دعواتكم لزميلنا المفكر د.الباقر العفيف بالشفاء العاجل
|
|
 الخـــرتــوم...عــاصمــة السخـــافة
|
امبارح سمعت بي وفاة احمد عمر الرباطابي.... في النت....التلفزيون يطرشني ما سمعت.....والاذاعة ديك اصلي لي منها زمن......قبل اسبوعين جابو برنامج معاد عن منطقة الرباطاب....كان من ضمن ضيوفو احمد عمر الرباطابي.... باين عليهو... المرض والتعب والاجهاد.. قاعد في راكوبة... جنب البحر والضبان ينوني فوق راسو......المذيع... المهندم..... المنظّم... قعد يتونس مع الراجل ... مالو لو قال يا وزارة الثقافة الزول دا الحقوهو؟..... الزول دا ودوهو اي استبالية ولاّ شفخانة....ولاّ حتى للبصيرة ام حمد؟....مع انو الراجل اشتكى لو من مرضو....ناس وزارة الثقافة انا متأكد شافوهو....ولو ما شافهو سمعو بي مرضو..... لكن هم ما فاضين.....الخرتوم قالو عاصمة الثقافة.... دي عاصمة السخافة والاستهبال.....وامور التلاتة ورقات.....ثقافة والمبدعين والناس الساعدو في نشر الثقافة.....مرمين مهملين.... مافي زول جايب خبرهم..... اتحاد الفنانين..... اتحاد فن الغناء الشعبي ما فاضي يقسو في عِمة ترباس وعمة القلع عبد الحفيض....ما شافو الراجل عيان.... فلاحتهم في النعي بس....لكن المرض والموت ما بيقيفن عند احمد عمر.....
احمد عمر الرباطابي كان عنوان لبرنامج... كل اهل السودان كانو في يوم من الايام بيسمعوهو.....وبيسمعو احمد عمر في بداية البرنامج وفي نهايتو.....
لو الاكان عيان فنان من الجنوب كانو اهتمو بيهو وخصوصا في الايام دي وكان جا الوزير اتبرع بي دمو عشان يوري انو الجنوب والشمال دم واحد....لو كان المرضان فنان من دارفور كان سو ليهو كشف...وودوهو لندن للعلاج..... وكل دقيقتين يجيبوهو لينا في التلفزيون.....ويرسلو لي كوفي عنان وكولن باول عشان يزوروهو في المستفشى..ويصوروهم جنبو.....واحمد عمر عيان ومصورين جنبو الضبان... حقارة عديل كدي...وعدم سوعال......
|
|
 
|
|
|
|
|
|
|
|
Re: الخـــرتــوم...عــاصمــة السخـــافة (Re: سجيمان)
|
نسألالله الرحمة والمغفرة للاستاذ احمد عمر الرباطابي
تبقي مصيبة لو استمرت نفس الوجوه فى الحالية فى الاذاعة والتلفزيون بعد انبثاق فجر السلام
الخرطوم بشكلها الراهن هى عاصمة السخافة والانتهازية خاصة فى الاجهزة الاعلامية ويكفي ان مجموعة كتب قادمة من مصر محجوزة فى الدامر وهى لمنصور خالد وديوان تفاصيل ماحدث لحميد وماذا نتوقع غير هذا مادام امثال التجاني حاج موسي هم من يختارون للشعب السوداني مايقرأ
كان الله فى عونناوبارك الله فى استاذنا هاشم صديق الذى انتزع حقه عنوة واقتدار ورجعت الاذاعة اليه وبلك بدأت خطوة فى الطريق الصحيح
| |
|
|
|
|
|
|
|
|
|
Re: الخـــرتــوم...عــاصمــة السخـــافة (Re: سجيمان)
|
لم تقل إلا الحق يا دكتور فماذا نحن فاعلون في هذا الزمن الصعب الذي يقتلون فيه الخيول ..
حتّى النجومُ تخافُ من وطني ..
ولا أدري السَّبَبْ ..
حتّى الطيورُ تفُرُّ من وطني ..
و لا أدري السَّبَبْ ..
حتى الكواكبُ .. والمراكبُ .. والسُّحُبْ
حتى الدفاترُ .. والكُتُبْ ..
لك المحبة
بالمناسبة المقال الرائع وصل وكنت قد أرسلت لك بمجرد عودتي من السفر ويبدو أنك لم تستلم الرسالة ثم أرسلت لك ثانيا والآن للتأكيد
معز
| |
|
|
|
|
|
|
|
|
|
Re: الخـــرتــوم...عــاصمــة السخـــافة (Re: Dr. Moiz Bakhiet)
|
فاتني أن أترحم على المغفور في بوستك هذا فله كل المغفرة وأسكنه الله فسيح جناته وهو الذي نادي بوحدة الوطن منذ أن كانت رائعته «أم در يا ربوع سودانا نحييك وانت كل آمالنا» تداعب وجدان الفرح والنشوة بالإنتماء للوطن الكبير من شرقه لغربه ومن شماله لجنوبه وعبر كل وديانه وسهوله الممتدة في دواخلنا حتى النخاع
| |
|
|
|
|
|
|
|
|
|
Re: الخـــرتــوم...عــاصمــة السخـــافة (Re: سجيمان)
|
سجيمان ...
رحم الله الفنان احمد عمر الرباطابى .. و فى هذا السودان ,, الموت فعلا رحمة حينما تكون مبدعا اصيلا ,, ويصبح مصيرك فى ايدى الانتهازيين خاوى العقول و الافئده...لا تلقى سوى الاهمال ... يحوم حولك الذباب ,, وتأكلك أناث الباعوض ......
