دعواتكم لزميلنا المفكر د.الباقر العفيف بالشفاء العاجل
|
|
 بكري ابو بكر.. رسل لي لاب توب...و..نعــلات
|
السيد الترطيبة
بكري ابو بكري
سيد سودانيزون لاين...وصاحب الجلحات التي كادت ان تضي لو لم تمسسها نار...وراعي سودانين الشتات يا فردة...
اما بعد:-
ان سعلت عني فانا بخير وصحة جيدة.... ابشكرك المراريا لي حسي ما جاتني... علا قبال اسبوع جاني ابو اللغود...وشوية كتكوتة....ومشيت البلد وقام علي ضرس وغلبني انوم كلوكلو... علا امحمد ود علي ود عمتي قلعو لي بمنجل...حتين يا الله عيني لاقت وضقت طعم للنوم....اليوم داك وانا نايم حلمت ساكاني جدادة كل ما تسكني مترين تقيف ترمي لها بيضة وتاني تجري فوقي ملت الشارع كلو بيض...صحيت من النوم لقيت ديك ناس جدي يحمّّر لي.....مع اني وحات الشيخ الجعلي في حلمتي ديك اصلي ما طاري اني اتلومت في الجدادة دي...علا قلة ادب ديوك الزمن دا...في المواصلات داير يقلع اضانا واحد غناي اسمو" طه سليمان"..... عندو غنية اسمها" تجي واللا نجي في مطار ابو ظبي"..... قدر ما يغنيها... كيه ليهو اقول لو ما بنجي...ولا شيتين....
البتول بت بله مرضت ووديناها للدكتور.. كشف عليها واداها حبوب.... كباسين.... البتول حردت الكباسين وحلفت ما تبلع ولا كبسونة وقالت الاستلهاب ان شاء الله يلحقها الرقدو... قالت الدكتور ما بيعرف وغشانا وادنا الكباسين كل فردة من بلد...الحقيقة الكبسونة كانت اسكيرت احمر وبلوزة خدرا...والبتول دايرة الكباسين الحمر وغلااااد ديك... قالت اصلو شي غيرن بتنفعها مافي....علا انا من عامني تفتيحة ضربت الكباسين الجبناهن ديل ضربتهن منكير احمر... وعليك امان الله البتول لي حسي تبلع وقالت داير لها تاني كيلو منهن.....
البنوت وقعن في البراهم الفيها كورتيزون وقعدن يقرنن في حواجبيهن... الواحدة تجلط وشيها بالكورتيزون وتقرن حواجبيها وتمرق علي الظلط.....وبقن ياخدن الحقن البيكبرن الدش....الواحدة تمشي قدام سيد الموية وهو يخلي جركانة مويتو ويباريها ويقعد يقول لها"الشايل تقيل الله يساعدو....دا جد جد واللا منجّد"....وهي عاملة روحها ما سامعاهو...
شفت البقت علي؟... ناس الحركة قطعو لي وصل مخالفة قالو انا واقف غلط في الشارع..واخدو نمرة العربية.. مع اني انا ماشي بي كرعيّ.....
داير لي لاب توب.... من النوع السمح وقوي....كية لي ناس جريدة الصحافة.. حاقرين بي.. وقالو ما اقعد في الكمبيوترات حقاتهم...اصلو في زويل كدي اضانك طرشا مقابلني......وما شاف لو شغلة غيري..يشغلو ربي في نفسو" استغفر الله من حقو"....و برضو عليك الله رسل لي نعلات... المقاس حقهن الفردة اليمين مقاس اتنين واربعين..والشمال مقاس تمانية واربعين...اوعى تكون برباط.. فترت من الربيط والفرتيق دا..كفاية علي السروال...ما تستغرب في مقاس النعلات المشاتر دا...اصلي ايام كنت في السعودية كانت كاتلاني فلهمة.. اقعد النهار كلو واخلف الكراع اليمين فوق الشمال.... الكراع الشمال مسيكينة اتاريها من كترت القعاد فوقها قاعدة تتمطا...واظني كان ما كابست وجيت السودان كان حسي مقاسها وصل خمسة وتسعين....
