|
|
 ثقافة (التبرز) عند السودانين..توجد صوّر
|
قبال ما ابدا اي نضم
يا بكري البوسطي حق( تاااااااني يا الفاتح جبرا ... سرقة ادبية جديدة؟؟؟)
غتستو وين؟
اها الندخل في النضم:-
اللبس ثقافة.....
االغنا ثقافة...
الاعراس ثقافة....
الطهارة ثقافة....
البكيات ثقافة.....
المشي في شارع الله دا ثقافة....
التعامل مع المرض ثقافة( زول عندو نزلة مثالا)... بيكح.. ويتمخت.. بطريقة تختلف من منطقة لي منطقة.... وحسب ثقافتو...
الاكل ثقافة
التبرز ثقافة.......وهي المعنية بالبحث الذي امام ايديكم.....اسالوا الله لي التوفيق....
اواصل........
علا عندي سوعال:- يا بكري ..... البوسطي اللليلي اللليل( تااااااني يا الفاتح جبرا...سرقة ادبية جيدة؟؟؟؟) غتستو وين؟
|
|
 
|
|
|
|
|
|
|
|
Re: ثقافة (التبرز) عند السودانين..توجد صوّر (Re: سجيمان)
|
بعض المفردات الممكن تمر علي القارئ في اثناء تصفحه للبحث
قطع الجمار
بيت الادب..الادبخانة
طالع زي الناس
الحمام الافرنجي
الدبليوسي
نطران
يدعّم
يحنحن
lمما دعاني لكتابة هذا الخيط( رايكم شنو في خيط دي؟)... السفر على الطرق السريعة في السودان وغياب اماكن قضاء الحاجة..... واول ما يقيف الباص في حتة تلقى الناس قعدت تتجارى بعيد.... وكل زول شنق جلابيتو وصنقّر.....
اواصل........
| |
|
|
|
|
|
|
|
|
|
Re: ثقافة (التبرز) عند السودانين..توجد صوّر (Re: سجيمان)
|
اكتشف المصتثمرون الجدد..اهمية ما يخرج من السبيلين.. واستثمرو فيهو....
حضرت مرة شكلة بين ... متحصل في ادبخانة عامة ومواطن من مزانيق الله....
دفع المواطن جنية...... لكن يظهر ما خرج خرج من سبيل واحد
قال داير الباقي لانو القصة كانت نص بس!...
اها في ضمتكم دي ما معاهو حق؟؟؟...
| |
|
|
|
|
|
|
|
|
|
Re: ثقافة (التبرز) عند السودانين..توجد صوّر (Re: خالد العطا)
|
بعض الامراض المستوطنة.. لها علاقة بالتبرز
الملاريا
التايفويد
الكوليرا
الاسهالات المائية
الدوصنتاريا
التسمم الغذائي
اسهلات فنجرة ساكت( ما عندها اي سبب منو ليها تقوم علي الزول)
مناسبات ليها علاقة بالتبرز
العيدين
( عيد رمضان الكعك والحلاوة)
عيد الضحية( اللحمة وربما الشربوت كعامل مساعد لو السواهو ما بيعرف)
اضافة الي الخلعة والخوف من المعايش
| |
|
|
|
|
|
|
|
|
|
Re: ثقافة (التبرز) عند السودانين..توجد صوّر (Re: سجيمان)
|
متوسط دخل الفرد حوالي 200دولار في السنة..دا لو اتقسمت صاح....
يعتمد السودان في دخله القومي علي الزراعة والثروة الحيوانية
وعلي النفط في سنواته الاخيرة....
يعتبر اكبر مصدر للصمغ العربي
ينتج السودان سنويا 150 فنان وفنانة.... وخمسة وخمسين غنية جديدة كل سنة...
كما ينتج مائة مدّاح سنويا... وخمسين مدحة جديدة
كما ينتج خمسمائة شماشي سنويا
,تلاتمائة شحاد محترف
يستلهك السودان خمس انتاج العالم من السليسيون
يوجد به تلاتين مليون سياسي
| |
|
|
|
|
|
|
|
|
|
Re: ثقافة (التبرز) عند السودانين..توجد صوّر (Re: صلاح غريبة)
|
تتراوح درجة حرارة البلاد ما بين 14cدرجة شتاءا ,49c صيفا
شعب هذه البلاد شعب طيب
ديمة زهجان
ناقد
بعضو متفقلص.. بعضو متواضع....
