دعواتكم لزميلنا المفكر د.الباقر العفيف بالشفاء العاجل
|
|
 بني ربـــاط.... يصوطـــون الانـترنــت
|
اول ما اشتريت كمبيوتر..... ام الخير اتكيفت وتغت تغا شديد.. علي نسوينات الناس....وبقت ما عندها ونسة غير الكمبيوتر والويندوز....وان زعلت علي محمد ولدا.. قدام النسوان تقول لهن والله محمد دا راسو قوي قوة زي الهارد ديسك حق كمبيوترنا....وضربت تلفون لي اهلا في السودان....وبقت تتبوبر...صلاتي علي ابو ابراهيم.... سجيمان جاب لنا كمبيوتر ...جديد من الورقة....وحسي انا نائمة النهار كلو والكمبيوتر يتبخ لنا ويكوي الهدوم....ويقفل الابواب...وامها قالت لها سجمكم نان ما بيجي في الليل ناطي ويسرقكم.. ..
امها خايفة عليها انا اتفلهم واتقرضم واقوم اعرس فوق ام الخير واكتب الكمبيوتر باسم المرا الجديدة وام الخير تقع بي قد القفة.....وسمع اضاني قالت لها يا بت هوووووووي ابقي نجيضة وخليهو يسجلو باسمك....واوعك تخليهو ان ما سجلو ليكي....
انا براي شوية شوية اتفلهمت وبقت ادخل الانترنت وادخل المنتديات السودانية... واطلش وانضم نضم بعد مرات قاعد يلومني في الناس...مشيت سودان نت...وقعدت لمن فترت...ومرة يشاكلوني ومرة يحنسوني ومرات كتيرة يحظروني.. بعدين فترو..... قالو يا اخوانا المجنون في ضُمة الواعي ....زمن كان المثل دا ساري المفعول... قبال ما يلم فيهو التيجاني ويلغيهو...
مشيت منتدى كدي الله يستر عليهم...اتاريني لا احرا لا ادرا... انا دخلت لي خلوة....منتدي من جيت داخل....ان حنحنت ساكت ينط علي واحد من مصلايتو...وينهرني ويقول لي انت ماك عارف هنا معانا نسوان وحريم؟...النضم دا عيب يا ابن العم... حسي نضم زي دا بتقولو لي اختك؟....ولاّ امك.....اخر مرة كان عندي موضوع علمي اسمو الحمى ام بيض.. لمو في الموضوع غتسو ليهو حجرو...كيييييييييف انا اقول الناس العندهم الحمى دي قاعدين يبيضو؟.. وبيض صغار قدر دا؟...قلت لهم كان انتو زعلانين في البيض؟.... شيلو البيض وخلو الحمى....... وبعدين خليتم...وقدر ما امشي اتاوق لهم القاهم نازلين شكر في بعضهم... الله يغتي عليهم.....
انور كينق.... بارك الله فيهو ....هدا لي سايت... ليهو يومين...قلت اقشر بو....واكاوي بيهو الناس....علا لي حسي مصيوط ومجيوط...وملخبط.... انور يجي يعدل..واعقبو انا اصوطو تاني....انا عارف نفسي هاااابش....والهباشة ما بخليها.......والمكاواة برضو..... لكن نحن البشر دي المكاواة وارثنها من ابونا ادم..... وقت قالو لو ما تاكل من الشُدرة دي...... مكاواة ساكت مشى اكل منها.... وسوانا كلنا في لوم...... دا حين في زول يكاوي ربو الخلقو؟....كان مو بوامة
قبال انسى
دا الموقع
http://cgman.org/index.html
|
|
 
|
|
|
|
|
|
|
|
Re: بني ربـــاط.... يصوطـــون الانـترنــت (Re: مريم بنت الحسين)
|
ود اختى سجيمان ...
مبروك الموقع تستاهل . انحنا الرباطاب بغلبنا شى نحنا البحر رجعنا صعيد لويناهو خلى الانترنت وذى ما قلت انت زمان انحنا والبريطانيين جدنا واحد وده كلام انا متأكد منو وبالاماره اسمو سيدنا آدم . استمر بعد شويه حنفتح ليك فرع فى مرو ولا جزيره مقرات . واستمر فى العمل الجيد ده . بس لكن يا ود اختى لحدى حسه واحد من اولاد عمنا ديل ما خلف كراعوا فى القصر الجمهورى انت يا ود اختى ما تركز على الكلام ده . السياسه دى ما طق حنك ده فى زول بغلبنا فيه .
خالك شوقى ود أمينه .
| |
|
|
|
|
|
|
|
|
|
Re: بني ربـــاط.... يصوطـــون الانـترنــت (Re: سجيمان)
|
هههههههههههههه
والله يا سجيمان لكن الليلة يا دوووووووووووووبى اكتشفت لى زول ظريف و زكرنى بى اهلى الرباطاب اللى منهم فتتتتتتتتتترة
Quote:
حسي كلمت واحد من انصار السِنة ديل يجي..يعسكر لو يومين.... ويشوف الحاصل شنو
|
| |
|
|
|
|
|
|
|
|
|
Re: بني ربـــاط.... يصوطـــون الانـترنــت (Re: بلدى يا حبوب)
|
بلدي يا حبوب
Quote:
يا زول انته ما بقينت من اصحاب الاملاك يا سلام على موقعك بس خلى لينا الباب فاتح بنجيك كتير قوى
الف مبروك الموقع
|
يا زول اصحاب املاك ساكت؟....الله يخليهو انور كنق...الاداني الكشك دا... وعقبال ما يبقى سيوبر ماركت قدر حق بكري دا
| |
|
|
|
|
|
|
|
|
|
Re: بني ربـــاط.... يصوطـــون الانـترنــت (Re: سجيمان)
|
سجيمان تحياتى
عارفنى بريدك.....وما حاسدك..وبريد ليك الخير ..وام الخير
لكن دى موامرة من انور كنق واخرين..مش الزول كان عندو كوليرا
بختوه براهو...والبقره العندها مرض ابو لسان برضو بعزلوها
يعنى انور كنق ده مالقى الا الايام دى مالو من زمان ماكان بعرفك.
وطبعا ده مخطط كبير والامريكان قالوا عندهم فيه ضلع عشان انت
صرحت بانك عاوز تكون كبير القعدة...غايتو الله يهديك ويقدرك على
خشمك...وانا قصة مراسلاتك مع كونزاليزا ماقلت ليك برضو ما تجيبا
على لسانك لا حدى ما ربنا يتمم على خير ويفكك من ام الخير..عشان
كونزاليزا دى المكسرين فيها رجال كتار مع انها تكسر الرجال وابواتم
وابو اهلهم...اها خم وصر...شفت المتربصين غشوك كيف....وعلا بال
ما تلقى ليك تلاتة اعضاء بطريقة بورد السجم (وده كان فتح)..دحين
عيش يا حمار....... والمثل بقول السجيمانة لى بورديها.
| |
|
|
|
|
|
|
| |
سجيمان
مريم بنت الحسين
.. حسي ركّبته المواضيع دي كلها في بعض كيفن؟ .. 
shawgi badri
garjah
نوسة
بلدى يا حبوب
أبوالزفت
jini
Elmosley
صديق الموج
مريم الطيب
فيس بوك
تويتر
انستقرام
يوتيوب
بنتيريست