|
دعواتكم لزميلنا المفكر د.الباقر العفيف بالشفاء العاجل
|
|
 Re: الوزيــر .. الذي...ســـرق الجضــوم (Re: سجيمان)
|
أخى سجيمان
اولاً كل سنه وانت طيب
ربنا يجمعك والامنيات الحلوه
لقد أصبت عين الحقبقة بسهم الحق
وشهد معك شاهد من اهل الحكم والسلطان
يقول تقرير المراجع العام للعام المنصرم
ان قيمة اختلاس المال العام تبلغ 396مليون دينار سودانى
(شوفا بالعربى تطلع كم؟)هذا ما أُعلن عنه وما أُخفى أعظم
(المغتغت والمدسدس تِحِت..تِحِت)
أين هذه المبالغ من هدية(بن اللتبية) التى أُهديت اليه)
خلى بالك آ سجيمان
الناس ديل يوم القيامة حا يجو شايلين جِنِس جمال وبقر وكريسيدات وعمارات سوامق
,...و...و..و
لك من الشكر أجزلُه
وكل المنى
شاذلى
| |
 
|
|
|
|
|
|
|
 Re: الوزيــر .. الذي...ســـرق الجضــوم (Re: Adrob wad Elkhatib)
|
الرهيب/ سجيمان.
كل عام وأنت بخير.
| Quote: الوزير يعينوهو معفص ومطفق وبعد اسبوع تلقاهو فرهد وسوى ليهو جضوم |
لزوم التمايز
المميزات يا أخوي تكون عامة لمخاطبة كافة الأذهان..
ومفتوحة تقبل التغيير والتبديل لا في مفاهيمها ومعانيها... وتمايزهاز
حتى في وجودها بقاء أو عدما!!!
شكلية وعقلية يمكن التعامل بها في إيصال المعاني... المتميزة..
لها ما يقابلها في الحس... والمعني الإستفزازي...
إنسانية لا تعبر إلا عن مقولة إنسانية... لرفع الدرجات في بعضنا البعض.
ولا أرى معنى لمناقشة هذه المميزات لهذه الحالة لا من حيث إمكانها الواقعي مجتمعة.. ولا من حيث إلتزامها السياسي نفسه في مشروعها من العقيدة إلى الثورة خصوصاً.
حلو إنت يا شعبي....
| |
|
|
|
|
|
|
|
|
 Re: الوزيــر .. الذي...ســـرق الجضــوم (Re: Adrob wad Elkhatib)
|
ادروب ود الحطيب
| Quote: الاخ سيجمان وكل سنة وانت طيب ...كلامك صحى الناس ببقوا زي زولنا ده عتقرتهم السيف ما بدليها |
يا اخوي زي دا الله لاسهل لو يحكمنا..... عراريق ساكت يكمل قروشنا..دا دايرو طاقة قماش للعراقي الواحد....... اسهل تكسي مشروع الجزيرة من تكسيهو هو
| |
|
|
|
|
|
|
|
|
|
Re: الوزيــر .. الذي...ســـرق الجضــوم (Re: سجيمان)
|
| Quote: تلقى الواحد مشيتو في الواطا دي شترا وما بيعرف يمشي...... ياخد لو يومين تلقاهو بقي يقدل ويتفلهم في المشي..... |
العزيز سجيمان
كـــل عــام وانتم بخير
لكن بتاعين الديمقراطية ما مروقين اصلا ولا رايك شنو
| |
|
|
|
|
|
|
|
|
|
Re: الوزيــر .. الذي...ســـرق الجضــوم (Re: سجيمان)
|
سيجمان
كل سنة وانت طيب والاسرة
بس ما قلت لى
وحاجات تانية ان قلتها بي يلحقوني امات طه......
