|
|
 بقــارة الســودان...احـذرو...بقــارة امــريكا
|
بقارة امريكا......طمعانين فيكم وفي بقركم.....امريكا جابت كل ستات الودع والفكية العندها.. وقالت لهم اقرو لي التاريخ..... التاريخ يعيد نفسو......وخايفين يكونو في ناس في الدنيا دي ماشين في نفس طريقنا ويجو في النهاية يدونا بالشلوت ويتحكرو هم في حكم العالم...الوداعيات والفكية قالو في.... في...في..... السودان..........ود اللزينا...عاملين فيها تفتيحة....وولاد ستين فتلة.... ديل اخطر ناس علينا وعلى الحضارة الغربية والشرقية....وعلي نفسهم زاتا.....امريكا كان فيها حرب في الجنوب... السودان فيهو ويا دوب دايرين يختو الكورة واطا....امريكا فيها...ولايات وحكام ولايات... برضو السودان فيهو....امريكا كان فيها الكاوبويات..... قطاع طرق وحرامية....وجننو الناس ..راكبين حصين شايالين بنادق....ويمدغو التمباك ويبصقو. وينهبو البقر... السودان فيهو الجنجويد.... قطاع طرق راكبين حصين....شايلن بنادق ....ويسفو صعوط ويبصقو.وينهبو البقر
امريكا فيها الهنود الحمر السودان فيهو المسيريه الحمر....والبديرية الحمر........امريكا فيها بقر .... السودان فيهو بقر....وبقر السودان احسن من بقر امريكا.... كما قال الشيخ حسن.... انو بقر السودان عندو مناعة طبيعية ضد مرض جنون البقر...بقر الدنيا دي كلها تجن وتركب الزلط علا بقرنا نحن...اعقل بقر في العالم في السودان...بقر حساس شفيف... بقر رهيف الاحساس وام فتفت....ولبن بقر السودان به شفا للعشاق.....
جابو لي..... فقرا
حلبو لي.... بقرا
تحت ضل شدرا
يا اللبن ..ابو لي بي
كما وان بقر السودان... بقر ولوف..... الكديسة تاكل عشاهو...حتى صار المثل... حقيرتي في بقيرتي....ويتميز بقر السودان ....بطلوع الاشجار....وراس البيت....و غنية الاطفال الشهيرة خير مثال على ذلك......
يا طالع الشجرة
جيب لي معاك بقرة
ونعلمكم ...... ان تيران السودان....وذكور ابقاره...هي من خيرة التيران في العالم....حتى ان احدهم اذا اراد ان يحلب التور.... التور يقف مستسلما....لا يقول له تلت التلاتة كم......
|
|
 
|
|
|
|
|
|
|
|
Re: بقــارة الســودان...احـذرو...بقــارة امــريكا (Re: بدرالدين شنا)
|
دكتور عادل أزيك
الغريبة مرة سمعت شاب بيخاطب فى أخيه بقول ليه والله صاحبك خطب ليه جنس بقرة ...تجنّن.....
والتاني يقول له .. ..لأ يااااخي ....؟.......وكان الامر عادي جداً .......حينها قارنت قولهم بقول
الشاعر... متغزلاً
ومأكمة يضيق الباب عنها وكشحاً قد جننت به جنونا ....
..ولكن لم أجد في كل بقر العالم أي كشح .....ووجدت جنونا
| |
|
|
|
|
|
|
|
|
|
Re: بقــارة الســودان...احـذرو...بقــارة امــريكا (Re: قلقو)
|
سيجيماااااان
بقرنا البلدي مابنقدر والمجوك اب قرنا فوق
والكنانية مابترضى الحقااارة بتموت بي لبنها
قدر ماتحنسا تحلب ليها رطيل بعد موت جناها تابى
لكن بقر امريكا حبابوا؟؟
بنهجن منوا تب
ومن هسا توري جااااااااااااهز والموسم عشاار وخريفوا كابي
| |
|
|
|
|
|
|
|
|
|
Re: بقــارة الســودان...احـذرو...بقــارة امــريكا (Re: شمهروش)
|
انت يا خوى سجيمان لو اتلمت كل الدول دى عرب ناس كاب الجداد والجنجويد وعندك هناك البقارة اولاد ودنمر واولاد مادبو واولاد منصور فى دار حمر واولاد العباس فى دار الجعليين دييك و عندك هناك عرب ام هانى فى كوستى واولاد ابوسن فى دار الشكرية وديل كلهم يجيبوا اولاد عمهم معاهم , دحين نان امريكا دى ما بيغلبوها؟
| |
|
|
|
|
|
|
|
|
|
Re: بقــارة الســودان...احـذرو...بقــارة امــريكا (Re: سجيمان)
|
لكن يا دكتور سي جي السكاكين والحجبات ما جبت خبرن وريتنا موقعن من الاعراب
لانو فى زول قال اليومين ديل مباريد (( جمع مبرد )) الفاشر ونيالا كملن يعني الجنجويد ديل بجهزوا فى سكاكينن دايرين ياكلو المارينز ديل
وبعدين قالو قاعدين يطورو فى صواريخن أقصد حجباتن يعني الواحد يختو ويضربو بدوشكا وما تسوي ليهو شي
أها يا خوي الكلام دا صاح ولا غلط ؟؟
| |
|
|
|
|
|
|
| |
سجيمان
الزنجي
saif massad ali
بدرالدين شنا
omer almahi
قلقو
شمهروش
تولوس
المكاشفي الخضر الطاهر
saifkeli
willeim andrea
فيس بوك
تويتر
انستقرام
يوتيوب
بنتيريست