دعواتكم لزميلنا المفكر د.الباقر العفيف بالشفاء العاجل
|
|
 بكائية مع الدردقة في نادية عثمان" وحات الله توجد صورة"
|
ندوية.. ندوية
... يا ندوية
انتي بحر السماحة
وانا انطط زي القعوية
قعوية تسوي " غوووغ"
..........
انتي منقة
وانا للصعوط حُقة
دا شنو الفي خشيمك دا؟
عسل؟
الرسول اديني منو بُقة
بقة تنزل في حلقي" جُمبُلُغ"
................................
ما شفت نضرك يا انتي
خاته ايدك فوق الجضيم
وانا جضمي عاضيهو النميتي
احك فيهو زي الملدوغ
................
شعرك مالو ملفلف كدي؟
ملفلف زي الشعيرية
كركارك اظنو من فير آند لفلي؟
يا سمحة يا خترية
..........
بكري
يا
بكري
يا غتيتوني يا فقري
مالو؟
لو طردت الناس لي حدهُن؟
وقفلت المنبر
وخليتو لندوية براااها
تكوع فيهو تتحكر
...
قال سجيمان
المن الله خلقو مطرطش
لا بيخجل ولا بيختشي
البرعي مسيكين يمدح وماهو عارف شي
ايتيمن مصر مأمنة بسماحة دا الوشي
|
|
 
|
|
|
|
|
|
|
|
Re: بكائية مع الدردقة في نادية عثمان" وحات الله توجد صورة" (Re: MOHAMED EL-BEELI)
|
يا اللِذّيْذَه الكلكي جنك
1---
تقول القصيدة:
قالو زهجانه واظنك ....ما عرفتي سؤالي عنك
يا اللِذّيْذَه الكلكي جنك
عايز اكون انا ابقى منك
اي حاجه قريبه منك
تبقي طربيزه ابقى كرسي
تبقي راكب ابقى تكسي
بيكي اسافر لام دقرسي
وتبقي حافله ابقى بوكسي
وياسلام لو ابقى ببسي
تشربيني
تقرطعيني
تدفقيني
وما مهم
هي قرطعيني
بس مهم شوفت عيونك ابقى منك اي حاجة قريبه منك
***
تبقي وردي ابقى ترباس
تبقي سانتو ابقى كدباس
تبقي بنكي ابقى حراس
تبقي برعي ابقى عباس
تبقي اوبرا ابقى ترباس
ابقى غرقان تبقي رفاس
رفسيني
وفتشيني
وغرقيني
وفنجطيني
وماهم
هي رفسيني
بس مهم شوفت عيونك وابقى اي حاجه قريبه منك
| |
|
|
|
|
|
|
|
|
|
Re: بكائية مع الدردقة في نادية عثمان" وحات الله توجد صورة" (Re: Mustafa Mahmoud)
|
2---
***
تبقي فالق ابقى مفلوق
تبقي كسره ابقى طايوق
تبقي منفوخ ابقى مطفوق
تبقي ويكه ابقى لايوق
تبقي شناق ابقى مشنوق
تبقي حراق ابقى محروق
وياسلام لو تبقي خازوق
مقلبيني
وزهجيني
وعكريني
ومامهم
هي مقلبيني
بس مهم شوفت عيونك وابقى اي حاجه قريبه منك
***
تبقي حيطه ابقى طوبه
تبقي روسيا ابقى كوبا
تبقي جمباظ ابقى هوبا
تبقي غنمايه ابقى لوبه
تبقي فاطمه ابقى زوبه
ابقى راس هي تبقي قوبه
ألميني
وعوريني
وبشتنيني
وزهجيني
ومامهم
هي عوريني
بس مهم شوفت عيونك وابقى اي حاجه قريبه منك
***
تبقي سكر ابقى ضبان
تبقي بوليس ابقى بمبان
تبقي كبده ابقى مصران
تبقي شيته ابقى طرزان
ابقى حفله وتبقي سكران
فرتقيني
وجهجهيني
وبهدليني
ومامهم
هي فرتقيني
بس مهم شوفت عيونك وابقى اي حاجه قريبه منك
***
قالو زعلانه واظنك
قالو قرفانه واظنك
ماكي عارفه سؤالي عنك
يااااااااااااا اللذيذة الكلكي جنك
عايز اكون انا ابقى منك اي حاجه قريبه منك
اي حاجه قريبه منك
اي حاجه قريبه منك
اي حاجه قريبه منك
| |
|
|
|
|
|
|
|
|
|
Re: بكائية مع الدردقة في نادية عثمان" وحات الله توجد صورة" (Re: نادية عثمان)
|
كتبت الأستاذة نادية و الغائبة عن البورد لفترة طويلةQuote: د. مصطفى محمود
Quote: : قالو زعلانه واظنك
قالو قرفانه واظنك
ماكي عارفه سؤالي عنك
يااااااااااااا اللذيذة الكلكي جنك
عايز اكون انا ابقى منك اي حاجه قريبه منك
اي حاجه قريبه منك
اي حاجه قريبه منك
اي حاجه قريبه منك |
كلام زى الورد .. تأليفك ده ؟؟ |
فعلا غيابك طال يا أستاذة
سجيمان يا عمك
أشد حاجة في البكية دي حكاية الدردقة البعدها
| |
|
|
|
|
|
|
|
|
 Re: بكائية مع الدردقة في نادية عثمان" وحات الله توجد صورة" (Re: الطاهر ساتي)
|
الخزين!!!!!!!الخزين,,,,,,,,,,, الخزيييييييييييييييين,
مع الفارق أن الخزين كان يتغزل فى بنوت الفريق المعروضات للزواج
وبعد إكتشاف أمهاتهن أن هذا المبروك يمكن إستعماله كوسيلة دعاية
مجانية,,,,لكن هنا لا تعرف ما يمكن أن تسمى به هذاالذى يفعله دكتور
سجمان!!!!!