الظاهر ده على وزن اعنية ترباس
احيك على هذا البوست الخفيف بحروفه ولكنه مثقل بالمعانى التى تصب فى مرحلة تطبيق السلام على الواقع
تخريمة على منوال رجاء
ما قلته لى خروفكم بمبى والله تركواز
عيد سعيد
| |
|
|
|
|
|
|
|
|
|
Re: الوزيــر .. الذي...ســـرق الجضــوم (Re: democracy)
|
democracy
| Quote: عن دكتور الطيب سيخة ...قال:هي بس (بكسر الباء)...دكتور شنو اللا (لادا) ولا عيادة...اب فلجتن تحت...والله فلجتن ما شفتها الا فيهو هو والجمل.. |
عاد يطرشني كان سمعت انو الطيب سيخة عندو فلجة....ويعميني كان شفتها....ويبقى لي خراب الرقدو علا نضمك دا
قال شفايفة....؟؟؟..والله اياهو
| |
|
|
|
|
|
|
|
|
|
Re: الوزيــر .. الذي...ســـرق الجضــوم (Re: سجيمان)
|
سجيمان
العيد مبارك عليك
| Quote: .....وفي مسعول يعينوهو ونشوفو بطنو في ضهرو.. بعد يومين يسوي لو كرش.... ويقعد يقرقر ويضحك ويهز فيها ويتبوبر بها قدام جماهير الشعب الوفية..... دا لازمن من اخد مقاسات البطن قبل المسعولية....وبعد المسعولية كل اسبوعبن.... اي زيادة.....لازمن وحيث انو يسعلوهو...من اين لك هذا الكرشة؟...... |
إتذكرت بناظير بوتو كلما تدخل الوزارة بطنها تكبر.
دي الراحات يا ربى ولا راجلا زعلان من الشعب.
أها لو فى زى دا حصل عندنا يحاسبوا الوزيرة ولا راجلا?
| |
|
|
|
|
|
|
|
|
|
Re: الوزيــر .. الذي...ســـرق الجضــوم (Re: انور الطيب)
|
سجيمان
انت اول زول مفروض الناس تسعلو من أين لك هذا؟؟!!
حسب علمي انت اول ما جيت البورد دة جيت هارب
من كفيلك في عرعر لابس سفنجة وطاقية باكستانية
حقّت البنقالي الشغال معاك في البقالة !!!!
هسة سويت ليك ملفحة وشال... عليك الله ما من حقنا
انت وانا نسعلك من أين لك هذه الملفحة!!!!!!!!
من وين لفحتها ؟؟ وغير كدة الصلعة زاتة أختفت
في ( شعور غامضة) ودة مثبت في الأرشيف في
بوست ندي القلعة... يا تري من أين لك هذا الخنفس!!
   
| |
|
|
|
|
|
|
|
|
|
Re: الوزيــر .. الذي...ســـرق الجضــوم (Re: حبيب نورة)
|
حبيب نورة
Quote: وغير كدة الصلعة زاتة أختفت
في ( شعور غامضة) ودة مثبت في الأرشيف في
بوست ندي القلعة... يا تري من أين لك هذا الخنفس!!
|
تصدق يا حبيبا.......حسي شعري بدا يتساقط..كما المطر.... شعرة شعرة....كلو من عينك
| |
|
|
|
|
|
|
|
|
|
Re: الوزيــر .. الذي...ســـرق الجضــوم (Re: سجيمان)
|
اخوي سجيمان ود عم بله
كيفنك يا جنا
عيد سعيد وكل سنة وانت طيب
بلغ تحياتنا وتهانينا بالعيد السعيد للست ام الخير
يا اخوي
انا عايز اشوف لي وزيرة كراعين غلاااااااد
لان الكراعين الغلاااااااد دليل الشغل الممتاز والعطاء السخي
واموت أنا في الحصاحيصا
| |
|
|
|
|
|
|
|
|
 Re: الوزيــر .. الذي...ســـرق الجضــوم (Re: سجيمان)
|
أخوي سجيمان ..
