|
|
 حــمزة سلـــيمان..دا شنــو البيتســوي فيــهو دا؟
|
المرحوم احمد عمر الرباطابي..... جانا في البيت اتذكر..كان صديق للوالد الله يرحمو....وقاعد يتونس سعلناهو عندو شنو في الخرتوم؟. مع انو مجكنا ومجكن دوشتا....قال جاي عندو كرِج عن ناس عقد الجلاد.. الكرج بيعرفوهو اهلي ناس الشمالية... الكرج هو حق مشروع لصاحب الارض في الزراعة التي يزرعها غيرو وفي ارضو.... امحد عمر كان بفتكر انو ناس عقد الجلاد زرعو مزيكتهم في غنية من امدر من ربوع سودانا وحصدو وما جابو خبرو..وطنشوهو....اول ما قال عقد الجلاد... طوالي جا في راسي... حمزة سليمان....قلت بيني وبين نفسي يكون امحد عمر دا اكلو الزول دا......ما عارف ليه؟..مع انهم كلهم مع بعض....
وقررت اباري ناس عقد الجلاد...واباريهم من حفلة لي حفلة.....واول ما يغنو من امدر من ربوع سودانا.....اقوم وامسك المكرفون...واحلف عليهم طلاق لو ما دفعو ما يفتحو خشمهم بالغينة دي....باريتهم حفلتين حلفو ما يغنوها...وقدر ما حرشت الناس القاعدين في الحفلة عشان يطلبو الغنية.....مافي ولا زول هببو لي...بعدين قنعت وخليتهم.....
في حلقة في قناة النيل الازرق كان من ضمن الضيوف حمزة سليمان..... حمزة غنااااااااي....والنضم القاعد يغنيهو لو غناهو اي زول تاني... حيكون اشتر اشتر في خشمو والحمد لله غنية امحمد عمر بقت عندو هو ما عن زول تاني يبشتنها لنا ونحن اصلنا الرباطاب ما عندي شي غيرها ترانا قاعدين حارسنها والينضم فيها ولا يلوما الله قال بي قولو
.....عجبتني غنية سوق الناقة...وشميت ريحة الشية.....والشاي السادة الفوقو حبتين قرنفل....وست الشية والشاي.... تقوم وتقعد...وتنفض الكانون بلا غرض...وتجرج في توبا زي البتغتي كرعيها...وهي دايرة تورينا الحنة ورسمة الحنة الفي القدم....دي ام كرعينن عاجبتناها...اما ام لهيجن حلو تقعد تنضم...وتنضم....ونحن فاتحين خشومنا ونجغم في الشاي.....لمن نكمل الكفتيرة...علا في الغنية بعدين لما قال يعالجني عابدين شرف مسخ علي الشاي والشية واتظكرت وجع ضهري القايم علي اليومين ديل..وقالو لي دي علامات كَبَر ساكت..وانا وقعدات سوق الناقة اتفرقنا..الغنية سمحة وحمزة اجادها جدا...همزة فنان فنان فنان......
قعدت اتفرج في غًنا همزة وفي نضمو.... اتاريهو نضيضيم...ونضمن سمح زي غناهو....والله وقت الحلقة انتهت...ما فضل لي علي ابكي...وان شاء الله ناس النيل الازرق يعيدوها تاني....والما شاف الحلقة دي وهمزة بيغني ما عندو عيد........
|
|
 
|
|
|
|
|
|
|
|
حمزة (Re: سجيمان)
|
حمزة كان رائع رائع رائع
غنا بمزاج ولحن كلام ما بتلحن
لكن ياحمزة ياخوى اغنية اسامة الخواض ما كان مناسبة تقدما
النو تحدث حديث العارف بالموسيقى والغنا فى كل مساهمة ليهو كان بيقدم افكار جديدة وعميقة
ود حلتنا الطيب مدثر صوتو جميل
| |
|
|
|
|
|
|
|
|
|
Re: حمزة (Re: سجيمان)
|
الدكتور سجيمان يا طبى ويا عابدين شرف
اشكرك جزيل الشكر يا دكتور ولك منى الامنيات الطيبة
كونى امر بخاطرك وتكتب عنى ده يشرفنى
ويا ريت الواحد يلقى مساحة غنائية فضائية دايما .....
اشكرك .... اشكرك .....
| |
|
|
|
|
|
|
|
|
|
Re: حمزة (Re: AnwarKing)
|
انور كينغ
| Quote: التحية لكل مبدعي بلادي...وخصوصاً الفي بورد منهم... |
شكرا...... شكرا
| |
|
|
|
|
|
|
|
|
|
Re: حمزة (Re: سجيمان)
|
تعرف يا سجيمان انا يا دابى زعلت من حمزة لمن ما جا وغنى لينا فى دبى
والله غنينيا جنس غنا -
الله يديهوا العافية ونشوفوا دوما فوق
لكما التحية
| |
|
|
|
|
|
|
|
|
|
Re: حمزة (Re: على اسماعيل)
|
دكتور إف سان لوران
عيدك مبارك وينعاد عليك بكل جميل زيك
يعنى ما عيدنا على قولك!!
لقد كنت برفقة حمزة منذ أسبوع قبل رمضان وحتى منتصفه ولكن ناس النيل الارزق الظاهر خلوها تحلية وعيديه ومقلبونى.. لأنى رجعت البلد البارده دى الما بتصلها النيل الارزق ..
عليك الله ياسجيمان كان تكلمن وتقول ليهم ما دام اصلها فى النايلساد خلوها فيرتكال عشان نشوفها نحن كمان لان الهورزنتال لا يصلنا فى شمال غرب أوربا.. وكفانا وجع قلب من الفضائية السودانية ..
تسلم ياغالى
وعبرك التحية لاخى الصديق حمزه فهو حقا مبدع وجرابه مليان ابداع
تقبل محبتى ومودتى
عبدالعزيز خطاب
| |
|
|
|
|
|
|
|
|
|
Re: حمزة (Re: عزيز)
|
عزيز العزيز
Quote: عيدك مبارك وينعاد عليك بكل جميل زيك
|
كل سنة وانت طيب
ناس النيل الازرق دايرين يشفروها.....حتى لو عملوها فيرتكال... شفت الحسادة دي..... لكن ما مشكلة.... نفس المقررات بتاعتهم في قناة السودان
| |
|
|
|
|
|
|
|
|
|
Re: حمزة (Re: على اسماعيل)
|
علي اسماعيل
Quote: تعرف يا سجيمان انا يا دابى زعلت من حمزة لمن ما جا وغنى لينا فى دبى
والله غنينيا جنس غنا -
|
لك حق تزعل والله...
بصراحة اليوم داك ابدع ابدع
| |
|
|
|
|
|
|
| |
سجيمان
mohmmed said ahmed
Elmosley
HAMZA SULIMAN
AnwarKing
حبيب نورة
عزيز
فيس بوك
تويتر
انستقرام
يوتيوب
بنتيريست