قلت لى يا دكتور إنت من أولاد وين؟
| |
|
|
|
|
|
|
|
|
|
Re: بكائية مع الدردقة في نادية عثمان" وحات الله توجد صورة" (Re: سجيمان)
|
سجيمان ؟؟؟؟؟؟؟
انت تشيل وتخت بى هنا وانا مانى عارفة ياجنا ؟!!
Quote: قال سجيمان
المن الله خلقو مطرطش
لا بيخجل ولا بيختشي
البرعي مسيكين يمدح وماهو عارف شي
ايتيمن مصر مأمنة بسماحة دا الوشي |
وحاة الله اهدى شوفتى لبوستينك ده انت عاملو من عامنول ؟!!
ياخ اخجلت تواضعنا ياسى جى والله تسلم على التحية الطيبة دى
لكن هسى القعونجة دى فى ليها داعى وسط النضم ده ؟!!
شترتها اقاااايتو !!
| |
|
|
|
|
|
|
|
|
|
Re: بكائية مع الدردقة في نادية عثمان" وحات الله توجد صورة" (Re: نادية عثمان)
|
| Quote: النمنتيتيى ده حاجة سمحة ؟!! |
ندوية
في حاجة سمحة قاعدة تعضي؟؟؟؟؟؟
اقول لك عضتني قي جضمي... ينعل ميتين جضمي وجضوم اهلي كلهم
النميتي ا حشرات صغيرة من فضيلة الناموس بتطير .. وعندنا في البلد كتااااار...قاعد يعضي.. وبعد يعضي يطير فرررر ويدخل في النخرين....
حبوبتي بت الارباب الله يسامح لها... دخلت لها نمتاية...في نخرتها قعدت سنتين .. ودوها استبالية اتبرة مرقوها ليها.... نان بعد شنو؟؟.... مرقوها وزينة....
| |
|
|
|
|
|
|
|
|
|
Re: بكائية مع الدردقة في نادية عثمان" وحات الله توجد صورة" (Re: مرتضى الصادق)
|
Quote: ده بس من زوقك والله
لكن بالله قصيدة سجيمان دى موش شترتها القعونجة الفى النص دى ؟!! |
ذوقي .. أيوه عارفو كويس .. بس دي ما من زوقي
دي الحقيييييقة عديييييييل كده !!!
بعدين حكاية القعونجة دي مالك عايزة تحكيها كده ؟
طيب أكشف ليك السر الماعايز يقولوا ليك أخوي سجيمان
ياشيخة هو داير يكف العين منك .. بدل ما يقول للناس
خمسه وخميسه في عين المابسمي ...
