دعواتكم لزميلنا المفكر د.الباقر العفيف بالشفاء العاجل
|
|
 الناس ديل... بيجيبو.. الجضوم دي من وين؟
|
معجب جدا بالجضوم...والزول المجضِم...والزول العندو جضوم احترمو خالص...واقدرو....وتلقاني طول ماهو قاعد جنبي انا قاعد اتأمل فيهو... وفي جضومو...ولو كان بياكل.... ارفع ايدي من الاكل....واقعد اعاين لحركة الجضوم في اثناء الاكل.....كنت اباري حفلات ترباس...اعجابا بجضومو....واحضر برامج حسين خوجلي... برضو اعجابا بي جضومو......معاي واحد بنغلاديشي.... اسمو نور نبي... انا ماعارف حكاية البنغلاديش مع النور دي شنو؟.... اسماهم كلها نور علم...نور نبي.... نور رسول...نور الشارع......نور نبي دا زول مدردم وقصير ووشيهو كلو جضوم....كل يوم بفطرو علي حسابي عشان ياكل جنبي وانا امتع نظري بي جضومو....
كان مناي في الدنيا اعرس واحدة عندها جضوم.... علا القسمة مو بالليد....بنت جيران خالتي...في بري... عندها جضوم...وانا كنت مكسر فيها عشان جضوما......ولما تجي ماشة بي جنبي اقعد اغني
بساهر الليل بعد.... نجومو
حلاة الزول اللقيمات جضومو
ماتقولو وين
محبوبتي وين
لمتين تجينا الراسية وسمينة
.. هي كانت حاسة بالحب دا..... لكن مطنشاني....ومرات تصر لي وتحمر عيونا وتنفخ جضوما....والغبيانة ماعارفة نفخ الجضوم دا يزيد تعلقي بيها....
واحد صاحبي طبيب نفسي حكيت ليهو موقفي من الجضوم.... وحلفتو بي الله ما يحدس زول ومايقول لي زول سجيمان جاني وشكى لي من شي..... صاحبي النفساوي.... قال لي انت عندك عقدة كِضوميب.....ودي علاجا انت تسوي لك جضوم....لانو دا نوع من الاسقاط... الحقيقة الاسقاط دي زعلتني بالحيل....الدكتور دا جنا؟...قايلني حامل يا ربي؟...وقاعد اتوحم في الجضوم؟
دخلت معسكر تعليفي... عشان اسوي لي جضوم...... بدات الجضوم تقوم... لكن كلها تحت الحنك....يعني مافي الخدين......انا عارف انو الشي البيسمن من تحت حنكاتو... الكديس..... يعني زيك يا سجيمان وزي اي كديس.....وخاصة لما ازعل وانفخ جضومي التحت حنكاتي.....ويا....ام الخير بختك...غني...
احبو واحب.... نوانتو
نوانتو التحت حنكاتو
|
|
 
|
|
|
|
|
|
|
|
Re: الناس ديل... بيجيبو.. الجضوم دي من وين؟ (Re: سجيمان)
|
عزيزي سي جي
يعني لو ربنا فتح عليك و عملت ليك شركة في السودان .. من شروط القبول للوظيفة حتكون ( يتمتع بجضوم مدردمة ) ..
غايتو أنا و الجضوم متحاربين .. ما عندي تب ..
لكن هات أضانك : ( الجضوم الفيها نونات .. قتلننا و لم يحيين قتلانا )
| |
|
|
|
|
|
|
|
|
|
Re: الناس ديل... بيجيبو.. الجضوم دي من وين؟ (Re: ابو جهينة)
|
ابو جهينة
| Quote: ( الجضوم الفيها نونات .. قتلننا و لم يحيين قتلانا ) |
زمان بعرف واحد خاطب واحدة وعندها نونات ...وهو كان مبسوط منها... وكل ما يجيب طاريها يقول ام حفيرات..ام حفيرات.... عرسا و بعد خمسة سنين... بقى يقول لها ام جكمات.....شفت الزول دا بشتن بنت الناس دي كيفن؟......
