دعواتكم لزميلنا المفكر د.الباقر العفيف بالشفاء العاجل
|
|
 حـِنـة العـروس...... تصميــم... سـتونة مجــروس
|
ستونة مجروس..والله اسم ابوها ماني قابضو......واظنو الناس السموها كدي عندهم فهم في الاسم دا.....شفتها في تلفزيون الحرة... نضمو فيها كتير خلاص .....نضم كلو سمح........وهي تستاهلو...... هيع ... عفيت منها ام دربن ماكن.......تستاهلو لانها .. علم من اعلامنا الثقافية..... والينضم فيها نضم ما راكب عدلو.....ولاّّ يتلوم فيها..... انا ما بريحو...... اقلب ليهو الكرتونة واوريهو المكشن بلا بصل......انا مبسوط منها... بسط شديد.... بسط يشفِق...... لانها شالت ثقافتنا ومشت نشرتها في مصر..... وفي العالم حسي ...مش جابوها في قناة فضائية؟......ستونة مجروس ...... مرقت من السودان..... من الشارع السوداني....وشايله معاها....عدةالحنة.....والفركة.....والشف......والفدو.......واغراد الجرتق.... شالت الحوق....و الضريرة....والحريرة...والعتنيبة....والسباتا.........وفن الرسم.. رسم الحنة.....وتعليم العروس الرقيص......وتغني اغاني الناس الساكت.... القاعدين يغنوها في اعراسهم.....
بقت تحنن وترسم الحنة...ولا احسن تشيكلي تغيااااان وقلبو مسدود عليهو....نجحت ستونة مجروس...... وفشل اخرون... رغم الهيصة والزمبيريطة..... العاملنها لي روحهم......ينجحو كيف؟....وهم متنكرين لاهلم و للثقافة حقتهم....ودايرين يتلصقو في ثقافة الناس التانين؟......نجحت ستونة مجروس عشان شالت الاصل... شالت الساس....ومشت ورتو لي الناس برا....ولا كلفها شي.. وطلعت اذكى من اجعص مثقفاتي.......انتشرت ستونة مجروس عشان متعصرة في واطة الله دي....وما رافعة نخرتها.....
ستونة مجروس علم من اعلامنا الثقافية..... بيعرفها الوسط الفني في مصر والوسط الاعلامي والوسط الثقافي...... بيعرفوها.. اكتر من معرفتهم لي ... ناس حمبرا وغناما...... وناس ود ابزهانة.....ناس عاملين فيها مقددين الثقافة..... ومنقطنها.....ودايرين الناس يعرفوهم بالقوة....ولو ما بتعرفهم انت متخلف....وما عندك فهم..وزيك وزي أي بغل.... من بغال الله الجربانة.....
التحية للسفيرة....العلم...... ستونة مجروس..............
|
|
 
|
|
|
|
|
|
|
|
حنة العروس (Re: سجيمان)
|
الناس القاصدهم ديل بينطبق عليهم مثل حبوبتى بيقول:
ده اسموووو البوبار في بيوت الايجار
| |
|
|
|
|
|
|
|
|
|
Re: حنة العروس (Re: ALMURADABI)
|
الموردابي
| Quote: ده اسموووو البوبار في بيوت الايجار |
بالضبط..........
الزول يخلي بيتو.. بي خيرو
ويتفلهم فوق بيوت الناس
| |
|
|
|
|
|
|
|
|
|
Re: حـِنـة العـروس...... تصميــم... سـتونة مجــروس (Re: نجود حسن عبد الرحمن)
|
نجود حسن عبد المحمود
| Quote: على فكرة منى زكى الممثله جابتة يوم عرسها عملت حفله حنة مخصوصة واتسجلت واتبث جزء منها فى قناه المحور فى برنامج اسم فرح كليب ... عندكم مانع تانى |
ايوا ستونة... استطاعت ان تخترق الوسط الفني المصري بكل سهولة وهدوء..... ودا كلو لانها اتعاملت بي سجيتها....مش بي عنطظزة
| |
|
|
|
|
|
|
|
|
|
Re: حـِنـة العـروس...... تصميــم... سـتونة مجــروس (Re: Samer Osman)
|
سمير عثمان
| Quote: الثقافة السودانية ما منتظرة العرب يقيمونا |
معليش
التقيم ضروري..... المسعلة مو هوشة.... دي العولمة... قبل ما تغزوك الثقافات التانية.... حاول تصدر ثقافتك واغزو الغير...... باي وسيلة..... نحن حيجي يوم ما حنستمع لاي فنان سوداني..... خنقعد نسمع نانسي...وهيفاء....وعلامة.... غصبا عننا.....