نسبة متفلهمة فوق فهم.... بسبة متفلهمة في الفارغة
نسبة الامية كانت 80% ..حسي ما بعرفها كم
يستهلك 5% من انتاج العالم للنعلات
و1% من كريمات التجميل ودهون التجليط
شابك في الموبايلات الليمات دي... توديهو وين ما معروف؟
في البحث سوف اركز على ثقافة التبرز في الوسط والشمال.... عشان الوحدة الجاذبة.....
اللبس الاعم للرجال
جلابية
سروال بي تكة.. وبدون تكة
طاقية
عمة
واحيانا قفطان او عباية
كمية من الهدوم يكون لابسة الواحد مما يكون لها تأثير سلبي علي عملية التبرز
النسوان
توب او طرحة
جلابية او فستان او اسكيرتي وبلوزة
احيانا عباية
نعلات غالبا تكون كعب عالي
يتميز الفرد السوداني بكرعين رقيقات مع بعض الكلوجة... ويمشي وهو يكشت..
| |
|
|
|
|
|
|
|
|
|
Re: ثقافة (التبرز) عند السودانين..توجد صوّر (Re: سجيمان)
|
لمحة تاريخية:-
نجد ان الحضارات المتعاقبة على السودان لها تأثير على ثقافة التبرز الماثلة.. والمتعقب لبعض المفردات يجد ان لها جذور لحضارات سادت ثم بادت
كلمة(إييح).. كلمة فرعونية. قيل انها تدل على احد الالهة.. وايضا كلمة(كا كا)..... وهي ايضا الهة انثى
ثم كلمة( أدبخانة) مثلا كلمة تركية دالة على تاثير الاستعمار التركي على ثقافة التبرز لدينا....
ايضا كلمة دبليو سي.... فهي تدل على الاستعمار البريطاني وتآأثيرة على تقافة التبرز عندنا....
وايضا طريقة الجلسة العربية تدل على تأثير الثقافة العربية....ونجد الجلسة العربية تكون واضحة لما ام تحاول طفلها ان يتبرز.. فتضعه بين كرعيها... وتنادي بالرمز الفرعوني( إييح)!
| |
|
|
|
|
|
|
|
|
|
Re: ثقافة (التبرز) عند السودانين..توجد صوّر (Re: سجيمان)
|
سجيمان تحياتي
حاولت أدخل بي كراعي الشمال وأتعوذ من الخبث والخبائث لكين قلت كدي النديها صنّه يمكن التبرز دا ما البتعوذو منو وهو قطعاً ليس من الخبائث بإعتبار أن الثعلب زاتو في يوم من الأيام برز وكثير من النجوم في المباريات يقولو ليك وبرز اللاعب فلان وفلان دا بعد بروزه في المباراه مشيتو زاتا في الشارع يغيرها.
أها يا سجيمان لمن دخلت وحات الله قربت أقفل نخرتي بالرغم مبادئي الزكمة البادية على وجهي تصدق مرقتها في بحر دار حيث بحيرة تانا النسي أهلو ما نسانا يا ناس.
الموضوع جد حيوي ومهم والله يا سجيمان دا مشروع كده قابل للنقاش ما رأيكم في الموبايل مستراح خاصة على الخطوط السريعة أو الطرق بين المدن. أنا غايتو صاحب الفكرة والعندو قروش يمول. وممكن أن نطلق على المشروع مثلاً إسم كنيف أونلاين أو موبايل مستراح دوت كوم أو أدب خانه مسبقة الدفع.