ما تنسى كمان :
الوزراء أب عيوناً مزغللة .. قبل الوزارة تلقى معرسلو واحدة
وحات نضرك متل الغوريلا .. وبعد الوزارة تلقاهو عاقدلك على
شبح موديل 2005 كرت .. مفروض يتسعل من أين لك هذا الجكس؟؟
أصلو مافي لِعب .. قبل الوزارة تلقاهو راكبلو (هيلمن) من سنة
حفرو البحر .. وبعد الوزارة راكبلو (ليلى علوي) مظللة .. أها
مفروض يتسعل من أين لك هذا التظليل والتغميم؟؟
ضُمة يا أخوى ما بنسكت بعد دة .. وحات خوتك قبل الوزارة تلقا
عويناتي مِتل الديك الماكلو بصل كتير .. مغبرن .. أها بعد الوزارة
يركبلو نضارات وارد باريس مغيمة .. لزوم المشاغلة والسكسكة ...
مفروض يتسعل من أين لك هذا الغمام؟؟
يا أخوي مفروض نسجلو ضحكتو وقهقتو .. بعد الوزارة صوتو ببقا
تخين متل ودك حبوبتي .. لزوم الفنجرة والتغينة .. مفروض نسعلو
من أين لك هذا البحة؟؟؟
قبل الوزارة وحات النِعمة ضبالان مِتل الجرجير الراقدلو في السوق
شهر .. أها بعد الوزارة .. عضيماتو يتملن (بالبروتين) الخطير ..
مساعد ياي الصعلكة والفحلنة ... مفروض نسعلو من اين لك هذه
الفحولية؟؟
| |
|
|
|
|
|
|
|
|
|
Re: الوزيــر .. الذي...ســـرق الجضــوم (Re: aosman)
|
aosman
كل سنة انت طيب
| Quote: يا سجيمان انت كنت زمان بتكتب بالاسود و الخط كان صغير هسي بقيت تكتب بالاحمر و الخط كبر من اين لك هذا |
اعمل حسابك الخط الاحمر وكبار دا ماركة مسجلة.....يعني ممكن تكون في مساءلة قانونية
| |
|
|
|
|
|
|
|
|
|
Re: الوزيــر .. الذي...ســـرق الجضــوم (Re: سجيمان)
|
أصبت يا سجيمان
بس نسيت حاجة واحد ه
قبل كانت عنده زوجة واحدة ومنزل واحد قد يكون بالأجرة
بعد مثنى وثلاث ورباع تمشيا بالدين الحنيف وبيوت ملك بعدد الزوجات المعلنات ناهيك عن زوجات السر ؟؟
ده ينسعل ولا يخلوه ؟؟
| |
|
|
|
|
|
|
|
|
|
Re: الوزيــر .. الذي...ســـرق الجضــوم (Re: omer almahi)
|
آ.. قشيران أنت الجضوم متورمة من سنة 1989
ما شفتها الا الليلة ؟؟؟؟؟؟.
بعدين أنت تتكلم عن الوزير ؟؟؟؟؟.
طيب انت ما شفت الفاتح عروة ابدا ؟؟؟؟؟؟؟.
كنت عايز أقول ليك زول تاني ولا وزير ولا حاجة
لكن مستوزر !!!!! أنا ساميهو ( الود الزبدة!!!)
لكن أسع ابيت أقولو ليك فشان انو عيان وخسة !!!!.
وطبعا كانو ناوين يرسلوه لى مستشفى الملك فهد التخصصي
لكن خافو على حياتو لما عرفو انك في السعودية !!!.
وحالة التشخيص ليهو قالو أنو يوم بالليل مر بى جنبو
وهو في الحبس الانفرادي في كوبر ( فار الترابي ) المدوعل
داك !!!!. وبس الحمى الياها !!!!! أبت ما تفكو لحدي ما اطلقو
سراحو فسرع !!!!!!.
دا حسين خوجلي أ....قشيران !!!!!!.