الله يحفظك ،،،
| |
|
|
|
|
|
|
|
|
|
Re: بكائية مع الدردقة في نادية عثمان" وحات الله توجد صورة" (Re: سجيمان)
|
غايتو بالحنه الشايفه دي وما اظنك كبيره
وما عندك بنات كبار
يعني ممكن ارجونا وكده
وبما انو انا اصغر زول عمرا في المنبر ده
اكان عندك بنيه قولي لي
انا جاهز
اوضه وبرنده
بتجاز وانبوبه
دولاب سته ضلف
سريرين
عده اكتر من حقت امي
تاني شنو ياربي
ايوه
بحب النضافه وغسيل العده
اها رايك شنو
كل الود
مهند حيموره
| |
|
|
|
|
|
|
|
|
|
Re: بكائية مع الدردقة في نادية عثمان" وحات الله توجد صورة" (Re: mohanad haimoura)
|
مهند حيمورة ولدى
Quote: غايتو بالحنه الشايفه دي وما اظنك كبيره
وما عندك بنات كبار
يعني ممكن ارجونا وكده
وبما انو انا اصغر زول عمرا في المنبر ده
اكان عندك بنيه قولي لي
انا جاهز
اوضه وبرنده
بتجاز وانبوبه
دولاب سته ضلف
سريرين
عده اكتر من حقت امي
تاني شنو ياربي
ايوه
بحب النضافه وغسيل العده
اها رايك شنو |
ماشاء الله عليك ماعندك عوجة تب
اديناك بتنا ياولدنا اها جيب انعام حيمورة وتعالوا
قصرت معاك ؟  
| |
|
|
|
|
|
|
|
|
|
Re: بكائية مع الدردقة في نادية عثمان" وحات الله توجد صورة" (Re: سجيمان)
|
(نحن كنا قارعين الدمعة بالصنقاع).
عاوز اقول للناس الما بفهموا كلامنا ... خاصة ناس الخراتيم:
نحن : يعني نحن.
كنا : من كان يكون.
قارعين : حابسين.
الدمعة : مفرد دموع - يعني دمعة حامية.
الصنقاع: النظر إلى السماء حتى لا تسقط الدمعة لأن البكاء عندنا عيب.
يعني نحن عرب مش جنجويد يا منى خوجلي.
تحياتي
| |
|
|
|
|
|
|
|
|
|
Re: بكائية مع الدردقة في نادية عثمان" وحات الله توجد صورة" (Re: Mohammed Haroun)
|
النبيل محمد هارون سلام والف تحية
Quote: نحن : يعني نحن.
كنا : من كان يكون.
قارعين : حابسين.
الدمعة : مفرد دموع - يعني دمعة حامية.
الصنقاع: النظر إلى السماء حتى لا تسقط الدمعة لأن البكاء عندنا عيب. |
ياسلاااااااااام على العلم والله اتبسطت جدا انى عرفت معنى المثل وياريت تمدنا بمزيد من امثال اهلنا الاعزاء فى غرب السودان ونكون ليك شاكرين جدا ..
| |
|
|
|
|
|
|
|
|
|
Re: بكائية مع الدردقة في نادية عثمان" وحات الله توجد صورة" (Re: سجيمان)
|
سجيمان والله أنا من يوم شفتا الصورة دي ورايحة لي درديقة درديقتين علا قلتا أنا جديد نخلي الكباتن يتدردقو في الأول وأنتدردق مع المتدردقين لكن يا خوي إتدردقتا ما خليت فرصة لي زول تاني يتدردق معاك .
الأستاذة نادية عثمان حمد لله ألف على السلامة وعودا حميدا . قد لا تتذكريني لأن لقاءنا كان عابرا وسريعا في مكتب حضارة السودان في عابدين والكلام ده كان زمان وما كنتا عارف إنو حيجي يوم للدردقة
| |
|
|
|
|
|
|
|
|
|
Re: بكائية مع الدردقة في نادية عثمان" وحات الله توجد صورة" (Re: محمد حسن العمدة)
|
Quote: والله يا نادية انتي زولة طيبة ومسالمة ساي
انا متاكد حسع تشيلي وتضايري |
النصيحة لى الله نعم !!
سجيمان اخوى انا بعرفك واكلت معاك الملح والملاح وعارفاك رباطابى قلبك ابيض وماك زولا كعب ودى ياها طريقة كتابتك وماقاصد منها شئ علا الهظار والترحيب بعودتى بطريقتك الخاصة .. لكن ياسى جى الناس ماكلها واحد وفى البعرف اسلوب كتابتك وفى البعتبر كتابتك دى (قلة أدب) !!
انا مازعلانة منك وحاولت اخلى البوست ده واحول مسارو هظار وونسة لكن كان شلت الكلام العجيب الفوق داك تكون ماقصرت اخوى .. قلت شنو ؟!!
| |
|
|
|
|
|
|
| |
سجيمان
طارق جبريل
nazar hussien
محمد الامين محمد
abuguta
هاشم أحمد خلف الله
Muna Khugali
Saber Abdelhadi
MOHAMED EL-BEELI
Mustafa Mahmoud
Mohammed Ahmed Saeed
محمد البشرى الخضر
عاصم ابوبكر حامد
نادر محمد الراضي
BAKTASH
الطاهر ساتي
أيمن الطيب
waleed dawash
Kostawi
abas
mohanad haimoura
Mohammed Haroun
mohmed khalail
ayman haroun
أميرة فاروق عبد العال
صديق الموج
hajhamad
فيس بوك
تويتر
انستقرام
يوتيوب
بنتيريست