انــور كيــنغ.... يبحــث عن عــروس

Quote: ...ولا ترصع علي ساقها ملتلتة...مويويبة ومُسجيمة

يا انور كينج وسجيمان

لكن ما معقول
طيب وتعمل شنو مع باعوض السودان داك البرفع الغطا عشان يقرصك؟؟؟

حرام عليكم
دة الخريف علي الابواب...

شرط في منتهي القسوة

Quote: وتقسميمتها رهيبة كانما ظبطت عند حسن كامشفط الميكانيكي

Quote: هيفاء مُقبِلةٌ عجزاء مُدبِرةٌ لا يشتكي قِصرٌ منها ولا طولُ ....اخوي انور كينغ.... قال كايس لو لي عروس....النضم الفوق دا من ضمن الشروط.....واضيف..... لا قوالة شايله لسانا وحايمة بالحلة...ما تبتل الحبة في خشما.....لا خفيفة ولا لفيفة...كان طرقة الكسرة من صاجها...منديل ورق اصلي صنع كلينكس....وعواستها للقراصة تحسبها دافنشي وقاعد يرسم.... ورائحة القدحة في ملاح ملوخيتها.... عطر من بيوتات باريس..... دعجاء.... العيون.... لا هن الصغار كقدود جلد قديم.... ولا هن بالكبار الجاحظات المنططات....جحوظ عيون كلب مزنوق في طاحونة.... ليست بالشخور ولا بالمتكوبسة في المنام....وهي نائمة انفاسها رتيبة وتقسميمتها رهيبة كانما ظبطت عند حسن كامشفط الميكانيكي...تجيد اكل البطيخ والشمام... لاتفتح خشمها الا عند اللزوم...وعند اللزوم لا تفتحه الا بمقدار...حديثها خفيف.... تخرج الكلمات من فمها....كأنها تنقيض ماسورة حوشنا.... او قعر زير ينقط في كورية طلِس راقدة جنبها كديسة......لا انزعجت الكديسة ولا تدفق ما بالكورية....اذا قعدت علي العنقريب تنزل عليه برداً وسلاما...لا تجلس اوردولوب...ولا تقف فونتوروب....اذا عانت رجلها من خَدَرٍ تربت عليها برفق..... لا تبل اصبعها وتحك قدمها...ولا ترصع علي ساقها ملتلتة...مويويبة ومُسجيمة.....اذا مشت ليست بالخبّابة...ولا الكشاتة....ولا البرطاعة...لو اقبلت لا تسمع لها حسا الا وهي زي الضل عن راسك....اذا شربت الماء... لا تملاء جضمها ثم بعد ذلك تبلع....واذا شربت الشاي..ليست بالجغامة....بل تشفطه بحنان يكاد الشاي يذوب وجدا..وكل شفطة مقدارها نص سي سي..وما بين الشفطة والشفطة.. تلاتين ثانية...اذا تثاءبت من كسل....ترى الفم وكأنة باب من ابواب القزاز الاتوماتيك في المطارات... لا صوت ولا خبر ولا اتر......

Quote: زولة طويلة البال بتنفع معاى... سودانية الملامح, حرة فى التفكير...تحترم اهلي ,تكون واقعية, لها استعداد لاستقبال الضيوف ولو كان البيت غرفة واحدة... يكون عندها فهم مختلف لتكوين الاسرة عن الفهم السائد... فامنيتى لو قسم الله لنا ذرية ان تكون معافاة من الامراض السودانية المعروفة, كالعنصرية وعدم التعايش والخ...

Quote: الحبيب سجيمان... الصفات دى صعبة ولا بيتهئ لى? على العموم انا ابسط المسالة ليكم... انا اى زولة طويلة البال بتنفع معاى... سودانية الملامح, حرة فى التفكير...تحترم اهلي ,تكون واقعية, لها استعداد لاستقبال الضيوف ولو كان البيت غرفة واحدة... يكون عندها فهم مختلف لتكوين الاسرة عن الفهم السائد... فامنيتى لو قسم الله لنا ذرية ان تكون معافاة من الامراض السودانية المعروفة, كالعنصرية وعدم التعايش والخ... وبالمثل ساكون... والكلام دا جد جد...

(عدل بواسطة AnwarKing on 05-21-2004, 10:20 PM)
(عدل بواسطة AnwarKing on 05-21-2004, 10:22 PM)