انا برضو بفتخر بي محمد الايمن وبي نصطفى سيد اخمد وبي وردي وبي كابلي..... لكن برضو محتاجين نطلع من قمقم المحلية....... انا عارف انو ناس شرق افريقيا بيسمعونا... لكن برضو ما كفاية.................
| |
|
|
|
|
|
|
|
|
|
Re: حـِنـة العـروس...... تصميــم... سـتونة مجــروس (Re: سجيمان)
|
..
.
والله يا دوك البابور ام دربن ماكن دا كن طلع فيك
الا يرفعوه منك بفوكليفت ..
بعدين الزولة دى الظاهر مع كل طلعة بتحتاج لقلم شفايف كامل ( روج بس ) ..
بس ياهو البابور جاز خلي يشتغل والشغل ب......... ( اكمل الفراغ ) حسب خيالك
وجهة نظــر:
طبعاً لاني عارفك انك حفيد برناردشو السوداني
(كجامتك ) هنا وحبلك ممد حـّد للسما .. بقول ليك :-
سفيرة زى دى مفترض سحبها من التمثيل الدبلوماسي ..
وبقرار وزاري ..
تبلدينا>>> واحد جرمندي ما مثقفاتي بس جنو وجن
الثقافة المخشلعة المبتورة ..
التايه بين الفرعنة والسودنة والافرقة والعروبة ..
آها ردك ورد المشجعين شنو !!؟
وبعد دا عاشت .. ستونا لتعكس ( بشتنتنا )
| |
|
|
|
|
|
|
|
|
 Re: حـِنـة العـروس...... تصميــم... سـتونة مجــروس (Re: سجيمان)
|
التحية للسفيرة..العلم... ستونة مجروس..
التحية..لك... وانت سجمان ساكت... كلمة لابد ان تقال في حق ستونة...
عندما بدا مشروع العلاج بالموسيقي في السبعينات بمستشفي التيجانى الماحى بامدرمان ذلك الصرح العظيم... كانت ستونة من اوائل المشاركات في انجاح وارساء دعائم هذا العمل النير بفكرتة النيره والتى وقف خلفها كوكبة من خيرة الاطباء والعلماء المستنيرين في مجال الطب النفسي وكان قائد المجموعة الفنية المطرب الراقص الفنان الراحل المقيم عبد العظيم حركة... فقد كان عظيما بافعالة.. وملئ بالحركة والنشاط.. حتى في مجال نقابة الفنانين... ومنه اخذت مجروس الكثير وتعلمت ان الفن هو مايخدم المجتمع... ليس للصفوة... انما الفن للعامة... وان الفنان هو وليد البيئة الثقافية التي يعيش فيها... يوثر ويتاثر بها.. فن للغلابة والتعابة...البنايين ...الغسالين... العتالة.. الذين لايعرفون تى اس اليوت ..ولامائة عام من العزلة... ولايسعدهم ذلك ... يحبون الوابور جاز... ويرقصون طربا مع سميرة بوب... وتعجبهم لوحات الرسامين من امثال جحا... يقهقون حتى تبين نواجزهم لعشمانة... قبل ان يعرف هولاء بالكوميديا واؤلائك بالتشكيل لايتبنون الافريقانية...لانهم هم الافارقة انفسهم..
انهم هم افريقيا نفسها شوتهم شمسها...
حملت ستونة هذة الافريقية فى صرتها لتغزو الاعراب والفراعنة في عقر ديارهم ولم تسسلم منها حتى قنواتهم الفضائية...