فعلا عاصمة السخافة .. بسخف كل أدعياء السخافة القائمون بأمر اجهزتنا الاعلامية ...
| |
|
|
|
|
|
|
|
|
|
Re: الخـــرتــوم...عــاصمــة السخـــافة (Re: سجيمان)
|
تحية يا سجيمان
الرحمة والمغفرة للفنان المبدع الذي لم يمت على طريقتهم(صحي !!! هم بموتوا ,,,, وكان بموتوا , بموتوا كيف؟)
وصاحبك بتاع الصحافة داك لو مانزل ليك الموضوع ده هناك نحن ما بنبري زمتو خالس
| |
|
|
|
|
|
|
|
|
|
Re: الخـــرتــوم...عــاصمــة السخـــافة (Re: سجيمان)
|
العم والمبدع الرباطي(له الرحمه) قدم لربوعه بقدر ما اساء اليه (ودا حال البلد) تقوم البلد والاعلام لان احدهم قضم اصبعه (فارا )
ولكن لاتهتز لهم قصبه للذين قضم المرض والبؤس ظهرهم (انها بلاد تغتال انبيائها بحق )
وياهو نحن قاعدييين في خرتوم السجم دي شايفين ثقافه واحده بس (ثقافه الموت..القهر ..البطاله )
لك شكري وتقديري
| |
|
|
|
|
|
|
|
|
 Re: الخـــرتــوم...عــاصمــة السخـــافة (Re: سجيمان)
|
الرحمة والمغفرة للفنان المبدع احمد عمر الرباطابي .. آمين.
سجيمان..
قبل أكثر من عشرين عاماً خلت كنت أحرص حرصاً شديداً على سماع برنامج ربوع السودان الذى كان يُبث فى الثامنة من مساء كل جمعة.. إحدى حبوباتنا الملقبة ب "بت الشرق" الله يرحمها كانت تستمع للمقطع "يلقاك فوق زحل مرفوع " فتقول مستنكرة :
"يلقاك فوق جٌحٌر مرفوع؟؟".. ذكر كوكب زحل وإدراك علوه يدل على ثقافة الرجل.
فسر بعض المسغفين "نحن أولاد بلد نقعد نقوم على كيفنا" تفسيراً شائهاً وخارجاً عن السياق، ففى قعر نافوخهم أن "أولاد البلد" هم مجموعات الوسط النيلى والشمالى العربى، ذلكم تفسير سطحى إنتقائى ويهزم جوهر الأغنية تماماً.. الأغنية تغنت بجمال ثقافات السودان فى تعددها وفى أركانها الجهوية الأربعة.. فى غربك عروس الرمال.. وفى شرقك آية جمال.. فى الجنوب الواسع.. وفى شمالك بركاوينا.. ثم بعد ذلك يقرر "نحن أولاد بلد نقعد نقوم على كيفنا" وهو يعنى أننا أحرار فى بلدنا "بجهاتها الأربعة" المذكورة فى صُلب الأغنية.. بل أننا فرسان أشاوس لمن يفكر فى الإنتقاص من حريتنا تلك ف "فوق رقاب الناس مجرب سيفنا" وكان يمكن أن يقول "فوق صدور الناس مجربة رماحنا" لينجوا من تهمة التحيز للعنصر العربى فى أذهان البعض.. فيفسد عفوية الأغنية، صدقها وبساطتها.. رحم الله الفنان الذى تغنى باكراً للتنوع الثقافى والحرية.. فى وقت لم يتبلور فيه أى وعى بمفاهيم السودان الجديد حول ذلك التنوع..إنها الحكمة الشعبية بالغة الدلالة.
| Quote: لو الاكان عيان فنان من الجنوب كانو اهتمو بيهو وخصوصا في الايام دي وكان جا الوزير اتبرع بي دمو عشان يوري انو الجنوب والشمال دم واحد....لو كان المرضان فنان من دارفور كان سو ليهو كشف...وودوهو لندن للعلاج..... |
رسالتك واضحة وذكية كالعادة ياسجيمان.. فعلاً دى جماعة "تخاف ما تختشيش".. شايفك اليومين ديل سمك فاير على الجماعة المساخيط ديل..
يعطيك العافية..
| |
|
|
|
|
|
|
|
|
|
Re: الخـــرتــوم...عــاصمــة السخـــافة (Re: سجيمان)
|
السلام يا دكتور
اولا الرحمة والمغفرة على روح الفقيد ونسال الله ان يدخلة جنات تجري من تحتها الانهار.
ثانيا ان المهزلة التي تجري الان في تلفزيون السودان وغيره من دوائر الدولة يرجع ذلك الى تهالك النظام وكل الموروثات السابقة التي تشير الى الهيمنة والتهميش وان تواجد الجنوب بكثرة في التلفزين مرجعه الى سياسة الترضية القائمة وهو شيئ مؤسف لان الدولة اذا وضع لها الاساس القوي المتوازن في الادارة والحكم لما كان شعر احد بان هناك تقصير وظلم ولما كان انتفض الجنوب ودارفور وجبال النوبة والبقية تاتي ربما يكون اهل الشمال الذين هم ايضا يشعرون بالظلم لذلك وخوفا من ان تنهار الدولة اكثر يجب ان يتوفر الاساس الجيد الذي يزيل الغبن ويرفع الظلم عن الجميع حتى لا يتم اهمال مثل الفقيد واخرين كثر اهملوا سنين .
| |
|
|
|
|
|
|
| |
سجيمان
ابو يسرا
Dr. Moiz Bakhiet
شمهروش
zumrawi
Abdel Aati
Outcast
عبدالعظيم عبدالله
فيس بوك
تويتر
انستقرام
يوتيوب
بنتيريست