|
دعواتكم لزميلنا المفكر د.الباقر العفيف بالشفاء العاجل
|
|
 Re: دايــر ابقــى..فســـِل (Re: سجيمان)
|
يا سجيمان
احكى ليك قصه حقيقيه
مره واحد صاحبى جانى و هو فى اشد الاستغراب ..
و عند سؤالى قال انه شاهد منظر لم يتوقع ان يشاهده فى حياته..
قال..اتى لتوه من زياره احد الاصدقاء ..و يشاركه فى السكن شخصا اخر..
عند وصوله لشقتهم ...حضر صاحب المبنى لتصليح التلاجه الا ان زميل السكن كان غير سعيدا بمبدا التصليح...كان يقول لسيد العماره It's OK, It's Ok
و اتضح ان السبب ان تصليح التلاجه معناه ميز و اكل و صرف و هو ما داير كده
قصه تانيه
كنا فى امريكا ساكنين فى شقه مليانه فيران و جقور,,واحد صاحبنا مشى استلف كديسه من احد معارفه..... و طوالى الفيران بدات تختفى ..بعد يومين الكديسه ذاتا اختفت ..سالت صاحبى الحصل شنو قال لى"ياالنصرى ياخوى الكديسه كل يوم داير علبه طعام ب 50 سنت ..انا اربى الكديسه ولا اربى اولادى فى السودان!! رجعتها يا النصرى اخوى"
تحياتى
| |
 
|
|
|
|
|
|
|
|
Re: دايــر ابقــى..فســـِل (Re: الفاتح يسن)
|
دا شنو السويتو الليلة ياشيخنا سجيمان ؟؟
والله داير ترجعنا لى مجاعة سنة 6 ذاتها !!
يا زول أفسل براك .. مفسلنا معاك لى شنو؟؟؟؟
نحن هنا صقيع ومطر طول السنة كمان تجيب ليها فسالة ؟؟
والله الا تجي تلقانا فطايس في البلد التلاجة دي !!!!
| |
|
|
|
|
|
|
|
|
|
Re: دايــر ابقــى..فســـِل (Re: mohamed osman bakry)
|
| Quote: ملحوظة اي مدرسة يكون فيها مدرس مبذر ويقول للطلبة اكتب في سطر وفط سطر امرق وليداتي منها طوالي....والله نحن ما عندنا قروش نضيعها في سطور فاضية ساكت..... |
و أنا أقول من زمان سجيمان "فاطى سطر" مالو؟!! .. أتارينو الكلام دا كان قبل ما تبقى فسـل 
| |
|
|
|
|
|
|
|
|
|
Re: دايــر ابقــى..فســـِل (Re: Ali Alhalawi)
|
علي الحلاوي
| Quote: و أنا أقول من زمان سجيمان "فاطى سطر" مالو؟!! .. أتارينو الكلام دا كان قبل ما تبقى فسـل |
ابدا وحاتك... الفلسكاب املا طسورو كلها وازح علي الهامش.....هو جايبنو بي هينة؟
| |
|
|
|
|
|
|
|
|
|
Re: دايــر ابقــى..فســـِل (Re: سجيمان)
|
| Quote: علم الفسالة.....وعلم القوالة..... ديل علمين مهمين |
افو ... أسد الخلا !!!؟؟
سجيمان أخو البنيات وعشا البايتات .....هلا هلا
أنأ اخوك يا وداب زهانة
| |
|
|
|
|
|
|
|
|
|
Re: دايــر ابقــى..فســـِل (Re: سجيمان)
|
الاخ الدكتور عادل (( البيطري الناجح ))
لكن انت ما وريتنا الاسباب التى حملتك على هذا التحول والتغير الذي يمثل بمثابة تحول خطير
سؤال : انت ام الخير دي لو رفضت حا تسوي ليها شنو ؟؟؟
| |
|
|
|
|
|
|
|
|
|
Re: دايــر ابقــى..فســـِل (Re: saif massad ali)
|
سجيمان حبابك
تعرف ماتكون فسل وجلد وقحف بس شوف وظيفة تانية وهي
حـــــــــــــــــــــــــــــــــــــــــرامــــــــــــــــــــــــــــي
نهـــــــــــــاب وتاكل ناقة النبي وزرق اليتامى
بس بالطريقة دي بتلقلا نفسك قحفلياردير
| |
|
|
|
|
|
|
|
|
|
Re: دايــر ابقــى..فســـِل (Re: سجيمان)
|
Quote: ياالنصرى ياخوى الكديسه كل يوم داير علبه طعام ب 50 سنت
يعني بتكلف اكتر من اي شافع في امبدة |
!!!!