للة درك ستونة مجروس.. فقد حملتى لهم ماقالة الشيخ تاج الدين البهارى.. عجينتهم العبقة المضمخة بالروائح و بالعطور.. الحناءوالالوان والطبول الافريقية التى تهز القلب جوة وهذا سرها الذى عرفتة الصوفية.. (من معانى مسرحية ريش النعام ل خالد المبارك)..
( نجحت ستونة مجروس...... وفشل اخرون... رغم الهيصة والزمبيريطة...)
هذة كلمة واحدة في حق فنان حقيقى وسوف تعقبها كلمات..2 ..3..4
| |
|
|
|
|
|
|
|
|
|
Re: حـِنـة العـروس...... تصميــم... سـتونة مجــروس (Re: sumah)
|
الاخ سيجمان
تحياتي
ملاحظة أولى : المهجر بعد 30 يونيو1989م أحتوى كل أطياف المجتمع السوداني .. أليست ظاهرة غريبة .. أن يتضرر من هذا الانقلاب كافة أطياف المجتمع وليس فقط من يهتمون بالشغلة السياسية كما في السابق.
ملاحظة ثانية : ستونه مجروس شاركت في العديد من الأفلام المصرية .. وامام عمالقة من السينما المصرية وكان لها حضور أشاد به الكثيرين ...
ملاحظة ثالثة : فيلم الراحل حسين شريف الوثائقي بعنوان: السودانيون في مصر .. والذي عكس فيه حجم المعاناة التي يتعرض لهاالسوداني في دول المهجر (مصر نموذج) كان لستونه مجروس دور هام في هذا الفيلم والذي أصبح بعد ذلك من الوثائق الهامة والتي تم تداوله في كثير من المنظمات المهتمة بحقوق الإنسان .. وعرض كذلك في مؤتمر فيينا وكان حدث ألجم الراحل عبد العزيز شدو عن صوغ دفوعه عن عدم وجود انتهاكات لحقوق الإنسان في السودان أيام ما كان وزير للعدل ...
ستونه مجروس علم في رأسه نار لها التحية والتجلة لمواقفها المشرفه
أخوك ياسر حامد
| |
|
|
|
|
|
|
|
|
|
Re: حـِنـة العـروس...... تصميــم... سـتونة مجــروس (Re: sumah)
|
sumah
Quote: التحية للسفيرة..العلم... ستونة مجروس..
التحية..لك... وانت سجمان ساكت... كلمة لابد ان تقال في حق ستونة...
عندما بدا مشروع العلاج بالموسيقي في السبعينات بمستشفي التيجانى الماحى بامدرمان ذلك الصرح العظيم... كانت ستونة من اوائل المشاركات في انجاح وارساء دعائم هذا العمل النير بفكرتة النيره والتى وقف خلفها كوكبة من خيرة الاطباء والعلماء المستنيرين في مجال الطب النفسي وكان قائد المجموعة الفنية المطرب الراقص الفنان الراحل المقيم عبد العظيم حركة... فقد كان عظيما بافعالة.. وملئ بالحركة والنشاط.. حتى في مجال نقابة الفنانين... ومنه اخذت مجروس الكثير وتعلمت ان الفن هو مايخدم المجتمع... ليس للصفوة... انما الفن للعامة... وان الفنان هو وليد البيئة الثقافية التي يعيش فيها... يوثر ويتاثر بها.. فن للغلابة والتعابة...البنايين ...الغسالين... العتالة.. الذين لايعرفون تى اس اليوت ..ولامائة عام من العزلة... ولايسعدهم ذلك ... يحبون الوابور جاز... ويرقصون طربا مع سميرة بوب... وتعجبهم لوحات الرسامين من امثال جحا... يقهقون حتى تبين نواجزهم لعشمانة... قبل ان يعرف هولاء بالكوميديا واؤلائك بالتشكيل لايتبنون الافريقانية...لانهم هم الافارقة انفسهم..
انهم هم افريقيا نفسها شوتهم شمسها...
حملت ستونة هذة الافريقية فى صرتها لتغزو الاعراب والفراعنة في عقر ديارهم ولم تسسلم منها حتى قنواتهم الفضائية...