في الختام
السلام.. وتقبل سلام الاهل من جم....
|
|
 
|
|
|
|
|
|
|
|
Re: بكري ابو بكر.. رسل لي لاب توب...و..نعــلات (Re: خالد عبد الله محمود)
|
Quote: اصلي ايام كنت في السعودية كانت كاتلاني فلهمة.. اقعد النهار كلو واخلف الكراع اليمين فوق الشمال.... الكراع الشمال مسيكينة اتاريها من كترت القعاد فوقها قاعدة تتمطا...واظني كان ما كابست وجيت السودان كان حسي مقاسها وصل خمسة وتسعين....
|
الله يجازى محنك .. ياسى جى
والف حمدا الله بالسلامه
وبركه الجيت .. عسل انتا وبسكويت
وماتنقطع ..
| |
|
|
|
|
|
|
|
|
|
Re: بكري ابو بكر.. رسل لي لاب توب...و..نعــلات (Re: saif khalil)
|
سيف خليل
| Quote: قال لي سجيمان دا..كرعينو الاتنين شمال..اول ما صدقتو ..علا بعد كلامك الهنا دا..ياني المصدقو |
..
بركة الصدقتو.....
اقول لك قولة... انا داير انقل عدتي كلها للشمال.. اي جوز عندي... الاضنين اخليهن الاتنين شمال... الايدين برضو... كذلك العيون.....
| |
|
|
|
|
|
|
|
|
|
Re: بكري ابو بكر.. رسل لي لاب توب...و..نعــلات (Re: الزوول)
|
الزوول
Quote: السلام عليكم
سجيمان
ياخي قوّمت نفسنا عديل كَدي جارين من بوست لبوست تسلّم عليك
إفتقدنـاك يا سجيمان ..هل نجح (أبناء النوروالصَفَويون) ف...فاء بسمة هذا المنبر
....
فقدناك
بجيك صاد
..............
تحياتي
وما الناس إلا هالك وأبن هالك *** وذو نسب في الهالكين عريق |
عليكم السلام.....وحبابك عشرة... ابشرك وابشرهم!انا موجود رغم كيد الكايدين... علا اسيب الكتابة بمزاجي.....
| |
|
|
|
|
|
|
|
|
|
Re: بكري ابو بكر.. رسل لي لاب توب...و..نعــلات (Re: عاصم ابوبكر حامد)
|
سي جي
وصلت ديار بكر ولا لسع ؟
| Quote: الواحدة تمشي قدام سيد الموية وهو يخلي جركانة مويتو ويباريها ويقعد يقول لها"الشايل تقيل الله يساعدو....دا جد جد واللا منجّد"....وهي عاملة روحها ما سامعاهو... |
شوف غتاتة سيد الموية.
مش يساعد شوية في شيل التقيل دة ؟ يعني أتقل من الجركانة ؟
| |
|
|
|
|
|
|
|
|
|
Re: بكري ابو بكر.. رسل لي لاب توب...و..نعــلات (Re: سجيمان)
|
| Quote: البتول بت بله مرضت ووديناها للدكتور.. كشف عليها واداها حبوب.... كباسين.... البتول حردت الكباسين وحلفت ما تبلع ولا كبسونة وقالت الاستلهاب ان شاء الله يلحقها الرقدو... قالت الدكتور ما بيعرف وغشانا وادنا الكباسين كل فردة من بلد...الحقيقة الكبسونة كانت اسكيرت احمر وبلوزة خدرا...والبتول دايرة الكباسين الحمر وغلااااد ديك... قالت اصلو شي غيرن بتنفعها مافي....علا انا من عامني تفتيحة ضربت الكباسين الجبناهن ديل ضربتهن منكير احمر... وعليك امان الله البتول لي حسي تبلع وقالت داير لها تاني كيلو منهن..... |
اللون الأحمر يا سي جي ظريف جداُ والبتول بت بله دي سيبك منها لكن قول لي إنت ليه بتكتب بالأحمر؟ هل إنت بتضرب الحروف بالمنكير الأحمر ولا شيطان الكتابة الليلك أحمر؟؟؟
| |
|
|
|
|
|
|
|
|
|
Re: بكري ابو بكر.. رسل لي لاب توب...و..نعــلات (Re: طارق جبريل)
|
بركة الشفناك طيب سجيمان اخوى
الوالدة كيفنها ان شاء الله تكون تماثلت للشفاء وماعندها عوجة !