الخلا ولا الرفيق الفسل
اها دي تحلها كيف؟؟؟؟
| |
|
|
|
|
|
|
|
|
|
Re: دايــر ابقــى..فســـِل (Re: Ehab Eltayeb)
|
الحق سي جى مان ..........
داير يبقى فسل ..........يا ربى القروش البدخرها دى .... حيديها منو .......
سيجمان ...... ما تمسكنى الفضل بعد الفسالة وبرجعوا ليك بعد داك واللا ما كدى........
| |
|
|
|
|
|
|
|
|
|
Re: دايــر ابقــى..فســـِل (Re: سجيمان)
|
ســــــــجـيــــــمــــان ؟؟؟؟؟
أيوا انت : يا سـجــــــيــمــــــــــــــــــــــــان ؟؟؟
شايفك تبرطع بي هنا براك !!
وكمان متفسح للنهاية : داير أبقى فسل !!!!!
وينا أم الخير دي ..... آ ........ شيخنا ؟؟ .. وين مشت ؟؟؟!!
أنا هادي والقعدة في خشم الحوش دا راجيها لامن تجي !!!!
خضر
| |
|
|
|
|
|
|
|
|
|
Re: دايــر ابقــى..فســـِل (Re: سجيمان)
|
كان كدي .. آ ..... شيخنا انا امانة ما اتمقلبت
انا فقد قعدة في خشم الحوش من أمس قايلا برة وقاعد راجيها عشان ترجع واقوم احكيلا بالقاعد تسوي فيهو انت دا..
أتاري هي المسيكينة غاطسي وسط الدلاقين تخيت َ؟؟؟
يا حليلك والله يا ام الخير... امانة مابتشبعي مغسةّّّ ***
خضر
| |
|
|
|
|
|
|
|
|
|
Re: دايــر ابقــى..فســـِل (Re: سجيمان)
|
صحي بقيت فسل ده كيفن أنا شفتو
دسيتو مني مش عشان ما اشوف
مساحة الصاج دي يا دكتور يا راقي
يا اخوي اسمها مُعراكه الليلت الدوكه
قال مساحة الصاج هو صاج ولا قزاز عربية
| |
|
|
|
|
|
|
|
|
|
Re: دايــر ابقــى..فســـِل (Re: سجيمان)
|
سيجيمان أخوى ،
جاييى تبقى بشعى اخر الزمن ?
وتحرمنا من الكسترد كمان ? وا سيجيمتى !
وبس تانى ماب اقدر اجى بي حيلتكون أصلى ! عارف فيشان شنو ?
فيشان بتتملى عقارب ودبايب وألاس ( عارف الألس يا شنو ? الدبيب القصيير . أب دفان )
باقى الزول الفسل نحنا نقولو جيوبك فيها عقارب ( أكنو ماب يدخل ايدو فى جيبو خايف من العقارب )
والفسل ضومة ضومة - نقولو عندك دبايب فى جيوبك !
--
دحين يا خوى غيير بدل شوفلك صيرفى ، ولا يانا الجايين سايقيين بينيتنا منك وقت جاييى تقتلها بالمغسى والجوع زى قول الخدر !