للة درك ستونة مجروس.. فقد حملتى لهم ماقالة الشيخ تاج الدين البهارى.. عجينتهم العبقة المضمخة بالروائح و بالعطور.. الحناءوالالوان والطبول الافريقية التى تهز القلب جوة وهذا سرها الذى عرفتة الصوفية.. (من معانى مسرحية ريش النعام ل خالد المبارك)..
( نجحت ستونة مجروس...... وفشل اخرون... رغم الهيصة والزمبيريطة...)
هذة كلمة واحدة في حق فنان حقيقى وسوف تعقبها كلمات..2 ..3..4 |
نضمك دا اصلو ما بتزاد....ويمين... اخير من نضمي الفي البوست...... الله يخدر ضراعك ويعدلها عليك محل ما تقبل
| |
|
|
|
|
|
|
|
|
|
Re: حـِنـة العـروس...... تصميــم... سـتونة مجــروس (Re: سجيمان)
|
| Quote: ستونة مجروس..والله اسم ابوها ماني قابضو......واظنو الناس السموها كدي عندهم فهم في الاسم دا..... |
من الأسم و الله أعلم أعتقد انها من النوع المفضل لفنانى الحقيبة
يعنى من نوع:
شبه المهر الوحيل...و لاطم أمواج من غير لجة...و اتوسد فى فنايدو تل تل
وما الى ذلك من الوصف الحسى لتلك الفترة
بس ده زمانو ولى
الان يفضلونها رشيقة
| |
|
|
|
|
|
|
|
|
 Re: حـِنـة العـروس...... تصميــم... سـتونة مجــروس (Re: ALGARADABI)
|
د. عادل..
تحية..
دعني أزيدك من الشعر بيت..
فقد..
.
شاركت.. الفنانة ستونة المجروس..
معهد الدراسات الأفروآسيوية التابع للجامعة الأمريكية.. بالقاهرة..
إحتفالاته..
يعني أكاديمياً ما عليها غبار..
وقد وجهت لها الدعوة..
دون غيرها..
فهي تستحق لقب سفيرة..
هي فعلاً..
مثقفة سودانية...
بحسب تصنيف..
هيئة مواصفات..
ومقاييسس...
إستنارة...
شعاع..
المثقفاتية....
| |
|
|
|
|
|
|
|
|
|
Re: حـِنـة العـروس...... تصميــم... سـتونة مجــروس (Re: A.Razek Althalib)
|
عبد الرزاق الطالب
سلملم
Quote: الفنانة ستونة المجروس..
معهد الدراسات الأفروآسيوية التابع للجامعة الأمريكية.. بالقاهرة..
إحتفالاته..
يعني أكاديمياً ما عليها غبار..
وقد وجهت لها الدعوة..
دون غيرها..
فهي تستحق لقب سفيرة..
هي فعلاً..
مثقفة سودانية... |
هي مثقفة.....مثقفة... باي معاير تخارها يا رزقة
| |
|
|
|
|
|
|
|
|
|
Re: حـِنـة العـروس...... تصميــم... سـتونة مجــروس (Re: سجيمان)
|
والله ياسيجمان
انا بالجد شي فيني عمري ما حبيت غنا البنات ده كله كله
وزعلانة اصلا ليه سموه غنا البنات ( عدييل كده )
وبتضايق كنت جدا من الكلام العبيييييييط اللي فيه
ولما شفت المجروس ستونة في فيلم مع محمد هنيدي وبتغني غنا البنات بلهجتنا
والجماعة مهيصيين ما فاهمين حاجة
إحرااااااااااااااج شديد لقيته ليك في الاول، قلت كمان حينشروه !!!!!!!
بس فن رسم الحنة ده مافيه كلام ولا إعتراض لانه شي جميل شديد
وشي بيميز السودانيين في اي حتة في العالم بالحنة السوداء
وخلاصة كتابتي ليك هنا
انه شكرك ليها عجبني عجب في الدنيا دي
بس التركز في الحنة
| |
|
|
|
|
|
|
|
|
|
Re: حـِنـة العـروس...... تصميــم... سـتونة مجــروس (Re: سجيمان)
|
| Quote: التحية للسفيرة....العلم...... ستونة مجروس.............. |
الــمبدع الـرائع بحق دكتور سجيمان
انت دائما تجيب حاجات جميلة وستونة فنانة بحق
تحيه وتقدير لها ولك وللزوار الكرم
والسميعه اللذين يقدرون الفن والفنان والفنانة.
