دعواتكم لزميلنا المفكر د.الباقر العفيف بالشفاء العاجل
|
|
 المديدة.. الشديدة... تشد شديدك اشدّ من الفياغـــرا " للكبار"
|
الهاكم التكاثر....
محلات بيع المديدة.... الزبائن من الرجال.. الاربعينين والخمسينين والستينين ومافووق..والمتزوجين بمثنى و ثلاث ورباع...ومما ملكت ايمانهم....الغريبة والمحيرني ومحيّر حناني..انو اي ضكر حايم في الشارع بيعتبر اي انتاية مما ملكت ايمانه....خصوصا اصحاب العربات ملاكي حكومة... حافلة امجاد ركشة... حتى ناس الكارو... اي انتاية ماشة في شارع الله داير يشيلها ويبني بها....كمسارة الحافلات.... يجيدو استعراض الضكورة قدام الاناتي... بس الباسطني منهم انهم ما عندهم قشة مُرة....كنت واقف في الشارع انصاص الليالي... ومقطوع وملطوع..قدامي بي كم متر كدي واحة انتاية... انا واقف بعيد مخصوص... خايف علي عذرتي.. قالو لي بنوت الخرتوم يقابضن في سهلة الله.... اها من يومي القلت سلام يا الخرتوم.... اصلو ما بجي قريب من ايك يا انتاية....جات حافلة اشرت ليها هدنت جنبي ووقفت جنب البنية..... اتكربتا.. وعضيت جلابتي المشختة في خشمي وقمت جاري قلت الحق اركب... الكمساري نهرني وقال لي دايرين نفر واحد بس.....يا حاج...والله ما زعلني عدم الركوب علا زغلتني قولة يا حاج دي....من الزعل مشيت لي عند اهلي بكرعي... عشان اوري الكمساري ود الحنوت دا اني لسه بي عافيتي.....لاحظت انو اصحاب فضل الظهر.. يعودو بيهو علي الجواري الخنث...من ذوات الكعب العالي... الكاعبات.. كل كاعب فيهو راس نووي .. يفرطقني ويفرطق حلتي والحلة الجنب حلتي وحلال الثورة غرب الحارات...حاملات الدشوش كاسنام البعارين....ونحن اليتامى ديل... لينا الله...........
ارجع للمديدة... الشديدة.. ذات الدفع الرباعي....كباية واحدة منها تخليك الليل كلو قايم سداري....وتقيف وسط البلد وتدق سدرك وتهتف وتقول" اررررربعة واطا"....حتى لو بقيت جنازة وشايلنك على المقابر....
الطيب جاري... راجل طيب وعديل....وما بعرف من الدنيا دي ابو النوم...عزمتو يوم كورية مديدة..... مشينا شربنا..............وبعد نص ساعة وفجعة كدي............. قعد يضحك ويبرم في شنبو....ومرق الموبايل وضرب لي مرتو:-
- هلو.... خجيجة؟.... اسرعي قواااام............ علبي الطلح....والله الليلة ورطتي جنس ورطة يمرقك منها سيدي الحسن.....
انا اتخلعت. واتحيرت.. لقيت الزول كارب كراعو وجاري علي اهلو... نسعل الله السلامة...
