|
|
 امرأة تبيــع زوجهـــا........... يا كافي البلا
|
اها شفتو النضم دا؟..النسوان بقن يبعن في رجالن.......بيع راسو عديل كدي....ان شاء الله يا ام الخير وبركة تور الجزيرة تفلسي....وتزنقي... وتبعيني باكر دي... إن بقت الزبائن نوع الفي الصورة ديل.....لكن ان بقيتي.. دايرة زبائن احسن من ديل..... خلي لسانك سنين....وحنكك قوي....وتقعدي تشكري في بضاعتك.... ال هي انا..... راجل موديل ستين.... لكن معدل لي موديل الفين وخمسة...وخصوصا المكنة.....مكنة على الضمان.....عشرة سنوات.....شغال بالريموت كنترول.......وكل حاجة شغالة فيهو......صرفو للكهرباء قليل....ونضمو قليل... ممكن تتحكمي في النضم من الريموت...... قطع غيارو راااااااقدة.... في السوق......من الشاسي.... لي عند العفريتة....
لكن اوووووووعك يا ام الخير.... تجيكي واحدة وتقول لك دايرة تجرب قبال ما تشتري.....ان جربت ما بتشتري...وتمشي تحدس الباقيات.... وبضاعتك تموت لك في ايدك...... بيعيني كدي... بتيخة بس....احسن لك. .....واكتبي في خشم الباب.....و في الفاتورة... البضاعة لا تسترد بعد خروجها من المحل.....وبعدين إن جات واحدة وخرخرت وقالت لك انتي غشيتيني.... ما تشتغل بيها.... لا غشيتيها ولا حاجة.... انتي بعتيني ليها وانا مُستعمل.... وهي عارفة كدي........
وعليكي الله وامانة في ضُمتك..... اهم شي تعرفي الزبونة ياتو نوع في النسوان..... وخسمتك باللزي خلقك وبالعُشرة البيناتنا....ما تبيعني لي واحدة.... من النسوان البيدقن رجالن في الليل ديك.... الواحدة النهار كلو حلاااااااااااتا....هدية ورضية..... لكن من تغيب الشمش جنها يقوم عليها.....وتتقولب.....يكونو في امانة الله هي و راجلا.... و في عز ونستهم وضحكم ....مِنو وليها تخفس.....وتجيب السوط وتقع في الرويجل دق يا كافي البلا.....وفي واحدات قالو في ضُمتم... يكتفّن علي السرير..ويسجّمن ويرمّدن...... انا نوع ديل ما عندي ليهن حيّل....انتي عارفاني....وشفتنيني....ان نهرتيني ساكت ....امرق برا الشبكة....وما الم فيها علا بعد اسبوع....و...اكِش.. كرعيني يكشن... و....ايديا يكشن... و...اي حاجة فيني تكِش وابقى لُكدُومة مدردمة وقاعدة....اها باقي لك الدق والمعمسة يسون علي كيفن؟
..وبعدين البتشتريني بي قروشا دي دايرة شي كتير يسو هو ليها وانا ما بقدر عليهو.......... انا ان اكلت وقمت من الاكل واصابعيّ فيهن باقي اكل... ما بعرف الحسو...... الله يستر عليكي دنيا واخره.........
|
|
 
|
|
|
|
|
|
|
|
Re: امرأة تبيــع زوجهـــا........... يا كافي البلا (Re: سجيمان)
|
C.G. Man:
يا دكتور والله الخبر غريب... قلتى لي عدييييييل في سوق الله أكبر.. وكمان سوق البطيخ بعدين في اخر السوق البيع بالكوم زي قرع ود العباس..
وبعدين تعليقك خلانى اضحك وعندما اتذكر البيع ابكي..
اها غايتو انطبقت فينا أغنية ابراهيم عوض:
مره اضحك ومره ابكي,,,,
تحياتى....
| |
|
|
|
|
|
|
|
|
 Re: امرأة تبيــع زوجهـــا........... يا كافي البلا (Re: قرشـــو)
|
الأخ سجيمان
تحياتي وبعد بالغت عديل كدي في نضمك
| Quote: ...وخصوصا المكنة.....مكنة على الضمان.....عشرة سنوات.....شغال بالريموت كنترول.......وكل حاجة شغالة فيهو......صرفو للكهرباء قليل....ونضمو قليل |
أول حاجة الضمان بالله وبعدين نضمو قليل دي بالغت فيها شوية
مع خالص ودي
| |
|
|
|
|
|
|
| |
سجيمان
ابو جهينة
mahmed alhassan
abas
حبيب نورة
صديق الموج
Hisham Amin
Ehab Eltayeb
قرشـــو
انور الطيب
mekki
خضر عطا المنان
فيس بوك
تويتر
انستقرام
يوتيوب
بنتيريست