من فوق سطح الجبل....
هشام مدنى
| |
|
|
|
|
|
|
|
|
 Re: حـِنـة العـروس...... تصميــم... سـتونة مجــروس (Re: سجيمان)
|
للسفيرة..العلم... ستونة مجروس..
التحية..ولك سجيمان... كلمة لابد ان تقال في حق ستونة..(2)
في الاول لابد من التاكيد علي اهمية تقييم موقفنا من التراث ومدى امكانية نشره علي اوسع نطاق اوكما يقولون غزو وتعريف بقاع اخرى في هذا العالم بنا وبفنوننا .. جميع ضروبها.. (الذى هو قرية صغيرة بفضل ثورة الاتصالات )..
ثانيا التاكيد والتصدى لاشكالية معنى ثقافة.. وخاصيتنا الثقافية.. كسودان وطن قارة.. يضم تسشكيلات متعددة لكن يربطها ببعضها البعض جزورحضارية واحدة ..
ستونة.. واخريات.. ويمكن ان نضيف واخرين... هم المثال والتجربة التى سوف نرتكز عليها نبين من خلالها ونؤكد من هو الفنان ومن هو المثقف الحقيقى.. لان الحقيقة الغائبة تم تغييبها باهداف واضحة ومقصودة.. اولعدم درايه وجهل مارسة عدد من فاقدى المعرفة وانصاف مثقفين وجهله تدعمهم جبهة عريضة من المنافقين.. وحارقي البخور.. والذين يعانون من الامرين.. امية ابجدية.. وامية حضارية..سؤال مهم لابد من الاجابة علية:-
هو اين تكمن عناصر حضارتنا??
وماهو مناخ بيتنا الثقافية??
وحتى نهتدى ونستدل بحق كل الاراء.. تكون ستونة مجروس هى نموذج التجربة.. واغنية حبيبة الى نفسى تقول:-
الظلط الظلط ازانا..
وشال الشباب خلانا..
احى انا..
اغنية تمس جوهر الحقيقة وتشير الى بداية مشكلة العنوسة المتفشية بالوطن والتى جسدتها وبعمق اغنية معبرة تقول:-
جاياك يااب شرة..
جاياك.. جاية احتو معاك يااب شرة ..
بالضرة يااب شرة..
بالضرة ان شاء اللة راجل مره..
تفاقمت المشكلة من الاحساس ال بيعنى نعمل شنو??? الى مرحلة االقبول الاصرارى والمترصد والذى عبرت عنة غنوة اخرى بتقول..
ركبنى عربيتو..
وعرفنى بيه بتو..
معرس وانا قبلتو..
( نجحت ستونة مجروس...... وفشل اخرون... رغم الهيصة والزمبيريطة...)
هذة كلمة واحدة في حق فنان حقيقى وسوف تعقبها كلمات..2 ..3..4
| |
|
|
|
|
|
|
|
|
|
Re: حـِنـة العـروس...... تصميــم... سـتونة مجــروس (Re: سجيمان)
|
سيجمان
Quote: ستونة مجروس ...... مرقت من السودان..... من الشارع السوداني....وشايله معاها....عدةالحنة.....والفركة.....والشف......والفدو.......واغراد الجرتق.... شالت الحوق....و الضريرة....والحريرة...والعتنيبة....والسباتا.........وفن الرسم.. رسم الحنة.....وتعليم العروس الرقيص......وتغني اغاني الناس الساكت.... القاعدين يغنوها في اعراسهم.....