باقيلى جاييى تلملم القريشات فحال تعرسبها ! نان امانى ماب احدس ام الخير فحال بس كل يوم تقولك الملاح ادففق ، وانت تمشى تانى فوق قلبك تبيعلك قفة خدار ووقة لحم ، وكمان اقولها دفقى ألمى فوق الفحم زى التكنك ماكى شايفا شى !
وانت تشيل السوق فوق قيليبك حانف ويشييك كدى تجيبلهون الرغيف المو خمج !
وما تقولى الغيرك وزعلك منى شنو !
انا باقى نضمك دا كيف وجعنى ! فحال الميسيكينى ديكا ماب تفتح خيشيمها تقولك لع ولا أييى تقوم تبرطع فوق ريويسا ?
ست البنات .
| |
|
|
|
|
|
|
|
|
|
Re: دايــر ابقــى..فســـِل (Re: ست البنات)
|
ست البنات
Quote: نان امانى ماب احدس ام الخير فحال بس كل يوم تقولك الملاح ادففق ، وانت تمشى تانى فوق قلبك تبيعلك قفة خدار ووقة لحم ، وكمان اقولها دفقى ألمى فوق الفحم زى التكنك ماكى شايفا شى !
|
والله يا ست البنات بتعرفي للغتاتي جنس عرفي.......
اها يا زوله الفسالي دمسناها
| |
|
|
|
|
|
|
|
|
|
Re: دايــر ابقــى..فســـِل (Re: سجيمان)
|
ود الشيخ أخوى ،
كيف حالك ،
أساعيتى أنا بنضم ، عيلى ان بيقينا شيلنا نيجيريا دى جنس نضمنا دا تلقوا وين ???
يا ربى يبقى نلقالنا عندهم ساقى ومترة وتميرات وقرفتن شى ????
أسع النضم دا خلو ، كت جاييى اسعلك ،
انجيت أبوك الشيخ دا ماب يعزملنا فوق ايدياات سيجيمان دا فحال يبقى سخى ???
وكتر خيرك على المرور . ويريدك رب العالمين .
ست البنات .
| |
|
|
|
|
|
|
|
|
|
Re: دايــر ابقــى..فســـِل (Re: ست البنات)
|
ست البنات أخيتى
سوقى أخيتك أم الخير
اندلى لشيخنا ود المبارك
خليهو إديكم كادوك السرير
( ده نوع بدخلوه فى ماسورة السرير)
وإن كمان شلتى نيجيريا ياه بكان
الكادوك الأصلى ...
الجنا دا باقى مسيخيت
بدور إلم القريشات ياخدلو بنيى صغيرى ...
فوق أخيتك
عماد كرنديس
| |
|
|
|
|
|
|
|
|
|
Re: دايــر ابقــى..فســـِل (Re: عماد عثمان)
|
عمادعثمان
Quote: ست البنات أخيتى
سوقى أخيتك أم الخير
اندلى لشيخنا ود المبارك
خليهو إديكم كادوك السرير |
يا زول انا بلا كادوك سرير....وحات الله نعجة.. بااااااع... لا بهش ولا بنش
| |
|
|
|
|
|
|
|
|
|
Re: دايــر ابقــى..فســـِل (Re: سجيمان)
|
أهـــا يا ســجيمــــان أخوي أتاريك تفط في السطور ساكت هنا وتكتب كبار كبار، عشان بكري ابوبكر ده مدرستو بتوزع الكراسات مجان
طيب مدارس السجم ديك كراس الرسم البياني البفوطّو فيه صفحه كامله ده نعمل معاهو شنو لالالالا ما أنا من الأول قلتلك الشغلانيه دي ما بتبقى
وبعدين نقوم نقول للناس ديل يرجعو الأرديه للمدارس تاني بدل البناطلين الفيها تبزييير شديد دي؟
وطابور النضافه ده زاتو لازم يطلع قرار وزاري يبقوهو كل أول شهر (مع الماهيه) عشان الناس تقتصد في غسيل الملابس - يبقى شهري - وسنون المشط برضو من الكسير