سألت منك المر وناس كتار ان شاء الله يكونوا كلموك بى سوعالى عنك ؟!!
نورت بيتك يازول ومرحبتين حبابك واليوم السعيد الليلة جابك !
ادخل لى جوة يادكتور عادل حبابك الف
| |
|
|
|
|
|
|
|
|
|
Re: بكري ابو بكر.. رسل لي لاب توب...و..نعــلات (Re: سجيمان)
|
الجميل سجيمان
كيف حالك يا راجل انت في السودان
؟
طيب ياخ ما ترعى لينا مصالحنا هناك,
كويس يا فردة,
خلي النعـلات علي أنا
عشان الفضيحة يا سجيمان, نعلات من امريكا في الطرد , (ما يصير.... يا رجّال)
خــلاس...؟
أنا أخدت المقاسات.
أحمـد الشايقي
| |
|
|
|
|
|
|
|
|
|
Re: بكري ابو بكر.. رسل لي لاب توب...و..نعــلات (Re: سجيمان)
|
| Quote: اصلي ايام كنت في السعودية كانت كاتلاني فلهمة.. اقعد النهار كلو واخلف الكراع اليمين فوق الشمال.... الكراع الشمال مسيكينة اتاريها من كترت القعاد فوقها قاعدة تتمطا...واظني كان ما كابست وجيت السودان كان حسي مقاسها وصل خمسة وتسعين.... |
الحمدلله بقت على الكرعين والجاتك في كرعينك سامحتك
| |
|
|
|
|
|
|
|
|
|
Re: بكري ابو بكر.. رسل لي لاب توب...و..نعــلات (Re: abas)
|
| Quote: ان سعلت عني فانا بخير وصحة جيدة |
ساعلين عنك بشدة ( ونادر)
رحت خليتنا
وتاني ما جيتنا
كان مكذبنا
أسأل العنبة الرامية فوق بيتنا
وبعدين مشالة النعلات الجنبة جيمين والجنبة شمال؟
(أ2) - (ب ح)
أظنك كنت دركسون يمين وبعدين قلبتو شمال
دي الحكاية شني
| |
|
|
|
|
|
|
|
|
|
Re: بكري ابو بكر.. رسل لي لاب توب...و..نعــلات (Re: المسافر)
|
حبيبنا سجيمان
تعال يازول انا ما كايسك لى زمن..اخوك فى التلفون قال انت فى الشمالية وانا افترضت انك اكيد ماشى لى لقيط الفول والتمر..وطبعا انا ماصدقت وقمت طلقت الخبر فى البورد كلو اصلى (فتان اكتر عليك)..وهسى كل واحد من البورداب ماسك خرتايتو للتمر ..لكن حبيبك قلقو منتظرك بى خرتايتين واحدة للفول والتانية للتمر.
والله ويابركة جاه النبى ياسجيمان لو اكلت حقى فى الفول التمر ان شاء الله ناس المحلية والمحافظة والولاية ونقاط العبور وناس دمغة الجريح وترعتى كنانة والرهد وسد مروى والفضائية ومياه القضارف وناس القيمة المضافة والزكاة والقبانة مايخلو ليك تمراية تتهنا بيها ولا تحولا لى( سوائل).
| |
|
|
|
|
|
|
|
|
|
Re: بكري ابو بكر.. رسل لي لاب توب...و..نعــلات (Re: قلقو)
|
قلقو..