تاني يوم الصباح... لقيت خجيجة مارقة من خشم بابهم.... قلت لها خجيجة كيف اصبحتو ؟؟ قالت لي سجيمان؟؟؟.... انت يا يابا تصبح نبي.... يا صباح الخير يا عدال الميل...الراجل دا وديتو وين؟؟...الراجل دا اصلو البارح بدّع... بعد ما اعتزل الملاعب البارح.... لعب .. وراس حربة كمان...وجاب تلاتة اقوان...وواحد فيهن الله بيسعلني من دايرة السنتر...يا سجيمان ... تلاتة شهور.. تلاتة شهور تسعين يوم... الطيب دا يبيت القوا.... مباري لي ناس عبد الجبار" القبحة فوقو"...ويقعدو من العصر لي بعد صلاة العشاء مقابلين ستات الشاي....ويجي البيت... من دوب ما اسوي ليهو العشاء القاهو... يشخر نايم...اجيب الاكل اختو قدامو ..واصحيهو.. يحلف ما يرفع راسو..... يا الطيب قوم العشاء.... يا الطيب قوم اكل لك لقمة..... الطيب ووووووووخ يشخر.... الطيب قوم اتعشاء الليلة الاتنين.. ابدا... ووووووخ....الطيب اطرا نضم الرسول" عليه الصلاتو والسلام"...قوم اتعشاء الليلة الخميس ......ابدا.... الطيب بس ضوقو ساكت...وحات الرسول دا كُفُر ..كُفُر راسو عديل كدي.....زول ما يسمع نضم الرسول ما ياهو كافر....علا يا سجيمان انت ياكا صاحبو البصح بصح....وصديقو الروح بالروح...وعليك الله بس سوقو واقع بو المدايد دي.........
|
|
 
|
|
|
|
|
|
|
|
Re: المديدة.. الشديدة... تشد شديدك اشدّ من الفياغـــرا " للكبار" (Re: سجيمان)
|
بالله يا سجيمان شفت الخرتوم دي اتملت محلات مدايد كيف!؟
محل ما تمد ايدك تلقى مديدة..
والكورية ترحمن تمد شلاليفك وتجغم.. واحد بلح بالعجوة
واحد دخن باللبن، وواحد حلبة بي شنو ما عارف..
وكلو لزوم النشاط والحيوية..
اول انت قايل ناس الخرتوم ديل يجرو النهار كلو خبارُن
ما ياهُن مدورين بالمديدة دي..
بس اوعك تفكر تجي تعمل ليك محل مديدة هِنا..
يا زول ناس البلد دي بلا مديدة يقابضو في الشوارع
فما بالك لو شربو مديدة بعد ما ياكلو الكوارع!!؟
| |
|
|
|
|
|
|
|
|
|
Re: المديدة.. الشديدة... تشد شديدك اشدّ من الفياغـــرا " للكبار" (Re: سجيمان)
|
سجيمان في الخرتوم؟؟
يا دكتور.. مرحب بيك كتير اولا في بلد المدائد.. وياريت لو طليتنا مره.. في صحيفة الراي العام.. بتلقى عدد كبير من البورداب.. وليك علي عازمك مديدة.. من محطة سبعة.. تقول للمدائد الانتا بتحكي بيها دي (انتي شنو) بس اوعى تديها لي صاحبك (داك) لانو ما اظن تلاقي حاجه (خجيجه) تاني يوم عشان تحكي ليك..
| |
|
|
|
|
|
|
|
|
|
المديده حرقتنى (Re: سجيمان)
|
يا سجيمان
قالى الزول يتغابى بى الكلام دمو يتلفو
رواد المدايد ديل حالهم معروف والزرل كان حس بى وهن او عجز بيلحق نفسو
لكن ناس السياسه ديل مهمل يكون الواحد واهن ولا عاجز ولا فتران ما بيستسلم ودة المضيعنا
ذى ناس الكوره جبتو شنو , اكتسبنا خبره يالأحتكاك
مح الود
| |
|
|
|
|
|
|
|
|
|
Re: المديده حرقتنى (Re: مجدى محمد مصطفى)
|
دكتور سي جي
كااااااااااك
ياخي الليلة ما قربت أموت من الضحك
أتزكرت كلام حبوبتي لي قريبتنا في ليلة عرسا
عن دور المديدة و كدة
اسمعني كدة
سمعت بي حاجة أسمها ( كراع عنقريب)
دي قالو الزوادة حقت يوم الخميس