|
اتفق معك فى انا ستونه مجروس سفيرة الثقافات السودانية للعالم وكثيرا من ابناء السودان فى المهجر وخاصة فى الخليج كانوا يتخيلون ان الحنة هندية العادات وعرفها السودان اخيرا ولكن ما قدمته ستونه مجروس عبر القنوات الفضائية لعب دورا مقدرا فى تغير مفاهيم بعض الاجيال السودانية التى تجهل موروثاتها الثقافيه
تحياتى
| |
|
|
|
|
|
|
|
|
|
Re: حـِنـة العـروس...... تصميــم... سـتونة مجــروس (Re: بلدى يا حبوب)
|
| Quote: ستونة مجروس علم من اعلامنا الثقافية..... بيعرفها الوسط الفني في مصر والوسط الاعلامي والوسط الثقافي...... بيعرفوها.. اكتر من معرفتهم لي ... ناس حمبرا وغناما...... وناس ود ابزهانة.....ناس عاملين فيها مقددين الثقافة..... ومنقطنها.....ودايرين الناس يعرفوهم بالقوة....ولو ما بتعرفهم انت متخلف....وما عندك فهم..وزيك وزي أي بغل.... من بغال الله |
تانى قمنا لي سيرة البينيوية وسنينها!
جني
| |
|
|
|
|
|
|
|
|
|
Re: حـِنـة العـروس...... تصميــم... سـتونة مجــروس (Re: سجيمان)
|
والله ذوتو ثقتي في الفنون الشعبية..كنت بقول يا ناس أنا بحب أي فن بيميل للشعبي عدا المؤتمر...يعني مردوم عبدالقادر سالم وعبدالرحمن عبدالله ...أغاني التمتم والدلاليك قالوا لي ساقط.
والله المرأة دي أنا معجب بيها من ما كنت في مصر..بس خشمي دا ما فتحتو
أبراهام
| |
|
|
|
|
|
|
|
|
|
Re: حـِنـة العـروس...... تصميــم... سـتونة مجــروس (Re: سجيمان)
|
حوار مع الفنانة السودانية ستونة
كتبت: ست البنات حسن أحمد
تعد ستونة من أشهر المطربات السودانيات وقد حفرت لنفسها مكاناً في وجدات المصريين منذ قدومها منذ سنوات طويلة حيث قدمت الفن السوداني الأصيل وأقامت العديد من الحفلات داخل مصر وخارجها ومختلف دول العالم كما حصلت ستونة على العديد من الجوائز عندما مثلت السودان في العديد من المهرجانات العالمية منها مهرجان المسلة الذي أقيم في باريس آخرها المهرجان العالمي للموسيقى الذي أقيم في تركيا منذ سنتين.
إلى جانب موهبة الغناء تجيد ستونة فن الحناء حيث تقدم برسم مختلف الأشكال.
الوفد التقت بالفنانة السودانية ستونة وحاورتها كيف كانت بدايتك الفنية:
البداية غير محددة لأنه في اعتقادي الفن قبل ما يكون مهنة فهو موهبة ، ولم يكن أي فنان فناناً إن لم يكن موهوباً وأنا منذ الطفولة لدى مواهب متعددة "غناء – تمثيل – رسم" وبدأت أثقل هذه المواهب في مرحلة دراستي الثانوية فكانت كل اهتماماتي للنواحي الفنية في المدرسة بداية بالإذاعة المدرسية وكانت وقتها "بنت الإذاعة" ففي المدرسة كانت ليّ الصدارة في الغناء والتمثيل والرسم أيضاً حيث ظهرت هذه الموهبة في فعاليات مختلفة منها المسرح المدرسي.
وعند سؤالها فيم تجد ستونة نفسها في الغناء أم التمثيل ومن هو أول من اكتشف فنياً على مستوى الاحتراف:
أجابت: أجد نفسي في الغناء أكثر وأول من اكتشفني فنياً أساتذي في المدرس أما على مستوى الاحتراف فأنا خرجت من السودان وأنا فنانة معروفة أجيد فن الغناء ولي مساحات صوت جيدة.
من أين تخرجت ستونة وكيف بدأت تجربتك الفنية خارج السودان؟
أجابت: تخرجت من كلية الفنون الجميلة واكتسبت منها كل المهارات الفنية للرسم أما عن تجربتي الفنية ، فبدأت تجربتي الفنية كما ذكرت من السودان وكان لي عدة ألبومات في جولة فنية إلى الكويت والخليج العربي لعرض مسرحية غنائية من تأليف د. عبد الله سريع أسمها "عروس حسب الظروف" ولاقت نجاحاً عظيماً وبعدها رجعت إلى السودان.