يا زول من يومي النضمت معاكن انت وقرضة داك.....انا مشيت وجيت من الشمالية تلاتة مرات.... اصلنا نحن لقينا شارع الزلط دا ما صدقنا.. كل يومين مسافرين... الله يجيب العواقب سليمة.... من الفنكهة في ناس يجو يصلو الجمعة في الخرتوم ويرجعو اهلن...وبعدين وقت التمر لي حسي ما جا.....والفول ابدا وحاتك انت الفولة تزرعها فولة تحصدها نص فولة......خلينا نسمع صوتك
| |
|
|
|
|
|
|
|
|
 Re: بكري ابو بكر.. رسل لي لاب توب...و..نعــلات (Re: Tabaldina)
|
الزميل سجيمان_لااقصد الزميل بتاعت اخوانا الشيوعيين_
فضحتنافضيحة مع الجماعة ديل وعشان كدة ممكن نتبرع ليك بساعة كل يوم في جهاز القسم حقنا رأيك شنو؟
________________________
تخريمة:
كلم لي بكري معاك دايرة لي برضو لاب توب عشان نبقي سواء ونخت اللاب توبين في صالة التحرير ونكيد بيهم العوازل
| |
|
|
|
|
|
|
|
|
|
Re: بكري ابو بكر.. رسل لي لاب توب...و..نعــلات (Re: سجيمان)
|
| Quote: برضو عليك الله رسل لي نعلات... المقاس حقهن الفردة اليمين مقاس اتنين واربعين..والشمال مقاس تمانية واربعين...اوعى تكون برباط.. فترت من الربيط والفرتيق دا..كفاية علي السروال... |
يا سجيمان ..
سفنجات ينفعن ..
والله مشتاقين ..
| |
|
|
|
|
|
|
|
|
|
Re: بكري ابو بكر.. رسل لي لاب توب...و..نعــلات (Re: toona)
|
عودة دي سجيمانقو
عاد الحبيب (دي سي جي )
فأهدى لكل قلبٍ سلاما ..
أهدى العيون بريقاً ..
أهدى الثغور ابتساما ..
ويا ود الموج :
فكيف ننسى فؤاداً (عادلا) ..
أهدى إلينا الغراما ..
وكيف ننسى محباً ..
أمسى يذوب هياما ..
حمد لله ألف على السلامة ، وبعودتك حوش بكري ، حوشنا نوّر
وبركة الجيت ، بركة الجيت ، واللاب توب والنعلات مقدور عليهن .
لك المودة يا ظريف
( ليمو )
| |
|
|
|
|
|
|
|
|
|
أولأ بعد السلام (Re: سجيمان)
|
أولأ بعد السلام..... و تاكى شى البتول بت بله دى إكان ولدتلا بت تجى مارقه ممكيجه.... الله يجازى محنك يالتفتيحه.
الله يغتي عليك يا دكتور
| |
|
|
|
|
|
|
| |
سجيمان
يازولyazoalيازول
Hussein Mallasi
garjah
خالد عبد الله محمود
على محمد على بشير
Sobajo
الزوول
مهيرة
saif khalil
Waly Eldin Elfakey
عبدالرحمن عزّاز
صباح احمد
عاصم ابوبكر حامد
ابو جهينة
Mohammed Haroun
طارق جبريل
shazaly gafar
أحمد الشايقي
ALGARADABI
aosman
abas
المسافر
قلقو
زول ساكت
محمد الامين محمد
PLAYER
فرح
معتصم دفع الله
Nasr
nour tawir
صديق الموج
Elmosley
A.Razek Althalib
بارعة
toona
عبدالحليم خالد التلب
حبيب نورة
خضر عطا المنان
Abureesh
ASAAD IBRAHIM
فيس بوك
تويتر
انستقرام
يوتيوب
بنتيريست