| |
|
|
|
|
|
|
|
|
|
Re: ثقافة (التبرز) عند السودانين..توجد صوّر (Re: Tabaldina)
|
موضوع جديد لنج يا سجيمان
| Quote: واشنطن - خدمة قدس برس في 23 مايو/ في إنجاز علمي مثير لاستغلال الطاقة البشرية في تشغيل الرحلات الفضائية, تمكن العلماء في وكالة الفضاء الأمريكية (ناسا) من استخدام فضلات البشر (ما يخرج من السبيلين) كمصدر بديل للطاقة لتسيير رحلاتها إلى كوكب المريخ. فقد اكتشف هؤلاء سلالة من البكتيريا تتغذى على فضلات الإنسان وتحوّلها إلى طاقة كهربائية , لذا سيتم إرسال ستة رجال من رواد الفضاء في رحلة حول المريخ لمدة سنتين على أن ينتجوا أكثر من ستة أطنان من الفضلات الصلبة. ووفقا لصحيفة /ذي صن/, فإن هذا سيعني أن فضلات البشر ستصبح أهم مصدر للطاقة للرحلات الفضائية وتشغيل المهمات طويلة المدى. وقد تم اكتشاف البكتيريا المفيدة من نوع "جيوباكتر" في نهر بوتوماك بشرق الولايات المتحدة, ويقوم العلماء حاليا بالبحث في دور هذه الميكروبات في تطوير خلايا وقود لإنتاج الكهرباء وكيفية استخدامها خارج نطاق المركبة الفضائية وفي مستعمرات المريخ. وأشار الباحثون إلى أن المادة الصلبة التي يطرحها رواد الفضاء ترجع معهم إلى الأرض , ولكن الفضلات السائلة كالبول والعرق غالبا ما تعالج وتحول إلى مياه للشرب مخصصة لطاقم المركبة. ويرى الخبراء في جامعة نورثويسترن بشيكاغو, أن فضلات الإنسان ستعالج بطبيعة الحال, لذا فمن الأفضل تحويلها إلى طاقة مكتسبة بدلا من أن تكون طاقة مهدورة. |
قرأت من قبل ان مدينة باريس بجلالة قدرها تضاء من (ما يخرج من السبيلين)
| |
|
|
|
|
|
|
|
|
|
Re: ثقافة (التبرز) عند السودانين..توجد صوّر (Re: الشفيع وراق عبد الرحمن)
|
السلوك الغذائي
القراصة والكسرة وعلاقتهما الطردية باليابوسة
اكتشف الانسان الحبوب في بدايات تاريخه ووجوده علي الارض... وكان يتغذى عليها قبل اكتشافه للنار....
في السودان تطروت المريسة.... الي كسرة... في مراحل تطور مختلفة.... حيث ان المريسة تاريخيا اقدم من الكسرة.... المريسة وجبة افريقية.... بينما البليلة وجبة عربية
البليلة ممكن تكون بليلة عيش او لوبيا بشقيه اللوبا العفن واللوبا الحلو... مع انهن الاتين مافي فرق كبير بيناتن ا(قصد اللوبيا اخوان)... لكن حقارة غذائية مننا سمينا واحد عفن امعانا في ذلته...
عمل البليلة وخصوصا بليلة العيش مع لحم العتود تشبه الي حد كبير الكبسة لدى عرب الخليج... وبرضو الكبسة ناس الخليج جاتهم من اشبه القارة الهندية...حيث كان الاسنان الخليجي يتغذى علي الشعير... وهو وبهايمو...مما يوحد بعض صفات التركيبة الكيمائية للبعر وللبراز.....
القراصة ... اقدم من الكسرة... سكان اواسط وشمال السودان الله يغتي عليهم بيريدو القراصة.... وما كترت محلات القراصة في عاصمة البلاد الا دليل على هذا العشق... مما جعل القراصة تتغا وتتبوبر ومن الفلهمة قرررررربت تبقى فطير......
للقراصة علاقة طردية مع اليابوسة والامساك... االقراصة القديمة ... لما كانت الطرقة قدر عتبة الباب في السمك..... الكسرة الفطيرة سببا مباشر من اسباب اليابوسة.... ...