بربطوها لي أبو الأولاد مع كورة الدلكة
وطبعاً المديدة دي ليها دور هام وطليعي في حياتنا
من زمن الجهل
شكلك كدة نسيت المديدة الحارة حقّّت المشاكل مع شفع الشارع
وبعدين هنا
ياخي انا مازاتي في الخرتوم
ودايرك سريع
حتي لو كنت في غرب الزلط
أديني كول و هكذك
وبرسل ليك العفش في المسينجر
| |
|
|
|
|
|
|
|
|
|
Re: المديده حرقتنى (Re: مجدى محمد مصطفى)
|
مجدي محمد مصطفي
Quote: لكن ناس السياسه ديل مهمل يكون الواحد واهن ولا عاجز ولا فتران ما بيستسلم ودة المضيعنا
ذى ناس الكوره جبتو شنو , اكتسبنا خبره يالأحتكاك |
ديل زمان واقعين المديدة..وداسنها من الشغب
| |
|
|
|
|
|
|
|
|
|
Re: المديدة.. الشديدة... تشد شديدك اشدّ من الفياغـــرا " للكبار" (Re: سجيمان)
|
اتاريهم ما كضبوا لمن كتبوا فى محلات المديدة ( مديدة من الفم للدم ) لكن مديدة صاحبك باين عليها كانت من الكورة للدم مباشرة ما مرت باى طرق تانية ... فكرة حلوه الواحد يعمل بزنس مدايد بس كيف نقنع جماهير الخليج بسرعة النتيجة ( علينا جاى صحى و طبيعى 100% من الفم للدم و تخلى ايامك كلها خمييييييييس) عافيه لوقوا.
| |
|
|
|
|
|
|
|
|
|
Re: المديدة.. الشديدة... تشد شديدك اشدّ من الفياغـــرا " للكبار" (Re: سجيمان)
|
سلام يا دكتورنا يا لذيذ
تعرف نص العرب الخليجيين ديل بيجو المغرب لكن مكانتم عايزة عمرة ويضيعوا قروشم في الفاضي ساكت انا رأيي لو فتحت ليك محل مديدة في جدة وجنبو محل سفريات للمغرب بتكون ضربت عصفورين بي حجر ومنها بتكون عملت ليك قريشات
غايتو يا مقطوع الطاري الله يجازيك شديد
طارق جبريل
بيطري ضل طريقه في المغرب للصحافة
| |
|
|
|
|
|
|
|
|
|
Re: المديدة.. الشديدة... تشد شديدك اشدّ من الفياغـــرا " للكبار" (Re: سجيمان)
|
بسم الله الرحمن الرجيم
الأخ العزيز / د سيجمان
اطلعت اليوم علي موضوع المديدة وعذراً فلقد اصابني الغثيان من هول ما كتبت وساقتني اصابعي لبوست الأخ محسن خالد (اصلاح الكتابة بالمنبر) وذكرني هذا البوست بمقال لدكتور البوني في إحدي الصحف يتحدث فيه عن ظاهرة شغلت الناس في الخرطوم وهي ان بعض الأجانب من غرب افريقيا يقومون بمصافحة الشخص فتختفي اعضاءه التناسلية وتناول الموضوع بعبارات سوقية لا تليق ان يقراءها الناس عبر الصحف وكان لابد ان يكون تناول الموضوع من جوانب العلم والدين والمجتمع ومن يومها ودعت عمود البوني علي غير رجعة اسفاً علي قراءاتي الماضية لكل ما كتب ولانك عزيزاً علي واعلم ان الخير موطنه قلبك قررت ان اخاطبك. واعود لك واقول ان قلمك الرشيق واسلوبك السلس وقامتك يا دكتور لا تتناسب مع ما نشرت وكما عرفتك ناشراً للإبتسامات عز علي ان اتجاهلك فهذا نصحي لك ممزوجاً بتحاياي ولك الود.
معتز
| |
|
|
|
|
|
|
| |
سجيمان
قرشـــو
عبد الله عقيد
nashaat elemam
محمد الامين محمد
saifkeli
شمهروش
ابو جهينة
jini
JAD
ناذر محمد الخليفة
showgi idriss
Fadl Karrar
مجدى محمد مصطفى
حبيب نورة
Ahmed El-Neel
طه حسن عبدالله
طارق جبريل
Emad Abdulla
intehazy
ود شندي
فيس بوك
تويتر
انستقرام
يوتيوب
بنتيريست