| |
|
|
|
|
|
|
|
|
|
Re: الناس ديل... بيجيبو.. الجضوم دي من وين؟ (Re: سجيمان)
|
سجيمان تحياتي
لووووول ثم لووووول حتى النخاع في حكاية الجضوم دي
يا ود يا جضاديمو إنت ما عرفتك لكن 
بس تعرف الجضوم خشم بيوت بيني وبينك كده في جضوم
تستاهل البتر من اللغالييييغ  وفي جضوم تستاهل
يغني عليها الكاشف
وما بين هذه وتلك اتمنى لك وجود الجضوم الي بتحبها
في عروسك وصاحبك وفيك انت زاتك قول امين لوول
مع اعذب التحايا
| |
|
|
|
|
|
|
|
|
|
Re: هاك الجضوم ديل (Re: محمد حسن العمدة)
|
تعرف يا سيجمان فى ادب العذاب فى السودان فى باب كامل عن التجضم وفلان جضموهو وقوم يا فلان جضم فلان وجيبولى الشافع دا عشان اجضمووجضمت الموضوع .. وتحت تحت يا سجيمان انا من هواة البنات ذوات الجضوم وربنا يزيدهم وياربى ما تحرم بيت من المجضمات.
| |
|
|
|
|
|
|
|
|
|
Re: هاك الجضوم ديل (Re: shak)
|
بالله عليك الله يا سجيمان دا سؤال دا -حالتك دكتور ؟؟ طبعا الجضوم بجيبوها من جضوما - دي دايرة درس عصر كمان؟؟
اكان مغالتني اسال جني
| |
|
|
|
|
|
|
|
|
|
عن النسوان البموتو (Re: سجيمان)
|
صديقي سجيمان
ذكرتني الكلام القديم عن الراجل المزهجا مرتو حينما قال لاحدهم:
انتو النسوان البموتو ديل بتجيبوهم من وين ؟؟؟؟؟؟؟؟؟؟
| |
|
|
|
|
|
|
|
|
 Re: الناس ديل... بيجيبو.. الجضوم دي من وين؟ (Re: سجيمان)
|
ازيك يا دكتور .. والله مشتاقين لمواضيعك الخفيفه المرحه .... قلت شنو المره دي ... ما عارف الجضوم دي من وين .... بسيطه ...... يوم الجمعه قرب ..... اها قول للمدام ام الخير تعمل ليك ملاح شمار .... اها كبير اللقمه وعاين للمرايه حتعرف شكلك بجضوم كبيره في المكان الصحيح ... اها الحكايه دي لو نفعت معاك تعال نمشي معسكر فيهو عصير شعير وجبس وجبنه وشوكلاته وببسي .....عليك امان الله في الا تلبس تربل اكس ومافوق ... قال جضوم قال .... يا دكتور اليومين ديل الناس في بووووووووووووون جيك....... تقول جضوم..... والا شنو يا ناس الرشاقه
| |
|
|
|
|
|
|
|
|
|
Re: الناس ديل... بيجيبو.. الجضوم دي من وين؟ (Re: سجيمان)
|
سجيمان: نعلّك طويّب
حقو من الليلة نسميك سجيضمان!
الجضوم عرفناها بتقوم فى الوشى
طيب لمّان زول يقولك: (الموضوع ده أنا جضمتو جضيم) يكون عمل ليهو شنو؟؟؟
صحى بت قضيم اصلن كان اسمها بت جضيم، لاكين المصريين قلبو الجيم قيم، فصارت بت قضيم!!؟؟
| |
|
|
|
|
|
|
|
|
|
Re: الناس ديل... بيجيبو.. الجضوم دي من وين؟ (Re: سجيمان)
|
أخوي / سجيمان ود عم بله
سلام يا ناس الاغتراب سلام
يا اخوي انت الظاهر عليك مطول من ما شرفت لي بلد ناس بله اخوي
يا اخوي كلامك بيقول كدا ما تزعل مني يا اخوي
انت من زمن اللقيمات (الزلابيه) المنفوخه ذي جضوم ناس . . ولا بلاش
تعرف حسع يا اخوي حسع تقعد جنب ست الشاي وتاخد ليك يجي ذي عشرين حبة
لقيمات يا دوب يملأ ما بين الجضمتين
خليك في عرعر وارقد قفا
| |
|
|
|
|
|
|
| |
سجيمان
ابو جهينة
walid taha
الجندرية
gessan
jini
saif massad ali
عثمان عووضة
osama elkhawad
تولوس
بدرالدين شنا
willeim andrea
Adil Osman
Khaalaleyaal
فيس بوك
تويتر
انستقرام
يوتيوب
بنتيريست