دعواتكم لزميلنا المفكر د.الباقر العفيف بالشفاء العاجل
|
|
 الطـــريّفـــي.....و...جمــــــلو
|
ادارة المنبر.... عادل عبدالعاطي.... قبال ما انضم.... داير اعبر عن احترامي وتقديري لكم....صاحب الموقع بكري ابوبكر... مكابر من لم يقدر ويثمن لك اتاحة الفرصة له لكي يكتب ...وينطط ويتعنطظ....
وانت لم تطالب باي تمن... بالرغم من انو انت...واعضاء الادارة..وامين الموقع.... سايبين شغلتكم... ومشغولياتكم..ووليداتكم... ومقابلين وليدات و"مشارط" البورد...وتحنسو في دا.. وتجيبو لي دا بزة.... وتغيرو حفاض الللامي فيهو اسهال....وكلو فوق كم؟.... ساكت لله....بعد دا كلو.... يجو الوليدات ويلبدو لكم ..ويقعدو يجدعو فيكم بالحجار.......ويشتمو فيكم ويسبو ويلعنو.....
بكري ابوبكر صاحب الموقع.و سيد "الجلد والراس".... اختار عادل عبدالعاطي..... واختار لجنة التحكيم..... بكري بيدفع حق الموقع من جيبو... ومافي ولا زول من الحريّّدة.... والحمير.... القاعدة تهنق بي برة دي... بتدفع حاجة..حقو اي زول يقبل بقرارات لجنة التحكيم.....ويلم شلاليفو الما بتشبه شلاليف الناس عليهو..والما عجبو الباب يفوت "جمل"....حتى لو كان جمل ابو سنامين... زي ما "جُمال" كتيرة فاتت......وناس الطريفي قعدو يبكو عليها.....ولو الباب قصيّر.... نقطع للجمل سنامو.....
اما الزول يجي ضيف في بيت الناس..........ويقعد يقول لهم سرايركم مكسرة ولحمتكم لحمة "جمل".... وعناقريبكم مجلّدة بي جلود.." فئران"......ومفروض تجلدوها بي جلد" اصله"
وتدونا نحن "القُفف"...و"الجلابة" تدوهم الشنط السامسونايت....ولا تلفو لهم عدتهم في ورق جرايد؟....وناس تودوهم المستبشيات وناس.. ترقدوهم في نص الحوش وتعفصوهم...وتسجموهم وترمدوهم.....؟
ايها الجعارين...... العاجبو كدي يقعد...والما عاجبو...يمشي يسوي له موقع....ويسرح ويمرح فيهو زي ما داير...
ايها الهنابيك.... دا موقع خاص.... بتاع زول...والزول يسوي فيهو الدايرو.....
انا....لو لجنة التحكيم...او امين المنبر.....او صاحب الموقع... رفتني ولا اداني انذار.... ولاّ... "سلخني"...... ما بعترض... لانو دا بيتو وهو حر فيهو......ارجو ان تفهم السحالي...واخوانهم من الصارقيلات.............
قال الطريفي صاحب الجمل:-
ان حردتي قايلاني ببكي عليكي
وانط من الحيطة ورقبتي تتقص؟
يا ام كريعاتن ركبن في عضم
الشيطان.. يا ام وشين معفص
متشلَخة فوقنا فوق كم؟انتي قايله
براكي في الدنيا دي العندها"...."؟
|
|
 
|
|
|
|
|
|
|
|
Re: الطـــريّفـــي.....و...جمــــــلو (Re: شمهروش)
|
شمهروش
مشارط هنا جمع مشريط....والمشريط هي البنت الصغيرة.......دي طبعا بي لهجتنا نحن الرباطاب سلالة المجانين......
اتمنى ما تطلع في السودان قبيلة اسمها مشارط....ويقولو لي انت عنصري... والضحك يشرطني
| |
|
|
|
|
|
|
|
|
|
Re: الطـــريّفـــي.....و...جمــــــلو (Re: سجيمان)
|
سجومي
والله كلامك بي حقك
انت عاد ما عندك موقع وابيت تشركنا فيه كل ما نجي ندخل يقول لا انتي ساويه عشان ناس معينه ولا شنو
عشان كده اسرح ساااااااااااااااكت ازول
انا تلفوني في البروفايل عاوزك
| |
|
|
|
|
|
|
|
|
|
Re: الطـــريّفـــي.....و...جمــــــلو (Re: سجيمان)
|
عادل (سجيمان) اخوي
حبي وتقديري
كما ذكرت في مداخلاتي السابقة بانك لم تخطأ ولم تقصد شخص بعينه وكل كتاباتك واضحة وعام للجميع وما زلت عند رأي انك رجل عفيف نظيف صادق القلب والقلم
ويا ريت الناس يعرفوا قيمة طريفي وقيمة جملو
واصل
فلك الشكر والتقدير من قبل ومن بعد
| |
|
|
|
|
|
|
|
|
|
Re: الطـــريّفـــي.....و...جمــــــلو (Re: سجيمان)
|
كما ذكرت في مداخلاتي السابقة بانك لم تخطأ ولم تقصد شخص بعينه وكل كتاباتك واضحة وعام للجميع وما زلت عند رأي انك رجل عفيف نظيف صادق القلب والقلم
ويا ريت الناس يعرفوا قيمة طريفي وقيمة جملو
واصل
واصل واصل
| |
|
|
|
|
|
|
| |
سجيمان
Hussein Mallasi
شمهروش
abas
aosman
فيس بوك
تويتر
انستقرام
يوتيوب
بنتيريست