بعدين أمريكا دي من زمان قلت ليكم بلد التبزير زاتو، يعني يفلحو يسوو لينا مكنة حلاقه (للإستعمال مره واحده)، وكميرا برضو مره واحده وما قدرو يسوو لي أخوانا الفي أمريكا كديسه (مره واحده) بدل البتكلف 50 سنت في اليوم دي
غايتو أنحنا مريحين دماغنا من الناحيه دي كديسة الجيران طبعا المسكينه - ماقعد تشوف التلفزيون وكدايس بره العندهم معلبات و(قصريه لامواخذه)وووإلخ - مافي زول بديها تاكل، المسكينه منضفه بويتات الفريق ريحة الفار(طعامها الأوحد)، تلقاها قاعده تسمع في ونسة النسوان كل ماتسمع واحده منهن تحكي شافتلها فار تقوم الكديسي من المغرب تشيل عفشا وتسكن عندهم،
لكن موضوعك ده وقصة كلب جيرانا (التانين) حايخلوني أكوّن معاك تكتّل (الرفيق الفسل) المحافظ. قبل ماتنطّو لي في حلقي أسمعو قصة كلب جيرانا حا أحكيها ليكم في البوست القادم بعد إذن سجيمان طبعا
| |
|
|
|
|
|
|
|
|
|
Re: دايــر ابقــى..فســـِل (Re: كمال حسن)
|
كمال حسن
Quote: وبعدين نقوم نقول للناس ديل يرجعو الأرديه للمدارس تاني بدل البناطلين الفيها تبزييير شديد دي؟
|
يا زول اردية شنو؟...... انت حسي فرقك منهم شنو؟ ما مبزر زيهم....... يعفوهم لا بناطلين ولا اردية..... والسترة من الله
| |
|
|
|
|
|
|
|
|
|
Re: دايــر ابقــى..فســـِل (Re: سجيمان)
|
اها ياخوانا
جيرانا الناصيه كان عندهم- في الزمن السمح - كلب سمين مدغلب مسمينو (رنقو) كانت وجباتو في مواعيدا اها ابوهم المسكين لأنو متمسك بي مبادؤو شديد ماقدر يتعايش مع إفرازات التكتلات الأقتصاديه النشأت في العهد الإنقاذي الجميل، أها في نفس الوكت البيت لصقهم كان فيه واحد من (قافزي الزانه) صعد من الصفر إلى الأعلى بسرعة حيرته هو شخصيا قبل الآخرين -عشان كده عيونو بقو منططات - اها زولنا الأخير ده ما كان عندهم كلب
فقام رنقو وهو الأكثر إلماما بهذه التحولات الجزرية، وبعد أن تأثر بإخوته (بعض البني آدمين في الزمن ده) كل يوم أشوف ليك محل رقدتو قدام البيت تتغير وتمشي إتجاه ناس (ابوعيون منططات) لغاية ما جا يوم لقيتو يتمغى ليك الصباح و طالع من بيت (الأخير)، ومن اليوم داك بقى كلب ناس اب عيون منططات
لغاية هنا والحكايه يمكن هضمها، لكن كونو يحصل بس بعد يومين يقوم الحرامي ينط بيت (المبدأجي) ويعدمو ليك قدر الفضل، و (رنقو) لم تهتز له جفن، ده اليخلي الواحد فعلا ينضم لي تكتل (الرفيق الفسل) عشان ما نفقد كدايسنا وكلابنا وسيد لبنا وآخـــــــــــرين
مش كده يا دكتور؟
| |
|
|
|
|
|
|
| |
سجيمان
omer almahi
الواثق تاج السر عبدالله
الفاتح يسن
خضر عطا المنان
المسافر
تولوس
المكاشفي الخضر الطاهر
saif massad ali
شمهروش
حبيب نورة
omar ali
Ehab Eltayeb
ست البنات
كمال حسن
فيس بوك
تويتر
انستقرام
يوتيوب
بنتيريست