اليابوسة:- نشاف البراز... وقلة المواد السائلة فيه.... ساعة الاخراج
نواصل
| |
|
|
|
|
|
|
|
|
|
Re: ثقافة (التبرز) عند السودانين..توجد صوّر (Re: سجيمان)
|
التبرز ودوره في الاقتصاد القومي:-
الي الان لم تستفيد البلاد ولا العباد من البراز السوداني....الفائدة المرجوه
كان زمان قبل الاهتداء الي حفر الادبخانات في الريف..... كانت سماد غير مقصود..للحواشات والزراعة... كانو الناس يمشو يلبدو في اكتر مكان امنا وامان... وربنا يسهل عليهم...كما وانها كان مادة غذائية مقدرة ايضا ..للجداد... وخصوصا في الريف.... الجداد البلدي..
كان العمل في مجال البراز يأمن مصدر دخل لعمال الصحة.. ايام جرادل والادبخانات الجردليه في المدن...
اما الان فيعتبر البراز السوداني مصدر دخل لكثير من الناس وبعضهم قد رطّب... بعد ان رفعت الدولة يدها من البراز السوداني واولكت امره الي القطاع الخاص والاستثمار... وهناك الي الان ما يقارب العشرة مليون دولار استثمار في البراز السوداني العزيز.....
اما العالمين في المختبرات فيشكل البراز مصدر دخل مقدر لهم.....حيث ان ما يفد الي المختبرات في كل اصقاع البلاد...يقدر بحوالي تلاتة طن براز ومائة الف لتر بول شهريا بقصد الفحص..مما يدر دخلا معتبرا للعاملين في هذا المجال.....
نواصل
| |
|
|
|
|
|
|
|
|
|
Re: ثقافة (التبرز) عند السودانين..توجد صوّر (Re: المر)
|
تـعـرف يا سجيمان إنـك (فـاكـهـة ) هـذا الـبورد معنى ذلك إنك مــــــبرز وما زلت تبرز
في واحد في حلتنا في الجزيرة شغال بناء قام وقع من السقالة بعده جاهو إسهال شديد ، الناس سألو مالك قال وقعت من السقالة وإنكسر جهاز التجميد حقي .
تسلم واصـــــل
| |
|
|
|
|
|
|
|
|
|
Re: ثقافة (التبرز) عند السودانين..توجد صوّر (Re: عمر إبراهيم بلوله)
|
تابع الاثر الاقتصادي للتبرز السوداني
ما ينتجه الفرد السوداني من البراز الخام هو 500 جرام براز يوميا في متوسط عمر الفرد ستون عاما في 365.5 يكون مجموع ما ينتجه الفرد السوداني الهمام خلال فترة حياتة هو عشرة طن وتسعمائة خمسة وستين كيلو جرام...
اما الناتج القومي اليومي من البراز السوداني هو 500 جرام مضروبا في تعداد السكان (مع اهمال الزيادة المتوالية الطردية للسكان) يكون هو مضرويا في اربعين مليون يكون الناتج ما يفوق العشرين الف طن من البراز الخام....
ثروة مهدرة صراحة!
هذا يدل على عدم اسغلالنا لثرواتنا القومية بالصورة السليمة..... مع تقدم العلم والتكنلوجيا لابد من العمل على الاستفادة من البراز القومي السوداني... اما السودانين العاملين بالخارج خارج البلاد باماكنهم التنسيق مع السفارات.. لوضع استراتيجة للاستفادة من البراز المهاجر....
| |
|
|
|
|
|
|
|
|
|
Re: ثقافة (التبرز) عند السودانين..توجد صوّر (Re: سجيمان)
|
(ما ينتجه الفرد السوداني من البراز الخام هو 500 جرام براز يوميا في متوسط )
الارقام دي فى الوقت الحاضر و ل في السابق ( تذكر ان ععد الوجبات نقص من ثلاثة الي واحدة ونصف بسبب الاوضاع الاقتصادية و نوعية الطعام تغيرت من ... الي موية فول و عيش و يمكن موية جبنة لاغلبية الشعب )
| |
|
|
|
|
|
|
| |
سجيمان
Mahmoud Mustafa Mahmoud
عمار عبدالله عبدالرحمن
محمد عبد الماجد الصايم
قلقو
عبد اللطيف السيدح
saadeldin abdelrahman
صلاح غريبة
almulaomar
الشفيع وراق عبد الرحمن
حاتم تاج السر المبارك
فيس بوك
تويتر
انستقرام
يوتيوب
بنتيريست