاح النظام القضائي ، بعد ان فصلت الحكومة مئات القضاة الشرفاء ، من الخدمة ، واولت مناصبهم لغير المؤهلين من عناصرها.
3- إن قرار مجلس الامن رقم 1593، والقاضي بتسليم مجرمي حرب دارفور الى محكمة العدل الدولية ، قرار صائب وحكيم ، يجد منا كل التاييد ، والدعم ، والاشادة بالدول التي رفعته ، والتي ايدته . ولا يمكن الاحتجاج على هذا القرار، بانه اعتداء على سيادة الدولة السودانية . وذلك لأن سيادة الدول يجب ان تراعى ، حين تحافظ هذه الدول على أمن مواطنيها ، وممتلكاتهم ، واعراضهم . فإن فرطت دولة في هذه الحقوق الاساسية ، فكيف تدعي بعد ذلك السيادة ، وتطالب مواطنيها بالدفاع عنها؟! أن عجز الدولة عن بسط القانون ، وحماية المواطنين ، ينقل السلطة تلقائياً من يدها للقانون الدولي ، الذي يجب ان ينصف كل شخص على هذا الكوكب .
والمجتمع الدولي ، الذي هرع الى دارفور بالمعونات المختلفة ، من غذاء ، وكساء ، ودواء ، حين قصرت الحكومة السودانية ، من واجبه ان يسعى الى ايقاف هذه الحرب الجائرة ، بمعاقبة مرتكبيها ، ومن حقه علينا ، ان ندعم قراراته ، الرامية الى تحقيق الامن في ربوع دارفور.
4- إن رفض الحكومة السودانية لقرار الامم المتحدة ، وتصريحها بانها لن تسلم المتهمين، حتى قبل اعلان اسمائهم رسمياً ، جاء في عجلة مريبة ، تدل على تورطها في هذه الجرائم . أما اعلان التعبئة العامة ، وحشد المظاهرات ، واطلاق التصريحات الجوفاء ، فانه لا يعدو المحاولة اليائسة ، لطمس الحقائق ، وتضليل الشعب ، واياهمه بان هنالك خطر محدق به ، بعد ان كشفت جرائم دارفور سوأة الحكومة ، وجعلتها تحاول الآن الحفاظ على بعض اعضائها ، ولو على حساب الشعب السوداني. على ان الشعب ، الذي يعلم ان هذه الحكومة لم تحقق له طوال الستة عشر عاماً الماضية ، الا الفقر والجوع ،والقتل ، والتشريد ، والتعذيب ، لن يختلط عليه أمر دفاع هذه العصابة عن نفسه ،ا مع الدفاع عن الوطن . فانه من اجل الوطن ، يجب محاكمة هؤلاء الآثمين بما جنت ايديهم .
5- لقد فرح الشعب السوداني ، وأيد جهود المجتمع الدولي ، التي دفعت حكومة السودان ، والجيش الشعبي لتحرير السودان ، لتوقيع اتفاقية السلام ، الي اوقفت نزيف الدم في الجنوب . وبدلاً من ان نتعاون مرة أخرى ، مع المجتمع الدولي ، لايقاف نزيف الدم في دارفور، اذا بالحكومة تصر على حماية الجناة ، من مجرد المحاكمة ، التي لن تضيرهم لو كانوا أبرياء . بل صرح بعض قادتها ، بانهم سيوقفون اتفاقية السلام مع الجنوب . وبهذا ترجع الحكومة الى عهد التلويح بالعنف ، ودق طبول الحرب ، وكانها لم تستفد شيئاً من دروس السنوات الماضية .
6- اننا نناشد الشعب السوداني العملاق ، في هذا المنعطف الخطير، ان يتحلى باليقظة ، ويركز على مطالبه الاساسية في اليمقراطية ، والمساواة ، وحقوق الانسان .. والا يصرفه عنها كل الاعيب الحكومة ، مهما ادعت من حرص زائف على السودان .
7- ونحن منطلق الوطنية الخالصة ، من الغرض نؤيد قرار مجلس الأمن . ونطالب السودانيين بالتعاون مع كل الاجراءات التي تقتضي تنفيذه .
صورة الى :
الحكومة الفرنسية –السفارة بواشنطن
الحكومة البريطانية – السفارة بواشنطن
الحكومة الامريكية
| |
|
|
|
|
|
|
| |
سجيمان
rani
Marouf Sanad
Habib_bldo
Elawad Eltayeb
ست البنات
عماد شمت
طه حسن عبدالله
صديق الموج
ابنوس
هاشم نوريت
شريف درار شريف
Yasir Elsharif
manubia
Tragie Mustafa
بلدى يا حبوب
فيس بوك
تويتر
انستقرام
يوتيوب
بنتيريست