دعواتكم لزميلنا المفكر د.الباقر العفيف بالشفاء العاجل
|
|
 العـــلاقة الخـــفية....بين بلقيــس عــوض...و...علــى اللـــحو
|
معجب انا بي الممثلة بلقيس عوض....منذ نعومة اظفاري.....من ايام كنت بسمعا في الرادي......لكن بقت عندي مشكلة بعد ما جا التفلزيون وشفت بلقيس...وشفت معظم الفنانين الكنت اتمنى اشوفهم........ المشكلة انو كل ما اشوف بلقيس عوض... طوالي يجي في زهني علي اللحو.. وكل ما اشوف علي اللحو تجي في زهني بلقيس ..الحكاية دي كدرت علي حياتي وبقت لي هم فوق الهموم العلي....
.يا اخوانا علي اللحو... زول اللسد نتر.. وزول الدلوكة واكان غنى غنوة انا اتحنفش وادستر.... و اتلبش....واقول علا حسي املص جلابتي واباطن لي زول....الجابو شنو لي بلقيس عوض...... قعدت فوق العشرة سنوات وانا متمحن......ومتحير.....وقربت افوّت
مرة اتفرجت علي بلقيس وشفتها تتضحك.... بعدها مافي نص ساعة اتفرجت علي اللحو شوفتو يضحك....... وفجأة تكونت في قنقوني معادلة اعتبرت انها في غاية الاهمية التاريخية... وهي الكشفت لي عن العلاقة الخفية بين بلقيس عوض وعلي اللحو.........وكانت المعادلة
بقليس عوض + شنب – توب = علي اللحو- شنب – جلابية و عمة
(+ شنب) تروح مع (- شنب)
تصبح المعادلة
بلقيس عوض – توب = علي اللحو – جلابية و عمة
بلقيس عوض + جلابية وعمة= علي اللحو + توب
وحيث ان التوب والجلابية والعمة قيمتهما = صفر
اذن
بلقيس عوض = على اللحو
بلقيس عوض – علي اللحو = دا الجنن عبد القادر وجنن سجيمان معاهو...وان شاء الله اجن وازيد في الجن........
|
|
 
|
|
|
|
|
|
|
|
Re: العـــلاقة الخـــفية....بين بلقيــس عــوض...و...علــى اللـــحو (Re: سجيمان)
|
سي جي،
بلقيس عوض معاي في الخط
أها قالت لي بتضحك مالك..
أحدثها؟
وانت عارفها هي ضابطة جمارك .. وانت زول بتمشي الخرطوم وما بتقصر من الشنط والحاجات المغتغتة والمهربة والمكهربة..
وبي مناسبة المكهربة دي.. في حاجة كدة جاية من السعودية وجايبه معاها تلفزيون. وطبعاً التلفزيون ما بتدس.. قام بتاع الجمارك قال ليها: ده شنو يا حاجة؟ تلفزيون؟ إنت ما عارفة انو التلفزيونات والأدوات الكهربية دي ممنوع استيرادها؟ ولا زم تدفعي عليها جمارك عالية جداً؟
قالت ليهو يا ولدي وحات الله دة تلفزيون قديييم ومستعمل وأبيض وأسود كمان!!
قام بتاع الجمارك قال ليها خلاص يا حاجة نحن ح نشوفو.. ولو لقيناهو أبيض وأسود زي ما قلتي ح نخليهو ليك.. بس لو طلع ملون ح نصادرو..
قالت ليهو: والله يا ولدي هو ملون لكن لون خفيييييييييييييييف 
| |
|
|
|
|
|
|
| |
سجيمان
ودالعباسية
samo
Ehab Eltayeb
Dr. Moiz Bakhiet
علاء الدين يوسف علي محمد
willeim andrea
فيس بوك
تويتر
انستقرام
يوتيوب
بنتيريست