ما هو تقييمك للأغنية السودانية؟
أجابت: الأغنية السودانية في ازدهار وهي تمتاز بالكلمة القومية والإيقاعات المتنوعة لكن الإعلام السوداني لضعفه الشديد لا يقوم بتسويقها جيداً فهو أي الإعلام السوداني لا يعطي الفنان تشجيعاً لكي يعمل ويتميز ، على سبيل المثال أنا خرجت من السودان بمجهود فردي لكي أبرز الفن السوداني ونجحت في ذلك.
من من الفنانين السودانيين تأثرت بهم ستونة؟
كثير ، على سبيل المثال الفنانة آمنة الحاج والفنانة مني الخير وعائشة القلاتية.
لماذا اختارت ستونة مصر لكي تبرز فيها الفن السوداني؟
أولاً للعلاقة الوطيدة بيننا وبين الشعب المصري الشقيق ، ثم لأن مصر صفت الكثير من الفنانين وأخذوا الصدارة في مختلف الفنون كذلك الإعلام الجيد يساعد الفنان على الانتشار.
إلى جانب الغناء تجيد ستونة فن الحناء ، ما هي العلاقة بين الاثنين؟
كلاهما فن يستخدم في الأفراح الحناء للعروس والغناء في حفلات الزواج.
ما هو تقييمك للأغنية المصرية وكيف تنظرين لجيل المطربين والمطربات الشباب؟
الأغنية المصرية ذات شهرة وانتشار واسع لا محالة ، أما جيل المطربين الشباب ترى ستونة أن هناك تشابه في الأداء والأصوات ، أما جيل البنات فللأسف أصبح التركيز كله على التعري وإظهار المفاتن في أغاني الفيديوكليب وترى ستونة أن من يعتمد على هذه الأشياء لا يمكن أن يستمر.
من من المطربين المصريين تسمعهم باستمرار ستونة؟
الفنان عبد الحليم حافظ ، والفنان محمد منير ، والفنان محمد فؤاد ، والأستاذ هاني شاكر.
هل يمكن أن تعود الأغنية المصرية إلى عصرها الذهبي أيام عبد الوهاب وفريد الأطرش وغيرهم؟
لو رجعت الأسماع عن الرتم السريع واختارت الكلمة القوية أكيد ستعود إلى عهدها الذهبي.
كم مرة مثلت ستونة السودان في الخارج؟
كثير جداً ، وبدعوات رسمية كمهرجان المسلة الذي أقيم في باريس وكذلك آخر مشاركة كانت في مهرجان الموسيقى الذي أقيم في تركيا.
اسمك الحقيقي فاطمة ما سر لقب ستونة؟
اسمي الأصلي فاطمة الذي أطلقت علي لقب ستونة لأن حماتها كانت تدعى فاطمة وكان في السودان قديماً من العيب أن تنادي على اسم حماتك لذلك لقبتني والدتي بستونة حتى لا تناديني فاطمة..
ستونة .. جواهر .. ما هو وجه الشبه والاختلاف؟
أجابت: أنا أقدم الفلكلور السوداني وأحياناً المزج بين السوداني والمصري أما جواهر فهي لا تقدم فولكلور بل تقدم أغانيها باللهجة المصرية فقط.
ما هي أهم أعمالك السينمائية؟
صعيدي في الجامعة الأمريكية – فيلم أمير الظلام – هالو أمريكا – مسلسل مهلا حبيبتي ، كذلك فوازير عريس حول العالم ، والآن أقرأ سيناريو مسرحية جديدة.
ما هو العمل الفني الذي تحلم به ستونة؟
أحلم بعمل درامي مشترك مصري سوداني.
كم ألبوم غنائي لستونة؟
عندي في مصر ثلاثة ألبومات وعدد من الأسطوانات والبعض منها في أوروبا.