خضرعطا المنان
| |
|
|
|
|
|
|
|
|
|
Re: الوزيــر .. الذي...ســـرق الجضــوم (Re: خضر عطا المنان)
|
خضر عطا المنان
Quote: وحالة التشخيص ليهو قالو أنو يوم بالليل مر بى جنبو
وهو في الحبس الانفرادي في كوبر ( فار الترابي ) المدوعل
داك !!!!. وبس الحمى الياها !!!!! أبت ما تفكو لحدي ما اطلقو
سراحو فسرع !!!!!!.
|
بس الفار ما عضاهو...... والله كان عضاهو كان لي حسي الفار شبعااااان
لكن في زول قال لي حسين خوجلي دا الجضوم ديل عندو من اهلو....من زماااان.... زولي دا هوايتو مقاس جضيمات بس
| |
|
|
|
|
|
|
|
|
|
الوزير ابو جضوم (Re: سجيمان)
|
الأخ سيجيمان
لعلك لم تقرأ البوست بعنوان الفساد- اكبر مهددات السلام
وأنت الآن تثير نفس الموضوع و لكن بإسلوب آخر
لأهمية الموضوع اورد هنا البوست مرة اخرى
فى اعتقادى أن اكبر مهددات السلام الآتى هو الفساد. و فيما يقوم الناس ويقعدون فى مساجلات سياسية حول بروتكولات السلام الموقعة نجد ان كلا من اتفاقية السلام السودانية الموقعة بين حكومة السودان و الحركة الشعبية و الإتفاق المبدئى الموقع بين حكومة السودان و التجمع الوطنى الديمقراطى قد اغفلتا موضوع الفساد و إجتثاثه..
تقرير منظمة الشفافية العالمية لهذا العام وضع السودان فى مرتبة متاخرة من حيث النظافة. نال السودان المركز 124 من بين دول العالم.
تقارير المراجع العام لحكومة السودان السنوية تكشف اختلاسات بالمليارات من اجهزة الدولة المختلفة و البنوك.
بدأ حكم الجبهة الإسلامية بشعارات مثل طهارة اليد و انتهى بهتاف هى لله هى لله لا للسلطة ولا للجاه.
وما بين الشعارين فرق واضح فى الروح و المضمون.
ففى الشعار الأول أراد الحكام الجدد للسودان إيصال رسالة واضحة للمحكومين: سوف لن تمتد أيدينا الى المال العام .
لكن هذه الأيدى فعلت بالمال العام كل شىء يمكن أن ينتمى الى فصيلة الفساد. أنتهى الأمر بالناس بعدم التمييز بين مال الدولة و مال التنظيم و انتهب المتنفذون وغيرهم الوفير من المال فأتخمت الجيوب و اكتنزت الأبدان.
عرف الشعب بأمر الفساد وصارت آلاف الحكاوى تحكى.
لذلك اطلقوا الشعار الثانى و هو ما يفيد ان كل هذه النعمة و الثراء الفاحش بينما الشعب يتضور جوعا انما قصد بها وجه الله العلى القدير.
وهنا التبرير واضح فالشعب الذى شاهد سقوط الشعار الأول لابد أن يتعلم ان هذا ليس بسقوط انما لغاية سامية وهى تمكين هؤلاء لأنهم يتبعون سبيل الله فهذه الأموال لله.. و البنايات الشاهقة...لله ... والسيارات الفارهة لله.. وتعدد الزوجات .. لله. فهل من مصدق؟
لا اريد الإنحراف عن الموضوع بالحديث المطول عن مظاهر فساد النظام وإنما اختصره بالقول إن كل جهاز الدولة الحالى فاسد ولا يصلح للقيام بمهام المرحلة الحالية و سوف يكون وبالا على السلام إن ظل كما هو.
| |
|
|
|
|
|
|
| |
سجيمان
معتصم الطاهر
shazaly gafar
Adrob wad Elkhatib
A.Razek Althalib
بلدى يا حبوب
الملك
Balla Musa
انور الطيب
حبيب نورة
Raja
aosman
عوض الله الفولانى
omer almahi
خضر عطا المنان
هشام المجمر
فيس بوك
تويتر
انستقرام
يوتيوب
بنتيريست