ما هي أشهر أغنانيك؟
أغنية بين ضلوعي وهي من أغاني البنات ، تقول كلماتها:
بين ضلوعي كتمت آهة
بتشهد الأيام عليها
من عيوني سكبت دمعة
عايزك انت تحس بيها
ما هي مشاريعك الفنية الحالية؟
لي 2 كاسيت أحدهما سوداني والآخر مصري على سوداني وكذلك مسرحية أسمها "باب جابلي موز" لأحمد الأبياري ومسرحية أخرى.
ستونة الإنسانة ، ما هو الشيء الذي يسعدك؟
يسعدني أن يعم السلام في السودان ، وكانت الفنانة ستونة قد غنت بدار الأوبرا المصرية للسلام في السودان الأسبوع الماضي وكانت الأغنية الأولى كلمات الشاعر السر أحمد قدور وألحان الموسيقار السوداني أحمد عبد الكريم.
تقول كلماتها:
يا عصافير السلام أشجعي ويلا الحمام
قولي ألحان السلام
السلام خير للشعوب السلام أمل القلوب
في الشمال أو في الجنوب نحن عشاق السلام
متى كانت أخر زيارة لكي للسودان؟
قبل خمسة أشهر.
كيف استقبلك الشعب السوداني بعد كل هذه الغيبة؟
استقبلني استقبال لم أكن أتوقعه وتم تكريمي في التليفزيون والإذاعة كما تم تصنيفي كمطربة للجماهير في السودان من قبل لجنة المصنفات الفنية كما منحوني شهادة تقدير.
ما العمل الذي تتمنى أن تقدمه ستونة للسودان من القاهرة؟
أتمنى أن أشارك السفارة السودانية في القاهرة في احتفالات السودان برفقة فرقتي الفنية وأهدي العمل للسودان الحبيب.
| |
|
|
|
|
|
|
|
|
 Re: حـِنـة العـروس...... تصميــم... سـتونة مجــروس (Re: abraham deng)
|
اها جيناك تاني يا دكتور .....
بمناســبة المثقفاتيـة وما ادارك ما المثقفاتية؟؟
جيتك عشان اقـول ليك حاجة واحدة بس
أنو اكثر حاجة عاجباني في سـتونه مجروس دي
هي انو قاعــدة في واطـة الله دي بتحنن حنتها
وماسكــه خشمـها علـيها حامـده شاكـره ..
وعمـره لا عملـت فيها مثقفاتية
ولا اتفلهمت على غــــيرها
في بنبرها دا يا دكتور متحكره
عمرها ما طلع لا برج عاجي ولا حتى برج عادي
وقالوا ليك عمره كلو قاعدة في القاهرة
ما فكرت حتى تطلع برج الجـــيزة
عشان هي ما متقعـدة وشايفه
الناس التحتها كلهم اصغر منها
زي الليحان المقدودة وفارغه
رغم الرصيد العندها يكفي لبناء ابراج وما برج واحد
وبأمكانه برضو تعمل الدايرهو بل يمكنها
أن تقود جميع المثقفاتية إلى جهــنم هذه!!!
| |
|
|
|
|
|
|
|
|
|
Re: حـِنـة العـروس...... تصميــم... سـتونة مجــروس (Re: سجيمان)
|
والله سجمك يا سجيمان
ستونة دي من اعلامنا الاثافية.. مش الثقافية
عليك الله كلامك ده كلو في بت المجروس؟
لو كان اسمها ليلى تيكو كنت حتقول شنو؟
قبل كده ناس الاتحاد الظبيانية عاملين اعلان عن واحدة اسمها امينة تنس قالت خريجة من الاحفاد في علوم الحناء والكبرتة..
وعاش السودان حرا محننا ومكبرتا يتناسل بينهم الخلاف
بالمناسبة علاقة الحنة بالتناسل شنو؟
| |
|
|
|
|
|
|
| |
سجيمان
abuguta
ALMURADABI
Samer Osman
معتصم دفع الله
sumah
ALGARADABI
A.Razek Althalib
صلاح الدين عبدالله محمد
عبد الحميد البرنس
humida
..!!
nashaat elemam
بلدى يا حبوب
jini
mamkouna
waleedi399
بارعة
saif massad ali
عنيده
فيصل نوبي
فيس بوك
تويتر
انستقرام
يوتيوب
بنتيريست